^الحــياة تجربه^ << للنقاش

أقولكم موقف خطير و كان قصة حياة أو موت و ما كان لا علي البال و لا الخاطر بس المغامر هنا (بابا) مو أنا , نبدأ المغامرة الخطيرة إلي خلتني 3 أيام مو قادرة أوقف علي رجلي من الخوف أو من الصدمة إلي حصلتلي .
مرة رحنا علي البحر طبعا عائلتي و أعمامي و كل أهلي و صار إتفاق إنو نعمل السهرة هناك و كان يوم يجنن خصوصا إني إغرقة في البحر و بنت عمي صارت تضحك علي ... المهم بعد كل هادا الإنبساط و الفرحة جمعنا أغراضنا و روحنا البيت و إحنا ساكنين في عمار تتكون من 8 طوابق و أنا ساكنة الطابق الخامس و صلنا البيت و كل واحد راح بيتو إلا إحنا ندور علي مفتاح البيت ما في مفتاح إختفي خالص وين المفتاح ما في شو بدنا نساوي طبعا ما فينا نكسر الباب لسبب بس ما راح أقول السبب
و كان الموضوح بالأول بضحك بس بعدين قلب بكي لإنو بابا قرر شيء خطير و هو إنو يربطو بالحبل و ينزل من شباك بيت عمي إلي في الطابق السادس علي شباك بيتنا و يفوت البيت و يجيب المفتاح التاني و يفتح الباب و أنا فقدت أعصابي يا بابا يا حبيبي بلاش .. أبدا مصر علي رأيه و طلع بيت عمي فعلا و ربطو بالحبل و بدأ ينزل و أنا حاطه إيدي علي قلبي و واقفة أمام بيتنا بنتظر بابا يفتح .... رأيكم شو صار ؟
طبعا في مسافة كبيرة مع إنو الفر طابق و بعد شو إسمعت صراخ إبن عمي و ما لقيت غير الكل بنزل علي الشارع !!! شو في قال إنقطع الحبل في أبوكي و أنا سمعت هذي الكلمة و صار عندي إنهيار فظيع و الكل نزل يشوف بابا و المفاجأة؟!
بابا بفتح باب البيت و يقول شو في ليش الكل بنزل علي الشارع ؟!
و أنا شفته من الفرحة أغمي عليه و بعدين صحيت علي صوت أعمامي و هما يقولون الحمد لله علي سلامتك , هادا بقولكم بابا لما إنقطع الحبل هو قطعه علشان ما كان قادر يفوت علي البيت من الشباك علشان الحبل قصير شوي و أنا يومها بقيت 3 أيام مريض من الصدمة بس شو قعدت أصرخ علي بابا رعبنا الله يسامحو .
إن شاء الله تكون عجبتكم و هادي القصة صارت قبل 3 سنوات