مساء الخير
كيف حالكم؟
الساعه 5صباحا
مع صيحات الديك وشخير حسون (ولد اخوي) الذي نايم بالغرفه عندي وبفراشي
استيقظت من النوم بعد ان التصق زر الانتر بخدي
صحى ابراهيم من غفوته التي دامت ربع ساعه بعد ان عاش يوم عصيب ولن ينساه
وخلوني اذكر لكم هذا اليوم
مثل اي يوم عادي استيقظ ابراهيم من النوم وعلى وجهه رجل حسون وامساك مرام برقبته(بنت اخوي)
لكي لا يهرب منهم استيغظ ابراهيم الساعه 2 الظهر بعد ان فرك حسون رجله في وجه ابراهيم :(
بعد ان صلى الجماعه مع حسون ومرام ذهب ابراهيم الى السوق لكي يخرج دشداشته ولكن تفجأ بتحرش العجز له
وهو كان في نص وعيه واهو يقول اللهم اني صائم وهذه العجز تتحرش به واهو طالعه روحه لانه لم يشتري اغراض العيد
بعد ان افلس من طلبات مرام وحسون ولم يبقى له الا القليل من المال
وذهب ابراهيم اخرج دشداشته ولكنه لم يسلم الا اتته مكالمه من حسون يقول له
حسون : امي ديب لي بفك وكاكاو وببثي ومرام تبي نفثي لا تنثى <<< بلغه الجهال
والترجمه عمي جيب لي بفك وكاكاو وببسي ومرام تبي نفسي.
وصكت بابراهيم الدنيا وبقى يذبح العجوز الي قدامه من الغضب وذهب ابراهيم الى البقاله وجاب لهم الطلابات
ورد للبيت ولكن اتته مصيبه ثانيه وهي ان يصعد الى السطح ويصلح الدش ( الصحن) ولكنه لم يسلم اتى معه حسون
وكان مع حسون قطوته المسكينه جوجو وابراهيم يصلح الدش سمع صوت صراخ
ما هذا الصراخ الله اعلم
ولكن شاف حسون خالي اليدين وسأله
ابراهيم : حسون وين القطوه؟
حسون : امي ططيتها من فود الثطح الترجمه
عمي قطيتها من فوق السطح
وطالع ابراهيم الى اسفل الحوش الا لقى القطوه المسكينه ميته وعصب على حسون ولكنه بخبثه حسون
قلب السالفه علي وصرت انا المذنب وقام يبجي هذا المكار وانا حصلت كم مزفه من الوالده لاني ذبحت القطوه لاني انا اكرهها
يعني صادوا دوافع القتل عندي لوووول
المهم رحت للغرف شغلت الكمبيوتر مالي ودخلت النت واول مافتحت المسنجر الا القى عشر انفار دخلوا علي فجأ الى منوهم طلعوا عيال عمي يبون اطرش لهم رصيد وانا نفس الحاله ماعندي شي صكيتهم بلوك وحطيت نفسي الخروج دون اتصال
ودخلت المنتدى لقيت اشياء ترفع ضغطي من عضو ماني ذاكر اسمه ولكن استحملت وحطيت الحره على راس حسون لوووول
وانا قاعد على المسن ادردش جاء ولد عمي فهودي ويلعبون هو ويا حسون البليستيشن
وياليت يلعبون شريط يليق لهم يلعبون حرامي السيارات ولا يقحصون ( يفحطون ) بعد ولا كل واحد مستانس بنفسه وانا اقول الحمدلله والشكر
وتركتهم يلعبون وقابلت النت الا اسمع صوت طقطقه الا حاذفين البليستيشن على الارض وخربوا العدسه وانا من جهتي عصبت عليهم وطردتهم برى الغرفه
وقمت ابجي على البليستيشن اقصد حزنت لوول عليها عاد توني دافع عليها عشرين دينار حق العدسه
والمهم لم يكن هذا نهاية اليوم بل في بدايته
ونسيت شنو صار ورى الفطور الا لما رحت للمسجد اصلي العشاء وانا اصلي احس شي قوي وقف على رجلي
الا واحد حاط الكرسي ماله على رجلي وانا فيني صرخه ولكن مسكت نفسي واطلع له ولكنه احمق ولم يفهم ماقصده
ولكن اخر شي جاء رجال طيب وانقذني وقال له انه حاط الكرسي على رجلي واكمل الصلاة
وانا مادري ضربته كوعيه طيحته على الارض لووووووووول
وخلصت الصلاة وابراهيم يحاول الهرب ولكن انصاد و يقولون اني ضربته ولكن تدخل الرجل مره ثانيه وانقذني وقال اني مادري اروح للبيت والله ستر علي هذي المره
ولما رديت للبيت وانا جوعان وادور اكل ماحصلت شي من اكل وشي خفيف
وكنت على وشك الذهاب للسوق لكي اشتري اغراض العيد
ولكن لقيت فلوسي اخوي ماخذهم وقال سلف
وانا ماعندي غيرهم ولكن عندي كم فلس لليوم الاسود واخذهم واروح للسوق ولكن لم تكفي فلوس اللهم اني اشتريت جنز ولا قعدت فوق الربع ساعه مكاسر يالله نزله لي
ونفر السوق والقى نص ربعي هناك وانا مغطي وجهي لا ياخذوني عندهم بالدوانيه لاني مصرفهم
انحاش الى مكان توهقت فيه
والي هو قسم الحريم
وانا مادري واشوف العالم طالعه داخله وادش معاهم الا اطالع الا كله حريم وانا وبهذا الموقف كرهت نفسي لاني دخلت هني
يااااو وجهي صار زي السمسمه لووول موقف محرج ولا امي كانت بالسوق :( يعني خلاص ماكو امل بالحياة
وانحاش بعد مني واتعرجب بعباية حرمه واقفه على الدرج وانتم تعرفون شنو يصير لما تطيح من الدرج
تكسرت وجسمي قام يعورني وطلعت روحي من طلعت السوق ورديت للبيت والقى حسون صاب الببسي على فراشي
وموصخين الغرفه وصارت عفيسه بسبت هذولا الاثنين
ايست بالحياة واروح للمسجد لصلاة القيام مبكر علشان انسى شي
ولكن لقيت الرجال صاحب الكرسي قاعد قدامي واوخر عنه واوقف قدام واحد وزنه 200 كيلو يمكن او اكثر
وصلينا القيام وبقى الشفع والوتر وظهري يعورني لحد الحين
وفي اخر ركعه صار موقف صعب انساه
ورى الدعاء سجدت بسرعه لان ظهري يعورني
الا يليتني ماسجدت
طاح علي السمين الي كان قدامي وابراهيم انقضى عليه :( :(
ولا قدرت اقوم
وكمل على ظهري هذا السمين وكانت ناس تضحك ناس ساكته
ولكن اخوي وربعي كانو يضحكون علي :@
ولكن لولا الاصابه لما سكت عنهم
واروح للبيت وانا متكسر وانسدح بالصالة
الا هذا حسون ومرام يقافزون على ظهري وانا في حاله يرثى لها
واستسلمت لامر الواقع وظليت ساكت والدمعه في عيني من هذا الالم
ولكن عصبت وامسك هو ويا اخته واحذفهم بالحوش واسكر الباب واروح لغرفتي
ولكن وجدت امه محمد من الجهال هناك من عيال الحريم الي كانوا عندنا وعيال عمي وخوالي وابراهيم لحد الحين ماسك نفسه ولا سوى شي غلط
واقول : اطلعوووووووووووووووا برى يالله يا ****** <<< الرقابه حاذفه المشهد
ويخاف الجهال وينحاشون برى الغرفه وقعد ابراهيم على الارض بعد مانخذت طاولة الكمبيوتر وحط الكبيوتر على الارض وجلس وشغل النت
وضل يتصفح النت ومن الملل نام على الكي بورد ووحتى على الكي بورد لحقوني وناموا معاي
وانا الحين جالس اكتب الموضوع الساعه سته ونص الصبح
-------------------------
خلوني افرفشكم شوي بعد هذا اليوم الحزين
مع كم صورة حلوه
http://www.up4world.com/images/store08/d90f5f9d37.jpg
