مرحبا ...اشحاالكم عساكم بخير ...بعد النجاح الاعلامي ...الساحق اللي حصده أيامي من قصته الجزء الأول ...
قررت انا ونفسي اننا نكمل ..لكم هذه القصه ...
واللي ما قرا الجزء الأول ...يااااوييله ..فيه أسأله ترا ...
خخخخخخخخخخخخخخخ
احم اتركم مع الجزء الثاني ( خلفية تخوف ) من
حب ...
بد...ون ...
عنوان ..عنوان عنوا عنوا ن ن ن :smug2:
حب بدون عنوان
الجزء الثاني ^^ ...
عبد الله وهو داش البيت: السلاااااااااااااااااام عليكم ....ابغي الغدا ...^^
نورة: هلا وعليكم السلام ...ان شاء الله عطينا دقايق ونزهب الغدا .. - وصدت صوب المطبخ - لووووسي نشي انتي
زينب خل نزهب الغدا ...
أمل دشت ورا اخوها: السلام عليكم ...نووورووه جيه ماشي دوام اليوم ؟؟
نورة: هلا وعليكم السلام ...هيه انا ما خذه اجازه شهــر ...
أمل: يا حيييج ...اروم انا بعد آخذ إجازه من المدرسة بعد ؟؟
ام عبدالله: هلا اشحالكم، أمووولوه شو سويتي اليوم في المدرسة ؟
أمل وشوي تصيح: يا ربي ليش محد يسمع لي في هذا البيت ...
ام عبدالله: إلا عبد الله ليش ما يبت وياك سارة ...
أمل وهي داشه عرض: عندهم تأخيــر اليوم ...يكملون المنهج مالهم اللي ما طاع يخلص ...بتخلص روحنا وها المنهج
ما يخلص ...مالت ...
نورة: هاي شو بلاها من دشت وهي تتحرطم..؟؟
ام عبدالله: ما اعرف بنتي نوره ...يبالي ادور لها ريل يسنعها ...
عبدالله يلس ع الكنب اللي حذالهم: هيه والله يبالها ريل هاااي ...بس تدرون والله ما اتخيلها عروس...تحفه بتكون ..
أمل: انتوووووووووووا هيه ....تراكم تسولفون عن مستقبليه انا ...مو بنت الجيران ...انا ما ابغي اعرس كم مره لازم
أقوووول لكم ها ...تعصبووووني ..تراكم ...><
نورة نشت صوب المطبخ : يالله انتي بلا هذربه وااايد سيري غيري هدومج وتعالي ساعديني في المطبخ ...
أمل وهي شوي وتصيح: ان شاء اللهـ ...
عبدالله نقز يلس صوب أمه حبها ع راسها : وانا امايا متى بتعرسيني ...^^
ام عبدالله: ليييش يا قلبي انت مستعيل ..؟؟
عبدالله: منو ما يبغي يعرس ها ..؟؟
ام عبدالله: انا اقووولك خذ بنت عمك هديل ...يازينها انت ما تبغي ...
انقلب ويه عبدالله ...وصد الصوب الثاني : لا خلاااص ما ابغي اعرس ...لو منها ...
ام عبدالله: ليش يا ولدي ..الكل يمدح فيها ...وهي أجرب لك واحسن لك ..ومن ثوبك ...وانت أولى من الغريب بها..
لكن انا ما اعرف انت اشلون تفكـر والله ..
عبدالله: خلاااص خلاااص امااايا طبي الموضوع ......
نورة ظهرت من المطبخ ...: يالله يا جماعة الغدا زاهب ترا ...
في جامعة زايد في بوظبي ...
مضاوي: افففففففففف ما بغى الدوام يخلص ...
نوف: يالله ...نسير شوي المرينا ...
مضاوي: ليش ان شاء الله شو عندنا هناكي ...
سلامه: هيه عفيه يالله ...خلنا نغيــر جو ...جي حركات ...يالله ...بالمره نجوف المووفي اليديد نوربت والله تحفه من
الخاطر حلو ...
مضاوي: لا انا بدر البيت بتغدا عند امي ...
نوف: يالله عاده مي مي ..مو سالفه تراها يالله خل نظهـــر ...ملينا واليومه خميس واللي ما يظهر يخيس ^^
يلست مضاوي تفكــر بالموضوع ...وعقب دقايق ..
مضاوي: اوكيك ...بس قبل خل اتصل حق ماماتي اخبرها اني بسير ...
نوف: عاااشت مضااااااااااوي ...
مضاوي: هيه مال مصالح انتوا ...
سلامه: احم احم المهم انا بنظهر اليوم قولي اللي تبينه عنـا ^^
واتصلت مضاوي بأمها تخبرها إنها بتظهر مع البنات ...وأم مضاوي عادي عندها ...لأنها متأكده من بنتها ومن اختيارها
لربيعاتها ...^^ ...
وظهرن البنات ...وساااروا صوب المرينا ...
في سكن الطلاب ...في الجامعة الأمريكية ..
بدر وهو كله حماس: يالله يالله هااادي بسرعه ...خل نرد البيت بسرعه ..^^ ...يالله
هادي وهو كله برود: ليش واااايد مستانس يعني ...
بدر: ..انت يا اخي ليش جي سلبي والله ما جفت انسان جي سلبي شراتك ...
هادي تنهد: يوم كل شي يكون سلبي ..من حولي كيف تباني اكون إيجابي ...المهم ...يالله زهب زهب نفسك خل
اوصلك ويااايه ...
بدر في خاطره: والله ما الومك يا اخوي..الله يسامح اللي كان السبب
قام جي بدر ...يعني يحاول يفرح ربيعه ...
بدر: ياالله انت وها الكشه ...تعال ساعدني ...وطبعا غصبن عنك راح توصلني بيتي في العيـــن ..^^ ..
هادي ضحك ع ربيعه ..ورد عليه: ان شاء الله كم بدر انا عندي ...
مني اندق باب الحجره ...
ودخل بسرعه واحد وهو يصااارخ ..
محمد : سلاااااااااااااااااااااام عليكم ...يااا جماعه اليوم خميس ...^^
هادي: بسم الله ...انت منه ...
بدر: ههههههههههههههههههه والله انك تحفه يا محمد ...
محمد: يالله شو راايكم نسير نتسااابق في شوارع دبي ...يالله ...
هادي: نحن بنسير العين عقب انا ساير بوظبي ...بنروح بيوتنا ...وانت
محمد بابتساامه عوووده : اهلي مسافرين ..^^ ...
هادي : انزين ..شو رااايك تبات اليوم منه ...وباجر تعال الشاااليه ...^^ ؟؟
محمد من دون ما يفكـــر: تــــم ^^
بدر: انزين تغلى شويه محمد ..
محمد: ها ..كيفــ
هني هادي لف ويهه صوب بدر: انت بذمتك ها ويه تغلي أحينه ..؟؟
بدر: هههههههههههههههه حليله محمد ...-وقام وحضنه -
محمد: يااا ريااال ..عيب شو ها ...
مني هادي فطس ضحك ...: هههههههههههههههاي ..والله تحفه ها الانساان ...
محمد: يالله انا ظاااهر عسب ادور لي مسابق انتوا ما منكم فايده ..
وظهر شرات ما دش ..
هادي: ...آآه يا الجذاب احينه نحن ما منا فايده ...وتوني عازمه بعد ...ع الشاليه ...ما يستاهل ^^ ..
بدر: احم احم يالله عاد بتذلنا انت بعد قوم وصلني ..^^
هادي: ما عاش اللي يذلك يا خوويا ...افااا ...اندووك ها سويج السيارة سير بطلها ..انا شوي باتصل للأهل اخبرهم
اني ياي ...
بدر: اوكيك ..يالله بس لا تطول ..
هادي : ان شااء الله ...
بدر أخذ قشااره وساير صوب السيااارة ..
هادي ظهر تلفونه من جيبه ...واتصل ع البيت ...
طوووط طوووط طووووط طووووط طوووط طووووط ...
هادي في خاطره: شو السالفه محد يرد ... - وجاف الساعه - احينه مي مي لازم تكون في البيت .خل اتصل بتلفونها
...
وبند واتصل ع موبايل مضاوي ...
طلعت له أغنيه انكليزية ...
هادي : ها البنت ما اعرف ابوها ولا امها إمينيم ...وانا ما اعرف ...
on the other side
مضاااوي اول ما جافت الرقم ...
$(dear bro)$
مضاوي: لااا لااا مستحـــيل ...شو السااالفه...
ربيعاتها زاغوا ...
نوف: شو السالفه ...؟؟؟مضااوي
مضاوي: ما راح تصدقون ...هادي يتصل فيني ...
سلامه تنهد جي بقوه .: ماااااااااااااالت عليج وع اخووووج انزين خوفتيني والله ..زغت انا حسبالي استوى شي مب
زين ...
مضاوي: جب جب خلني ارد عليه ...
مضاوي: ألووو مرحبا كيف الحال ...^^
هادي: عن ابووه سنه لين ما تردين انتي ..!!
مضاوي: الناس تقول ...يا هلا ...يا مرحبا بختيه ..نور عيني ...تاج راسي ...كل حنيني أنا ...مب سنه لين ما تردين ..
انت وراسك لي متى بيلس اعلم فيك الإديكيت ..
هادي: احم احم خليت الاديكيت لج يا أم الاديكيت ...تعالي انتي وينج ..وليش محد يدر ع البيت ...؟؟
مضاوي: انا عن نفسي توني مخلصه من الجامعه وسااايرة صوب المرينا ...اتمشى انا وربيعاتي ..واكيد البيت ماماتي
سااارت ظهرت ..وابويا ..متى كان في البيت اصلا ...
هادي: ...عيل جي السالفه ..انا اقول وينهم ليكون صاير شي، لا سمح الله يعني ...المهم بخبرج ...انا راد تارنيه
اليومه ..بي البيت ...عندكم ..فخليهم يزهبون الجناح مالي ..
مضاوي: لا لا ..اليوم انت غريب ..شو فيك حبيبي مسخن ..؟؟
هادي: ليش يعني ..!! ما فهمت ..شو قصدج ترانيه ..
مضاوي: اولا متصل فيني ...ثانيا بترد البيت ...لا وبتنام فيه بعد ...
هادي: المهم انا قلت لج والله ياويلج لو كانت حجرتي هب زاااهبه تسمعين ..
مني دش بدر ع هادي ..وسمع آخر جمله جان يعلق ...
بدر: حشه هتلر مب هادي ..
ومضاوي سمع صوت بدر جااااااااااااان تنقع ضحك ...
مضاوي: ويوووووووو علقوا علييييه ههههههههههههههههههههههههه ههههههههه تحفه بدر ..
هادي: جب جب ..انتي ... - وصد صوب بدر - وانت هيه ..بضربك تراني ..خليتها تضحك عليه ...
بدر: تستاهل حد جي يرمس رضيعته ...تراني ما ارضى عليها ...هااي اختيه الصغيرونه..^^
مضاوي: واااايه فديت بدور انا والله
هادي: لا لا انتي احلفي بس ...المهم يالله ان بسكر بظهـــر مع بدر ..اوكيك ..مع السلامه صح سوقي carefully
مضاوي: ان شااء الله اخويا العود ...^^
وسكرت مضاوي وهو بعد سكر ...
نوف: احمـ احمـ ...منو هذا بدر ..اللي يالسه تتفدينه من الصبح انتي ...
مضاوي: ها اخويا الثاني ..تربا ويا هادي من يوم هم يهال ويا بعض ...صحيح هو يسكن بالعين ...بس وااايد جريب ما
عايلتنا ...حالتهم شوي صعبه ...ابوه مات وهو صغير ...عنده اخوان وخوات ..وهو ثاني أكبر اخ ..هو اللي يعابلهم ..
ويجوف طلباتهم ...يعني هو المسؤول ...^^ عن كل شي في البيت ..
سلامه: حليله والله ..مسكين يالله الله يقدره ...وان شاء الله تتيسر اموره ..
هادي: انت وراسك مي مي تتفداك بعد شو هذه الحركات ...
بدر: ههههههههههههههههههه مي مي ما تقصد اكيد بس عسب تغيظك يعني ...وأنا اخوها العود عادي يعني شو
السالفه لو تتفداني ..
هادي: لا والله احلف بس انت ...مااشي خل اوصل بوظبي بعلقها من رقبتها ..
بدر: بل بل مشكله الغيره ...
هادي: امش يدامي لا تخليني اغيـــر رأي أحينه ..
بدر: ان شاء الله يا أكبر مذله انت ...
وتحركوا الشباب صوب العين ...
عقب الغدا ...أمل كانت يااالسه ويا ختها نورة ...ويسولفون ...ويطالعون التلفزيون ..
جان تنش أمل وتيلس ع الكمبيوتر ...تبطل افضل موقع عندها ...موقع محمد شريف ...
منه دشت سارة اللي كان عندها تأخير في المدرسة ..
سارة: السلام عليكم ...اشحالكم ..أمووولوووه نشي بسج ...يلست وااايد
أمل: أعوذ بالله منج ..والله توني دشيت ..والناس عقب ما تسلم تسير تبدل ..تريح ...تجوف اللي عليها واللي ما عليها
عقب تتضارب جي ...مالت ..
سارة: مالج عذر يالله بسير اغير واتغدى واي واجوووفج قمتي انزيييييييييييييين
أمل: هذه اللي بكفخها احينه ...
وساارت سارة وهي تجوف أمل بنظرات حقـــد ..
عبدالله: انا خاطري اعرف انتوا دووومن هواش ع النت لييييش ..!! شو يعني اللي يخليكم جي ..؟؟
أمل: جووف بكل صراحه هذا الموقع الرائع ...
عبدالله: ظكي ..شوي خل أجووف ...اممممممممم محمد شريف للأنيمي ...
أمل: هيه ...the best of the best
عبد الله: امممم اهااا ...وشو الشي المميز اللي فيه ؟ ..
أمل: كــل شي ...وأحلى شي اللي يخليني دوم أدشه واخته ساره ...هو..الروح الحلوه اللي من بين الأعضاء .زيعني
تحس إنه كلنا أخوان وخوات ....
عبدالله: نعم يعني ترمسون شباااب ..
أمل: ...هههههه ^^" هيه ليش ..والله انهم كول يعني محترمين ماااشي من هذاكي النوع ..
عبدالله: sure !!
أمل: هيه طولي بعمرك ...يعني انت تفكر اني راح أرضى إنه اختيه الصغيرونه ترمس شباااب في المنتديات ...
نورة داشه عرض: هيه يا ويلي انا ..يا عيني الكبير الفاهم ...
أمل: كح كح ..هااااااتشو ..فديتني وفديت عقليه العاقـــل ..
سااارة وهي يااايه طر من بعييييييييييييييد : قوووووووووووووووووووووووو ووووووووووووووووووووووومي ...
أمل: وخروا عن قطار الرعب ...الذي يدمر كل شي أمامه ...
سارة وهي تضحك ضحكه شريره: نعمـ نعمـ ...
نش عبدالله..ويلست سارة ...مكانه ...
سارة رفعت يديها وشمرت : يالله نبدا نرد ع المواضيع ونقراهم ...
أمل: انزين انا وياج ...مالت ...^^"
بوعبدالله توه داش من باب الصالة ...: السلام عليكم .....
عبدالله: يا مرحبا والله ...اشحالك بويا ..
بو عبدالله: انا بخير الحمـد لله ...انتوا اشحالكم ...شو يومكم كان ..؟؟
أمل + سارة: الحمد لله بويا ...^^ نحن بخير بويا انت اشحالك .؟
بوعبدالله: بخـــير ...الحمد لله ...نورة انتي شو سويتي اليوم ..
نورة: يالسه ابويا ...تغديت ولا ؟
بوعبدالله: هيهـ ...بنتي ..كليت الحمد لله ...إلا وينها عبير ما اجوفها ...
عبدالله: عندها دوام متأخر اليوم ...بتتأخر للساعه 6 ...عقب بسير اييبها ..ولا حد من رفيجاتها بييبها ..
بوعبدالله: أهااا...يالله خير ...وينها امكم .؟؟
أم عبدالله: انا مني ...ياللي آخر واحد تسأل عني ..
بو عبدالله ابتسم: ..احم احم ..لا انا افا لا تقولين جي ..
ويلس بو وام عبدالله يرمسون...في صوب ..وعبدالله ونورة في صوب وأمل وسارة في صوب ...
وجي حالة هاي العايلة الطيبه ^^....
هادي وبدر ..وهو في السيارة ...ع درب العين ...
هادي مبطل ...اغنية الجسمي حلون ع قلبي هواكم ...وطبعا الصوووت ع الأخيـــر ومسوي حشره ..
وبدر ..أصلا ما يسمع أغاني ...
وكل حين وساعه بدر يسكر المسجل...
وهادي يعصب ويرد يبطله ...
وجي حلتهم ...
هادي عنده فراااري سبايدر ...لونها أصفـــر ^^ ...
احم احم ...
عقب ساعتين ...
وصلوا هادي وبدر صوب بيت قوم بدر ...
ويوم نزل بدر يبغي ينزل أغراضه ...جاف واحد واقف راح سلم عليه ...وسلامه كان يعني وااايد حاار له ...
استغرب هادي ماكان يعرف إنه بدر عنده ربع جي وايد كلوز وياها يعني ..لهاي الدرجه ..
بدر : تعالي هادي ..بعرفك ع ربيع لي جد وااايد أحبه ...
هادي: هلا يا مرحبا ...
؟؟: اهلين ...اشحالك اخويا ..^^
بدر: أعرفك ع عبد الله ...ربيعي من سنتين احينه ...^^
هادي: يا هلا والله بعبدالله ...اشحالك اخويا ...أخبااارك ..انا هادي ربيع بدر .وزميله في السكن ...
عبدالله: هيه انت هادي ...هههههههههههههه بدر يرمس عنك وايد ترا ^^...
هادي ابتسم ابتسامه حسست بدر انه غبـي ...
عبدالله: ها توكم رادين من جامعتكم الأمريكيه ...
بدر: هيه والله ...تعبنا الدرب كان وايد زحمه يا بوك ...
عبدالله: سيااارتك هاي هادي ...
هادي...وشو بينفجر من الخقه: هيه ....ليش ...وايد حلوه ^^
عبدالله: مب أحلى عن سيارتي ...
وأشر جي ع نيسان كبسوله أسود مزود آخر تزويد ...مع نيون من تحت ...+مخفي عاكس ...
مني هادي بطل عيونه ...مع انه سيارته أحلى اكيد من سيارة عبدالله بس عييبته كثيـــر ...
هادي: عبدالله ...من شكل سيااارتك انت تحب تراااايس ...وتخمس صح ..؟؟
بدر: هذا اخس عنك هادي ...يخوف ...اللي يركب وياه يقول راكب قطار الموت..
هادي: اهااا ...لا رااائع جدا ...عيل شو الراي ...نسوي جي تخميسات احينه ...
وطالع المكان وكمل - احس المكان بعد يساعد ..^^
عبدالله: يالله اللي تشوووفه ...بس ماااشي خسران وراابح ؟
هادي: لا لا ماااشي بس جي حركات شو الراي ..؟؟
عبدالله: fine by me dod
هادي شوي وبيطير من الفرحه اللي فداخله: اوكيك ...يالله خل نبدا ..
ركب كل واحد سيااارته ...
وسوا حشرة ...كل واحد يدوووس رييس ....
في بيت بو عبدالله ...أمل وسارة مبطلين ..حلقة ماي بوس ماي هيرو يبغون يجوفونها ...ومن الحشرة اللي برا ما
يرومون ....
برا اللي يقووول جنه فيلم تو فاست فو فويروست ...بس مو في توكيو في الجيمي ^^ ...
البنات نشن يجووفوون شو السالفه ...
وخوا جي من الدريشة ...جان يجوفون سيارة اخوهم في تحدي مع فراري سبااايدر ..
سارة: الله سياااااااارة منو هذه ..؟؟
أمل: هيه والله منو راعي هااي السيااارة اول مره اجوفها في الحاره ....
نورة: شو الساالفه ...ليش تجوفون من الدريشة ....؟؟ شو مستوي ..
أمل: تعالي جوفي ها الخبل اخوج ويا واحد ما اعرف منوه يالسن يتحدون ...بعض ...
نورة: اهااا ...ومسوين كل هااي الحشره اخاف حد يبلغ عنهم ...
وجي حشره المكان ...جاب تي سيااارة إكس أ ..تيوتا ...وقفت جي ع الشارع ...ونزلت منها بنت ..
أمل: أبيييييييييييييييييييييه هاااي عبير ....
نورة: ياااااا ويييلكم يا شبااااب ...اتصلي في عبدالله ...خل ما يسوون حشره ..عبير تخاف واااااايد من هذه الحركات ..
اتصلي به عن تطيح في الشارع ...علينا ...
أمل شلت تلفونها ...ويلست تتصل ..مره ومرتين ...ومحد يجاوب ...
نورة: بسرعه ...طاعي ها الغبي راعي الفرااري يالس يجرب منها ....
سااارة: أوووووييييييه ...جوفي شو سوى ..
مني هادي كانت ماخذتنه الربشه من الخاطر ...مخترش ...جان يخمس يدام عبير ...صحيح كانت شي مساافه كافيه
انها تحمي عبير من اي شي ...بس عبير كانت ميته رعب ...جان يغمى عليها ...
مني هادي ...وقف سيااارته ...ومات رعب ...من الخاطر ...
هادي في خاطره : ويلي ليكون تعورت ....والله كانت شي مسافه من بيني وبينها ...يا ربي شو السالفه
ونزل بسرعه ...
عبدالله وقف سياارته بعد ...بسرعه حاول ...ونزل ..يجوف ..هو ماكان يعرف إنها عبير ..إلا يوم جاف ويهها ..
كانت الشيله طاايره عن ويهها جتلتها كانت جي خصل ع عيونها ...
هادي من الزيعه يلس حذالها وما يروم يوودها عسب يقومها ...فوقف وهو مرتبك ما يعرف شو يسوي ...بس يصااارخ
هادي: إختي ...إختي ....تعورت ...إختي
وعيونه جي فحصت البنت ...إذا كان شي دمان في في بقعه من جسمها ...
هادي وعيونه مليان دموع: إختي ...ارمسي ردي علي ...لا تموتين ...
عبد الله مني قرب وااايد وشل اخته : عبييير عبييير ارمسي ...استوى بج شي ...
هادي يطالع عبدالله وشوي بيضربه ...: انت هيه اشلون تيودها ...من هاي ..؟؟
عبدالله يطاله هادي بنظره يعني مش وقتك: اختي هاااي ...
بدر طله موبايله ..واتصل بالاسعاف ...
امل:ياااربي اختي شو استوى بها ...فديتها ...
نورة ربعت صوب البااب لبست عبايتتها وشيلتها ..وشلت السويج ..
سااارة يلست تصيح من الزيغه ...
نورة نزلت بسرعه ...سارت صوب عبد الله ...
نورة: وخر ...عبد الله ...
ووخر عبد الله ...
نورة: عبير عبير حبيبي انا نوووورة تسمعيني ...ردي علي ..
ولا حياة لمن تنادي ...
نورة ترمس عبد الله : شلها ...
نورة ترمس هادي: إندوك السويج بطل المورانو البرتقاليه اللي هناكي ...
ربع هادي ...وسوا اللي قالت له نورة ...
شلوا عبير ...وودوووها صوب مستشفى ...
عقب الفحص وجي ...
الدختور يرمس نورة: إختي ما بلاها شي ...هي فقط من الخوف ..طاحت واغمى عليها ...
بس شوي دمها نازل ويبااالها تآكل أشياااء مفيده أكــثر ...بس مافي داعي للخوف ...
نورة : ربي يريحك يا دكتور شرات ما ريحتني ...
نورة ترمس عبير: يالله يا حلوه شدي حيلج عسب تردين البيت ..
عبير: ..شو..شو استوى ...
عبدالله: لا لا مااااشي ...فديتج يالله اشيلج ..؟؟
عبييييير: جيه ياهل ...انا الروحي بمشي ...انا ما بلاني شي ...
نشت عبير ..ومشت ...اول خطوتين كانت غير متوازنه عقبها كانت عاديه ...^^
ظهرت من الحجره ...هي ونورة ...وعبدالله ...
عبدالله لاحظ وقوف بدر وربيعه هادي ..
عبدالله: شوي بس ها ...
وساار صوب الشبااب ...
هادي جي تقدم من عبدالله وويه أحمر ع أصفر ..مستحي حده ..
هادي: انا فعلا آسف يا أخووووي ...اعتذر ..والله ماكان قصدي ...
عبدالله: لا لا تقول جي ...هي هب غلطتك ...انت ...
بدر: أنا آسف يا عبدالله ..
عبدالله: انت بعد يا بدر لا تقول جي ...خلااااص ما حصل إلا اللي فيه الخير ...
وعم السكوت شوي ...
عبدالله: شو رايكم تتفضلون عندنا البيت ..؟؟
بدر: لا لا يكفي اللي توه استوى ما فينا بعد نثقل عليكم ...
هادي: هيه صحيحه رمسه بدر ..
عبدالله: لا تقووولوون جي ...لا انا ابغيكم تيون عسب تعرفون انه ما استوى إلا كل خير ...ورضيعتي بخير احينه ..
طلعت موبايله ...واتصل ..: ألو ...مرحبا .بخبرج ..انا برد ويا بدر ...اممممم ..وبيون ظيوف اليبت ...زهبوا ميلس الشباب
...وابغي جي شااي من الخاطر كرك ..من اييدج اوكيك
نورة: ان شااء الله ...^^ من عنوني ..وشوي شوي في الدرب ..
عبدالله: ان شاء الله ..
عبدالله يرمس الشباب: يالله خل نتحرك بي ويااكم ترانيه ..
هادي: حيااااااااااك والله ...
ساروا الشباب صوب بيت قوم عبدالله ...
وفي ميلس الشباب ...دش بو عبدالله
مني هادي بلع ريجه وهو ميت زيييييييييغه ...
بوعبدالله: منو فيكم اللي كان يسووووق يدام بنتي ...؟؟
سكووووت ..وصوووت واااطي مرجوووج ...مبين عليه الخوف ..
هادي: أنا ..ع ع عمــ ....ـــي
بوعبدالله: اهاااا انت ... - وييه وااايد جدي - ...
هادي في خاطره : اليوم انا ميت ميت ...
بوعبدالله: حصل خيـر يا ولدي ...ولا تحط في خاطرك ...^^ ...ولا تخاف انت ريال احينه ..
هادي مني اعتفس فيسه ...ما يعرف كيف ولا اشلون يرد ع بوعبدالله ...
بعد رمسة بو عبدالله حس هادي انه التوتر اللي كان موجود في الجو ..شوي راح ...أو إنه خف ..
ويلسوا الشبااب ..سوالف وحشره ..وضحك ...عقبهـــا
أما عند البنات ...
أمل: وهذه هي السااالفه يا عبوووره ...
عبير: اهااا ...
نورة: الله ستر انه يت ع جي ...ويزاه الله خير ربيع بدر والله طلع ريااال والله يا واعتذر ...وكان يحاتيج حتى انه يا
المستشفى
سارة: لا هذا انسان سخيف يا قوة عينه ...تسمعوونه يالس يسولف في الميلس ...مالت فديت ختيه عبووره والله
الحمد لله ع سلامتج ...
عبير ابتسمت : الله يسلمج ...
عبير في خاطرها : خاطريه اجووفه ..
ويلست تفكر ..تقول حق خواتها ولا لأ
أمل: شو فيج يا عبير ...شي في خاطرج؟
عبير: امممممممممم لا ...امل تعالي شوي حجرتي ...
ونشن ...أمل وعبير ...دخلن حجرة عبير ...
أمل : شو خير عسى ما شر ...
عبير : ابغي اجووفه ..والله خاطريه اجووفه ما اعرف فيني فضووول
مني امل بطلت عيونها: لا لا انا ما اصدق انج عبيـــر انا ما احيدج جي فضووولية ..أمممممم
عبير: يالله عاده انا ما قلت حق حد غيرج ...لأن اعرف انتي راح تساعديني ...^^ ...
أمل: اوكيك بكل صراحه انا ما جفته ...بس اعرف اشلون قايل يعني ...صبر ..يوم بيظهرون من الميلس براوييج إياها ..
عبير: احم احم ....
ومرت ساعه ...عقب هادي نش وأستأذن إنه بيروح ...بس قبل جي ...طلب إنه يسير (كرمتوا) الحمام ...
ووداه عبد الله حمام الرياايل ...
ما بين درب حمام الريايل ...مدخل صالة الحريم ..في بيت بو عبدالله ..ستارة من سيدار ^^ ...
فكان هادي طالع من الحمام ...وعبير مشت سايرة صالة الحريم ...
عبير ما حسن إنه في حد هناكي إلا يوم سمعت صوت حد يقول ..
هادي: الحمد لله ....والله انهم جماعه طيبه ..^^ ...
مني عبير عرفت انه هو الشخص اللي تتريا إنها تشووفه ...لأنه هي تعرف صوت بدر ..
عبير حاولت تشوف ويهه ...بس للأسف ما رامت ..
الشي الوحيد اللي رامت تلقطه ...هو ريحة عطـــره ...
عبير كانت مستانسه ..مع انه شي مب وااايد مهم ...
عبدالله ودع هادي ...وبدر ...بعد ...
بدر: اول ما توصل اتصل ابغيك ...ها ...
هادي: انا فاضي لك اشتقت حق اهليه خاطريه اجوفهم ...
بدر ضحك ..
هادي: يالله مع السلامه ...
ركب سيارة ..مني الوفد الملكي ...
سارة وامل ونورة من فوق يجووفووون هادي وهو ساااير ..
أمل: الله جووفووا سيااارته والله عجيبه ...
سارة: مالت عليج خقااااق ...
نورة: هههههههههههههههه انتوا تحف ..
عبير: شو تسووون ..؟؟
نورة: يجوفون ريلج ...
عبير مني استحت ..وحمر ويهها ...
عبير: لا تقولون جي ...عيب ..شو هاااي الرمسه ...
هادي وهو في الدرب ...كله كان سارح ...وكان يفكــر باللي استوى اليوم ...
ما قطع تفكيـــره إإلا صوت تلفونه ...
هادي: يالله الواحد ما يروم يرتاح حتى في تفكيـــره ...
جاف الرقم ...مي مي
هادي: هلا ميمي...
مضاااوي: انت ويييييييينك يا ريااال ..؟؟
هادي: والله جنج واااحد من الربع ...
مضاوي: ههههههههههه لا والله صج وينك ..يالله اشتقت لك ...ابغي اتعشى ويااك
هادي: يالله يااي في الدرب ...
كان هذا الجزء الثااااني .....
امممممممممممم شو رايكم ...^^ ... اعرف وااايد :dull8ay:
