بسم الله الرحمن الرحيم ...
هلا اشحااالكم عساكم بخـــير ...
اخييرا الجزء الثااالث وصل والله تعبت فيه ....
حب بدون عنوان...
(من دون أي مقدمات وحركات هذه المره ....لأني تعبان )
..الجزء الثالث ...
رد البيت هادي وتعشى مع اخته مضاااوي ...وكالعادة في بيتهم محد موجود لا أمه ولا أبوه ...
يوم الجمعة ...
الساعه 8 الصبح في بيت بو عبدالله ...
ام عبدالله في المطبخ يالسه تسوي بلاليط حق الفطــور ..ويا هاذاكي البيض ...يازينه ...
عبدالله توه ناش ساار سبح ...ونزل عسب الفطــور ..
لقى ماشاء الله كل العايله قايمه ...
بوعبدالله: هااا ...هااايول شباااب اليوم ...توك ناش بويا ؟؟
عبدالله وهو قافط: هيهـ توني ناش أبويا ...
بوعبدالله: انا قمت من الساعه 5 الفير صليت صلاة الفير مع الجماعة ...ويابركتها صلاة الفير ويا الجماعه ...مب شرا الحريم في البيت ...
عبدالله منه صج صج صج قفط وييه .: أنا آسفـ بويا ...
بوعبدالله : انا يا ولدي لأني أحبك أنصحك ....
مني عبدالله هدا شويه يوم انه سمع هاي الرمسه من أبوه ...
أمل: صباح الخير عبود ...نش نش إفطر ويااانا يالله والله الفطوور لذيذ عن يطوفك بس ...
عبدالله: ان شاء الله بس لا تخلصون البيض عليه ..ترا اللي بتخلصه هي اللي بتسوي لي غيره ...
أم عبدالله: نووورة تعالي ساعديني ..
نورة: ان شاء الله يما ...
سارة ظاهره من الحجره ...وهي تتثاوب ...
أمل: فقمه فقمه ...مب بنت ...^^"
سارة: جب انزين ...جب ..
أمل: انا من اليوم وساير بسيمج صندل ..^^
ساره: والله بيلس ع بطنج احينه ...
أمل: لا يا دبه ...خلاص لا تقتطعين نفسيه ^^
بوعبدالله: خلاااص يا اموولتي ...قطعتيها تراج ...
أمل: ان شاء الله بويا ...
رد عبدالله: ...يالله وين البلاااليط...ووينه البيض ...أمل قربي لي اليبن ...لو سمحتي ...
ويلسوا يفـطرون الجماعة ...
اما في بيت بوهادي ...
استغفر الله ولا كنه يوم الجمعة ...لا حد يصلي ..ولا حد يقوم حق الصلاة ...ابو هادي يالس من صباح الله خير ع النت وشغله ودوامه ...وهادي راااقد في حجرته ...مضاوي ...نايمه ...بس أم هادي هي الوحيده نشت وتزهبت حق الصلاه
هادي ..راقد في حجرته ....يرن تلفووونه ...
بدر: وييييييينه هذا ...استغفر الله ...اليوم صلاة اليمعه لين احينه نايم ...؟؟!!!
ويرن تلفون هادي لين ما لاعت جبد هادي جان ينش ويرد ...
بدر: قوووووووووووووووووووووووو ووووووووووووووووووووووووو ووووووووووووووووووووووووو وووووووووووووووووم
هادي: بسم الله الرحمن الرحيم ...احينه كل هذه الحشرة...طلعت انت ...
بدر وهو فيه حره: تراك مب ويه ...انا ابغيك تدش الينه ويااايه وانت استغفر الله كل مره تحسسني انك مب ويه ..خلاص برايك ..انزين ...مع السلامه
وصك الخط في ويه هادي ...
منه هادي ...اول مره جي بدر يصارخ عليه...ما صدقك ...يلس ساعه يفكـر بكلام بدر ...
هادي في خاطره: هيه والله ليش انا كله جي اعامل ..هذا المخلوقـ ...حليله عمره ما اشتكى ...وانا كله اعامل بأسلوب والعياذ بالله ...
مني فكر هادي بعقله ..ونش ..وتزهب حق صلاه اليمعه ...
يوم ظهر الصاله ..أم ما صدقت عيونها ...
أم هادي: هلا والله بولدي هادي ...اشحااالك
هادي: يا مرحب اماااياا الغاليه انتي اشحاالج ...انا بخير دامج انتي بخير ...
أم هادي: وين ساير ..؟؟
هادي: أماايا وين ساير بعد ...الصلاه ...هذا سؤال بذمتج ...
ام هادي ...ما لقت غير دموعها تعبر بها عن فرحها ...
هادي نزل لمستوى امه: ليش يا امي ...ليش دمووعج تنزل ...
ام هادي: ش ممكن يفرحني اكثر من إني أجوف ولدي ..يفكر بآخرته .....
مني هادي اتأثر زياااده ...وزياااده ...
هادي: يالله عيل امايا ابغي جي دهن عود من الخاااطر وبخور ...يالله ابغي اكون معرس اليوم ...^^
ام هادي: لبيه يا ولدي ...وعقبال ما اجوفك فعلا معرس ...
انجلب هادي مره وحده: مستحييييييييييييل اعرس ^^....
ام هادي...فطست ضحك ع ولدها ....
ظهرت مضاوي ع أصواتهم ....
مضاوي: شو سالفتكم ...؟؟؟ ليش ناشيين مبجر جي ...
هادي: عسب الصلاه
مضاوي بطلت عيونها: نعمــ ... - جي حكت عيونها - لا لا انت هادي ما اصدق ...
هادي: استغفر الله انتوا ما تساعدون الواحد يتغيـــر...
ونش هادي وسار صوب المرايه يبغي يتزهب ...جان يسمع صوت خطوات ريــل ( كرمتوا)
بوهادي: السلام عليكم ....اشحالك هادي ...؟؟
هادي: انا الحمد لله بخير ...- وصد صوب المراايه مره ثانيه ...
بوهادي: ...اممم وين ساير كل هااي الكشخه ...
هادي: المكان اللي انت ساااير له ...
بوهادي هو الثاني بعد استغرب ...وكان يبغي يعلق ...بس سكت ..فضل إنه يحسس هادي انه الموضوع يعني عادي ..وانه كان متوقع ان هادي راح يتغـــير ...
وهادي استانس ع ردت فعل ابوه ..يعني ما كبر الموضوع ..عقب روحوا هم الاثنين مع بعض للمسيـــد ..رباعه...
عقب الصلاه ...
ظهـــر عبدالله ويا بدر ...وهو في الدرب للبيت ..يسولفون ...
عبدالله: تعال بسألك ربيعك هادي ....اشحااله ..؟؟
بدر: آآآخ ها الولد والله متعبني، ...والله مااعرف شو اسوي معاه ...عنييد راااسه يااابس لا ويوم انصحه يعاملني جني شربت من دمه ...ولا سويت له شي مب اوكي...
عبدالله: الله المستعان الله يعينك ...بس شو تسوي يا اخويا ...هذه حاالة الناس اللي شراته ...مسكين ربيعك ...مب شراتنا نحن ..
بدر: يالله الله المستعان ..انت شو اخبااارك ...علوومك ...
عبدالله: ..آآآآه الحمد لله بخـــير ...^^
بدر: عسى دوم يا اخوي ...
عبدالله سكت ...وسكت بدر ...وعم السكوت ...في المكان ...
قطع صوت الهدوء ..فون بدر ...
بدر سحب تلفونه من جيبه ...
بدر: اوووه اوووه لا لا انا ما اصدقك ...هذا هادي ...
عبدالله استغرب يعني ليش بدر جي يقول ...
بدر غير صووته ..اونه زعلان: الـو
هادي مستحي ما يعرف كيف يبدا: ههههههه اشحااالك ^^"
بدر: الحمدلله نحمده ...
هادي: امممم بخبرك خطبة الجمعة اليوم كانت ممتعه لا ...^^
اونه هو جي قال عسب بدر يعرف انه سار المسيد ...بس بطريقة اونها غــير مباشره ^^"
بدر فهمها وعلى كثر ما كان زعلان منه استاااانس ..
بدر: انا كنت اعرف اصلا انه قلبك طيـــب أبيض ...ما تروم تزعلني ..منك يا اخويا ^^
هادي...ما يحب يبين واايد مشاعره : هيه ...
بدر: اليوم وين بتسيـر ...
هادي: بسير الشاليه ...اليوم ...
بدر: ليش ...؟؟
هادي: ما تحيد انا وااااعد محمدووه اليومه بنسير ...^^
بدر: الله يعينك ...وانت ما لقيت إلا تسير ويا محمد
هادي: حلييله كسر خاطريه والله ...تعال بنسير نلعب دراجات بعد، وناااسه يمعت شباب
بدر: لا لا انا ما روم ها اليومين لازم ايلس في البيت ...تدري الأهل يحتايووني ...
هادي: اهاا اوكيك انا ما بطول عليك ..لو تبغيني امر عليك سوي لي انزين
بدر: يالله خير ..ان شاء الله ..
وسكر بدر ...
عبدالله..يطالع بدر ...يتريا منه تفسيــر ...
بدر: هاذا هااادي متصل بي ...^^
عبدالله: هيه اشحااله عمره طويل ...
بدر: هيه بخيـــر الحمد لله ...الله يهديه دايما ان شاء الله ^^...
عبدالله: آمين يا رب العالمين ...
منه وصلوا صوب بيت قوم عبدالله ...
عبدالله استأذن من بدر ودش بيتهم ...
في بيت قوم عبدالله كانن البنات يالسات اللي ع النت واللي يطالعون تي في ...
دش عبدالله وسلم وردن السلام ...
كانوا حاطين ع الأخبـــار ...
يوم جي حطوا الخبــر التالي ...
تلفزيون دبي ...أم خماااس ...هي المذيعه ..
اش دخخخخخخخخخخخخخخله ...
المهم...
الخبر إنه الاستاذ البروفسوور المتأنق حميد رجع للبلاد ...وحشره إعلاميه عووووده ...
مني انقلب فيس ويه ام عبدالله يوم جافت حميد ...
نورة كانت يااالسه اول ما سمعت ها الإسم .....يتلها حاااله يلست ترتجف من الخااااطر ...
عبدالله لاحظ ها الشي ...ع نووورة ...
نزلت دموع نووورة ..ونشت ع طووول سااارت حجرتها ...
ام عبدالله نزلت راسها وهي الحزن مبين في ويهها ...
سارة سألت أمل: شو بلاها نورة ...نشت ..اول ما جافت (( ريلهـــا )) في التي في ..؟؟
أمل سكتت ولا تدري كيف ترد ع اختها ...
عبدالله حاول إنه اونه يغير الجو: ساااروه اليهااالو مالهم خص في أشياء الكبار ...
سارة: انا احينه كبيييره ..عمري 14 سنه ....
عبدالله: هيه ما شاااء الله واايد عوووده ...
بوعبدالله كان تووه دااش: السلام عليكم ...اشحالكم ...عساكم بخير ...
جي سكوت محد رد بسرعه جان يحس بو عبدالله انه مستوي شي في البيت ...
بوعبدالله: شووو الساااالفه .....بلاكم شي ...عبير بلاها شي .!!
أمل حاولت انها يعني تظهر من المود اللي هي فيه: ليييييييش يعني عبير بالذاااات !! ها ها انت عندك 5 عياااال
ليش يعني سألت عن عبير بالذاات ها ها انت تحبها اكـــثر عنا صح ساااره
بوعبدالله: لا والله كلكم غلاااكم واحد فقلبي ...بس ... - قاطعته سااره -
ساره: لا لا لا لا تحااااول خلااااص ...لقد جرحت قلبي ...فلتشهدي أيتها الشمس بأنه روميــو ..أأ قصد ابي جرحني
عبدالله: ابووويا استوى روميو خخخخخخ ...
نورة في حجرتها ...كانت يااالسه وويها في الأرض ..ودموعها تسااابق أنفاااسها ...
نورة في خاطرها: لييييش ...لييييش جي سوييييت فيني ...!!! هذه يزااااتي لأني وقفت وياااك ..!!
وتمت تصييييح ....
نورة: انا ما اعرف هل انا معرسه ولا مطلقه ....5 سنوات وانت هاجرني....الله يسااممحك ...ربي يساامحك
وكملت صيااحها اللي يقطع القلبــ ...
عبير كانت واقفه حذال باب حجرتها ...سمعت صياحها ...كانت تبغي تدخل ...
حطت ايدها ع قبضة الباب ...بس عبدالله يود جتفها ...
عبدالله حرك راسه إلا لا تدخلين خليها : هيه احينه محتايه تيلس الروحها شوي ...
عبير نزلت راسها ...
في سيارة الفراااري ...
هادي يصااارخ ع محمد : يا الغبي ...محد جي يسوووق الفراااري ...
محمد : ليش هي جير عادي ولا اتوماتيك ...
هادي وهو حده معصب: انت ما تعرف تفررق من بين العادي واوتوماتيك ....بركن بركن ...انزل ..خلااااص...انا المدمغ الغبي اللي قلت لك سوووق سياااارتي ...><"
محمد: لا لا عفيه عفيه بس لفه ...
هادي: اي لفه وين تبغي نحن في الشاارع العااام ...
كان شاليه قوم هادي في دبي ...
محمد: خلاااص انا بسوق قلت ..تعال بطل لي اغاني ابغي اترقص ..
هادي: كيف تترقص وانت تسوووق ..والله شكلنا اليوم بنرووح المستشفى بدال الشاليه دامك انت اللي تسووق انا منو قااالي اعطيك السياارة والله ياااويلك يا محمد لو والله بس شوي دعمت بسيااار....
وتوه ما كمل رمسته جان يوقف محمد بريييك قوووي وتندعم السيااااره من ورا ...
مني كل شيااطين الدنيا وقفت ع رااااس هاادي ..وبغى يذبح محمد ...
هادي: انتتتتتتت شوووووووووووو سوييييييت
محمد وع وييه ابتساامه غبــيه : ولا شي بريك بس ..جان يدعمني اللي ورااي ...
هادي خلاااص ما راام يتحمل جان ينزل ...وجووف سيااارته ...
نزل واحد زلمه ..وهو كان اللي داعم سيارة هادي ...
الريال: ...لااااااااك شووووعملت إنتا ....
هاادي كانت فيه عاااده لأنه ابوووه ماااشاااء الله يعني وااصل كان وااايد يستحقــر الناااس اللي جي يعني اقل منه مستوى ...
هادي: انت يا االي شو سويت ...انت بأي حق تدم سيااارتي ...
مني الريال تعجب من أسلوب هادي ..واستوعب انه هو راعي الموتر ...وانه اكيد بيكون خقاااق ...
وشوي وهادي بيضربه ...
محمد نزل ...سحب هادي ...واتفاهم مع الريااال ...وهادي معصب ع محمد ..
هادي: انت بأي حق جي تسوي هاي سيااارتي انا وانا اللي اقرر في مثل هذه المواقف هب انت ...
محمد ...ولأول مره في حيااتـهـ يرمس بهاي الجديه: انا اكيد مالي خص بسيارتك ...بس انك جي ترمس الناس وكنهم عبيدك هذا شي ما برضى فيه ...أكيييد مب لأني وااايد يعني طيبــ ...او إني وايد انسان محترم ...(خلفيه عسكريه)..لأني ما ارضى أخويا اللي احبه انه يعاقب ع شي سخيف مثل هذا ...يعني ..الواحد يدور حسنات ها الأيام ..
مني هادي ..حس انه الدنيا تدور فيه ...
هادي بخاطره: كل اللي من حولي يدارووني ..وانا عمري ما فكـــرت غير بنفســي ...
ويلس يطالع محمد ...وبغى يصووره لأنه لأول مره في حياته يجوف محمد وهو جي جدي ^^ ويطرشه حق بدر عسب يجوووفه ...
المهمــ ...عسب هاي السالفه ما كملوا الشباب رحلتهم للشاليه قرروا يتمشون في مولات دبـي ...
في مطار دبي الدولي ...
بعد اللقاء الصحفي اللي سواه حميد مغ أغلب وكالات الامارات ...
حميد: ياااخ تعبت سلووم ...
سالم: هيه من الخاطر ...ماكنت اعرف انا جي بنكوون مشهورين ..^^ جان من زمان رديت البلاد
حميد: ويييييييين ...نحن مني عندنا اجزه عقب بنرد اليابان ..افففف مليت منها ...( خليني اسير بدالك ^^)
سالم : يالله انا ساااير اهليه وصلوا ..
حميد ابتسم حق سالم انه مع السلامه ..
سالم: انت منو بي يشيلك ..؟؟
حميد منه صج حز في خاطره وماعرف اشلون ولا كيف يرد عليه ...
سالم عرف انه حميد ماله حد ...مني ..ونقفط ليش سأله ها السؤال اللي زاد مواجعه ...
سالم سار وخلى ربيعه حميد ....
حميد في خاطره : انا الغبي اللي فرطت بها ...فرطت بأهلي ووناسي كلهم ...انا الغبي ...
نزل راسه ...وشكله من بعيد جنه يسوي فيديو كليب فيلم هندي ...
في بيت بوعبدالله ...في حالة حرب ...^^...ليش انهم بيسرون دبي ...
امل: ها ها سااارونه البس ها التنوورة ولا هاايييج ...
سااره: اصلا انتي ما يليق عليج شي سيري سيري خليني انا اتكشخ ...
عبير يالسه تجوفهم ...وهي قلبها وعقلها وفكرها كله مع نوره ..
نوره اللي كانت يالسه الروحها في كورنور بعيد عنهم كلهم ...
ام عبدالله: يالله يا بنات ...بسرعه عبدالله يقولكم ...
عبير: امااايا انتم ما بتيوون ..؟؟
ام عبدالله: لا لا ..ما بني انا وأبوج بنسير رواحنا ..
ساااره: هيه ...هيييييييييييييييييه طلعه رومانسيه ...وعشاكم وين في قصر الامارات ...^^
ام عبدالله: لا لا بعيد هذا ...emart palac ...
أمل: لالا ماااااااا اروم انا ع الانكليش ....
ساره: هيه امي تطورت شو حسبااالج انتي ...مجابله ام حمود ...^^
ام عبدالله ...صدت صوب نورة ...
ام عبدالله: نورة حبيبتي انتي نشي سيري وياهم ..غيري جو ...
نورة: لا امي ما فيه ...ما ابغي اسير ...
أمل: شو انتي ع كيفج ..ما ابغي بتييييين ويااانا يعني بتيييين تسمعين ...
نورة: ما فيني ...انا تعبانه اليوم ...
ساره: خلاااص خلووها الروحا اصلا هي ما تبغي تسير لني انا وياكم ...انا اعرف
أمل: شو حركات يهال ...هي ...
نورة: لا والله انا تعبانه اليومه شوي ...ما فيني اسيـــر ..
عبيـر: ماتجوفين شر فديتج - وابتسمت ابتسامه حلوه
نورة ردت لها الابتسامه...
صوت عبدالله من الطابق الأول..: يااللــــه بسررررررررررررررررررررررر رررررررعه يا بنات ...
عبدالله بصوت واطي: انا منو قالي اعرض عليهم نسير دبي ...غبي ...انا ما عندي سااالفه
ساارة وهي نازله من الدري: هيه انت سمعتك ترااانيه ... - وجي نظره كلها اجرام ...وحقد -
عبدالله من زيغه خط اييده ع قلبه ...
عبدالله: ههههه لا انا اسووولف ...
ساره مديرة مدرسه لئيمه : هيه تسولف ...
ونزلت عبير ووياها ..أمل ...
أمل: نحن زاهبات اخويا العود الطيب الحنون ...
عبدالله:يالله عيل السيارة ...
عبير ابتسمت كانت مستانسه انها بتغير جو بعد سالفة أمس ...
ركبوا البنات السيااارة ...وطبعا هواش وضرااابه منو بيلس يدام أمل وسااارة ...
عقب عبدالله خلى عبير هي اللي تيلس لعانه فيهن ^^ ...
وتحركوا صوب دبي ..دار الحـــي ...
محمد وهادي في إمارات مول ...
محمد: جوووف ها البي إس بي ...مب عجيب ...والله مواصفاته كووول ...من الخاطر ...
هادي وهو اونه مهتم : هيه ...صح صح وااايد حلـــو ...
مني دشن جي شلة بنات ....ما يحتاي اوصف وااايد عنهم...
محمد يوم جافهن عصب ...هو ما يحب جي بنات ...
هادي عادي عنده ...بس ع كثر ما خربان ...ما يحب هذه سوالف ...لأنه عنده اخت ..ويخاف عليها ...
وحده من البنات اول ما جااافت هادي ...يلست جي تسوي له حركات ...وتضحك بصوت عااالي من الخاطر ...
هادي نزل راسه ...وابتسم ...وظهر هو ومحمد ...من هذاكي المحـــل ...
محمد وهو يتحرطم من الخااااطر: يااااخ شو هااايول البنات لقققفه في كل مكااااان ...( احم احم )
هادي: انزين وطي صوووتك تراك فضحتنا ...
محمد: والله احينه انا ابغي اجوف هذاكي البي إس بي ...
هادي: اللي يسمعك احينه بينامون في هذاااكي المحل ...
محمد: كله منك انت ...لييييش ييت ويااااي ها ...ليش منو قالي اييب معاي ...
مني هادي وقف ويلس يطااالع محمد ..: هاااا حبيبي شو فيك ....شو قلت منو اللي ياااب الثاني ..!! هااااا
ومنو اللي دعم بسياااارتي ...هاااااا ... - وشويه عرق فيه ينطر - قوووولي رد عليه ..
محمد بضحكه غبيه: صح نسيت ....انت اللي يايبني اليومه ^^ ...
هادي طااالع محمد وشوي والله بيضربه ...انسان جي غبي ...
حليله محمد ...
في درب ...
أمل: دخيييييييييييلك عبد الله وقف عند الواااحه والله خاااطريه في عصير ولا بااارد
عبدالله: خخخخخخخخخخخخخ لا لا مااااشي ...حتى حمام ماااشي ...
سااره: عن ابووه الزط لييييش ...
عبدالله: تبغوونا نتأخر عن موعد الفيلم مثلا يعني ..!!
أمل: احينه ياااييين من العين بس عسب موووفي ...
ساره: والله عقل ...
عبدالله: لا بنتشمى بس انا بسير اجووف المووفي انتوا تمشوا ...
أمل: ما تخاااف علينا ...؟؟
عبدالله: عبيـــر وياكم ليش اخاااف ....
ساااره: شو هاااي التمييز العنصري >< ...
عبير جي سوت حركه ..يعني انها بتخق ...^^
...وجي وسالف الأخوان لي ما وصـــلوا مول الامارات ^^ ...
يلسوا يتمشون وسوالف وحشره وتعليق ...وكان الجووو وااااااااايد حلو ...
أمل وعبير دشوا محـــل ...بخور وعطووورات ...كان في شابين هناكي ...
يا مال الإستف مناك ...
الموظف: ها إختي كيف ممكن اساعدج ^^ ...
أمل: اممم لو سمحت ممكن جي عطر رجااالي حلو ...وقويه رييحته ..
الشابين جي استغربوا يعني من طلب أمل...
سار الموظف وياي مجموعة من العطــورات ..: هذه أحلى العطورات ...الموجوده ...
عبيــر: شووو رااايج ها ريحته واايد حلوه ...احس عبدالله بيحبه ...
أمل: لا لا انا انا اللي بختار ...^^
مني دش واحد ...وعلى طوول طلب عطـــر ...هو دايم يطلبه شكله لأنه يعرف اسمه ...
ورش رشتين في الهوا ...
عبير اول ما شم ريحة ها العطـــر ...وقف قلبها ...حست ان دمها وقف في كل شريان بها ...
عبير قرصت أمل : أ ...أ ...مل ه ...هذا ....
أمل تجوف عبير وما تعرف هي شو تبغى ....وحدها عبير متوتره ...
منه دش عبدالله ....
عبدالله بصوت جي مستانس: هاااااااااادي يا مرحبا والله
هادي لف صوب الصوت: يا هلا ...مرحبا اخووويا ...اشحااالك ...
عبدالله: انا الحمد لله بخير انت اشحالك ..؟؟
مني صدت عبيـــر ...واستااانست لأنها عرفت اسمه ... وياااسبحان الله في هااايييج اللحظه يت عيون هادي ع عبيــر
هو عرفها ع طووول، لأنه مستحيييل ينسى ويهها ....جان يستانس هو الثــاني ...
عبدالله: هيه واشحااالك بعد ...علوومك شو يااايبنج منه اليوم احيييدك في بوظبي ...
هادي: احم ...ها كيـــف ...والله اني مستحي منك يا اخوي عن هاييج السالفه ...
عبدالله صد صوب اخته: هاااي هي ...يدامك ...يا الرضيعه بلاج شي ..من سالفه امس ولا في شي فخاطرج من سالفة أمس ..؟؟
عبير استحتت يعني ابدن ماااااااااااااااااا توقعت إنه عبدالله جي بيسوووي ...فنزولت راااسها ...واستحت من الخااااطر ..
لدرجة إنها ويهها حمـــر ...مني هااادي وااايد ..وايد وااايد استااانسـ ...
يوم جافها ...استااانس عليها ...وحس جنه في حد يضرب قلبه بمطرقه ( سااارقها من دراما ماي بوس ماي هيرو ^^)
أمل تناظر عبير وتناظر هادي اللي ما شل عيووونه عنها ...في هااييج اللحظه ...عرفت أمل إنه راح يستوي شي من بينهم ...^^
هادي يرمس عبير: انا آسف اختي والله ما كان قصدي ...وااايد جد جدم مستحي منج ...
عبير ما شلت راااسها من الأرض اكيد ما ردت عليه ...
هادي كان فخااااطره بس انه يسمع حسها ...لكن تعرفووون البنات وحركاتهم ...( ^^" )
منه هادي رد رمس عبدالله: هيه واشحااالكم بعد ...
عبدالله: بخيـــر ربي يسلمك ...منو الأخ ما عرفتني عليه ...
محمد: انا محمد ...
أمل فطست ضحك من الخااااطر ..
عبد الله منه هو الثاااني بدااال لا يصااارخ ع خته ضحك ...
محمد نزل رااسه من القفطه ..
عبير بصووت واااطي: لا تضحكين فشلتينا والله ...
هادي في خاطره: ارفعي حسج شوي بس والله شوي بسمعج >< ..( حااالتهـ صعبه الأخ )
عبدالله: مرحبا بك ...اخويا محمد انا عبدالله ربيع هادي توني يديد يعني ...^^
محمد: اهلين ...
عبدالله: وين تدرس يا محمد ....
ويلسوا جي يتعرفون ع بعض أكثـر ....وساااروا أمل وعبير ظهروا من هذاكي المحل ...
هادي بخاطره: ظهرت وشلت قلبي وياااها ...
ويسلوا الشباب في كاافيه ...سوالف وحركات ...
اما البنات ساارن يتمشن في المحلات ....
عبير كانت من الخااااطر مستااانسه ...بتطير من الوناااسه مودها كان فرحان من الخاااطر ...
في تاكسي الغزال ...
حميد: وقف منه ...شكـــرا ..
راعي التكسي: عبوا ...عبوا بابا ....
نزل حميد ...واول شي سوا استأجر له سيااارت مدسيدس إس إل كيه ..أيه إم جي ...^^
وتوكل ع العين ...
حميد...طول الدرب كان خاايف ...وما يعرف يسويها ولا لأ ...
بس آخر تأكد من شعوووره وانه افتقدها في حياته وعرف انه غلط غلطة العــمر يوم جي سواا ...
وتوكل صووب العين ..وهو كله ثقه ...
في بيت قوم هادي ....
ام هادي يالس وهي ملانه حدها ...تجوف التلفزيون ...
يت مضاوي ويلست حذالها ...هي واللاب توب مالها ...
مضاوي: امااايااا ها البنت مواضيعها والله تحففففه من الخاااطر أسإلتها واااايد حلوه ...><"
ام هادي: ها ..كيف...!!
مضاوي: انت صلا مو معاااايه تفكيــر فمنو ..؟؟
ام هادي: ...اليوم جفت ولد عمووتج ..حميد ...اونه راد البلاد ...
مضاوي تفآجأت ..واااااااايد: حميييييييييييييييد ما غيره ....مب سااافر من زماااااااااااان وودر البلااااد ...حتى حرمته ما تعرف عنه ...وكان حديييث الامااارات السبع كلها لمده يمكن أكثر عن سنتين وناس تطري ها الموووضووع بيررد ويا سواد ويه ..؟؟
ام هادي: اصلا هو عرس ونحن ما نعرف منو أخذ ..حتى امه ما تعرف...حليلها ...توفت ..منه ...وابووه هم بعد سافر وهو كان وحيد امه وابوه ..
مضاوي: ونحن ...ليش ما سوا لنا سالفه ...استغفر الله ...ابويا لو يعرف .عادي يذبحه لأنه هو سبب كل المشااكل اللي استوت هاييج الفتره ...
ام هادي: يالله ما اعرف والله لو بي صوووبنا ...واحد شراته فعلا ما تتوقعين شو ممكن يسوي ..!!
مضااوي: اماااايا اخيرا العضو الفذ اللي انا احبه واموت عليه في منتداي ...( يااامي ) $ احم احم قصتي كييييفي انزين$ ...احم احم حط لنا الجزء الثااالث من القصه ...
ام هادي: انتي ومنتداااج ها ..زما اعرف شو تحبين فيه ...
مضاوي: امي لو محمد شريف احينه سمعج صج بيزعل منج ...
أم هادي: ...لاااه ...منو ها محمد شريف ليكون تحبينه ...!!
مضاوي: خخخخخخخخخخخخخخخخ ...امي هذا راعي المنتدى ..مسؤوولنا كلنا ...المهم ياخ هذه العضوه وااايد انا احبها واخيرا حطت موضوع ...مواضيعها وااايد ممتعه ...خاطريه اجوووفها ...
ام هادي: انزين رمسيها ...في الفون ..دامج متأكده انها بنت ...
مضاوي: لا امي ما اروم اطلب رقمها استحي ...المهم ...خليني اعرف اشلون ارد بس عليها ...
ويلست مضاوي ترد ع مواضيع وتفكر في مواضيع تكتبها ^^ ...
في مول الامارات ...
تأخر الوقت نش عبدالله ...إستأذن من الشباب ..
هادي: وين وين ..؟؟
عبدالله: لازم نروح ...بعد وراانا درب ..بنسير العين تدري ...^^
هادي نش : ونحن بعد لازم نمشي عيل ... - وصد صوب محمد اللي كااان ساارح في البي إس بي ماله في خياله -
محمد: لاااااااااااااااااااااااا اااا مااشتريت البي إس بي مااالي ...ما يصير نسير احينه ...
هادي شوي وبيضرب محمد اللي ما يفهم ...
هادي بخاطره: والله اني افتقدك يا بدر ...وينك لو كنت منه جاف فهمت ...إنت مااامنك فايده يا محمد ...
هادي : هيه صحيح عبدالله نسيت ما شرينا بي إس بي ...
محمد مني استااانس جنه ولد ياااهل ...^^"
مني توكل عبدالله دوره ع خواته ومشوا ...صوب العين ...
هادي وهو ( يجر) محمد من كندوورته: يالله بسرعه ...اشتريه يالله ...
محمد: انزين خليني ...اجوووفه ..مواصفااته انا ابغي احسن واااحد
هادي وهو يرمس راعي المحل:محمد عطيني احسن بي إس بي عندك ويا ميموووري ماااا 2 جيجا بسرعه
البائع: هيه بس هزا بابا واااجد غالي ..
محمد : واايد واايد انا ما عندي ..ترا ..اللي عندي 400 درهم بس
هادي: تدري مااالت عليك والله....عطيني عطيني أأأحسن مووديل واحسن 5 شرااائط والباااقي انت نزلهم من النت يا محمد ...يا غبي يا اللي طفرتني اليوم ..
محمد يطالع هادي ...وهو ساااكت ...هادي اشترى له البي إي بي ...وعلى طوول طيران صوب السيااارة ..ز
محمد: خلني انا اسوق ..
هادي: ها شو ما سمعت ...
محمد وبكل جرأه: خلني انا ابغي اسوووق
هادي: والله واااصله وياك عند خشمي ...بفلعك ببكس ترانيه ...><
وتحرك هااادي...بسرعه ...عسب يلحق اونه سيااارة قوم عبدالله ...
محمد : انزين ممكن أسألك سؤال ...انت تبا سيااارة قوم عبدالله ...
هادي منه انصدم ...سكت وما عرف كيف يرد ع محمد : أ ...ها ...
محمد: شو حسبااالك غبي انا ما افهم ها الحركات ...
هادي...مني ضغطه انرفع ...هادي بلع ريجه: ...اي حركات ...
محمد : احم احم ...انك ....تـ...- هااادي بغى يموت - تبغي تسااابقه ...^^ ...تيك اوف وياااه ...
هااادي تنفسه وهو مرتاااح ...في خاطره: بتظل طول عمرك غبـــي ^^ ...
محمد بطل الكيس ماله ويلس يتعبث في البي إس بي ماله ...
هادي: شووو رايك فيه مب هو اللي كنت تبغيه ..؟؟
محمد: هيه والله شكرا حتى ما شكرتك لا وان شاء الله برد لك بيزاتك ...
هادي: هيه ردهم ...ابغاااهم ...^^
محمد: ان شاااء الله ...
ومشى هادي ...في درب العين ..يدور سيااارة عبدالله ...
وبعد بحثن طويل لقاها ...النيسان الكبسووله السوووده ...
مني هادي اونه زاااد سرعته وتجاوزهم ...اونه ما يعرف انهم هناااكي ...
سااارة: مب هذا الطفس الخقاااق ...ربيعك ...عبود ...
عبدالله: اي واااحد ..
أمل: اتوقع راعي الفراااري ....صح سااارونه حبيب قلبج ...
ساره منه عصبت لأنه حدها تكرهه : مااالت عليه ...
عبير: اغصان الينه ان شاااء الله ...
مني عبدالله حدددددددددده استغرب ...عبير اصلا دااايما وابدا ما يخصها باي حد ...ان شاء الله لو يسبون ابوها ما ترمس ...!!
عبدالله : آمـــين يا رب ...
مني عبدالله سرع شوي عسب يكون حذال هادي ...
هاادي اووونه انتبه ع عبدالله...
هادي سوا حركه اونه يا هلا او مرحبا ...^^ اووووووووووووووونه ما انتبه انه كان اصلا موجود...
عبدالله ..ابتسم ابتسااامه عوووده ...
مني هااادي كان حده مستااانس لأن عبير كانت يااالسه يدااام ...
هادي في خاطره: ..في حياااتي ما جفت جي بنت شراااتج ...يااا زينج ...يااا حلااتج ...واافديتج ...
هادي ما حس بعمره يوم انه قال وافديتج ..كانت بصوت عالي ^^"
محمد : شـــكرا - وهو مره مب مهتم في اي شي غير البي إس بي ماااله ...
هادي استغرب ها المخلوووق ليش رمس يعني ...؟؟ ><
هادي فخاطره: الاخ مرجووج الله يهديه ..بس ..!!
امل: طاع ربيعه الأهبل مشغووول بشوو...والله انه ياااهل ...
ساره: وانتي ماشاء الله تجوووف من هني ...صقر مب أمل ...
أمل ما ردت ع ساره ما فيها تضارب ويااها ...
أمل لعبدالله: إلا بسألك هاايول وين يدرسووون ..
عبدالله: اممم اتوقع في الجامعة الأمريكية اللي في دبي ...انا ما اعرفهم ...هذا اللي يسووق ربيع بدر ..بالقو ..ربع طفووله ...
وجي سوالف لين ما وصلوا الجيمي ...قوم هادي قبل روحوا درب بوظبي ...
محمد: نزلني خلااااص برقد في بيت يديتي ...في الرحبه ...
هادي: ...حو ..انت ترااك والله تخوووف خبرتهم انزين
محمد: لا لا عااادي ...وقف منه ...خلااص يالله باي
بطل باب السياااره ونزل ..
هادي حتى ما كنت عنده فرصه انه يرمس وياه ...
هادي: والله انك انساان غريب وعجيــب...يا محمد ...
وكمل دربه صوب بيتهم ...
يا ترا ..شو اللي بصير ...ووين سااير حميد ...عبير وهادي ..هل جي بيتمون واايد ..؟؟؟
اسئلة كثيره ...تتريا حد يجاوب عليها ...^^
يالله ابغي جي ردود حلوه ^^
