:: أمثال لبنانية :: بطل لو فهمت معناها بنفسك.

بسم الله الرحمن الحيم
السلام عليكم و رحمة الله و بركاته


http://images.msoms-anime.net/images...4538339842.gif
أمثال غائرة في القدم توارثتها الأجيال، و تناقلتها ألسنة أجدادنا، إنها الأمثال الشعبية التي تكلل أي مجلس من مجالسنا.فيها ما يغني عن كثير من الكلام، و مع أن الكثير قد يظن أنها بسيطة و قديمة، إلا أن فيها حكم كثيرة مختبئة بين حروفها. و بما أني أسمع الكثير منها عندما أصغي لكلام جدتي عندما تضرب بي المثل في إحداها ^^ ثم لا أفهم معناه، فقد بحثت عنه و أحببت أن أشارككم هذه الأمثال في جلسة تسلية و فائدة. فإليكم دستة من العبر، باللغة اللبنانية العامية، و سأضع شرحها بالفصحة لأن أغلبية الناس إن لم يكن كلهم لا يفهمون لهجتنا العريقة :Smile:.

نبدأ:
إذا حبيبَكْ عسلْ ما تِلْحَسوا كلُّو.
الشرح: إذا كان لك شخص عزيز و يتحمل منك الأخطاء لا تستنفذ حبه لك و لا تثقل عليه و إن كنت تعرف أنه سيتحملك.
تلحسو: أي لا تأكله أو تلسحه، تلعقه.

بصِلْتو محروقة.
الشرح: أي شخص متسرع، غير صبور، و لا يتروى بأفعاله.
بصلتو: بصلته (البصلة نوع من الخضار)

إيدَكْ مالحة.
الشرح: أي أن كل شيء ينكسر بيدك، أي يدك منحوسة بمعنى آخر :icon100:

الباب اللي بتِجيكْ مِنُّو الريْح، سدُّو و استْريح.
الشرح: إذا جاءتك المشاكل من طريق ما إقطع ذلك الطريق و ارتاح.

جِبْنا الأقرَع تَيْوَنِّسْنا، كشف عالقرعة و خوفنا.
الشرح: استعَنا بفلان فأخلفنا و أساء إلينا.
الأقرع: رجل بدون شعر.
تيونسنا: حتى يؤنسنا.
القرعة: القرع، اي الصلع.

احترنا يا قرعة من وين نبوسك.
الشرح: احترنا كيف نرضيك.
نبوسك: نقبّلك.

على أد بساطك مد رجليك.
الشرح: لا تفعل ما يفوق طاقتك و قدرتك.
على أد: على قدر.
بساطك: فرشك، أي السجادة.

يا خبر بمصاري بكرا ببليش.
الشرح: لا تستعجل معرفة الخبر فسيأتيك عاجلاً أم آجلاً.
بليش: مجاناً.

إذا إجا الفقر من الباب، هرب الحب من الشباك.
الشرح: الفقر يطرد الحب.
إجا: جاء

لاقيني و لا تطعميني.
الشرح: أرجو ملاقاتك و ليس مالَك.

ابن الحلال عذكرو ببان.
اذكر الجحش بيطحش طحش.
اذكر الديب و هيئ الأضيب.
كلها بنفس الشرح: تقال إذا ذكرت شخصاً غائباً ثم فجأة أتى.
ابن الحلال: العريس :icon100:
عذكرو: بذكره.
ببان: يظهر.
طحش: يدفع بعنف.
الديب: الواوي، الثعلب أو الذئب.
الاضيب: القضيب، عصا.

قاضي العجان شنق حاله.
الشرح: لا يمكن التوصل إل حل مع الأولاد الصغار.
العجان: الأولاد، و نحن عادة نقول الأولاد و لكن أصل المثل "عجان".

عرج الجمل من شفتو.
الشرح: عادة العرج يكون في الرجل، و لكن في المثل عرج الجمل من شَفَته، أي من مكان لا علاقة له بالرجل، فتقال عندما يكون السبب أو العذر غير مبرر و غير منطقي.

* إضافة الأخ guzo megure (مع التعديل)

اِعطِ الأجيرْ حقّو قبلْ ما يِنْشَفْ عرقُو.
التّفسير: حقّ العامل مقدّس فيجب إيفاؤه بسرعة.
حقو: حقه.
ينشف: يجف.
عرقو: عرقه.

الأعرَج بين المكَرْسَحِين غزال
التّفسير: يضرب هذا المثل بالشّخص القليل العلم إذا كان محاطاً بالجهلة، أو بالقليل الجمال إذا أحيط بمن هم أقبح منه. و لعلّ أفضل تفسير هو المثل الخليجي:" الأعور في ديرة العميان باشا"
المكرسحين: الذين لا يقدرون على المشي.

اعمل معروف مع كلب، و لا تعملو مع ابن آدم
التّفسير: من يردد هذا المثل عادة هو من صنع جميل مع أناس لا يقدّرون الجميل، و ربّما قابلوه بالإساءة
إذا أنت أكرمت الكريم ملكته... و إن أنت أكرمت اللّئيم تمرّدا

التّلم الأعوج من الثور الكبير
التّفسير: يضرب للإشارة إلى أن أخطاء الصّغار تعود إلى الكبار، كما أن أخطاء الأولاد تعود إلى الأهل، و أخطاء المجموعة تعود إلى القيادة
التّلم: الثّلم

إيد وحدة ما بتزقّف
يضرب للإشارة إلى أهميّة التّعاون
إيد: اليد
وحدة: واحدة
تزقّف: تصفّق

حطّ إيدك بميّ باردة
التفسير: كن هادئاً مطمئنّاً و سيتحقق ما تريد

حطّ عقلك براسك بتعرف خلاصك
التفسير: كن عاقلاً، و تصرّف حسب العقل لا الهوى
حطّ: ضعّ

كسر إيدو و شحد عليها
التّفسير: يضرب لمن يكثر التشكي من سوء الحال
إيدو: يده

هون بحشنا هو طميّنا
التّفسير: ليبق الأمر سرّاً بيننا
بحشنا: حفرنا

الولد ولد و لو حكم بلد
الصّبي صبي و لو كان إبن النّبي
التفسير: الولد يظل محتفظاً بعقليّة الأولاد و تصرفاتهم مهما علا شأنه


*إضافة الأخت ترانيم أمل (مع التعديل)


لا تدير وشك للدبابير وتقول تقادير
التفسير: لا تتكاسل عن شيء و إذا حدث تقول قدر الله.
وشك : وجهك

عيش يا كديش لينبت الحشيش
التفسير: تقال للشيء غذا كان مستحيلاً حصوله.
كديش : صغير الحمار ( الله يكرمكم)
الحشيش: العشب.

اللي بياخد من غير ملتو بموت بعلتو
التفسير: تقال لمن يتزوج شخصاً طباعه غريبة جداً.
ملتو : طبعه.
علتو : مرضه وقهره.

خنفسا شافت بنتا عالحيط قالتلتا متل الولو بالخيط
نفس معنى مثل القرد بعين امو غزال

الناس بالناس والقطة بالنفاس
التفسير:بقال للشخص عندما يكون الناس مشغولين بشي مهم و أحدهم مشغول بشيء.

اللي بدو الدح ما يقول أح
التفسير:من يريد الحصول على شيء صعب يجب أن يصبر دون أن يتأفف.
الدح: اللبس الجديد و الجميل.
أح: آخ (تأوه و وجع)

*إضافة الأخ كونان
يا داخل بين البصلة وقشرتا .. ما بنيبك منا الا ريحتا
التفسير: إذا حشرت أنفكَ في ما لا يعنيك، لن تجني سوى الشقاء.
قشرتا: القشرة
بنيبك: يأتيك
ريحتا: لائحتها

و هكذا نكون قد أنهينا أكثر الأمثال الشعبية استعمالاً، و ربما هناك غيرها و لكن من يعلم؟

شكراً لكم، و إلى لقاء قادم.
أختكم ღ أفنان ღ

السلام عليكم و رحمة الله و بركاته
و بعد .....
كيفك أفنان تدري من زمان كانت اللهجة اللبانية صعبة شوية علي لكن بعد ما شاهدت مسلسلات سورية ولبنانية فهمتها بعض الأمثال عرفتها و البعض جديدة علي
موضوع متميز كعادتك

اقتباس:

---

ابن الحلال عذكرو ببان.
اذكر الجحش بيطحش طحش.
اذكر الديب و هيئ الأضيب.

---

اقتباس:

---

قاضي العجان شنق حاله.

---

اقتباس:

---

عرج الجمل من شفتو.

---

اقتباس:

---

إيدَكْ مالحة

---

هذه كلها جديدة علي مشكورة للأمثال و التوضيح
تقبلي مروري

و عليييكم السلام و رحمة الله و بركاته
الحمد لله بخير، تسلمي حبيبتي.
هههه بس يا رب ما تكون مسلسلات تفسد سمعتنا أمام المتابعين لان ما في أحلى من المسلسلات اللبنانية الفاسدة.
تكرم عيونك و أهلاً بك دائماً.

خخخخخخ

أمثالكم غريبة وكأنها جابت لي الهم / أمزح

بس الأمثال الأمريكية أكيد أحسن

ههه، ليش الأمريكان أحسن منا ؟؟!! :)
لا أخفيك أني استغربت بعضها.
شكراً لمرورك.

شكرا على الموضوع الرائع يا أختي أفنان
تقبلي مروري
في امان الله ..

وعليكم السلام ورحمه الله وبركاته ..
مرحبا اخت افنان كيف الحال ..
في امثال بعرفها الظاهر انها مشتركه عند كل العرب..
اما الامثال اللي اول مره اسمع فيها هي هاذي
بصلتو محروقه نحن بنقول عن الشخص المتسرع والغير صبور رزو محروق
وكمان هاذي اول مره اسمعها ولااعرف مرادف لها
جِبْنا الأقرَع تَيْوَنِّسْنا، كشف عالقرعة و خوفنا
حترنا يا قرعة من وين نبوسك.

اذكر الجحش بيطحش طحش.
اذكر الديب و هيئ الأضيب
قاضي العجان شنق حاله
نحن استغفر الله عندنا يقولون لمن يعصبوا من الاولاد الحمار راح النار ليش عشان مافيها اطفال ههه
عرج الجمل من شفتو.
شكرا لك على المعلومات المفيده راح استخدمها مع اخواني الظاهر يحسبوني متعلمه لغه جديده هههههه

مرحباً بكما.
أختي همم، هههه اي استعمليها.
شكراً لمروركما.

قاضي العجان شنق حاله.

نقولها قاضي الأطفال ميت

متشابهة كثيرًا مع اللتي أعرفها فقط فرق اللهجة

استغربت من هذا: عرج الجمل من شفتو.

يذكرني بمثل حجة البليد مسح السبورة

شكرًا جزيلًأ لك أختي أفنان :D

ههههههههههه يا الله ما احلى لبنان

بلدي حبيبي اموت فيه

كل هالامثال اعرفها بس الجديد علي

اذكر الجحش بيطحش طحش
ههههههههههههه فطست من الضحك


ثانكس اختي افنان عالموضوع

غسق: ههه البليد، حلوة هي. شكراً لمرورك حبيبتي.
ترانيم امل: يا هلا يا هلا، أهلين باللبنانيين ^^

اقتباس:

---

فطست من الضحك

---

ههه تعرفي إنو نحنا و المصريين الشعب الوحيد اللي يستعمل هذه الكلمة، في مصر تستعمل بمعنى شبعت ^^
سرني جداً معرفة عضو آخر من لبنان، شرفتينا.

اقتباس:

---

بسم الله الرحمن الحيم
السلام عليكم و رحمة الله و بركاته

---

و عليكم السّلام و رحمة الله و بركاته ...

موضوع لبنانيّ بامتياز من عضو لبنانيّ بامتياز ^__^
صحيح أنّني أتيت متأخّراً و لكنّني الآن انتبهت إلى وجود الموضوع ^^"
بكلّ الأحوال ... سأتحدّث باللّبنانيّة أسهل :icon100:

أوّل شي موضوع كتير كتير حلو ^____^
ذكرني بشويّة أمتال كنت رح إنساها، و صراحة الباقي منهن بستعملو بحياتي اليوميّة فميشان هيك ما كنت كتير منتبه لمعناها الأصلي
و لأنّي حبّيت كتير الموضوع، اسمحيلي أسرق اللّينك تاع الموضوع و حطّو بالتّوقيع :icon100:

بخصوص اللّغة اللّبنانيّة العاميّة يعني صراحة حتّى أهل لبنان أحياناً ما بيفهمو عبعض !
يعني أنا مثلاً رفقاتي من الهرمل ما بفهم كلّ اللي بيحكو ^^" و ذات الشّي لمّا أحكي مع حدا من الشّمال، فميشان هيك ما في عتب على باقي الأعضاء إذا ما فهموا حكينا اللّبناني لأنّه حتّى نحنا ما منفهم على بعض ^^"

طيّب ... طالما الموضوع "لبناني بامتياز" فأكيد لازم أترك شي بقلبو، ميشان هيك جبت معي شويّة أمتال حتّى يصير الموضع أحلى و أحلى icon111 :

اعط الأجير حقّو قبل ما ينشف عرقه
التّفسير: لأنّ حقّ العامل مقدّس فيجب إيفاؤه بسرعة

الأعرج بين المكرسحين غزال
التّفسير: يضرب هذا المثل بالشّخص القليل العلم إذا كان محاطاً بالجهلة، أو بالقليل الجمال إذا أحيط بمن هم أقبح منه. و لعلّ أفضل تفسير هو المثل الخليجي:" الأعور في ديرة العميان باشا"
المكرسحين: الذين لا يقدرون على المشي

اعمل معروف مع كلب، و لا تعملو مع ابن آدم
التّفسير: من يردد هذا المثل عادة هو من صنع جميل مع أناس لا يقدّرون الجميل، و ربّما قابلوه بالإساءة
إذا أنت أكرمت الكريم ملكته و إن أنت أكرمت اللّئيم تمرّدا

التّلم الأعوج من الثور الكبير
التّفسير: يضرب للإشارة إلى أن أخطاء الصّغار تعود إلى الكبار، كما أن أخطاء الأولاد تعود إلى الأهل، و أخطاء المجموعة تعود إلى القيادة
التّلم: الثّلم

إيد وحدة ما بتزقّف
يضرب للإشارة إلى أهميّة التّعاون
إيد: اليد /وحدة: واحدة/ تزقّف: تصفّق

حطّ إيدك بميّ باردة
التفسير: كن هادئاً مطمئنّاً و سيتحقق ما تريد

حطّ عقلك براسك بتعرف خلاصك
التفسير: كن عاقلاً، و تصرّف حسب العقل لا الهوى
حطّ: ضعّ

كسر إيدو و شحد عليها
التّفسير: يضرب لمن يكثر التشكي من سوء الحال

هون بحشنا هو طميّنا
التّفسير: ليبق الأمر سرّاً بيننا
بحشنا: حفرنا

الولد ولد و لو حكم بلد
الصّبي صبي و لو كان إبن النّبي
التفسير: الولد يظل محتفظاً بعقليّة الأولاد و تصرفاتهم مهما علا شأنه

.... و هيدا اللّي عندي يياه ^^"
بالأخير ما بنسى أشكرك كتير عالموضوع الرائع و بانتظار مواضيعك الجاي، و أي موضوع بدّك تعملي خصّو بلبنان أنا حاضر للمساعدة icon111
و السّلام عليكم ...

اسمحيلي انا كمان اضيف هالكم مثل اذا ما عندك مانع


لا تدير وشك للدبابير وتقول تقادير

يعني لا تتكاسل عن شي ولمن ما يصير تقول قدر الله هيك

وشك : وجهك

---------------------------
عيش يا كديش لينبت الحشيش

تنقال للشي اللي مستحييل يصير

كديش : صغير الحمار ( الله يكرمكم)

-------------------------------------------
اللي بياخد من غير ملتو بموت بعلتو

تنقال للي بيتزوج شخص طباعه غريبة جدا

ملتو : طبعو
علتو : مرضو وقهرو

----------------------------
خنفسا شافت بنتا عالحيط قالتلتا متل الولو بالخيط

نفس معنى مثل القرد بعين امو غزال
----------------------------------------------------------------

الناس بالناس والقطة بالنفاس

بينقال للشخص اللي ( مع نفسو ) هههه
لمن يكونو الناس مشغولين بشي مهم
وواحد منهم مشغول بشي تااافه واهبل
--------------------------------------------------

ثلاثة ما بيتخبّوا: الحُب والحَمل وركوب الجمل

مفهومة
ركوب الجمل : السفر

-------------------------
اللي بدو الدح ما يقول اح

يعني اللي بدو الشي الصعب لازم يصبر لياخدو
ولا يتافاف او ييأس


اسفة اذا طولت عليكم بس حبيت اشرك بالموضوع بما انه عن بلدي ^__^

الحيط : الجدار
اللولو : لؤلؤ

اللهجة اللبنانية أفهمها عادي إذا تكلم واحد معي .
بس إذا كان اللبنانيين يتكلمون مع بعضهم ما أفهم ولا كلمة !!!

guzo megure: يا أهلين و سهلين، شرفتو. ههه إي صح حتى نحنا أحيان ما منفهم عبعض :Smile:، ذكرتني برفقاتي من القلمون و عكار، ييي يا دلي شي رهيب، ما عم اتمسخر بس فعلاً ما بفهم شي.
طبعاً أكيد فيك تسرق اللينك، شو هالسرقة المشرفة ^^
و صراحة اي مفكرة اعمل شي عن لبنان متل موضوع سياحي بس بعد الامتحانات، يعني بعد جمعتين، حإبقى إحكيك على الخاص. >>> الحكي اللبناني أريح بكتييير و هلأ حسيت بهالشي :Smile:
و بالنسبة للإضافة، اسمحلي حطن بالموضوع هيك بيصير أكبر و أحلى.
حق لنا أن نفخر بوطننا >> بحبك لبناااان icon26 Icon55

ترانيم امل: أكيد أكيد حبيبتي أهلا فيكي و بالإضافة الحلوة منك. كمين اسمحيلي ضيفا على الموضوع. شكراً لك.

لازم نعمل لقاء للبنانيين أنا و إنتِ و الأخ guzo، نعمل الجالية اللبنانية في مسومس :icon100:

حامل الأوسكار: هههه اي ممكن، حسب السرعة في الكلام. شكراً لمرورك.

شكرا لك اختي أفنان موضوع رائع
عرفنا على اللهجة اللبنانية
و في بعض الأمثال اللبنانية أيضا تقال عندنا في عمان كثيرا
مثل :
الباب إلي يجي منه الريح سده و استريح
و أيضا ..
إذا كان حبيبك عسل ..ما تلحسه كله
^^

ترانيم امل: أكيد أكيد حبيبتي أهلا فيكي و بالإضافة الحلوة منك. كمين اسمحيلي ضيفا على الموضوع. شكراً لك.

لازم نعمل لقاء للبنانيين أنا و إنتِ و الأخ guzo، نعمل الجالية اللبنانية في مسومس

-------------------------------------------------

ههههههههههههههههه حلوة الجالية اللبنانية

يلا وانا القائدة ( طماعة )

امممم يلا معليش سمحتلك تاخدي الامثال بيقولو المسامح كريم
ههههه لا والله فداكي وبدون استئذان كمان

Icon-clab0Icon-clab0
امثال حلوة مكنم يالبنانين >> بدنا اكثر>>امزح
مع تحياتي:icon26
eh_s7
eh_s7
s*o*a

أما شو أمثال حلوة مضحكة احنا الفلسطينيين في بعضهم نفس الشغلة وفي شوية اختلافات احيانا

كان اليوم شوي عصيب وفيو مشاكل بس عنجد ضحكت من الاعماق Icon498

و عليكم السلام و رحمة الله و بركاته

لك أهلين و سهلين بيكي خيتي : ) بعرف أحكي لبناني ، مانها لهجة صعبة ^^"""

و الامتال اللي حكيتهن ... فيهن شبه كبير بالأمتال الفلسطينية ... بسمع إمي بتحكيهن كتير ^^""

اقتباس:

---

بصِلْتو محروقة.

---

ع أساس لما ننش ( نشوي ) أول ما ينحرق ينحرق البصل ^^""

اقتباس:

---

إيدَكْ مالحة.
الشرح: أي أن كل شيء ينكسر بيدك، أي يدك منحوسة بمعنى آخر

---

ههههههه اول مرة أسمع بيه ^^""

اقتباس:

---

الباب اللي بتِجيكْ مِنُّو الريْح، سدُّو و استْريح.

---

أكيد ^^""

اقتباس:

---

جِبْنا الأقرَع تَيْوَنِّسْنا، كشف عالقرعة و خوفنا.
الشرح: استعَنا بفلان فأخلفنا و أساء إلينا.
الأقرع: رجل بدون شعر.
تيونسنا: حتى يؤنسنا.
القرعة: القرع، اي الصلع.

احترنا يا قرعة من وين نبوسك.
الشرح: احترنا كيف نرضيك.
نبوسك: نقبّلك.

---

حلوين قصص الـأقرع و القرعة ^^""

اقتباس:

---

على أد بساطك مد رجليك.

---

بتزكر إنو عـ أد لحافك مد رجليك ^^"


أما اخر شي ... ما سمعتهن من قبل ><""

عـ العموم يسلمووو خيتووو على الموضوع الممتع كتير ^^""
و حلو كتير نعرف لهجات بعض ^^

في آمان الله

اقتباس:

---

المشاركة الأصلية كتبت بواسطة ღ أفنان ღ

و صراحة اي مفكرة اعمل شي عن لبنان متل موضوع سياحي بس بعد الامتحانات، يعني بعد جمعتين

---

صراحة أنا من فترة عم فكّر حطّ مواضيع بتحكي عن لبنان بسّ الدّرس و ما أدراكي ما الدّرس >__< و كمان مشاركتي بباقي الأقسام
يعني ... الله بيعين ^^"

اقتباس:

---

المشاركة الأصلية كتبت بواسطة ღ أفنان ღ

و بالنسبة للإضافة، اسمحلي حطن بالموضوع هيك بيصير أكبر و أحلى.

---

أكيد ما في أي مانع (خدي الأمتال مقابل اللّينك :icon100:)

اقتباس:

---

المشاركة الأصلية كتبت بواسطة ღ أفنان ღ

لازم نعمل لقاء للبنانيين أنا و إنتِ و الأخ guzo، نعمل الجالية اللبنانية في مسومس :icon100:

---

قصدك نعمل سفارة لبنانيّة بمسومس :icon100:

اقتباس:

---

المشاركة الأصلية كتبت بواسطة ترانيم امل

يلا وانا القائدة ( طماعة )

---

الشّعب يريد إسقاط السّفارة ! :icon100:

^^^^^^

ول من اولها ؟؟؟!!!هههههههه

ما حتنحى عن القيادة مستحييييييل ولو تنحيت حخلي افنان لانها صاحبة الفكرة >> وبتعترف كمان <<

~كونيتشوا~

ولله عن نفسي اشياء

فهمتها وأشياء لا هع هع ^__^

لا تحرمينا جديدك

~جانا~

صمتـ الشموخ: تكرمي حبيبتي، و تشرفت بمروركِ.

ترانيم امل: ههه أتشرف بقيادتك لجاليتنا المتواضعة >> 3 أعضاء، الله لا يكسر حدا :icon100:

s*o*a: ههه أول ما تطلع أمثال جديدة حاكتبها ^^، أهلاً بك.

Mss.lonLy: ههه اي الحمد لله إن أدخلت السرور على قلبك ^^ نلت بذلك الأجر.

Naro-chan: ههه لا مش لبناني 100%، واضح الفرق لأننا ما بنقول خيتي ^^" بس مشكورة على المرور الطيب.

guzo megure: يا هلا.

اقتباس:

---

الدّرس و ما أدراكي ما الدّرس >__<

---

بعرف والله بعرف، أنا صف شهادة ثانوية.

اقتباس:

---

أكيد ما في أي مانع (خدي الأمتال مقابل اللّينك :icon100:)

---

ههه قبلت الصفقة .

اقتباس:

---

قصدك نعمل سفارة لبنانيّة بمسومس :icon100:

---

اي هي فكرة بس متل ما قلت للأخت ترانيم الله لا يكسر حدا ^^

اقتباس:

---

الشّعب يريد إسقاط السّفارة ! :icon100:

---

ههه، و أنا أطالب بحقي في الرئاسة :icon100: أمزح .

ترانيم امل: ههه شكراً حبيبتي كلك زوق ^^ بس ما بحب الرئاسة و مشاكلها. الله يجيرنا، كتر ما شفت سياسة بلبنان، تسمحيلي أعرف من اي منطقة؟ ^^

f - f: ههه بسيطة، أهلاً بمرورك.

أنا أعرف معظم هذه الأمثال
وبالمناسبة ، نجن الفلسطينيون نفهم اللغة الخليجية واللبنانية والسورية والمصرية

ههه من حسن حظك، حتى تستطيع التفاهم معهم ^^
مهم >>(ماذا حدث للدروس؟ لم أجد درساً جديداً)

هههههههههه لكن منيح ما استوليت على حق حدا

يا ستي انا من راس بيروت
بس عايشة بالسعودية منذ امد طوييييل من قبل لا انولد هههههههه

انا اصغر منك بسنتين

وانتي ؟؟

ههه تشرفنا، يا هلا.
أنا من طرابلس. تشرفت بمعرفتك.

كل الأمثال فاتت علي >>بعرفها منيح
شكرا إلك ع الموضوع ....

بصمة قلم !!

و عليكُـمُ السّلام ورحمةُ اللهِ وبركاتهُ

-

جَمِيل جداً هذا الموضُوع ، تُعجبنـي المواضِيع التي تعرّفنا على ثقافات و تقالِيد الشّعوب الشّقيقة

قرأت كلّ الأمثَـال .. أعجبتُ بِها و بطريقة شرحِهـا السّلسة و المُبسّطة

أمّا الجُزء الأفضل في الموضُوع أنني خرجتُ بإبتسامةٍ عرِيضة للغايـة

جرّاء مُتابعتي لنهشتاتِ الأعضاء اللبنانيّين guzo megure و ترانيم أمل و أفنان

أضحكتمونِي أضحكَ الله سنِكُم .. ^____^


؛؛


شُكراً جزِيـلاً لكُمْ ..

~ مع خَالِص تحيّاتي و تقدِيري

سلمى1415: ههه جيد جداً. تكرمي. شكراً لمرورك.

Keen: أجل كان لا بد من شرح. ههه جميل، الموضوع إذا مضحك و مفيد. أتمنى أن تظل هذه الإبتسامة العريضة تزين وجهك ^ ^
خلص بعملكم حوار لبناني يوماً ما.

امثاال حلوة
البعض اعرفها والبعض لا
بس حلوة نتعرف على امثال لبنانية
بعطيكٍ العافية

مرحبـآ .. أهلييين أفنـــــآن .. : )

مممممممم أغلبهم فهمتهم لأنو منحكيها .. متل///

1- بصِلْتو محروقة ,,, دآيماً بؤولها لرفيئتي : )

2- إيدَكْ مالحة ,,, أختي بتؤلي إيآهآ دآيمآ .. خآصة لمآ أمسك لاب توبها .. أول ما أمسكو أبصــر شو بصير فيييه .. !! =)

3- الباب اللي بتِجيكْ مِنُّو الريْح، سدُّو و استْريح ,,, ما في وئت محدد لنؤلو ..

4- احترنا يا قرعة من وين نبوسك ,,, بحب هالمثل لأني كل ما ؤولو بيرضى التاني بسرعة ما بعرف ليش ..

5- على أد بساطك مد رجليك ,,, معلمتي زمان كانت تؤلي اياها لمآ تشوفني شديدة بالدرجات .. يعني ازا بنقص درجات بضلني فوق راسها ... ليش و ليش و ليش ..!!

6-إذا إجا الفقر من الباب، هرب الحب من الشباك ,,, هالمثل صح 100% .. ما مرت فترة ؤولناها بس بعرفوا ..

7-ابن الحلال عذكرو ببان ,,, إي هاد كتير بينئآآآآل في كل مكان و خاصة ازا في عزايم في كمان مثل منؤولو شبه كتييييير .. ( زكرنا القط ئام نط )

8- اِعطِ الأجيرْ حقّو قبلْ ما يِنْشَفْ عرقُو ,,,

بتعرفي ايمت منؤول هاد ؟؟ وقت اللي ييجي المسَّحر ليفيئنا من النوم لنتسحر في رمضان .. بآخر رمضان بييجي بيطلب العيدية علشان بعد رمضان العيد ,, منؤول هالمثل

9-اعمل معروف مع كلب، و لا تعملو مع ابن آدم

ههههههههههه
بحبو هالمثــــــــــــل .. رفيئاني لسانن على هالمثل .. ( بيحملوكي جميلة عكل شي بيساووا معك )

10-إيد وحدة ما بتزقّف

11- حطّ إيدك بميّ باردة

12- حطّ عقلك براسك بتعرف خلاصك

وقت اللي ساوي شي خطأ ماما بتجنني فيها ..

اقتباس:

---

فطست من الضحك

---

نحن أيضاً نقولها .. بس أول مرة بعرف انو المصريين كمان بقولها ..

البآقي هلأ عرفتهم ... حلوين .. : )

يسلموووووووو إيديكي حبيبتي .. و بانتظار جديدك ...

سـلام اعضـاء .:Smile:.
كيفك افونه انشاء الله تمام ..
موضوع روعه تسلمي .. انا كتير احب اللهجه اللبنانيه ..
والامتال ماشاء الله فهمتها كلياتها .:Smile:.
والمثل الي قلتي (الناس بالناس والقطه بالنفاس )
احنا نقوله ( الناس بالناس والقرعه تحك بالراس)
والمعنى نفسه متل ما قلتي .. انو الناس بحال والقرعه تحك راسها ..هههه..
وكتير امثال احنا نقولها نفسها ..
تسلمي عالموضوع افونه ..
في امان الله .:Smile:.

lolowenw :شكراً على مرورك الطيب.

qoot_syria: أهلا و سهلا، ههه إي صح تقريباً نفس الأمثال.

اقتباس:

---

- بصِلْتو محروقة ,,, دآيماً بؤولها لرفيئتي : )

2- إيدَكْ مالحة ,,, أختي بتؤلي إيآهآ دآيمآ .. خآصة لمآ أمسك لاب توبها .. أول ما أمسكو أبصــر شو بصير فيييه .. !! =)
- على أد بساطك مد رجليك ,,, معلمتي زمان كانت تؤلي اياها لمآ تشوفني شديدة بالدرجات .. يعني ازا بنقص درجات بضلني فوق راسها ... ليش و ليش و ليش ..!!
-ابن الحلال عذكرو ببان ,,, إي هاد كتير بينئآآآآل في كل مكان و خاصة ازا في عزايم في كمان مثل منؤولو شبه كتييييير .. ( زكرنا القط ئام نط )
- حطّ عقلك براسك بتعرف خلاصك

وقت اللي ساوي شي خطأ ماما بتجنني فيها ..

---

هههه ضحكتيني، شكراً لردك العطر.

uchiha star: ههه تمام و الحمد لله. تكرمي حبيبتي، أهلاً بك. أعتقد أفنونة أحلى ^,^

وعليكم السلام ورحمة الله وبركاته
أهلا بكِ أفنان وكيف حالكِ
مر زمن مذ إن التقيتك يا فتاة
أعتقد أن لنا جلسة سوياً في القريب وأتمنى ذلك ...
نرجع للموضوع
جميلة جداً تلك الأمثال وذكرتيني بجدتي فدائما كانت تكرر بعضها
بس طبعا بلهجتنا لأن معظم ما ذكرتي أمثال مصرية ....
جميل موضوعك هذا وأسعدني حقاً
فأسعدك الله في الدارين ..
** الدرس السادس قد وضع فأستعدي للدرس الثامن
حفظكِ الباري ورعاكِ أخية ..
ودمتِ في أمان الكريم المنان

الحمد لله بخير، شو بقول.. الإمتحانات آخدتلي عقلي ^,^، إنت كيفك؟ إي أكيد أبقى احكي معك. صراحة فقدتلك كتير.

جميل أن أعجبك الموضوع. أغلب الأمثال أيضاً استمديتها من جدتي، الجدات كنزُ أمثالٍ عريقة ^^"
آمين، افتكرت إن السلسلة ضاعت لأن طوّل الدرس السادس، زعلت كتير بس ما كان عندي وقت اسألِك. أجل لا تقلقي أنا دوماً مستعدة. و لكن أنا دوري في الدرس التاسع ^^ أليس كذلك؟ الدرس السادس دمعة أمل و السابع وميض، الثامن أبو رويم و التاسع .. أنا :) إلا إن كان هناك حالة ما.
نورتِ حبيبتي بإذن الله أكيد لنا لقاء قريباً.
في أمان الله

وعليكم السلام ورحمة الله وبركاته
جزاكِ الله خيرا أختى على الأمثال الجميلة
وأنا عن نفسى أفهم بعض لهجات اللبنانيين والسوريين والخليجين
ولكن بعض الأمثال فهمتها والباقى لم أفهمه إلا من الشرح
فبارك الله فيكِ ووفقكِ لكل خير

مشكووووووووووووورة

أبو رويم: حياكَ الله أخي و إياكَ، أتشرف بمروركَ. ههه جيد إذاً لديكَ معرفة سابقة ثقافة عامة ^^
قوس المطر: تكرررمي حبيبتي، يا أهلاً بكِ.

وعليكم السلام ورحمة الله وبركاته ..

هههه .. موضوع طريف ^^
تُوجد بعض الأمثال اللي نستعملها في بلدنا !

همم .. أتخيل أهل الشام فلسطين والأردن وسوريا ولبنان يفهموا بعض
وتقريباً نفس الكلام .. لكن درجة الدفاشة تختلف بين بعض XD !
بالنسبة لي صعب أفهم الخليجي .. أما المغربي لغة أخرى ! مثل الأطرش بالزفه ههه

بتخيل مَثَل يا داخل بين البصلة وقشرتها .. ما بنيبك منها الا ريحتها لبناني !
واذا لبناني بدو ينقال بهذه الطريقة .. يا داخل بين البصلة وقشرتا .. ما بنيبك منا الا ريحتا XD

^_________^

ههه اي يييي، كيف نسيت هالمثل؟! يا ربي مع إني بحبو كتير بس راح عن بالي، بضيفه هلأ.
ههه الدفاشة، حلوة هيدي. إي صح تحس بلاد الشام يفهموا على بعض مهما اختلفوا و لكن صعب أفهم الخليجي.
شكراً لمروركَ

عدت إلى الموضوع لأنّني تذكّرت مثلاً لا أعرف لماذا أفضّله و أحبّه
و لكن هذه المرّة سأجعل منه مسابقة
فلهذا المثل قصّة أدّت إلى اختراعه
و لا يمكن فهم المثل دون معرفة القصّة
لذلك المسابقة هي معرفة قصّة هذا المثل

و المثل يقول:
"اللي بيعرف بيعرف و اللي ما بيعرف ما يقول إلّا كفّ عدس"

فما هي قصّة هذا المثل؟
بانتظار الأجوبة ...

هههه صراحة لم أسمع به من قبل! سأضعه في الموضوع الرئيسي من بعد إذنكَ.
مبارك ال100% و عقبالي بالشهادة الرسمية>>> متفائلة جداً :)

جوزو انا بعرف قصتو بس لحظة لاكتبا حتى ما تروح عليي الجائزة

سنعود بعد قليل

_________

عدنا والقصة غشيتها من ماما

القصو ياسيدي ومافيها

انو فلاح بيزرع عدس وكان عندو بنت صبية بتساعدو بالزراعة
راح مشوار ورجع ولقاها مع شب غريب بوضع غريب
وجن جنونو لمن عرف انو بدو ياخد شويي عدس واجا ليقتلو قامو الرجال فارعو بينهن
وقالولو بدك تقتلو عشان شويي عدس

وهيك طلع المتل

ما بعرف اذا هالقصة صح ولا لا

والمناسبة
لمن حدا يحكم على الشي بالظاهر

صحيح !
القصّة صحيحة مع أنّها شوي مختلفة عن اللّي بعرفها
بس المضمون هو ذاته ^__^
بس إذا في مجال أعرف إنتو من من وين ؟
(قصدي من أي ضيعة بلبنان ^^")

و بخصوص الجائزة ... بعتذر بس ما في جائزة ^^"
رح حاول دبّرلك تيكت سفر علبنان XD

هههههههههههههه يا رييييييت يا ريت
وابعتلي ياها لو سمحت بس ياريت تكون بالصيف ههههههههه

انا من راس بيروت ^_^

وانتا ؟

ههههه عنجد هيدي هي القصة !.... فكرنا شي شغلي عمو.
و يا ريت تبعتلي معك تيكت على تركيا جاي عبالي زورا من زمان >>> المواطنية الحقة :)

جميلـ جدًا تكوينكم لسفارة لبنانية في مسومس ^^" ....

أمثال كثير منها عندنا مع اختلافات و بعضها جديد و بعضها" لحسة مخ XD " ..

استمتعت وأنا أقرا الموضوع و ردودكم ..^^ ..

لدي سؤال لك ترانيم أمل ..

"" بما إنك لبنانية بالسعودية ما أحد قال لك شيـ ..هع .. ؟

ما صار لك موقفـ.. ^^ ؟""


شكــرًا جزيــلًا .... أفنان وكل من شارك

في إضافة الأمثال.. لهجة " حلوهـ " ما شاء الله ..



آأإآرق تحيــآأإآتيـ ...} ..

اقتباس:

---

المشاركة الأصلية كتبت بواسطة Miss.Ripple

جميلـ جدًا تكوينكم لسفارة لبنانية في مسومس ^^" ....

أمثال كثير منها عندنا مع اختلافات و بعضها جديد و بعضها" لحسة مخ XD " ..

استمتعت وأنا أقرا الموضوع و ردودكم ..^^ ..

لدي سؤال لك ترانيم أمل ..

"" بما إنك لبنانية بالسعودية ما أحد قال لك شيـ ..هع .. ؟

ما صار لك موقفـ.. ^^ ؟""


شكــرًا جزيــلًا .... أفنان وكل من شارك

في إضافة الأمثال.. لهجة " حلوهـ " ما شاء الله ..



آأإآرق تحيــآأإآتيـ ...} ..

---

اولا من توقيعك باين انك هلالية واقولك الف الف الف الف الف مبروك
لكل هدف الف ^__^

بالنسبة الي
كتييييير مواقف صارتلي
لمن اقول لحدا اني لبنانية ما بيصدق بسرعة

نحنا تقريبا لانو من زماااان قبل لا تنولد امي ونحنا بالسعودية
فاخذين عادات ولبس اهل البلد

حتى الشكل ههههههههه

فلمن اقلهم لبنانية بيصيرو يتمسخروا عليي بيحسبوني عم بكذب
وحدة قالتلي اول ما تعرفت علي انتي شكلك مطيرية !!!!!!
قلتلها شكرا جزيلا لك بس انا لبنانية ^_^"