يوميات المدرسه السنه الماضيه

صباح الخير
شلونكم شخباركم
يومياتي في المدرسه

هذي القصه من بطولتي طبعا
المهم
كان يامكان في مدراس الثانويه
كانت هناك مدرسه فيها صف يدعى 11/2 علمي
وهذا الصف مسوي كارثه لمدرس الرياضيات
يشرح لنا وحنا مانفهم
المهم
وفي يوم السبت
هذا اسوء يوم عندي بالاسبوع
اولا لانه يكون ورى العطله والجمعه تكون عندنا جمعه شباب
عندنا لانه اول خمس حصص تصدع بالواحد
يعني اول شي رياضيات +فيزيا+كيميا+جيلوجيا+عربي
والصف مايفهم شي ورى الحصه الخامسه
يوم السبت
المهم في يوم اغبر ويوم كله مطر
انا رايح المدرسه من الساعه 6 << متفق مع ربعه يروحون للمقهى
تمطر السما وحنا نتوهق ونروح للمدرسه
وعاد نظام المدرسه اذا امطرت السما الطابور يلغونه
وانا واربعه من عيال صفي نقعد بالصف والا هذا المدرس الرياضيات جاي على الصف
وهني ابراهيم يلعن الساعه الي جاء فيها من الساعه 6
المهم المدرسه قام يعلي صوته ويقولن انت من اي داهيه جيتو <<مصري المدرس
المهم قال عقاب لكم انكم جيتوا من الصبح اختبار بالدرس الي طاف << يوم الاربعاء
وكان الدرس المتجهات ويوم الجمعه انا مااذاكر يعني الكتب في نفس مكانهم
والمدرس يسوي الاختبار والكل مايعرف شي
وطبعا الكل جاب صفر من خمسه
والمدرسه شبع من الغلط علينا <<ماخلى كلمه الا قالها
المهم قام يصايح بالجناح ويقول يالهوتي يالهوتي
اكيد المدرسين يدورون سوالف ويلتمون المدرسين على الصف
والمشكله بس خمس الي بالمدرسه والي هم انا وربعي
والمدرس يشكي الهم لهم ويقول انا شرحت لهم الدرس يوم الاربعاء
وهم طلاب اغبياء بستين نيله
وانا وربعي مطنشين له ونضحك عاد يقول تضحكون على خيبتكم
وحنا مطنشين له ويجي مدرس الفيزيا استاذ محمد
ا.محمد:خلهم اخذهم للمختبر وانت اقعد بالغرفه .
اكيد استانسنا ونروح نركض للمختبر
المدرس قال لنا اقعدو هني والي عنده واجب يحله ويسوي اي شي
وكانت ايام امتحانات وكل واحد مجهز عدته اقلام رصاص وورق صغير يكتب عليه
واكيد ابراهيم شايل الطاوله مالتي معاي الى لمختبر(بجانب الصف )
المهم ابراهيم ماقصر ترس الطاوله براشيم والربع ماقصروا كل واحد مجهز جيش من البراشيم
جاء باقي الصف وتنتهي الحصه ويجي مدرس الكيميا
ويشرح لنا الدرس والكل مايدري شنو يقول المدرس
تخلص الحصه تجي حصه الجيلوجيا
وانا انتقل اخر الصف وانام على اخر طاوله والمدرس يسال الصف
شفيه ابراهيم نايم
الكل جذب على المدرس الي يقول امس عند عرس والي يقول عنده عزى
والمدرس يجيني ويقعدني من النوم
المدرس:ابراهيم انت تعبان ؟ ليش نايم روح اغسل وجهك.
ابراهيم:استاذ والله امس كنت بالمستشفى اخوي بالمستشفى ومحد عنده غيري وانا سهران قاعد عنده.
المدرس يتاثر معاي ويروح
ويدق جرس الفرصه ابراهيم مثل الغزال يطلع اول واحد
والمدرس منصدم مني
المهم الواحد يروح بالفرصه يضحك على ربعه عاد في واحد بصفنا دوم يضحكون عليه
اسمه عبدالرحمن
وهذا ابراهيم يضحك عليه من غير الي اضربه علابي(افا بالمصري) :D
واخليه يشتري لي من المغصف
وفي واحد بصفنا مثل حالة الولد اسمه بلال :)
حتى المدرسين يضحكون عليه
وهذا بلال انا الوحيد الي محترمه
المهم تخلص الفرصه وانا ولد عمي عمر رحنا واول ناس بالصف
الا انا ادخل قبله بالصف وامسك مساكت الباب وهو يسحب يبي يدخل الصف
الا تنكسر المساكه
ومافي احد بالصف
وننحاش للحمامات يعني ماندري شنو صاير
ولما جاء عبدالرحمن ونروح له
ونقول له
ابراهيم :انت الي كسرت الباب ؟ عمر روح جيب المشرف .
عمر :اوكي
عمر يركض مثل الغزال << مشكله الي يطيح بايدينا انا وعمر
المهم الولد توهق مايعرف شنو يسوي ويجي المشرف وتصير جمعه بالجناح
وباقي الصف رد من الفرصه وكلهم يعرفون انه مو الي كسر الباب
ويتهمونه انه كسر الباب
والسالفه تكبر ويجي الاخصائي والمدير
يعني السالفه صارت كبيره
وكل الصف يقولون هو وهو ينكر
وينفصل الولد ويجي ابوه ويكلم الناظر علشان مايفصلونه
لانها امتحانات اخر الاسابيع
ابوه يدفع فلوس الباب
ويصلحون الباب وتروح حصه العربي على التصليح
المهم يجي الاختبار والكل غش (اخبار رياضيات)
واقل واحد جاب 7.5 من عشره
وانا بكل فخر 10 من 10
والاختبار كان بالمتجهات والمدرس مو مصدق
ويقول انتم غشيتوا ونحلف لا استاذ ماغشينا
وقال انه يعيد الاختبار الاسبوع الجاي
وينتهي اليوم السبت
>>>فاصل اعلاني<<<<

يوم الاحد
هذا اليوم ماحبه هو السبت لان يكون سبع حصص ويكون علينا حصتين رياضيات
يوم الاحد ماصار فيه شي يذكر لانه يوم مليق ويغث
بس فيه حدث مو يدل على الخباث والمكر مني ومن عمر
ورى ماخلصت الفرصه
طبعا نروح الصف اول ناس بس هذي المره معاي عيال عمي اربعه << شكرهم عيال عمه
علشان نبدل الطاولات يعني نجيب طاولات نظيفه ماعليها كتابه<<يكمل التبرشم من جديد
المهم وحنا بالصف في واحد بالصف هذا اكبر جذاب اسمه انور
يقول انه عمه عنده عيادات بالسعوديه
ونلقى الولد قاعد يدخن بالصف تعريف عن انور
طالب رسب بالادبي ويبي ينجح بالعلمي
هذا انور يعرف عيال عمي الي بالمدرسه كانوا معاه السنه الي طافت المعاه بالادبي
المهم نلقا انور يدخن عاد قلنا نبي نضحك عليه وبكل خبث ومكر
اروح انادي المشرف عليه والمشرف يجي
ونقول له انه يدخن والزقاره موجوده بالصف وريحته كلها دخان << مو خبيث
والمشرف بدون سابق انذار ضرب كف انور قام يدور بمكانه وحنا نضحك عليه من كل اعماق قلوبنا
الولد يضرب ضرب صح يعني يتوب لا يدخن قدامنا ويزعل علينا وحنا مطنشينه
عاد يجي مدرس العربي ويقول باجر في حصه نموذجيه احفضوا القصيده
الصف انصدموا منه عاد انا تكلمت
ابراهيم: استاذ عندكم صف الشطار خلهم ياخذون الحصه حنا راح نورطك ماحد فاهم شي.
يعني المدرس يبي يحرجنا
المدرس:لا انتم طالب شاطرين الصف الثاني مايفرق شي عنكم انتم اذكياء .
ابراهيم: خلاص استاذ اذا باجر محد جاوب لا تزعل .
والمدرس يروح
ورى ماراح المدرس
جاء مدرس الدين
المدرس:باجر تسميع الايات كامله عليها درجات.
والكل :استاذ باجر علينا حصه نموذجيه للعربي شلون نحفظ؟
المدرس: خلاص مومشكله اسمع لكم الاسبوع الجاي.
وانا باللحظه سويت مشكله
ابراهيم:استاذ هذا اخر اسبوع شلون تسمع لنا محد راح يداوم الاسبوع الجاي
المدرس غير رايه وقال باجر تسميع الايات والكل عصب علي
وتنتهي الحصه ويجي وقت الاختبار
والاختبار كان احياء
وانا راسم الرسمات على الطاوله والتعريفات كامله على الطاوله
وايب بالاختبار 9.5
طبعا الدرجه موعاجبتني
قال المدرس اصحح الاختبار مره ثانيه اذا نفس الدرجه احط لك 7 عاد هني غيرت راي
وارد للبيت ولا احفظ لا الايات ولا القصيده
>>>اعلان<<<
الاثنين
اخ ياقلبي
هذا اليوم على قولتهم يوم حافل
اول حصه كانت فيزيا كنا بالمختبر
وعاد بالمختبر صارت سوالف
وانا كالمعتاد قاعد ومالي شغل بحد<<< قووويه
رحت عند ولد صفي اسمه فيصل
وهني بداء ابراهيم شغله
وافر راسه واقوله
ابراهيم:فيصل هذي اخر ايام الدراسه شرايك نلعب بطفاية الحريق ؟
فيصل: لا ياولد خوفك يجي المدرسه ويشوفنا.
شوفوا الخبث
ابراهيم:انا توني شايف الاستاذ نازل للاداره مو جاي الحين راح يطول.
فيصل اقتنع بالفكره وراح بكل غباء ومسك طفاية الحريق
وراح عند انور وشال سدادة امان
ويمسك الطفايه وييرش على انور بالطفايه
وانور وجهه وشعره قلبوا ابيض من الغاز
وانا فاصل عليه ضحك
وانور الخبل يمسك الطفايه الثانيه ويلحق فيصل يبي يرد له الصاع وفيصل يرش على انور
وصارت الحرب العالميه بالمختبر الي يحذف حنفيه المغسله والي يحذف الجوتي ماله (تكرمون)
وانا كالحمل الوديع ساكت ومالي خص فيهم
وعمر يطالع فيني ويعطيني نظره
وكانه يقول يالله نعلم عليهم .
انا استشرف هذي المره وسكت صج شاركت بالحرب يعني حذف دفاتري واقلامي
وحذفت الحنفيه بس هذا مو شي <<يخرب بيتك بس
والمدرس يجي ويلقى هذي الفوضى
انا قلت الحين سكته قلبي
الا المدرس شيب راسه من الي شافه لدرجة ان قذيفه طايشه ضربته
لوووووووووووووووووووووووو ووووووووووووووووووووووووو ووول
اخ ياقلبي
المهم المدرس عصب علينا ونزل نص الصف للاداره
انا يعني ماادري على شي حاط راسي على الطاوله ونايم
ويعني قعدت وانا ماادري شنو صاير
وتعدي الحصه على خير
والي نزلوا للاداره ردوا بعد ماستدعوا اولياء امورهم
عاد انا هني شنو سويت
ابراهيم:ترا الي قال للمدرس بلال (مرت عليهم الكذبه)
ويمسكووون بلال ويضربونه وهم ماسكينه عند السبوره وانا افرق بينهم
عمر الفاصل يدزني على السبوره وانا امسكها وتطيح السبوره علي
<<<<لحد الحين حاقد عليه
عاد لما طاحت السبوره طلع صوت قوويه ويجي المشرف
وانا امثل دور المصاب يعني اتمسكن قدامه علشان مايوهقني بالسبوره
اعرج يعني رجلي تعورني ولكان باتت بالفشل هذي المحاوله
وانزل للاداره اول مره بتاريخي<< يخرب بيتك المره العشرين هذي
احم احم
اقصد المره عشرين
وانا اعرج اكيد يعني مااقدر انزل
تعرفون المثل الي يقول تجري الرياح بما لا تشتهي السفن
انا صار لي العكس
تجري الرياح بما يشتهي ابراهيم
نزلت للاداره وماسك رجلي وحاط ايدي على راسي يعني متعور
المدير:حصل ايه ايه الي عامل فيك كده؟
المدير مصري بعد
ابراهيم: حضرة المدير << باسلوب يعني ) كانوا يتهاوشون فوق وانا كنت افرق بينهم وواحد منهم دزني على السبوره وطاحت على راسي
المدير: مين ده الي عمل كده ؟ انت فيك حاقه راسك بي عورك ومالها رغلك؟
هذا المدير غبي
ابراهيم: مااقولك طاحت علي السبوره اخ اخ راسي حضرة المدير
عاد المدير قايل للفراش يسويله كاست شاي وانا ماقصرت قلت له بعد
اتصلو على اخوي طبعا اخوي عارف سوالفي
عاد اخوي جاء عرف اني امثل يعني لازم يعيش الدور
دور الاخ الي طاحت على اخوه السبوره
المهم اخوي يعني منصدم انه حالتي جذي
اخوي:ابراهيم شنو فيك شنو صاير شنو الي سوا فيك جذي؟
المدير:لا ولا حاغه اخوه طايحه عليه السبوره
اخوي:شنو لا حاجه طايحه عليه السبوره وتقول لا شي صاير انت تظحك ولا شنو بالظبط؟
اخوي فلم شوي على المدير
من هذا الكلام حصلت كاست شاي والمدير قالي انه يجي يساعدني بالامتحان
واول ماطلعت من غرفة المدير
اخوي مسك ايدي
اخوي: تعال انت شنو مسوي بعد ؟
ابراهيم: لا ماسويت اي شي بس قلت لهم انه هو الي علم عليهم
اخوي: حيل تستاهل <<رفع ضغطي من كلمته) اسمع انت جذب عليه الحين كانك تعرج اوكي؟
ابراهيم:اوكي مومشكله
وانا اول ماطلعت رحت للدرج راح اركض << علم على نفسه)
عاد اول مادشيت الصف الا هذا مدرس الدين قاعد يسمع
وانا ثالث اسم بالصف<< مشكله الي اسمه ابراهيم بالتسميع)
وانا اتمسكن وحاط ايدي على راسي واعرج طبعا
مدرس:وين كنت ياابراهيم ماتعرف انه هذي الحصه تسميع للايات ؟
ابراهيم:استاذ كنت بالاداره تحت وطاحت علي السبوره ونسيت الي حفظته
عاد الصف يقولن استاذ حرام ومن هذا الكلام لما اقتنع الغبي وانا مااسمع
ورى ماخلصت الحصه يلتمون علي يسالوني شنو صار عاد قلت لهم الي صار
والثالثه علينا Eوهو غايب ماحظر عاد اخذناها احتياط
الاحتياط ننزل للسرداب نلعب كووورة قدم
وتنتهي الحصه ونروح للفرصه وتخلص الفرصه
وتجي الحصه النموذجيه
وطبعا الحصه النموذجيه تاخذ حصتين يعني الرابعه والخامسه
ابراهيم قاعد اول واحد بالصف
ويجي المدرس ومعاهم الموجه الفني للعربي
ويخرب بيت الموجه كل شوي سالني
وسال عن كلمه شنو اعرابها
عاد قال ابراهيييم اعريييييب << على طريقت المدرس
مااذكر شنو الكلمه بس توهقت في الكلمه وهي اسم
وانا قلت
فعل ماضي مجزوم بثبوت حرف العله الي في اوله<<لا تسالوني شلون طلعت
الموجه : شنو هذا الاعراب انت تالف من راس اعرابات؟
والمدرس توهق بالصف محد حافظ القصيده ولا احد جاوب على الاسئله
المدرس طقت فيوزاته من الصف
اخ ياقلبي اتذكر شكله يومها
وجه يعطي الوان قوس قزح
ويروح الموجه الفني والمدرس يبي يبجي بسبب الصف
المدرس: شنو سويتوا يخرب بيتكم انتم مجانين مو امس قلت لكم احفظوا باجر حصة نموذجيه؟
عاد انا ساكت << متفشل من الاعراب ) ويتكلم واحد من الشباب الي بالصف ويقوله انه علينا تسميع ايات
المدرس سكت عننا شوي وراح
ويجي امتحان الانجيلزي
اكيد استغربتوا لاني مابرشمت
لاني اغشش نص الصف بالانجليزي
وانا احل الامتحان جاء المدير وياخذني لغرفة الانجليزي
ويقول لمدرس ساعد هذا الطالب لانه صارت له ظروف
هني صارت خيانات بالصف دوم انا اغششهم بالانجليزي عاد توهقوا
انا حليت الامتحان والمدرس حل لي القواعد وجبت الدرجه الكامله
وينتهي يوم الاثنين
واروح للبيت وانا نوم قرير العين
<<<<اعلان>>>>
صباح الثلاثاء
هذا اليوم ماراح انساه
لانه اول مره اشرح سمكه
كل المعتاد اروح الصبح للمطعم اتفطر وهذا اليوم اكلت لما شبعت <<الحمدلله
واول حصه احياء
عاد علينا اختبار عملي نشرح ضفدع او سمكه وشي الثالث ناسيه
المهم انا رحت للمجوعه الي تبي تشرح ضفدع الا انطرد منهم
واروح عند السمك
وكل اثنين على سمكه << اقتصادي هذا المدرس
والصف 29 يعني واحد لحاله يشرح وهذا الواحد انا
المهم شفت ورقة الاختبار
والا الاسئله ارسم شكل المعده للسمكه
والسوال الثاني نفس السؤال بس ارسم الامعاء الغليظه او الرفيعه ماذكر
ابراهيم يبي يرجع من ريحة سمكه
وامسك المشرط افتح جلد السمكه
مالي خلق الوع كبودكم بهذا الشرح
المهم لاعت جبدي من السمكه وراسي صدع من الريحه
يعني قفل مخي وماذكر شلون عدا اليوم بسلام من هذي السمكه
الي تسد النفس ولا عيال صفي الي قبل معاي يضحكون يقولن تشروحون سمكه
وانا مالي خلق لهم
واختبار كان قرآن وزين كنت كاتب الايات على الطاوله
ويوم الاربعاء كان اليوم الاخير بالاختبارات وهو عربي
تدرون شنو صار كتابي العربي ضايع وماعرفت ابرشم
وكالمعتاد يروح للبيت ويحط الكتب على الارض وينام طول اليوم
ويوم الثلاثاء يلعبون ريال مدريد بدوري الابطال وفازوا على يوفينتوس
وابراهيم مستانس ونسا العربي وينام
<<<<اعلان>>>>
يوم الاربعاء احسن يوم عندي لانه اخر الاسبوع وثاني شي لانه اقل حصص علينا يوم الاربعاء
يعني الجدول(E+فيزيا+عربي+رياضيات+ E+العاب)
وكان اخر يوم ومخلصين المنهج يعني قاعدين بالصف
والصف كان مقسم
قسم يحشون بالعالم
وقسم يتبادلون ملفات البلوتوث
وقسم تسولف على المبارات والي انا كنت معاهم
وقسم الشطار الي بالصف الي يذاكرون
وابراهيم يروح على كل الاقسام << يدور سوالف
واتفقت مع الشاطر بالعربي اني اتبادل معاه بالاوراق يعني اعطيه اخبتاري واخذ اختباره
المهم
يجي الاختبار وابراهيم يعني يوهم المدرس انه يفكر ويحل بالاختبار
وهو بالاساس ينطر الي قاعد بجانبه يخلص وياعطيه الورقة مالته علشان يحل لي الاختبار طبعا
من غير كتابة الاسماء علشان اذا جاء المدرس مايصيدنا
المهم
هو خلص ورقته وعطيته ورقتي عاد سالته عطني قلمك علشان مايعرفون اننا بدلنا الاوراق
الغبي عطاني قلمه
اول ماعطاني القلم
كتبت اسمي على الورقة مالته وقلت استاذ خلصت لوووووووووووووووول << خبيث يخرب بيت تفكيرك
ولا قلت استاذ يغش مني اخ ياقلبي الولد مو حقد علي بغى يذبحني بس ربك ستر
المهم انا اول ماسلمت الورقة انحشت على شان مايمسكني
وربك ستر والحمدلله
خلصت السنه على خير وامتحان الفاينل بدعت فيه لان الغش فيه مستحيييييل
عاد قبل فتره شفت الولد بالسوق يشتري ملابس المدرسه وهو يخزني وانا اسوي نفسي ماشوفه
بس زين ماضربني لوووول
اتمنى ان القصه عجبتكم
القصه واقعيه ميه ميه

تحياتي لكم
IbRaHiM.N

خخخخخخخخخخخخخخخخخخخخخخخخخ خخخخخخخخخخخخخخخخخخخخ

سوالف فلاويه على مستوى ,, :d
هذي سوالفك ياإبراهيم ^^

و إن شاء الله بننتظر سوالف هالسنة لمن تخلص (إذا الله أحيانا) :)

و مشكووور عالموضووع الحلــــوو ,,

و بانتظار جديدك المتميز دائماً و أبداً ,,

شكراااااااااا على القصة مرة ثانية يا مصوراتي

و أتحفنا بالصور و القصص الجميلة

ههههههههههه ههههههههههههه هههههههههههههه

والله سوالفك ما تخلص ابد ..:p

والحمدلله ان ما تغير اسلوبك في الكتابة....

لازم تعبر بالنكت والتعليقات الحلوة في السالفة ههههههه:p

ننتظر الجديد الحلو والمسلي..

تحياتي...تفوحة

عاشقة كايتو

العفووووا
يسلموو على المرور


الفيروزي

العفوووا
وان شاء الله بالقريب :D
يسلمووو على المرور


تفوحة

ان شاء الله مايتغير اسلوبي
يسلموو على المرور

بسم الله الرحمن الرحيم ...

ههههههههههههههه

كأني قاريهــا قبل ....
إنت مؤلف مبدع ... مع إنا القصة حقيقية ولكنك منظم القصة ....


أين قصة المتحرين الأربعة ؟
هههههههههههههههه

لووووووووووووووووووووووووووووووول
لا تخرب المفاجئه لووول
ان شاء اله بس انطر علي

يسلموو على المرور كراش

يسلموووووووووووو ابراهيم على القصة الرائعة

تحياتي

الله يسلمك

يسلموو على المرور سينشي

ههههههههههههههه

والله قصة تضحك ههههههههههههههههه

تسلممممممم

ننتظر جديدك

تحياتي...

May123

يسلمووووو على المرورو

لوووووووووووووووووول
شكراً على القصة الطريفة :)

العفوووا

يسلموو على المرور

هههه يعني لها الدرجة تكره الرياضيات صدق طالع نفسي أنا اكره الرياضيات بس العربي لو الإستاذ مال يي يدرسك راح تقول بس أبغي ادرس عربي

لووووووووووول
لا ماقصد بهذا الكره بس المدرس ينرفز الواحد

يسلمووو على المرور

اههههههههههه:eek: يعني انت هو الذي كان ياااااااااااااااااااااااا ااااااااااااااااااااااااا اا

انت الذي ............

ههههه


والله فرحة لما شفة الموضوع وعرفت انك انت هو ذاك الذي كان في هناك .....


اخوك ومحبك في الله حليم

؟؟؟؟؟؟؟؟؟؟؟
لوووول مافهمت شي :(
يسلموو اخوي حليم على المرور

حبيت اسلم عليك بطريقتي الخاصة يعني فرحة مع دهشة مع سعادة غامرة تخلي الواحد يتلخبط في الكلام

الله يسلمك اخي

مشكور اخوي ابراهيم عالقصة والله دمك خفيف ..

على فكرة انا بعد احب المدرسة يوم تكون مصرية لانها تموت ضحك....

هههههههههههههه
مشكور أخوي عالموضوع
أنت سولفك ماتخلص
و ليتها ما تخلص
و ننتظر الجديد منك

اقتباس:

---

المشاركة الأصلية كتبت بواسطة halim_3000

حبيت اسلم عليك بطريقتي الخاصة يعني فرحة مع دهشة مع سعادة غامرة تخلي الواحد يتلخبط في الكلام

الله يسلمك اخي

---

الله يسلمك ويخليك اخوي حليم

شاكر لك مرورك وتوضيحك :D

اقتباس:

---

المشاركة الأصلية كتبت بواسطة kazomi

مشكور اخوي ابراهيم عالقصة والله دمك خفيف ..

على فكرة انا بعد احب المدرسة يوم تكون مصرية لانها تموت ضحك....

---

لوووول

العفوواو

يسلموو على المرور كازومي

اقتباس:

---

المشاركة الأصلية كتبت بواسطة روفي2

هههههههههههههه
مشكور أخوي عالموضوع
أنت سولفك ماتخلص
و ليتها ما تخلص
و ننتظر الجديد منك

---

:$
مشكوور اخوي على الاطراء
يسلمووو اخوي على المرور

ههههههههههههههههههههههههه ههههههههههه

والله ذكرتني بايام المدرسة

دومز الضحكه

يسلموو على المرور

السلام
وييييييييييييييييييييييييييييييييييييييييييييييييي يع :(
احنى إفتكينة منها وأنت إتيب طاريهااااااااااااااااااااااااااااااااااااااااااااا اااااا:mad:
بس كان وناسة في مغامات حلوووووووووووووووووووووووووووة :rolleyes:
مثل مالتك ( cooooooooooooooooooool ) :cool:
على العموم مشكووووووووور ما قصرت :o
لووووووووووووووووووووووول
حساااافة ما إنطقيت...
لااااااااااااااا تزعل القصة كانت رووووووووووووووووووووووووووووووووووووووووووووووووو ووووووووووووووووووووعة

مشكور اخوي وما تقصر :)

عساك دايم على القوة :)

يسلموو اخواني شاكر لكم المرور

يا سلااااام ع سوالفك ^__________________________^


كوووووووووووووول


خوووووووووووووووووووووش اسبوع


خصوصا يوم الأثنين فظيع ههههههههه



لا تحرمنا من مواضيعك العجيبة حدها


تسلم ومع السلامة يا المبرشم الخطير خخخخخخخخخخخ

ابراهيم:فيصل هذي اخر ايام الدراسه شرايك نلعب بطفاية الحريق ؟فيصل: لا ياولد خوفك يجي المدرسه ويشوفنا.شوفوا الخبثابراهيم:انا توني شايف الاستاذ نازل للاداره مو جاي الحين راح يطول.=اووووف فيك شر ما يخمد خخخخخخخخخاقول ابراهيم احس انك شطااااااااااااااااااني ودي اشوفك يوم من الأيام يهاوشونك خخخخخخخخ=لا استهبلعاد قال ابراهيييم اعريييييب