مساء الخير
هاو ار يو جميعن؟
كيف حالكم؟
هذي قصة ولد صارت فيه هذي المواقف علشان كرت ذاكرة حق بليستيشن ون
وهذا الولد مو انا<< احم احم
ونبدأ القصة
في يوم من الايام وانا راد للبيت من مباراة خسرانين فيها 5-1
وفي صبي قاعد يغلط وانا معصب ومالي خلق له عاد هذا الصبي عنده عيال عم تقول شعب التتار المهم انا شفت مافي احد عند بيتهم
وقلت خلني اضرب واطلع حرتي فيه المهم طلعت حرتي على الصبي كان كبير تقريبا عمري 9 سنوات
عاد وتمر الايام وينسى ابراهيم السالفه
واهو رايح للبيت مع ولد عمه عمرصديق دربه وولد صفه ماخذ منهم كرت الذاكره حق البليستيشن
الا يسمع صبيان ينادوني ابراهيم ابراهيم
وانا طالعت لهم قلت ابي اعرف منو الا هذا الصوت طالع من بيت شعر تعرفون عندهم عرس وقدامهم ساحه كبيره
الا شفتهم طلعوا عيال عم الولد الي ضربته وانا توهقت قلتي الحين يبون يغسلون شراعي عدل
عاد قمت امشي بالسريع وعمر يقول
عمر: ابراهيم شفيهم ينادونك رد عليهم؟
ابراهيم: هذولا عيال عم سعد يالله انحاش لا يضربونا
وانا وياه قمنا نشمي بسرعه
وهم يصوتون ابراهيم ابراهيم وقاموا يرفعون وصوتهم
واول ماحسينا انهم طلعوا من بيت الشعر
وركضنا وهم ركضوا ورنا بعد:(
عاد انا لما كنت صغير شوي متبتب (شوي سمين ) والحين الحمدلله عال عال
المهم قمنا نركض وانا ركضتي عجيبه اركض ورافع كرشي قدامي وعمر ضعيف
المهم صار سباق بيني وبين عمر انا اسبقه واهو يرد يسبقني يعني صار سباق خيل
عاد واحنا نركض وصلنا لطريق الجمعيه واهو ضيق ياعني واحد لازم يطلع عاد انا وياه جمب بعض
وجتني فكره جهنميه ودزيت عمر وعمر طاح على الارض وانا كملت طريقي <<< نحيس :d
عاد دخلت منطقتنا عاد في بداية الفتحه كان في بيت عندهم باب بخار(حق مصافط السيارات)
عاد دخلت في بيتهم وانخشيت بين السيارات واراقب اشوف عمر وصل ولا لا
الا جيش التتار يلحقني ولا موزعين بالشارع يدورون علي وانا ظليت فوق الساعه والنص بهذا المكان وانطرهم يروحون وانا طالع
تعرفون بكل شارع لازم يكون واحد يطلع سوالف وهذا الصبي مطلع سالفه اني متهاوش وحالتي حاله وجاين يدورون علي بالمنطقه
واكيد ربعي ماقصروا جمعوا القوات للهجوم المضاد عليه << اسمع اسمع يابو الهجوم المضاد
ويجوني ربعي ويقولون ان جاسم << الي يطلع سوالف
انك تهاوشت مع عيال عم سعد عاد جينا ندور عليك عاد وانا راد للبيت ولا فكرت بعمر الا هذا عمر بالبيت عندنا
ويقول عمر: يا *** << مقص الرقابه ) شلون تدزني وتروح
ابراهيم: شنو مادري قلت المكان ماراح يكفينا نركض مع بعض ، زين شلون انحشت منهم
عمر: اول مادزيتني رحت اركض وانخشيت بالمسجد على مايروحون واروح للبيت
ابراهيم: حصل خير ماصار ولا شي
وتمر الايام وانا طالع بالليل وعند الحديقه اشوف سوبر بان دخل على بالرصيف الا هذا سعد وعيال عمه
انا قلت رحت فيها وقلت خل اهلي يتوصون علي
الا نزلوا من السوبر وانا ارجف من الخوف يعني سوبر متروس نزلو علي يعني رحت فيها برياني انسان<< طبخه جديده
الا جوا علي وكلمني ولد عمهم الكبير واسمه خالد
خالد: تعال هذيك المره ليش تنحاش لما نناديك؟
ابراهيم: ماكنت اسمعكم
خالد: زين ليه نحشت مننا؟
ابراهيم: يعني 100 يركضون وري تبيني اوقف لكم
خالد: لا خلاص معذور
ابراهيم: شنو كنتم تبون مني ؟
خالد: كنا نبيك تختم متيل غير وماعرفنا نذبح الوحش الاخير ويقولون انك تعرف تلعب بليستيشن
ابراهيم: بس << يومها ودي اذبحه
عاد سعد كان معاهم ويخزني وانا اخزه
ويروحون وانا ارد لبيت اهلي وبعد ماخسرت 3 كيلو من الركض هذيك المره
لوووووول
سلاموووز :D
