السلام عليكم :)
كيف حالكم ؟
ان شاء الله بخير ؟
----------------------------------------------------------
كأي يوم من ايام الدراسة قعد ابراهيم على صياح الوالد وكم قذيفة يته من ابوه من جميع انواع الاسلحه من زنوبة ابواصبع
وكان اليوم مغيم ومغبر وكالعادة ابوي يقطني عند الاشارة واروح للمدرسة مشي
عاد اليوم قلت الجوى مو بارد ولا لبست الجاكيت بس لبست الطاقية(الكبوس) ورحت للمدرسة وانا امشي بالطريق قامت تمطرعلى حظي وانا مستحي
اقول فشلة شكبري اركض المهم كملت مشي قامت تمطر بزيادة وابراهيم قام يسرع شوي شوي الا بدت تمطر بقوة وانا اتلفت يمين ويسار
مالقيت احد قلت خلني اركض وقمت اركض والمطر يزيد بعد يعني صار سباق مع المطر <<< سامع السباق مع الزمان
قربت اوصل للمدرسة الا شفت جهال يركضون رايحين لمدرستهم الا واحد زلق على الدرج وانا وقفت ومت من الضحك مع ضحكه خبيثه تشبة
قعقعقعقعقعقعق <<< اللهم لا شماته
المهم الولد قام يبجي وانا رحت كملت طريقي للمدرسة واصعد ثلاث طوابق ركض علشان اروح للصف لان اول حصة رياضيات
ولما وصلت للدور الا لقيت تفتيش مفاجئ عن الزقاير والتلفونات والطواقي
انا سحبت سايد علشان مايخذون طاقيتي وطاقيتي مدريدية بحته مشتريها باربع دنانير << شقى عمره علشانها :) لوووووول
واشيل الطاقية وادسها في بطني يعني تحت القميص بالعادة بالجاكيت بس مالبسته:(
ويجيني الاستاذ زكي ويشوف شعري كشة ويقول
زكي:وين الطاقية؟
ابراهيم : اي طاقية ما معاي شي
زكي: يالله اذلف بصفك
ابراهيم: بقلبه(انت الي تذلف :@)
وادخل الصف الا مسوين اختبار انجليزي القطعه والاستيعاب عاد انا مو فارقه احله بربع ساعه واقل بعد
عاد لقيت زحمه عند مكاني الكل يبي يغش مني تعرفون يعني عبقري مثلي لازم يصير عندي جذي<< بس بالانجليزي يجون عنده
وقعدت بمكاني والمدرس عارف السالفه انهم يبون يغشون مني
المدرس: ابراهيم ، ربعك(اصدقائك) ينطرونك ماحلوا شي
ابراهيم: ليه يعني انا الملهم مالهم يحلون لما اجي
المدرس: يمكن كل شي جايز
وعطاني الابتسامه الخبيثة ورحت قعدت بمكاني
المدرس: ابراهيم شرايك اعطيكم نموذج واحد؟
ابراهيم: وانت وطيبك استاذ
والمدرس عطاهم كله A بس انا B
عاد كلهم يطالعون لي بنظرات ملئية بالحقد لاني خونت فيهم
كالعاده خلصت قبلهم وعطيته ورقتي ورحت لمكاني والمدرس كاشف ورقتي لبلال مادري هو متعمد ولا ولا
وبلال جاب 60 من 60 يعني مثلي وانا اقول هذا بارد مبرده ياخذ مثلي واروح اشتكي على بلال لانه غش مني <<< قطاع رزاق
وتجي حصة الكيميا ونروح للمختبر على اساس نبي نسوي تجربة الا الاحماض مو موجوده ونقعد هناك وتصير تنكيت على بعض
عاد كانت قاعد على طاولتي وحاط راسي ابي انام عاد اثنين بصفنا سورين بلال واحمد
وانا قاعد بلال قام يتثاوب احمد قال
احمد:ثكر حلقك ريحتك ثرعتنا
وانا اضحك واضرب احمد كف يعني (كفك )
وبلال قام يعلق على احمد
بلال:ثكر حلقك ريحتك ثرعتنا ، انت بالاول قول سين بعدين تكلم
وانا نفس الشي اقوله كفك نفس الشي
ويقوم احمد ويضرب بلال عاد احمد مصبنجي(عربجي) وبلال ياكله ضربه صح
لوووووووووول وانا ميت من الضحك عليهم وتضيع الحصة بالسوالف وننزل فرصة وياليتني مانزلت
صادني استاذ زكي وانا لابس الطاقية عاد ابي انحاش بس ربعي امسكوني واخذ طاقيتي وانا ضليت بدون طاقية
ونروح للصف واشغل المروحة واحذف الببسي عليها وتنثر الببسي على الصف وغدروا علي وضربوني ضرب غير طبيعي << لاني ماغششتهم
ونتحرش بالي ماريني ماكو شغل وتجي حصة الاحياء والي هي بالمختبر ونشرح صرصور
عاد توك ماكل وتشرح بعد الله يعين ولا المدرس طالب اننا نصيد صراصير ولا فوق كل هذا جيب ذكر وانثى
ياحبيبي انا فاضي اكشف عليهم ودرسنا عن التكاثر ولوعت جبد
الاستاذ:منو جاب الصراصير فيكم؟
بس واحد رفع يخرب بيته طاب ببالوعها جايب عشرة
لوووووووووووووووووووووووو وول
ونمسك الصرصور المسكين ونكتفه على الطاولة التشريح والصرصور المسكين يحسر ويقول بقلبة لو نعال ذابحني مو احسن
وهذي المره الاستاذ مسوي التشريح مباشر يعني كل الصف يشوفه فيديو
ويخلص شرح الاستاذ ويبدا التطبيق على الضحية المسكين وكشفنا الي فيه ولا المشكلة يبي يشوف جهازه التناسلي والصرصور شصغره
والله العلماء معقدين الله لا تبلينا فيهم لوووووووووووووووول
وبعد لوعت الجبد نروح نكمل مباراة النهائي ونروح للملعب ونتمرن << يعني يحمون قبل المباراة
وقبل لا تبدأ المباراة تمطر والمباراة تاجلت ونروح للصف نذاكر احياء والي كان يبرشم والي يحفظ والي يكتب على الطاولة<< مو انا :)
اللهم كتبت معادلة اكسده حمض اللكتيك<< يعني فاهم :)لوووووووول
ويجي الاختبار وكان نموذج واحد ووزعوا الاختبار الساعه 1 الا ربع يعني متأخرين ربع ساعه وسحبوا الورق الساعه 1 وربع
بس بين الوقتين صارت علووم
وزعوا الاختبار وانا مذاكر مية مية
عاد جاء الاختبار وابنجر عند السؤال الاول والمشكلة الاختياري كان عن دورة كربيس
وقلت خلني اطوفه وجتني رسمة وحليتها بالعاده الرسمة الي ماحلها وبس هذي المره حليتها
وكان نص الصف طلعوا لان الاختبار نموذج واحد علشان محد يغش
عاد انا اعرف العالم اذا تبي احد يغششها تناديه مو تحذف القلم عليه
وكان اخر سؤال عن العنجة دوللي الي استنسخوها وقالوا اشرح شلون استنسخوا دوللي
وانا حطيتهم الشرح المفصل وشلون استنسخوها وماضل الا المعادلة وانا المدرس قومني من مكاني لانه يغشون مني
عاد ظليت اقول للمدرس بس دقيقه ابي اروح لمكاني ويالله رضا وكتبتها
ولما جيت اكمل سحبوا الورق الوقت خلص وكان الاختبار طويل 4 صفحات ويبونا نحله بنص ساعه
وانا نازل تذكرت طاقيتي واروح لهم والقى فوق 500 طاقية يخرب بيتهم الظاهر يتاجرون فيهم والله اقعد ربع ساعه ادور على طاقيتي
ولقيتها واروح لهم بعد ما كتبوني تعهد انا اعرف التعهد على واحد ييب زقاير معاه مو طاقية
------------------------------
وتوته توته خلصت الحتوته
واسمحوا لنا على التاخير وراح تكون فترة غياب طويلة الامد بسبب الدراسة لانها خر السنه +اختبارات الاسابيع ادعوا لنا بالتوفيق :)
سلاموووووووز
