فرحي إسلامي ليه شكل تاني

[@@Ten Ten@@]

فرحي إسلامي ليه شكل تاني

إسلامي إيه؟!! وهو الفرح يبقى فرح من غير رقص وشباب وبنات وقاعات فخمة و... و... والذي منه ؟!!

مش فاهم أنا بتتكلموا في ايه ؟؟!!

***
جربت الإسلامي ؟؟
لا .. شكله إيه ده ؟؟
ده فرحي .. فرحي أنا
إسلامي وليه شكل تانى جديد ومتميز جدااااا

***

علشان أعرفكم على فرحي عملت حملة عملاقة تنشر في الآفاق
جواها كل ما يتعلق بالفرح الإسلامي

شكله .. ازاى ادعي الناس ليه؟
بطاقات الدعوة .. ازاى اقنع أهلى .. أناشيد متميزة .. ويكفي إن فرحي في طاعة ربي ..

كل حاجة هنعرضها لكم من إنتاج فرق عمل موقع الطريق إلى الله
بما في ذلك التصميمات والكلمات والأفكار وكل شئ
بجد عمل مميز جدااا
لا يفوتكم

حملة قمممة في الروعة .. وانتوا اللى هتحكموا .. ولما تعجبك ساهم معانا في النشر ليعم الأجر ..لعلك تكون سببا في هداية أحد

لنبدأ الحملة من الآن
يالا تفضوا معانا ...

[سُلوان]

شكرا حبيبتى تن تن على الموضوع وبصراحة انا اختى لسة منزلاه من كام يوم وبصراحة هو روعة جدا الاناشيد الاسلامى والافكار الجميلة والوصفات وازاى تقنعى اهلك واقولك كمان بصراحة انا اسرتى كلها ملتزمة عشان كده مافيش مشكلة وعاوزة اقولك ان الفرح الاسلامى بيبقى لية متعتة يعنى احنا فى خطوبة اختى كانت اسلامية وانا عائلتى (مش ملتزمة )وعجبتهم جدا شكلى رغيت كتير اسفة بس فكرتك جميلة هاستنى الباقى

[Nile Rose]

بصراحة فكرة جديدة و حلوة أوي وميرسييييييييييي على موضوعك

[alwlhanah]

يزاج الله خير : ]
ع موضوعج الحلووو ، الله يعافيج

[case closed]

شكرا حبيبتى تن تن على الموضوع وبصراحة انا اختى لسة منزلاه من كام يوم وبصراحة هو روعة جدا الاناشيد الاسلامى والافكار الجميلة والوصفات وازاى تقنعى اهلك


^_^ جمييييل انه عجبك


واقولك كمان بصراحة انا اسرتى كلها ملتزمة عشان كده مافيش مشكلة وعاوزة اقولك ان الفرح الاسلامى بيبقى لية متعتة يعنى احنا فى خطوبة اختى كانت اسلامية وانا عائلتى (مش ملتزمة )وعجبتهم جدا

الحمد لله والله الفرح الاسلامى ده تحفة

شكلى رغيت كتير اسفة بس فكرتك جميلة هاستنى الباقى

رغيتى ايه يا حبيبتى براحتك خاااااااااالص^_^
جزاك الله كل خير على مرورك العسل

[case closed]

بصراحة فكرة جديدة و حلوة أوي وميرسييييييييييي على موضوعك


مشكووورة اختى على مرورك

[case closed]

يزاج الله خير : ]
ع موضوعج الحلووو ، الله يعافيج

وجزاك مثله اختى
مشكورة على مرورك

[case closed]

قبل ما نبدأ .. نحب نقولكم إن فريق الإسطوانات أنتج إسطوانة فيها كل ما في الحملة وبصورة متميزة جدااااا


أسطوانة " فرحي اسلامي ليه شكل تاني "

لتحميل الغلاف الخارجي للإسطوانة بجودة عالية للطباعة

لتحميل الاسطوانة اضغط هنا

طريقة نسخ الاسطوانه

لنسخ الاسطوانه تأكد من وضع اسطوانه فارغه في الجهاز ثم قم بفتح ملف ال ISO عن طريق برنامج " Nero "
ثم افعل كالاتي





ستظهر لك نافذه التقدم بنسخ الاسطوانه





بعد الانتهاء من التحميل قم بالضغط علي OK و ستجد انه تم اخراج الاسطوانه

**************

طريقة فتح الاسطوانه بدون نسخها

قم بفتح الاسطوانه عن طريق برنامج WinRar
ثم قم بنقل جميع الملفات في مجلد جديد

[case closed]

نبدأ بالمقدمة

حضرتي فرح قبل كده !!!!

أه أنا بكلمك إنتي !!

هاااه حضرتي

طيب كان إسلامي ولا .......

طيب إنتي فرحك قرب وبتحضري ليه ولا لسه شوية !!!

نفسك تعمليه إسلامي ولا ....... !!!!!!!

احم احم ..

طيب كام فرح بيتعمل في السنة في أمة لا إله إلا الله ؟

كام معصية بترتكب ؟... بل كام ذنب تحمله وانت خارج من الفرح ؟

بلاش إحراج بقة .. وبعدين كل الناس بتعمل فرحها كدة ..

الفرح ازاى اصلا يكون فرح من غير أغاني ورقص ونساء ورجال

طيب لما يكون فيه إختلاط وزحام ولا يعلم أماكن الرجال من النساء

لما يكون فيه ملابس لا تستر بنات المسلمين

ووجوه مزينة بالمكياجات وشعور سدلت وإنكشفت

ورقصات ولما تقول ده حرام ترقص وتتكشف أمام الرجال

يرد عليك::

يا راجل هو فيه حد غريب دا ابن عمها ودا ابن خالتها

ذي أخوانها يعني ليه تسيئوا الظن كدا !!!!!

يا جماعة تعالوا نتكلم بالعقل .. هل لما انت تعمل فرح عادي أغانى رقص رجال ونساء كل كل حاجة .. ده شئ يرضي ربنا ؟

فكرت قبل كدة .. إزاى ربنا يرضى عنى ؟؟

هل جعلت هذا هدفك في الحياة ؟؟

ما هو أنا بحاول وبرجع تانى وأحاول وربنا يعني

تمام مقولناش حاجة .. ربنا يعينك ويثبتك على طريق الحق

بس انت عارف قدر الذنوب اللى ممكن تطلع بيها ؟؟

يا خبر .. لا مفكرتش .. بس هو يوم واحد ..

مشكلتنا اننا عندنا امل كبييير ان الحياة ادامنا طويلة

مش عارفين اننا ممكن في اي وقت ينزل ملك الموت يقبض أرواحنا

طيب بالراحة علينا شوية

طب تخيل أن رسول الله صلى الله عليه وسلم حي بيننا الآن ودخل فرحك اللى المفروض أنه طاعة لله وشكر على نعمة الزواج !!

ها ..

هتقوله ايه ؟؟ .. بالله عليك هتقوله ايه ؟؟

ولما ربنا يسألك عن اليوم ده هتقوله ايه ؟؟

فكرت انك تعمل فرحك اسلامي .. وقولت هعمله اسلامي عشان ارضيك يارب .. علشان افرح بطاعتك وافرح اهلى واشكر نعمتك عليا يااارب ؟!

فكرت نور الطاعة يملأ قلبك..

جربت الفرجة بجد .. الفرحة الحقيقية ؟؟

تعالوا .. نروح جولة سريعة في حملتنا

حملة فرحــــي إسلامي .. ليه شكل تانى

ونشوف أفراحنا بشكل تانى .. بشكل جامد جداً يكفي انه في طاعة الله ..

ولا تنسى أن تدعونا لنحضر فرحك قرييييب .. بس اسلامي ان شاء الله

يالا نرضي ربنا ونرفع شعار

فليرضى عنى الناس أو فلسخطوا أنا لم أعد أسعى لغير رضاك

[case closed]

أفراح البنات في جو الطاعات (حكاوى x حكاوى)

أحب أن أحكي لكي عن فرحين المفروض أنهم كانوا إسلامي
الأول كان فرح ابنة عمي كان بجد جميل بل إن كلمة جميل فيه قليلة كان الرجال في المسجد وكان أحد الشيوخ يلقي دروس عن الزواج الإسلامي وكان النساء في منزل أم العروس وكانت صديقات العروس احضرن دفاً معهن وهن ذاهبات للفرح وكل البنات قعدن ينشدن أناشيد الأفراح الإسلامية ولا يرانا أحد من الرجال وكان الكل معجب بهذا الفرح
أما الفرح الثاني وإياكِ أن تفعلي مثله كان فرح أخي وكان في قاعة غير إسلامية وكنا عاملين فاصل مابين الرجال والنساء وكان الدي جي إسلامي ولكن عندما دخل أخي ليلبس زوجته الشبكة دخل كل أقاربي من الرجال المحارم وغير المحارم وكانت كل البنات خالعين الحجاب وعندما وجدنا كل الرجال دخلوا استحيين وذهبن لدورات المياه للبس الحجاب فنصيحتي أن تفعلي فرح مثل الفرح الذي ذكرته أولا

أنا فرحى كان من سنتين تقريباً وبفضل الله صحباتى كانوا كتير وكلهم أنشدوا لى أناشيد إسلامية
وبالدفوف بردو كان ماشاء الله جميل وكان فى قاعتين منفصلتين قاعة للرجال والأخرى للنساء
فعلاً كان جميل
لدرجة أن واحدة متزوجة قالت لى بعد فرحى إنها قالت لزوجها تيجى نعمل فرح من أول وجديد زى بتاع صاحبتى؟؟من شدة إعجابها بهذا الفرحً
وهذا كله بفضل الله

كان فرح أختى عبارة عن أن الإخوة فى المسجد تحت البيت و النساء على السطح عاملين فراشة - القماش الأحمر ده - عشان محدش يشوفنا,
وبعدين الكوافيرة جات البيت عندنا وزوقتها وبعدين اختى قبل ما تطلع على السطح كانت فى الأنتريه والعريس طلع هو وأبتى ولبسها الشبكة طبعاً كانوا كاتبين الكتاب لأن الخطوبة مينفعش يشوفها
وبعدين نزل وبعدين طلعنا فوق بقى وقعدنا نشغل أناشيد بدون دف او طبل او موسيقى كلمات فقط
إنما الرجالة تحت بيعملوا برنامج كده يعنى واحد يقرأ قرءان وواحد يقول كلمة ويعملو مسابقة يعنى يسألو أسئلة واللى يجاوب صح يوزعو مطويات او شرايط
وواحد بيقعد يقول حجات يضحكهم وبيبقى فى وليمة فى بيت العروسة
إنما فى الفرح نفس اللى بيعملوه بس العريس لما يجى ياخد العروسة العروسة بتلبس على الفستان الكاب ( الكاب ده عبارة عن جلباب طويل وعليه غطاء الوجه فيه برضه)
كان لونه كحلى لأن مش لاقيين لون أسمر بس بتلبس عليه نقاب برضه علشان الكاب ده غطاء الوجه بتاعه بيبقى شفاف وبس, و بعدين تركب العربية ويروحو البيت
ده كان عندنا
إنما فى بقى بيبقى الرجال فى المسجد برضه والنساء فى مصلى النساء "السندرة"

الحمد لله أنا فرحي كان إسلامي وكذلك فرح أخواتي
وادعوا لأختى -رحيق العفة- ربنا يرزقها بالزوج التقي النقي
أنا هاقول لكم برنامج الفرح ,
فيه اخوات يغنوا بالدف
وبنعمل مسابقة دينية بسيطة
فيها اسئلة دعوية مثل :
كان عمر الرسول كم سنة عندما تزوج السيدة خديجه؟
ما حكم الحلف بالنبي ؟
حكم النمص ؟
وكثير من هذه الاسئلة , ثم نقوم بتوزيع الجوائز على الحاضرات
وتكون شرائط او كتيبات اسلامية
و تقوم أخت وتحكي قصة قصيرة ذات مغزى
وأكيد الفرح كده له طعم تانى
وعقبال جميع الاخوات

وأنا لله الحمد كان فرحي اسلامي وناس كتير خرجت منه مبسوطة...
عشان مكنش تقيل يعني ...
يعني كان فيه أناشيد إسلامية فيه الدى جى والبنات هيصو وأنا هيصت ومكنش مزعج أوي برضه للستات الكبار اللى كانو موجودين..
الحمد لله كانت ليلة حلوة وعقبال كل البنات

السلام عليكم ورحمة الله وبركاته
هلا أخواتي
أنا عايزه أساعد وأعمل أي حاجة لأن الموضوع ده فعلا يهمني جدا وشاغل تفكيري من زمن طويل
وعن نفسي عايزه أقولكم عن تجربتي لعل غيري يعتبر
"انا لم أكن ملتزمة بشكل صحيح وكذلك زوجى كنا فى بداية الإلتزام لذا لقد قمنا بعمل حفل فيما يسمى عندنا بالشبكة وأستغفر الله وأتوب اليه لقد كان مختلطا ولم أكن محجبة بطريقة صحيحة وكان فيه أغاني وموسيقي وأستغفر الله كلما أتذكر ينفطر قلبي ولقد ندمت أشد الندم على هذه الحفلة السيئة التى كنت بدلا من شكري لله على أن أنعم علي بالزوج تنكرت لفضل الله بالمعاصي والذنوب التي اتحملها وتتجدد كلما رءاها وانبهر بها غيري وأعوذ بالله من الشيطان الذي زينها فى أعين الناس وكانو يتكلمون بها
المهم بعدها ذهبت إلى فرح أخت ملتزمة فعلا وكان إسلامي كان فى المنزل للنساء فقط وكن يلبسن ملابس جميلة ومتزينات ويضحكن والأناشيد كانت كلماتها هادفة ومناسبة للفرحة التي تشارك فيها الجميع وعندما أُذن للعشاء توقفت الأناشيد وطلبوا من الأخت التى تشرف على الدروس والتسميع فى المسجد وهي أخت فاضلة أن تدعو للعروسين وأمنّا بعد ترديد الآذان بين الآذان والإقامة وكان جو جميل ورجعت للبيت سعيدة جدا وهنا بدأت المحاولات مع الأهل لكي نعمل فرح إسلامي وكانت المقاومة شديدة جدا وضعفنا أنا وزوجي تحت الضغط وتكررت المأساه لكن بشكل أفضل قليلا عن سابقتها فعندما يستذل الشيطان الإنسان ويمشي معه فإن الخطوات تتوالى ولن يستطيع منعها إلا بالتوقف عن المعاصي والتوبة والرجوع الى طريق الله المستقيم
المهم أنى بعد زواجي ولله الحمد والمنة ارتديت النقاب ولكن للأسف بقيت شرائط الفرح والصور التي أحاول منعها ولا استطيع وأجدني فى حزن عندما يبلغونى بفرحة إنهم كانوا يعيدون تشغليها ويثنون عليها
تتجدد الذنوب والآلام والله انى اتوب الى الله وأخشى عذابه ولكن هذه نتيجة التهاون فى شرع الله ودنو الهمم وبالمناسبة طبعا لم يجتمع الجميع على الثناء فمن الناس الكثيرين الذين انتقدو أشياء وحدثت مشاكل وخلافات وهذا لأن أول المعازيم كان اللعين الرجيم الذى أغوانا وجلس يضحك منا لعنة الله عليه
أخواتى أطلت كثيرا ولكن أردت أن تعلمن مدى الحزن والكآبة عندما أتذكر ليلة معصيتي وذنوب لو أطعت الله لكانت حقا ليلة فرحي ولَكُنَّ ان تتخيلن أني عندما أريد أن أدعو أحدا إلي الله بعد أن هدانى الله يُعيرني بفعلتي ونقول أننا تبنا فلا حياة لمن تنادي فالتوبة يقبلها الله وحده أما العباد فيتبعون الشهوات إلا من رحم ربى
أدعو الله ان يتوب علينا ويتقبل منا ويغفر لنا ويرحمنا
وسبحانك اللهم وبحمدك أشهد أن لا إله إلا أنت أستغفرك وأتوب إليك

أنا رحت فرح إسلامي كان فعلا حلو جدا وكان عبارة عن قاعتين فوق بعض أول قاعة للرجال بحيث أن مفيش رجال يطلعوا على النساء والقاعة التانية كانت للسيدات فقط حتى الأطفال الولاد كانوا في القاعة اللي فيها الرجال .. وحاجة تانية عشان ماطولش , انا عن نفسي في فرحي هخلي الدعاوى بتاعت الفرح مش مجرد دعاوى عادية بتدعو للفرح وبس , لأ ممكن اخليها فيها فكرة وحاجة تتقرى مثلا زى (تنمية الحب العائلي) , (كيفية التعامل والزيارات) , (وكيفية الحفاظ على الأسرة) وطبعا دى بتتوزع فى الفرح وبعد الفرح والكل بيروح بيبدأ كل حد يفتح الدعوى بتاعته ويقرأ وهيستفيد بحيث أن لو فى بنات على وش جواز هيستفيدوا..

[case closed]

أفكار خرافية .. لأفراحنا الإسلامية


الحمد لله وحده والصلاة والسلام على من لا نبي بعده ثم أما بعد ..
جيبالكم النهارده أفكار جامدة لإقامة أحلى فرح , يلا نبدأ ..

الخطوة الأولى : يجب على العروسة أن تجتمع من أصدقائها قبل الفرح بأيام للإتفاق على دور كل واحدة منهم

بطبيعة الحال : عادتا ينتظر المدعوين دخول العروسة في المكان سواء كان قاعة أفراح إسلامية أو في بيت العروسة ..


دور الأصدقاء : يبدأ أصدقاء العروس بتشغيل الأناشيد وتهيئة المكان للعروسة وتنبيه الناس أن التصوير ممنوع ..

دخلة العروسة : قبل دخول العروس مباشرتاً (ترن) على صحبتها اللي اتفقت معاها قبل كده ..و تطفي صحبتها النور.. وبقيت الأصدقاء يوجهوا حاجة كدة اسمها سبايك بتشتريها من محلات الهدايا والبلاسيتك هي في شكلها تشبه أعواد البخور كدة بس بتطلع نور جامد كدة وشرار وبتخلص على طول

كنت حضرت فرح كلنا ((البنات اصحاب العروسة)) وقفنا صفين من الباب لحد الكوشة صفين طواااااال كلنا ماسكين سبايك والعروسة عدت من النص ... كان تحفة كالعاده يسلم الناس عليها

المسابقة المصيرية (المنديل) : تقف أكثر صديقة للعروسة وتقول : يا بنااات مين عاوزه تلعب) ..و تختار الفريقين كل فريق من 8 بنات مثلا والعروسة ما عليها فقط انها تمسك المنديل
والفريق الخسران هو اللي هيخدم على المعازيم


المسابقة التانية (البوكيه) : العروسة هتقول لإحدى صديقاتها انها تخبي البوكيه من أحد المعازيم وتطلب من البنات أنهم يعرفوا مين اللى معاها البوكيه وتقولها لو عرفتي مين هيه يبئى حلال عليكي .. تغمي العروسة عين البنت حتى يضع أحد أصدقائها البوكيه مع أحد المدعوين .. لو البنت كسبت تاخد البوكيه من العروسة ومعاه شريط أو كتيب .. ولو خسرت تاخد شريط أو كتيب وتختار العروسة بنت تانية وتلاعبها نفس اللعبة ..


فكرة جديدة للشبكة : أصحاب العروسة يجيبوا طفله صغيرة تشيل الشبكة وتروح للعروسة وتلبسها الشبكة


المسابقة التالتة (موبايلي نوعه ايه) : تقول صديقة العروسه : (يا بنااات مين ملعبتش .. ) وتختار واحده من اللي ملعبوش وتقولها وتغمي عينيها والعروسة تسألها عن أشياء مثلاً في قوة الملاحظة .. مثلا الحيطة اللي ورايا لونها ايه , البنوتة اللي لبستها الشبكة لون توكتها ايه , موبايلي نوعوا ايه ..


المسابقة الرابعة ( آه .. لاء) : تختار صديقة العروسة بنت وتقول لها: تسأل العروسة أسئلة بحيث تجيب العروسة بآه أو لاء ..
هتكون جميلة ومضحكة جداً

[case closed]

تنبيهات :


1- تذكري أن هذا الفرح نعمة أنعمها الله عليكي فلا تكفري النعمة
2- طبعا ده فرح إسلامي فيجب أن يكون الرجال في مكان والنساء في مكان تاني خالص
3- يجب أن تكون الأناشيد بدون إيقاع
4- علقي على الحائط ورقة مكتوب عليها ممنوع التصوير
5- أكيد في فقرات كثيرة غير دي نماذج وأمثله لنوعية المسابقات
6- متخليش الفرح يطول أكتر من اللازم
7- اشتر مطويات كتييير ووزعيها على المدعوين وانتقي المطليات الجميلة التى تدعو للإلتزام .. زي حب الله .. الحجاب ..الصلاة .. الحب في الله وهكذااا
وليس عن موت الفجأة .. وعذاب القبر ..فلكل مقام مقال

[case closed]

جرب أغانى الإسلامي .. بجد ليها شكل تانى

أناشيد إسلامية لأحلى زفة



ألبوم ((مرحبا)) للمنشد أبو عابد من أروع أناشيد الأفراح




1- مرحبـــــــا
مرحبا مرحبا


2- الفرح هل بوادينا
اجعل زمانك كله أفراح


3- ياصحبة لكن لخير جمعت
ياسعد صحبا للهدى مسعاهم


4- أتيناكم أتيناكم
فحيونا نحييكم


5- أحلى التهاني من الإعماق
نهديها للعروسين


6- زوج من ترضى أخلاقه
وارضى من قدم أوثاقه


7- ياحاضرينا عرسنا
هذه قصائدنا







يتبع...

[@@Ten Ten@@]

معلش يااااااا بنات أنا اسفه جدااااااااااااااااااااااااا اسفه خاااااااااالص
أصلى عملت الردود اللى على الموضوع من غير ما اخد بالى ان اخويا هو اللى مسجل باسم case closed مخدتش بالى خااااااااالص غير لما جيت اشوف الموضوع لقيت اخر رد باسمه كنت هتجنن هو ماله ومالى بس طلعت أنا اللى رديت باسمه .. معلش والله اسفه..

[Coby Ninja]

بس فيها هادي الاغاني(( ايقاع ))

يعني لا يجب ان يكون فيها

اذا كان فيها فتعتبر محرمة حتى لو كانت تتحدث يصورة اسلامية

********************************************

لا شك أن الأناشيد الإسلامية لا يمكن القول بتحريمها إذا خلت عن المؤثرات الصوتية الشبيهة

بالموسيقى ؛ لأنها كلامٌ حسن مؤدَّى بتنغيم ، وهو جائز ؛ لأن النبي صلى الله عليه وسلم كان

يستمع لمثله أحياناً ، ولا ينكره ، ولكنه بلا شك ليس خيراً من ا لاستماع للقرآن الكريم ،

وليس بديلاً عنه ،إلا أنه – الاستماع للأناشيد الإسلامية - يفيد في الترويح عن النفس ،

وشحذ الهمم للطاعات .

فإن صاحبت المؤثرات الصوتية الشبيهة بالموسيقى هذه الأناشيد الإسلامية ،

((حرمت))

هذه

الأناشيد ؛ لما تقدم من تحريم المعازف .

فإن كانت هذه المؤثرات ليست شبيهة بالموسيقى ، ولا يحصل بها الترنُّم ، كأصوات

السيارات، وسقوط الأشياء ، وكسر الزجاج ، فلا مانع منها .

وأما الدفّ فالخلاف فيه معروف ، وحكم المؤثرات الصوتية الشبيهة بصوته كحكمه سواء

بسواء .

**************************************

[@@Ten Ten@@]

جزاكم الله خيرا على الاضافة

[@@Ten Ten@@]

((السعد حل)) رائعة من روائع أبو عبد الملك



((سلام الله نبعثه اليكم)) ****أبو عبد الملك



((يا لا له يا لا لا لى)) رائعة لأبو على



((أحبائى)) **** أبو ريان




((تحايا القلب)) **** أبو عبد الملك




((تحايا القلب)) **** أبو عبد الملك2



((أحبتنا)) ****سمير البشيرى

يتبع...

[@@Ten Ten@@]

مجموعة متنوعة من أناشيد الأفراح **** أبو معاذ


ألف مبروك تحلق
فوق هامة العروس



أيها الأصحاب هيا
شاركوا عرساً هنياً



الفرح هلا بوادينا
وأضاءت منه ليالينا




اشعلوا شمع الفرح
نوروا ليل الظلام




دقُ دفوف الفرح
هُز بساط البهجة



وهناك المزييييد من الأناشيد .. لمن يريد فليطلب

[سُلوان]

ازيك تن تن حبيبتى انا بصراحة اتفزعت لما شوفت الرد بس لما شوفت طريقة الكلام قولت اكيد من تن تن ودخلت باسم حد من اخواتها شكرا حبيبتى على الباقى واحلى اغنية بتاعة الرائع المبدع ابو على واتمنى لك دوام التوفيق

[@@Ten Ten@@]

ازيك تن تن حبيبتى
الحمد لله بخير^_^

انا بصراحة اتفزعت لما شوفت الرد

ههههههه وأنا كمان والله
بس لما شوفت طريقة الكلام قولت اكيد من تن تن ودخلت باسم حد من اخواتها

^_^

شكرا حبيبتى على الباقى واحلى اغنية بتاعة الرائع المبدع ابو على واتمنى لك دوام التوفيق

مشكورة يا عسل ع المرور الجميييييييييييييييييييييييييييييييييييييل ده

**********************