السلام عليكم ^__^
أهلا وسهلا بكم ^__^
أممممممم
سوري على التأخير بالكتابة
وذللك للظروف الي حصلت لي << ظروف الدور الثاني
مما أنقثيت ولا قدرت أكتب شي
وبينما وانا أمشي بالمنطقة الي مقابلنا
ردت لي الذكريات المثيرة الي كلها أكشن وأثارة
وصراحة اذا كانت الطفولة بدون أكشن ×_×
ماتسوى ^__^
والحمدلله طفولتي كانت خالية من ذرة أسمها طفولة وبرائة
استرجع الذكريات بالصيف قبل سبع او تسع سنوات
كان في تقليد او نسميه عادة بالمنطقة كان التقليد
بأننا نلعب حروب مائية أمممم
يمكن محد فهم شنو اقصد
كنا نملي البلونات بالماي ونحذفها كأنها قذايف ^__^
كانت تخلي الصيف منعش وكوووول
وطبعا كان في قروبات
قروب منطقتي وحليفنا الشارع الي ورانا ضد قروب المنطقة الي مقابلنا
وكانت المنطقة أكبر مننا وتجيهم أمدادات من شباب
واحنا صغار ياحسرة علينا
وانا بوقتها كنت مخطط العسكري للقروب مالنا ههههههههههه
بس وقتها كنت خبيث هههههههههههههه
ماخليت أحد والا سبحناه بالماي
وأستذكر أول حرب شاركت فيها
وقتها سبحوني بالماي وانا المسكين << مكرش وأركض ويمسكوني بعد
وكانت هجماتنا ضعيفه يعني نهجم العصر واهم بعز نشاطهم ونخسر
لما تعلمت شغلهم وعرفت أوقاتهم
بدينا نهجم عليهم الفجر حتى لا يغشونا
وكل هذا من خططي العبقرية
هع هع
ذكريات جميييييلة تخلي الواحد يتمنى يعيشها مره ثانية
إبراهيم : خالد خلنا نروح عليهم بالبيت قبل لا يجونهم عيال عمهم
خالد: أممم بس ماكو غيرنا أحنا الثلاثة
عمر: خلونا نروح واذا مسكونا
راشد: مسكونا ؟؟ ذاكر أمس شنو سوا فينا ؟
إبراهيم: هههههههه هذا من غباءكم لو أنكم ضالين عندي نلعب متيل غير
خالد: الحين خلونا من أمس
إبراهيم: وانا رايح للجمعيه شفت محمد رايح لعمامه << جاسوس
خالد: متأكد؟
إبراهيم: متأكد ونص بعد
وأستعد الأبطال للغزوة على معشر بني قرنفلة لكي يأخذو الثار
وتم تجهيز القذائف للحرب وكانت بمثابة غزوة أنتحارية
واحنا نبي نغزيهم كل واحد فينا شرب ماي حتى لا نعطش وتصير أزمة
وأحنا رايح نبي نغزيهم وندخل المنطقة وندور عليهم
ولا لقيناهم بالمنطقة
راشد: لايكون راحوا والمنطقة فاضية؟
خالد: ماأعتقد يمكن عندهم مباراة
إبراهيم: شفتوا كلامي صح محمد راح والظاهر محد يطلع منهم
عمر: هههههه الجبناء << ماأدري كيف قالها بالفصحى
وماتمر دقيقة والأ نسمع أصوات غريبة من ورا
وكانت أصوات مخيفة كلها زمجره << يعني الصرخة الي قبل الحرب وتخوف ×_×
وأطالع ورا
والأ كانت الواقعه و الصدمة الطامة الكبرى ×_×
جيش جرار من الأعداء خلفنا ×__×
إبراهيم : أنحشووووووو << كلمة تقال للهرب بسرعة قصوى أي تتعدى سرعة الشمس
وطبعا محد ظل والا وتشوفون الغبرة وراه
عاد كلهم ضعاف بس انا المسكين الي كنت وقتها مكرش << الحين ضعفت
وإبراهيم يطالع وين ربعه والا مايشوف أحد منهم كلهم ركضوا
وإبراهيم المسكين ظل بروحه
وفكرت وقتها أنه لازم أنحاش << صج والله؟؟؟
والله وأستخدم القوة الكامنة << أي قوة أي بطيخ
طبعا كنت بالمركز الأخير بالنحشة
لأنهم ضعاف وانا المكرش بينهم
وانا وأركض والقذايف تمر يمي
مما يدفعني إلى الركض بأقصى سرعة
وبديت أتقدم ربعي ووصلنا لممر صغير بالمنطقة
هذا الممر له قصه له ذكريات << خنت فيه ولد عمي عمر
واحان نركض وصلنا للممر وكنت ابي أكرر هذا الشي
بس قلت لا حرام أخليه يسبقني وانا أركض وراه
بس هذي المرة الخيانة من عمر
وياليت دفعني بس فعل الأعظم ×_×
لقد
لقد...
لقد .......
أعطاني عرجوب << أي أنه وضع قدمه بين قدمي
ولما عطاني أنسدت الدنيا بوجهي << طالبين راسي من زمان
وطبعا وانا طايح بالأرض كنت أسمع صوت داخلي << نصااب
كان الصوت الداخلي ينادي ويقول إبراهيم أشرد أشرد << مصطلح أشرد له واقعيه أكثر من النحشه لأن النحش تكون
من الخوف البسيط او انك مسوي شغله قوية وراح تاكل ضرب اما الشردة ×__×
فهي انك تطلق العنان لقدميك وتهرب
وهذا الي حصل أطلقت العنان لقدمي
وهربت والمشكلة فوق هذا
تركوا الباقي ولحقوني انا ×__×
وانا المسكين أركض بالمنطقة وأشوف شخصيات جديده تركض وراي
وانا أركض والقذايف تتساقط تارة يمين وتارة يسار << سارقها من كتاب العربي
وانا وأركض كان في منحنى ودخلت على الشارع العام
طبعا يفرق كل منطقة شارع عام وانا وأركض بقوا يصيبوني
والقذيفة مرت يم راسي وضربت سيارة
ولما عبرت الشارع ودخلت منطقة شفتهم وقفوا أستانست
لأني دخلت منطقة جديده وهذي المنطقة فيها ممر من ورا يدخلنا على المنطقة الي اسكن فيها
وانا أمشي وأستعيد أنفاسي وشربت من ماي السبيل << هذي الحسنة تشرب ماي بعد عذاب
وانا أتمشي واتمتع بالراحة بعد العذاب
وانا أمشي بكل هدوء وأمان ولا أشوف واحد كنت امس ضاربه ×_×
والصبي يصايح يقول إبراهيم بالمنطقة وطبعا إبراهيم شنو سوا
سوى تقنية الفلخه
(الفلخه : هو عمل غير مباشر يقوم به (المنحاش) بطريقه غير مباشره بحيث أنه يمشي شوي شوي ثم يحذف (النعول أو الزنوبة ) للأمام ثم يقوم كيميائيا ً بعملية الهروب وهنا تصل إلى حالة الفلخه ولكن ليس أي شخص يستطيع القيام بها ولكن مع الممارسة ستصبح ممتاز بها)
وطبعا لما صارخ الصبي طلعوا شلة الله لا يوريكم
ماشاء الله كلهم سمر وضخام يعني تطيح بأيده يسويك كفته ×_×
وطبعا مع تنقية النحش ركضت واهم وراي وانا أركض ومريت البقالة
والا واحد من ربعهم كان بالبقاله وطلع بوجهي واناواأركض
يعني راح يمسكوني بس الذكاء وخبرتي بالنحشة الكبيرة <<هههههههههههههههههههههه
عرفت كيف أخوفه وانا ماسك نعالي << وانتم بكرامه
وكأني أبي أحذفه عليه ونسيت وحذفته وضرب بوجهة <<< أصابة مباشرة
ونعالي المسكين لصق بوجهة الصبي
والمشكلة أمس أبوي أشتراه لي ×_×
يعني ركض بالشارع + مطاردة بالبيت ×_×
وانا وأركض وأنحاش منهم وضلوا يركضون وراي عاد هذولا مو قذايف
بدوا يحذفون علي صخر والله ذاكر في واحد بينها ملقبينه على أيامها بعين الصقر
هذا يخرب بيت عينه يصيب كل شي
ويحذف علي الصخره الأولى وطبعا شفتها قربت ووخرت
ويعصب ويحذف صخره أكبر منها ×_×
أخخخخخخ لحد الحين أتذكر ضربني بقذيفة أسقاط
أنا صراحة حاولت أفهمها بالفيزيا وماقدرت حذف الصخره وانا وبسرعة صاروخية أركض وسقطت الصخره على راسي
بشكل عمودي وبأزاحة مقدارها عشرة متر البعد بين الهدف والقذيفة ×_×
المهم الصخره طاحت على راسي المسكين وانا وأركض
أحس في شي ينزل على راسي
بس طنشت وبديت أركض ولما وصلت للممر لقيت عليه شبك
<< كله من الشايب المخرف سد الممر وطبعا ماكو مفر العدو خلفنا والسد أمامنا
طبعا انا قفزت بس كيف ماأدري الظاهر بالركضه السريعه تنشأ قوة مضادة للجاذبية
ولا كرشي وقتها شلون عبرت ×_×
انا عبرت وظلوا يركضون وراي ودخلنا منطقتنا << نعده قبل أقتحام على ملكيتنا ×_×
انا كان ودي أوقف وأقاوم بس المشكلة انا ماألف راسي لأكثر من 50 فارس
وهم كانوا 49 فارس يعني ناقصهم واحد << أيووة يالبطل
وانا واركض وبيتنا بأخر الشارع وأعرف منطقتنا
وصرت سبايدر مان وصعدت من بيت جيرانا وبديت أركض من السطوح
ولما وصلت لبيتنا تعرجبت وطحت على الغسالة ×__×
وقتها تكسرت عدل ×_×
ولما أستعدت أنفاسي وردت الروح لي دقيت على كل ربعي بالمنطقة
وبدأ الهجوم المعاكس
ولحقناهم لحد ماوصلنا بس هذا الشايب المخرف شال السد
ومسكنا واحد منهم وهذا عين الصقر الي مسوي رامبو
وطحنا فيه ضرب حتى يتأدب ولا يجي منطقتنا
واحنا راجعين
عمر: إبراهيم شنو هذا الي على راسك؟
إبراهيم: ها ؟؟ شنو
ولمست الي قال عليه وطلع دم
إبراهيم: وععععععععععععععععع << يعني صرخه مدوية
وخذوني للمستشفى وخمس غرز ×_×
واليوم الثاني رحنا لهم ندور حقوقي << فرد نعالي
والخبيثين حذفوا نعالي بالبالوعة ×_×
بس أبوهم ضربهم وأشتريت أغلى نعاال موجود على حساب أبوهم
ههههههههههههههههه
وتوتة توتة خلصت الحتوته
وانتهت قصة مغامرة إبراهيم في البراري الواسعه
ويجب أن تتعلم ان لا تكون فرد طيب بالهروب وان تكون ذئبا حتى لا تأكل السحالي
ومع السلامة في قصه جديدة ^__^
سلامووز << حقوق الطبع يالأكوما أبتعدي عنها
المفضلات