الاسواق وغلاء الاسعار بالعيد

[IbRaHiM.N]

السلام عليكم


كيف حالكم؟؟

مع اقتراب العيد وازدحام الاسواق و استعجال الناس في شراء اغراضهم
تكثر في هذه الفترة عمليات النصب وارتفاع الاسعار
وعمليات النصب اقصد فيها وضع البضاعة السئ او القديمه لتصريفها
وتجدون اتفه قطعه تجدها بسعر خيالي وانا شفت هذا الشي
ولا الناس وهذا لاحظته عند الحريم
انا صار لي يومين اروح مع اهلي للسوق يشترون اغراض ولا للحين ماشتورا
طالعه روحي اقول متى يشترون
اما احنا الشباب اللهم تفصيل دشداشة ونشتري غترة او شماغ
ولا اذا كثرنا تكرمون نشتري قندرة او نعال وانتم بكرامة
وصار لي موقف يوم الجمعه
-------------------------------------------
اهو خبيث من طرفي <<<:cool21:
واكشن من طرف ولد اخوي <<:cool3:
ورعب من الضحية<<
لوووووول
المهم يوم الجمعه رحت للسوق انا والحجية (امي ) اطال الله في عمرها وولد اخوي حسون وابوه
المهم كالعاده ابوه يقطنا وينحاش
انا رحت انا وحسون نشتري اغراض لي << اللهم نفسي
اشتريت لي عدة الرجاجيل من غترة دنهل وعقال وقحفية وجينز وبلوزة
يعني على وشك الافلاس بس بقى معاي ربع دينار وحسون قام يصيح يبي ايس كريم
وانا قلبي حنون وتذكرت انا واخي بس هذي انا وولد اخوي
واشتريت له ايس كريم ونروح للمحل الي امي راحت له ونقعد انا وحسون برى بعد ماشفنا العجب من الحريم مكاني ماقدر اوقف فيه ثانية كل شوي وحده تدعمني والمشكلة تقول شفيك تتحرش
قعدنا برى ننطر الا شفت واحد اعرفه وابي انحاش مالي خلق اسلم عليه وصادني وسلمت عليه
الا اول ماراح الا حسين قاعد يبجي يقول ان ياهل اخذ الايس كريم ماله وانا تحركت عندي العاطفة مو على حسون على الايس كريم الا من اول ماشريته له وانا ابي اذوقه ماخلاني الا رحنا لهذا الياهل
واشوفه مستانس بالايس كريم الا تلفت يمين ويسار اراقب اذا في احد ولا لا
الا مالقيت احد
الا بحركة مرعبة وفتحت عيوني وخزه قاتله والياهل يطالع لي والدمعه بعينه وقلت له
بخخخخخخ
الا الياهل قام يصيح من البجي الا يته واخذت الايس كريم منه
وامسك ايد حسون وننحاش قبل لا تينا امه وتطقنا
لووووووووول
نروح ونترك امي بالمحل وامي زفتني وعصبت علي ولما درت بالسالفه سكتت عني
--------------------

الله يعينا على هذي المحلات الي تسوي جذي حتى مايتركون مجال للفقير او الي ماعنده ميزانيه تساعده على الشراء

سلامووز

[كـراش]

بسم الله الرحمن الرحيم


أقولك مااشوفك تدخل Msn هي هي .... ؟!

المهم ماشاء الله طله جديده ..!!! وشكراً على الموضوع أصلاً السوق غالي في العيد يستغلون الناس والفقراء
مساكين مايشترون شي لذلك لا تراهم يخرجون منالبيت لعدم الملابس الجديدة

المفترض ترخص الأسعار ... وتكثر الهدايا .. وليس عدم وجودها في المحلات

.................................................. .................................................. ......

بارك الله فيك

سأرد على القسم الثاني بعدين

أقولك مااشوفك تدخل Msn هي هي .... ؟!

[IbRaHiM.N]

بسم الله الرحمن الرحيم


أقولك مااشوفك تدخل Msn هي هي .... ؟!

المهم ماشاء الله طله جديده ..!!! وشكراً على الموضوع أصلاً السوق غالي في العيد يستغلون الناس والفقراء
مساكين مايشترون شي لذلك لا تراهم يخرجون منالبيت لعدم الملابس الجديدة

المفترض ترخص الأسعار ... وتكثر الهدايا .. وليس عدم وجودها في المحلات

.................................................. .................................................. ......

بارك الله فيك

سأرد على القسم الثاني بعدين

أقولك مااشوفك تدخل Msn هي هي .... ؟!

اهلا خيوو كراش

يعني عالم همه الدنيا ولا يرحمون هذولا المساكين يعني بلا رحمة ولا شي الا يخلونهم يظلون على ملابسهم القديمه

بعيد عنك المسن خربان هذي الايام مادري شفيه
وتعرف اخر ايام الحين قبل الاختبارات واذا دخلت اكون مطفيه او انه مايشتغل مرات
يسلموو على السؤال وعلى المرور

[R0BERT*]

وعليكم السلام والرحمة ...

إي والله ...

وأنت الصاج والصمون ..

مو شي ... نفلس ...

والفـال لي .. يصير عندي ولد أخو ..

وسلامتي ..

[IbRaHiM.N]

وعليكم السلام والرحمة ...

إي والله ...

وأنت الصاج والصمون ..

مو شي ... نفلس ...

والفـال لي .. يصير عندي ولد أخو ..

وسلامتي ..

امين
انا عن نفسي افلست حتى فلوس لطلعة بالعيد مافي

يسلمووو على المرور روبرت*

[الحراكي]

الصراحة انا السنة ما عندي عيد اضحى
فهو بالنسبة لي شؤم
لا سكان لا موصلات حتى انه لا يوجد مطعم اتغدى فيه الله يعين
العيد هكذا في صنعاء
الكل يسافر الحضرمي ينزل حضر موت او عدن وصحاب تعز ينزلون تعز
واصحاب القرى ينزلون قراهم
دعواتك

[IbRaHiM.N]

الصراحة انا السنة ما عندي عيد اضحى
فهو بالنسبة لي شؤم
لا سكان لا موصلات حتى انه لا يوجد مطعم اتغدى فيه الله يعين
العيد هكذا في صنعاء
الكل يسافر الحضرمي ينزل حضر موت او عدن وصحاب تعز ينزلون تعز
واصحاب القرى ينزلون قراهم
دعواتك

الله يعينك اخوي الحراكي
اتمنى ان يكون العيد فال حسن عليك وعلى كل المسلمين

يسلموو على المرور