~~//غــــــني ..!! ولكــــن للأســـــــفـ فــــقـــيــر ..!!//~~

[Haro0ona.S]

بســــــــــــــــــ الله الرحمن الرحيم ــــــــــــم



كيف الحال ؟؟

اكيد الكل يقول ام الفضاوه عليها حاطهـ موضوع بوقت امتحانات خخـ ^^’’

قبل كل شئ بس اعطيكم خبر من قوه الحظ اللي عندي ...

يوم جيت انزل الموضوع خرب المنتدى شوي وبعدها زان هههههـ

موضوعي واضح من العنوان XDD

غني لكن ...!! للأسف فقير وبأمس الحاجه للمساعده ..!!



كــــل اللي راح اتكلم عنه هو موقف صار وللأسف حقيقي ومن واقعنا وبكل أسف ><

يوم من الايام ... مو من زمااان .... لأ من قريب لكن ما صارت فرصه اكتب الموضوع ...

كانت الساعه 9 الليل راجعين من مشوار ~~

عند الإشارهـ كان فيه عامل النظافه ينظف الشارع من الأوساخ

وطبعا هذا شغله والكل عارف وما يحتاج احد يذكره صح ؟؟

~~ الــمـــهــــم ~~

احد خواني فتح الشباك وجاء له العامل هذا على اساس هل بيرمي شئ يصير ياخذهـ منه ..

واحد من خواني اعطاه ريـــــال واحــــد والثاني اعطاه ريــــالــيــن >> ادري مو كثير لــكــن .... ^^’’

بـعـدهــا جاء صاحب احد السيارات وفتح الشباك بعد وراح له العامل .. جاء صاحب السياره جزاه الله خير اعطاه 10 ريــال ^^

بعدها اخوي جلس يفكر قال بعطيه اكــثــر >> مزاد الظاهر لكن ما حصل واعطاه توهم جايين من مكان ومخلصه قــروشــهــم خخخـ

المهم اتركوكم من الكلام اللي فوق نجي لصاحب السياره الثانيهــ هذا ...



هذا طالت اعماركم جاء صاحب سياره ثانيه وكانت السياره ~~

مررره كشخه وبما اني ما اعرف في نوعيات السيارات فما اعرف نوعيتها ^^’’

لكنها واضح انها من النوع الـــ واااو 1 " class="inlineimg" />

الرجال اللي داخلها على احسن كشخه والشماغ مليان ميريتو ..... والغرور واصل حده عنده ..

الــــمــــهــــم ... >> يا كثر ما قلتها اليوم خخخـ

صاحب هالسياره فتح الشباك وطبعا كانت السياره بجنب سيارتنا عشان كذا عرفنا وش اللي صار ..

راح العامل لهالسياره وطبعا فرحان بهالكم قرش اللي كاسبهم ...

يجيكم الرجال ويقول للعامل .......

(( اذا هم عطوك فلوس يعني تحسب اني انا بعطيك ؟؟ يله رح كمل شغلك بس ))

... حسبي الله عليكـ ...

وبكل وقاحه كان يكلمه ><

بكل غرور الله يكسر غروره ان شاء الله ويوريه من عجايب الدنيا يا رب

لو انه معطيه زباله وربي كان اهون على العامل من الكلام اللي جاه مثل السكين على قلبه ><

هالرجال >> حسافه عليه كلمه رجال شنب ع الفاضي ..!!

على اساس انه الحين قـــــوي ؟؟ ابي اعرف بس الاحساس اللي كان يحس فيه ..!!

طبعا كل من حضر هالكلام يطالع الرجال بكل احتقار وبكل اشمئزاز

(( من كان يؤمن بالله واليوم الآخر فليقل خيرا او ليصمت ))

غاير من هالكم قرش كسبهم ؟؟

ماجا يطلب منك هو ؟؟ انت فتحت الشباك يا على اساس تناديه تعطيه قمامهـ او اي شيء ..!!

مب عيب عليك هالحركه اللي سويتها ..!!

الحين الصغار احتقروا حركتك وحسوا انهم هم اكبر منك عقل ..!!

انت الحين بعد ما كسرت خاطر هالعامل المسكين استفدت شئ ..؟!!

ما اقول الا حسبي الله على كذا رجال وربي يخسف فيهم ان شاء الله

اذا ماقدرت تسوي خير ليه تسوي الشر مب كافي انه يشيل وساختكـ حتى لو كان هذا شغله ؟؟

اللي اعرفه ان رواتبهم مب ذاك الزود ليه تزيد عليه هم >____<

والله عيب والله عيب والله عيــــــــــب ....><

الطريق اللي كنًا ماسكينه كان نص ساعه حسيت انه خمس ثواني من كثر ما فكرت بهالحركه الغريبه ..!!

واللي إن دلت على شئ فهي تدل على سذاجه بعض العالم في التفكير والاخلاق ..

سياره وكشخه وربي رازقك طيب احمد ربك غيرك محتاج ..!!

صحيح غني مال لكن للأسف فقير اخلاق وهذا اسوأ شيء يصير للشخص ..!!

~~~في النهايه ما اقول الا ~~~

الله يشفيك انت وامثالكـ ويذوقكـ من كاس الفقر بالمال ..

علشان تعرف كيف تتكبر على غيرك او من هم اصغر منك..

طبعا هذا ان كنت غني صحيح مو كل شئ ديون طبعا ..!!



ادري اني طولت بالموضوع لكن وربي من حره في قلبي من كذا منظر ..

ممكن تعطوني تعليقاتهم على الموضوع ورايكم بموقف صاحب السياره المغروره طبعا ^^’’



في النهايه الــف شكــر للمــرور واللي ماعنده اي تعليق يقدر يطلع بكل هدوء ^_^

وطبعا اعذرونا ع الفواصل الغريبه سويناها ع السريع ^^’’

اول مره استخدم لونين مافيها درجات الازرق خخـ >> الا ما ادخل لونــي علامه للجوده XDD

بعدين راح احس ان الموضوع مو تبعي ^^’’

[سجين العالمَين]

لي باك.....

عليكم السلام


اكيد الكل يقول ام الفضاوه عليها حاطهـ موضوع بوقت امتحانات خخـ ^^’’

عادي..!!..في ناس ماعندها اختبارات


واحد من خواني اعطاه ريـــــال واحــــد والثاني اعطاه ريــــالــيــن >> ادري مو كثير لــكــن .... ^^’’

هذي الريال والريالين قد تسوى عندهم الدنيا بما فيها..!!..لأنه يحس ان في ناس مقدرة وجودة كبني آدم وان في ناس تعطف عليهم

والشماغ مليان ميريتو


(( اذا هم عطوك فلوس يعني تحسب اني انا بعطيك ؟؟ يله رح كمل شغلك بس ))

لاتستغربين من الي بقوله بس زين انها جت على كذا..!!.. زين ماسبه وشتمه وزين فيها نظامي وقال بأتصل على البلدية
الصنف هذا من البشر مريض

بكل غرور الله يكسر غروره ان شاء الله ويوريه من عجايب الدنيا يا رب
أسأل الله انه يهديه ولو في علم الله السابق ان ماله هداية فالله ياخذه اخذ عزيز مقتدر

هالرجال >> حسافه عليه كلمه رجال شنب ع الفاضي ..!!
مين قال انه رجل؟ هذي مب اخلاق رجال ..!!..افضل وصف لذا الصنف ذكر ويخب عليه بعد.

طبعا كل من حضر هالكلام يطالع الرجال بكل احتقار وبكل اشمئزاز

ياليت في واحد جرية حده بالموتر ونزل وكمخه إلين يذن وربي ليتأدب.


اذا ماقدرت تسوي خير ليه تسوي الشر مب كافي انه يشيل وساختكـ حتى لو كان هذا شغله ؟؟

شغلته مهي عيب والله..!!..!!..لكن كثير منا وبسبب حقره للناس ولغيره يحقر هذا النوع من الأعمال..!!..!!..يكفي انه يسعى ومتغرب عن بلده عشان يحافظ على النظافة وحن كثير منا لايقدر ولاينتخي ينزل الدريشة وطراخ..!!..علبة الببسي في الشارع.

اللي اعرفه ان رواتبهم مب ذاك الزود ليه تزيد عليه هم >____<
مرة قريت في الجريدة كاتب كتب قصة حصلت معه مع عامل مفادها انه كان واقف عند الإشارة وجاء العمل لعنده وقال:بابا مافي هدية؟ فقال صاحب القصة: ليه بس؟ الي تسويه غلط؟ انت تشتغل وتكسب رزقك ليه تطلب الناس؟ يقول: انفجر العامل بكاء وقال انا بابا في ستة شهر مافي راتب !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!لاتعليق

صحيح غني مال لكن للأسف فقير اخلاق
جميلة هذي الكلمة لو اعرف كيف اقيم الموضوع قيمته بخمس نجوم على هذي العبارة.


ممكن تعطوني تعليقاتهم على الموضوع ورايكم بموقف صاحب السياره المغروره طبعا ^^’’

التعليق تم اما رأيي في هذا المتخلف فهو انه مريض مرض يجب علينا كمجتمع مسلم محاربة هذا النوع من التصرفات.



في النهايه الــف شكــر للمــرور واللي ماعنده اي تعليق يقدر يطلع بكل هدوء ^_^
(غلط غلط ياهارونا..!!..كلامك كله سليم وفي الأخير اعميتيها..!!..!!..انتي صاحبة رسالة هنا وتبين توصلينها واحسنتي بإيصالها لكن السطر هذا يخرب الي زينتيه بالأعلى)


وطبعا اعذرونا ع الفواصل الغريبه سويناها ع السريع ^^’’

صراحة جازت لي..!!..يعني جمجمة ومعها قلب حاجة خيال

في الأخير اقول:
ليس الجمال بأثواب تزيننا ـــــــــــــــ إن الجمال جال العلم والأدب

[Prom!se]

وعليكم السلام ورحمة الله وبركاته ..

يآهلا والله هارونا ..تصدقي ..أمس اقول لنفسي
ليه هارونا ماتنزل مواضيع بقلم الاعضاء ..وسبحان الله جيتي اليوم نزلتي XD
..
المهم ..
يعني ..حسيت انه حاسده عالقرشين الي لمهم ..!
هالموقف للأسف كثيييير يحصل بهالأيام ..
تدرين وش يقولون الي مثلة (الشمس ماعمرها تنزل للأرض)
يعني هم الشمس ..والي على قد حالهم ..هم الارض ..
ماأقول الا ..الرزاق موجود ..والانسان رزقه مو على واحد ..
والله لايردهم الي متل هيك .. صحيح ممكن يكونو أغنياء ..لكن فقراء العقل ::

وشكرا على موضوعك المعبر عن المشآعر ..
يعطــيكِ العآآآفية ,,

وفواصل الجماجم كتير عجيبة وحلوة ^.^

تحــيآآتي ~

[N E J I]

همم أكـيد محجـوز ^^"

عدنـآ ..

وعليكم السلام ورحمه الله ..

< مو عـآرف من انتِ من الألوآن xDD
سـآعة اتأكد اقول خلل من المنتدى او انتِ اللي كـآتبه الموضوع ههههـ

المهم نرجـع لموضوعـنآ ^^
صـرآحة موقف غبي جداً ويدل على غباء ذاكـ الرجـل نفسه !
وان شـآء الله هـالعـآمل الله يعوضه بالآخـره ويشوف خير بدل الفقر اللي عايش فيه ..
لا تهتمين للموضوع كثير وتحرقين دمكـ على واحد ما يسوى .. الله بيجازيه
وفيه يوم بيندم على فعلته .. وبيكون بموقف مشابه لهذا العامل المسكين ..
وبيتذكر وقتهـآ غلطته ..

ومو كل من ركـب سيآرة فآخـرة ومظهر حسن كـآن طيب .. الشكل ما يهم ابد !
همم وطبعـاً العكس صحيح ^^"

و على فكـرة عندنا وعدكم خـير .. فيه ناس عندنا معتبرين العمآل لعبة
ومصدر لونـآستهم ! اذا كآنوا راكبين السيارة و شافوا العآمل يمشي
طيروا عقله وشطفوه ( جعلوا السيارة تقآرب بجسمه ) > يـآ عيني ع الشرح xDD
ع العموم الكل بيحآسب على أفعآله, والله يهدي الجـميع ..

شكراً على الكتـآبة والموضوع الهـآدف ولو انه جاء بوقت مآ ادري وش يبي خخخـ
بالتـوفــــيق ^^"

[Zoro of Milan]

محجوز ~ ...

باك ~

وعليكم السلام ورحمة الله ~

حالنا تسر إن شاء الله احوالك أنتي xD

كانت الساعه 9 الليل راجعين من مشوار ~~

اروح عالدقة xD

الرجال اللي داخلها على احسن كشخه والشماغ مليان ميريتو ..... والغرور واصل حده عنده ..

ههههـ طيب من اللي كوااه ؟؟ الشغالة ولا المغسلة ؟ xDD

يجيكم الرجال ويقول للعامل .......

(( اذا هم عطوك فلوس يعني تحسب اني انا بعطيك ؟؟ يله رح كمل شغلك بس ))

ما شا الله وأنتم قاطين معه ؟؟ xDD

يمكن يصير ذا الرجال مدير بالبلدية ولا شي .. يعني هالعامل يشتغل عنده ..

وبكل وقاحه كان يكلمه ><

بكل غرور الله يكسر غروره ان شاء الله ويوريه من عجايب الدنيا يا رب

لو انه معطيه زباله وربي كان اهون على العامل من الكلام اللي جاه مثل السكين على قلبه ><

قولي الله يهديه xD

وبعدين ما تدرين يمكن الرجال يبي يعلمه أنه ما يسأل الناس ^^"

لا تحكمين على الناس من مظاهرهم

هالرجال >> حسافه عليه كلمه رجال شنب ع الفاضي ..!!

على اساس انه الحين قـــــوي ؟؟ ابي اعرف بس الاحساس اللي كان يحس فيه ..!!

يمكن هو الرجال وهو اللحية بعد xD

بدامتس ما تدرين وشوله تحكمين عليه أنه فاسد ؟؟

انا قد صار لي موقف وصرت ما أحب أعطي أحد >< أو اناظره بس xD

تلقين صاحبنا صار له موقف ومعصب إلى الحين xDD

بالختاام

داري أن ردي عكس الشعب والعالم .. بس انا ما ابي اجامل أنا رديت عن رأيي بالموضوع

بس فيه نقطة مهمه اوقفتني

طبعا كل من حضر هالكلام يطالع الرجال بكل احتقار وبكل اشمئزاز

الحين كل هذا وأنتم واقفين عند إشارة ؟؟ xDD

وش ذا الإشارة ؟؟ الظاهر تقعد يومين عشان تخضر هههههـ

وحركة الألوان حلوة قايلتس لو تغيرين يصير أحلى xD

ثاانكس هارو على الموضوع اللي ينسينا جو الاختبارات اللي توه ما بدا xDD

في أمان الله ~

[.sako.]

تسلمين عافاك الله

موضوعرائع

[ليزي]

السلام عليكم

يسلمو كتير على الموضوع الرائع ......

عنجد موقف بيقهر ، يعني كان حينقص منو إيد أو رجل لو أعطى ريال أو ريالين أو أصلا ما كلمو بكون أحسن على هاد المسكين .....

طبعا هذا ان كنت غني صحيح مو كل شئ ديون طبعا ..!!

هههههههههه هههههه ...

لا تعليق ......

بس بالنهايه ما منحكي إلا الله يهدي و يهدي كل إلي على شاكلتو و يقدروا أن الله مُنعم عليهم النعم و ممكن يوخدها منهم بلحظه ......

[محمد الهـاشمي]

طيب ليه تدعين على الرجال ؟

هالشي بينه و بين العامل ،،


،،، طبعاً هذي الي ذكرتيه ولا شي ،، في أشياء تصير أشنع بكثير مما ذكرتيه .

[~*SoSo*~]

السلام عليكم ..

$ شكرًا على الموضوع .. قصة مؤلمه كتير و الله كتير حزني عامل النظافة

تخيلي كيف كان إحساسوا وهاد الشخص بيهينو بهذه الطريقة .. بس الواحد

ما بيقدر يحكي غير حسبي الله و نعم الوكيل .. يعني الله معطيك نعمة ما

تبخل فيها و أعطي له كم ريال يعني كتير رواتبهم عمال النظافة منخفضة و

يمكن هاد العامل يدعيلك بدعوة حلوة تنفعك في آخرتك أو تسكت ..

وطبعا اعذرونا ع الفواصل الغريبه سويناها ع السريع ^^’’

فواصلك كتير عجبتي مش معجوقه ناعمة بس شريرة .. و الله يوفقك في امتحاناتك $

[Haro0ona.S]

جيمس بوند07

((عادي..!!..في ناس ماعندها اختبارات))
مافكرت فيها صراحه ^^’’
شكرا ع التذكير

((هذي الريال والريالين قد تسوى عندهم الدنيا بما فيها..!!..لأنه يحس ان في ناس مقدرة وجودة كبني آدم وان في ناس تعطف عليهم))
صدقت والله تسلم ع هالكلام ^^

((لاتستغربين من الي بقوله بس زين انها جت على كذا..!!.. زين ماسبه وشتمه وزين فيها نظامي وقال بأتصل على البلدية
الصنف هذا من البشر مريض))
>< اعوذ بالله من الشيطان الرجيم ليه كذا ؟!! ابي اعرف بس الاحساس اللي يحس فيه وشو ؟!!

((أسأل الله انه يهديه ولو في علم الله السابق ان ماله هداية فالله ياخذه اخذ عزيز مقتدر))
آآآآمـــيــن .. يمكن يقرا موضوعي هذا بالصدفه
او احد يتصرف مثله وع الاقل يوقفون هالتصرفات اللي مالها داعي

((مين قال انه رجل؟ هذي مب اخلاق رجال ..!!..افضل وصف لذا الصنف ذكر ويخب عليه بعد.))
^_^ نعم صدقت : )

((ياليت في واحد جرية حده بالموتر ونزل وكمخه إلين يذن وربي ليتأدب))
خخخخـ تخيل عاد ... لكن اتوقع هالنوعيه ما تتادب من الضرب لحاله لازم تجرب بعد ^^

((شغلته مهي عيب والله..!!..!!..لكن كثير منا وبسبب حقره للناس ولغيره يحقر هذا النوع من الأعمال..!!..!!..يكفي انه يسعى ومتغرب عن بلده عشان يحافظ على النظافة وحن كثير منا لايقدر ولاينتخي ينزل الدريشة وطراخ..!!..علبة الببسي في الشارع.))
صحيح الشغل مو عيب اهم شئ يكون حلال
مع ان فيه ضريبه على الرمي في الشارع لكن ..^^

((مرة قريت في الجريدة كاتب كتب قصة حصلت معه مع عامل مفادها انه كان واقف عند الإشارة وجاء العمل لعنده وقال:بابا مافي هدية؟ فقال صاحب القصة: ليه بس؟ الي تسويه غلط؟ انت تشتغل وتكسب رزقك ليه تطلب الناس؟ يقول: انفجر العامل بكاء وقال انا بابا في ستة شهر مافي راتب !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!لاتعليق))
>< قاريه هالقصه انا من قبل ونفس الكلام ..... لا تعليق ><

((جميلة هذي الكلمة لو اعرف كيف اقيم الموضوع قيمته بخمس نجوم على هذي العبارة.))
الله يسلمك اعتبر تقييمك واصل من كلامك يعطيك العافيه

((التعليق تم اما رأيي في هذا المتخلف فهو انه مريض مرض يجب علينا كمجتمع مسلم محاربة هذا النوع من التصرفات))
تسلم على الرد ورأيكـ تمام التمام مافيه كلمه توصفهم صح الا كلمه مرضى XD

(غلط غلط ياهارونا..!!..كلامك كله سليم وفي الأخير اعميتيها..!!..!!..انتي صاحبة رسالة هنا وتبين توصلينها واحسنتي بإيصالها لكن السطر هذا يخرب الي زينتيه بالأعلى)
^^’’
انت اعرف ان مو كل الاشخاص نفس التفكير .. وقبل لا احط الموضوع كنت عارفه الف بالميه ان فيه احد بيعارض شئ حتى لو كان على كلامي
علشان كذا اللي ماراح يقنعني بكلامه افضل انه ما يرد لانه بيضيع وقته

((صراحة جازت لي..!!..يعني جمجمة ومعها قلب حاجة خيال))
خخخـ الله يسلمك من ذوقك

((في الأخير اقول:
ليس الجمال بأثواب تزيننا ـــــــــــــــ إن الجمال جال العلم والأدب))
الــف شكر على المرور المميز والخاتمه الرآآئعهـ
يعطيك العافيه نورت الموضوع

أصـداف البحر

ياهلابك الف قلبوو

((يآهلا والله هارونا ..تصدقي ..أمس اقول لنفسي
ليه هارونا ماتنزل مواضيع بقلم الاعضاء ..وسبحان الله جيتي اليوم نزلتي XD))
يا هلابك الف قلبوو .. خخـ هذا ثاني موضوع في قلم الاعضاء
تقدرين تقولين احب اعلق بالقلم اكثر من اني امتلك موضوع واحد اتكلم فيه^^

((يعني ..حسيت انه حاسده عالقرشين الي لمهم ..!))
مافيه تفسير لتصرفه الا انه حاسده على القرشين

((هالموقف للأسف كثيييير يحصل بهالأيام ..
تدرين وش يقولون الي مثلة (الشمس ماعمرها تنزل للأرض)
يعني هم الشمس ..والي على قد حالهم ..هم الارض ..
ماأقول الا ..الرزاق موجود ..والانسان رزقه مو على واحد ..
والله لايردهم الي متل هيك .. صحيح ممكن يكونو أغنياء ..لكن فقراء العقل :)
>< الله يشفي هالنوعيه واشكالها من مرضهم
كلامك درر يعطيك العافيه قلبوو

((وشكرا على موضوعك المعبر عن المشآعر ..
يعطــيكِ العآآآفية ,,))
الشكر لك ع المرور العسول زيك ^^
نورتي الموضوع بطلتك قلبو ..

((وفواصل الجماجم كتير عجيبة وحلوة ^.^))
تسلمي والله ما توقعت تعجب احد بصراحه ^^
من ذوقك والله

((تحــيآآتي ~))
ياهلا بكـ

[Haro0ona.S]

N E J I

((عدنـآ .. ))
ولكموو XDD

((< مو عـآرف من انتِ من الألوآن xDD
سـآعة اتأكد اقول خلل من المنتدى او انتِ اللي كـآتبه الموضوع ههههـ))
ههههـ عاد لزوم الكشخه لازم الفواصل تناسب الموضوع ^^’’

((المهم نرجـع لموضوعـنآ ^^))
قدآآم XD

((صـرآحة موقف غبي جداً ويدل على غباء ذاكـ الرجـل نفسه !))
صحيح واللهـ كل اللي فكرنا فيه غباء ذاك الرجال><

((وان شـآء الله هـالعـآمل الله

يعوضه بالآخـره ويشوف خير بدل الفقر اللي عايش فيه .. ))
آآآمين وكل من مر بمواقف غريبه او كافح في حياته ان شاء الله

((لا تهتمين للموضوع كثير وتحرقين دمكـ على واحد ما يسوى .. الله بيجازيه
وفيه يوم بيندم على فعلته .. وبيكون بموقف مشابه لهذا العامل المسكين ..
وبيتذكر وقتهـآ غلطته .. ))
خلاص حرقتها ذاك الوقت خخـ
ايه والله ما نقول الا الله يعينه على بلواه كلمك صح XD

((ومو كل من ركـب سيآرة فآخـرة ومظهر حسن كـآن طيب .. الشكل ما يهم ابد !
همم وطبعـاً العكس صحيح ^^"))
صح لسانكـ
هذا ان كانت اصلا سيارته مو دين وحالته حاله يعني من النوع اللي يحب الظهر اكثر من المضمون ^^’’

((و على فكـرة عندنا وعدكم خـير .. فيه ناس عندنا معتبرين العمآل لعبة
ومصدر لونـآستهم ! اذا كآنوا راكبين السيارة و شافوا العآمل يمشي
طيروا عقله وشطفوه ( جعلوا السيارة تقآرب بجسمه ) > يـآ عيني ع الشرح xDD
ع العموم الكل بيحآسب على أفعآله, والله يهدي الجـميع .. ))
>< لاحول ولا قوه الا بالله
لكن اضمن لو احد منهم حط نفسه بمكان هالشخص ماراح يعيدها
وعلى قولتك الكل يحاسب على اعماله

((شكراً على الكتـآبة والموضوع الهـآدف ولو انه جاء بوقت مآ ادري وش يبي خخخـ
بالتـوفــــيق ^^"))
الشكــر لكـ وعلى مروركـ يعطيك الف عافيهـ
خخـ ايه انا اقول ليه انزله الحين لكن ماعرفت اصبر ^^’’
بالتوفيق لنا جميعا ان شاء الله



Zoro Of Milan

ننتظر العوده

[Tema]

لي عودة يالغلآ ^^

وعليكم السلآم والرحمة ..
هلا والله بالغلآ كـلــــــــــه ^_^
ههههـ من أول مـآدخلت الموضوع قعدت أطآلع باسمك حسيت انه مو تبعك . .
لا مـآعليكِ هذآ أنسب وقت للموآضيع عشـآن الكل يرفه عن امتحـآنه <-- أمحق هههـ
.
.
كثير تصير هذي الأشيـآء للأسـف!
صرآحة أنـآ كل مـآشفت وآحد مغرور ومتكبر ودي أذبحه ><
على شنو التكبر؟؟ مصيرك للترآب؟؟ومصيرك تحـآسب على تكبرك!
( لَا يَدْخُلُ الْجَنَّةَ مَنْ كَانَ فِي قَلْبِهِ مِثْقَالُ ذَرَّةٍ مِنْ كِبْرٍ !)
تأملوااا يـآجمااااااعة مثقـآل ذرة بس!!
.
.
طيب دآمه غني ليه يتصرف مع العـآمل بالطريقة هذي؟!
مو قصده غيرة لا والله خلل عقلي ميئوس من شفـآئه ^_^
.
.
القصة ذكرتني بأستآذة تعـآمل المستخدمة (عاملة نظـآفة في المدرسة أو الجـآمعة)
المهم تعـآملهـآ بطريقة شينة مثلا تقول لهـآ (روحي جيبي الأورآق ولاتروحين منـآ ولا منـآ!)
خييير إن شـآء الله؟
مشكلتي مـآعرف أسكت ويوم مرت من عندي الأستآذة قلت لهـآ : خير إن شاء الله وش التكبر هذآ ?
<~ ملقوفة صح هههههـ
.
.
وفيه وحدة عكسهـآ تمـآم .. هي وحدة من معـآرفي بحكم تخصصهـآ بالمستشفى..
الممرضـآت يحبنهـآ من أول مقـآبلة . . لأنهـآ طيوبة حيل معـآهن وتتوآضع لهن..
حتى انهـآ تنسى اسمـآئهن من كثرتهن لكن هن مـآنسنهـآ أبد ^^
ويوم كـآنت تدرس بالكليـة المستخدمـآت دآيم يجن لهـآ وتقعد تسولف معـآهن . .
وحدة من صديقـآتهـآ قآالتْ لهـآ: امشي امشي ترى النوعية هذي ماتنعطى وجه!
<~ لآتعليق !!!
ليه مـآينعطن وجه..؟
مو انسـآنة مثلك..؟لهن احسـآس وشعور؟؟
أو بمجرد شغلهن فقدن الإحسآس ومـآيستآهلن يسمعن كلمة طيبة منك..؟!
.
.
مـآحسيت اني كتبتْ كل هذآ >_>
أختم كلآمـي :
(( عجبت لأمر بني أدم أوله نطفة نجسه وأخره جيفة نتنه وبين هذا وذاك فإنه يحمل العذراء ومع هذا يتكبر ))
.
.
يسلمو ياغلآ والفوآصل روعة دآمهـآ من تصميمكِ ^_*
يحفظكِ ربــــــــــــــــــي ~

[Sos_chan]

السلام عليكم ورحمة الله وبركاته ...

أهلاً بكِ أختي ...
شكراً لكِ للموضوع ...

ولكني أُخالفك إلى حد ... وأوافقك إلى حد ...

أولاً: إن لم يقم أحد بإعطاء ذلك العامل شيء .... فليسوا بتلك الحالة أشراراً أو سيئين أو دنيئي نفوس ...
لأنه ببساطة، الإسلام حارب التسول والمتسولين!
والرجل بتمام صحته وعافيته بل ويعمل أيضاً،

نعم قد يحتاج، وقد نعطيه، ولكن إن لم نقم بذلك فنحن لسنا سيئين ...

ما يختلف هو الأسلوب..
أسلوب ذلك الرجل لم يكن جيداً أبداً ،،
هنا يمكنكِ اتهام الرجل بالفقر ... وافتقاره لذلك الأسلوب ...

هناك آيةٌ بالقرآن لا أذكرها بالضبط ... ولكن مفاد القول
قولٌ معروفٌ خيرٌ من صدقة يتبعها أذى ...

يعني الدعوة الحسنة، أو القول الجيد أفضل ... ولو بقي ذلك الرجل صامتاً لكن خيراً له ...

هذا ما لدي ... شكراً لغيرتك ... ودمتِ على خير

[Mr. SHANKS]

لي عودة

وعليكم السلام و الرحمة

هلا بهارو .. أي حال >< وبعد بكره الاختبارات

كيف حالكِ انتِ والاختبارات ؟

اعتذر ع التاخير بالرد تدرين من فاضي هالايام ><

طيب نجي للموضوع ..

قريت الموقف تعليقي علية هو صح ماله داعي يسوي راعي السيارة الكشخه كذا ><

بس وش لنا دخل فيه حنا ؟؟

المفروض مايقول لعامل النظافة كذا وماكان له أي داعي تصرفة ~

بس مايصير تبتلين تدعين علية كل هالدعوات .. يعني اللي يسمعك يقول انه مسوي جريمة xD

هذا رأيي

ولاتزعلين ان كان رايي ضايقك وخرب الموضوع

فعلاً موقف مؤثر ><

مشكوورة هاروو ع الموضوع و الطرح الرائع : )

ومشكورة مره ثانية على هالفواصل المرعبة بس حلوة صراحة xDD

تقبلي مروري ..

وننتظر مثل هالابداعات منك .. بس لايكون بوقت إختبارات xD


مع تحياتي ~

[Haro0ona.S]

.sako.

((تسلمين عافاك الله

موضوعرائع))

يا هلا فيك اخوي ^^
الله يسلمك وتسلم ع الطله







ليزي
((السلام عليكم))
وعليكم السلام والرحمه

((يسلمو كتير على الموضوع الرائع ......))

مرورك الرائع قلبوو وربي يسلمك ان شاء الله ^^

((عنجد موقف بيقهر ، يعني كان حينقص منو إيد أو رجل لو أعطى ريال أو ريالين أو أصلا ما كلمو بكون أحسن على هاد المسكين ....))

>< ما يحتاج يعطيه شئ مب لازم يسوي شئ هو بس يسكت وصل الله وبارك ..!
يعني انا كنت اقصد اعطو اي احد تشوفونه بالشارع؟؟ لا طبعا

((بس بالنهايه ما منحكي إلا الله يهدي و يهدي كل إلي على شاكلتو و يقدروا أن الله مُنعم عليهم النعم و ممكن يوخدها منهم بلحظه ......))
آآآمين والف شكر لكـ قلبوو على ردك نورتي الموضوع ^^

[Haro0ona.S]

محمد الهـاشمي

((طيب ليه تدعين على الرجال ؟
هالشي بينه و بين العامل ،،))
طيب ليه انت زعلان؟؟
هالشي بيني وبين ربي

((،،، طبعاً هذي الي ذكرتيه ولا شي ،، في أشياء تصير أشنع بكثير مما ذكرتيه ))
اسمع عن هالأشياء لكن ما احب احط شئ مو متاكده منه او ما صار او كان اشاعه
انت تعرف الناس دايم تطلع اشاعات ^^’’
لكن ما اقول الا الله يشفي كل مريض بهالمرض..

يعطيك العافيه على المرور وعلى الرأي نورت

~*SoSo*~

((السلام عليكم ..))
وعليكم السلام والرحمه

(($ شكرًا على الموضوع .. قصة مؤلمه كتير و الله كتير حزني عامل النظافة

تخيلي كيف كان إحساسوا وهاد الشخص بيهينو بهذه الطريقة .. بس الواحد

ما بيقدر يحكي غير حسبي الله و نعم الوكيل .. يعني الله معطيك نعمة ما

تبخل فيها و أعطي له كم ريال يعني كتير رواتبهم عمال النظافة منخفضة و
يمكن هاد العامل يدعيلك بدعوة حلوة تنفعك في آخرتك أو تسكت ..))
العفو
ايه والله انتي تخيلي بس انك مكانه وشوفي كيف الاحساس بيكون ><
صح لسانك قلبوو ومو شرط يعطيه انا ما اجبر احد يعطي احد كل اللي اتكلم عنه هو
(( من كان يؤمن بالله او اليوم الاخر فليقل خيرا او ليصمت ))
يعني لو كان مثل باقي السيارات ساكت ولا اهتم

محد قايل له شئ لكن هو اللي جاب الشر لنفسه بالحركه هذي ^^’’

(( فواصلك كتير عجبتي مش معجوقه ناعمة بس شريرة .. و الله يوفقك في امتحاناتك $))

الله يسلم عمرك قلبوو من ذوقك والله .. آآآمين والجميع ان شاء الله XDD

يسلمو كتير كتير ع الطله نورتي قلبوو ^_*

[إسلام 2006]

وعليكم السلام

حيا الله هارونا بإسمها الجديد << كان اخترتي اسم هارو احسن XDDD

للأسف الشديد هذا الأمر صار منتشرا، من يبتليه الله تعالى بالغنى لا يفهم ان هذا هو ابتلاء من الله شأنه شأن الفقر كابتلاء أيضا

الله سبحانه وتعالى يبتلي العبد ليرى كيف يفعل، إما بالغنى وإما بالفقر

لكن بعضهم يظن انه مل يؤت هذا المال إلا لأنه أفضل من غيره، فبدل ان يشكر الله تعالى فهو يكفر بهذه النعمة كما قال قارون لقومه "إنما أوتيته على علم"

مثل هؤلاء ينسون انه كما تدين تدان

بمجرد قراءتي لموضوعك تذكرت قصة حكاها أحد المشائخ، قصة عجيبة في هذا الشأن وما فعله الله تعالى بمثل من يفعل ويتكبر كهذا الرجل

القصة كانت عن رجل غني كان متزوجا، وذات يوم كان يأكل اللحم مع زوجته فطرق الباب طارق مسكين ففتح له الباب فقال له مسكين يطلب شيئا لله فنهره الرجل وسبه وزجره وصك الباب في وجهه، ثم مرت الأيام وأصيب هذا الرجل بالفقر، وتراكمت عليه الديون فاضطر الى تطليق زوجته بسبب عدم قدرته على التكفل بالمصاريف، ومضى كل الى حال سبيله، وبعد فترة تزوجت المرأة من رجل اخر، وفي يوم من الأيام وبينما هم يأكلون اللحم أيضا طرق الباب طارق مسكين، فقال زوجها لها، خذي هذا اللحم كله وتصدقي به عليه، فأخذته وأعطته السائل ورجعت تبكي، فقال لها متعجبا ما يبكيكي، هل تبكين لأننا تصدقنا بهذا اللحم قالت لا والله لكن أتعلم من هو السائل؟ قال لا، فقالت له انه زوجي الأول

فقال لها اتعلمين من أنا؟ انا السائل الأول

فسبحان الله العظيم

ومثل هؤلاء لهم يوم كهذا أيضا سراء في الدنيا أو في الاخرة إن لم يتوبوا وينيبوا

جوزيت خيرا على موضوعك

ولا تحرمينا من مواضيعك المميزة

[Haro0ona.S]

Tema

((وعليكم السلآم والرحمة ..
هلا والله بالغلآ كـلــــــــــه ^_^))
يا الف هلا ومرحبا بالنور والغلا >> ع القافيه خخـ XD
اسال نفسي ليه موضوعي صاير حلو وعرفت يوم شفت ردكـ ^_*

((ههههـ من أول مـآدخلت الموضوع قعدت أطآلع باسمك حسيت انه مو تبعك . .))
هههههـ انا نفس الحاله اشكـ انه موضوعي ههههـ
وخاصه مع الاسم الجديد خخـ لو ما اشوفه بلوحه التحكم اضيع هههههـ

((لا مـآعليكِ هذآ أنسب وقت للموآضيع عشـآن الكل يرفه عن امتحـآنه <-- أمحق هههـ))
نعم نعم


((كثير تصير هذي الأشيـآء للأسـف!
صرآحة أنـآ كل مـآشفت وآحد مغرور ومتكبر ودي أذبحه ><
على شنو التكبر؟؟ مصيرك للترآب؟؟ومصيرك تحـآسب على تكبرك!
( لَا يَدْخُلُ الْجَنَّةَ مَنْ كَانَ فِي قَلْبِهِ مِثْقَالُ ذَرَّةٍ مِنْ كِبْرٍ !)
تأملوااا يـآجمااااااعة مثقـآل ذرة بس!!))
يا سلام على هالدرر اللي تطلع منكـ
ايه والله صدقتي والله يكفينا شر الكبر ان شاء الله ><
.
.
((طيب دآمه غني ليه يتصرف مع العـآمل بالطريقة هذي؟!
مو قصده غيرة لا والله خلل عقلي ميئوس من شفـآئه ^_^))
هذا ان كان غني حقيقه زي ما قلت >_>
لكن زي ما قلتي هذا مرض الله يكفينا شره بس ^^
.
.
(( القصة ذكرتني بأستآذة تعـآمل المستخدمة (عاملة نظـآفة في المدرسة أو الجـآمعة)
المهم تعـآملهـآ بطريقة شينة مثلا تقول لهـآ (روحي جيبي الأورآق ولاتروحين منـآ ولا منـآ!)
خييير إن شـآء الله؟
مشكلتي مـآعرف أسكت ويوم مرت من عندي الأستآذة قلت لهـآ : خير إن شاء الله وش التكبر هذآ ?
<~ ملقوفة صح هههههـ))
هههههههههـ وياليتها تحس بس ياما سوينا هالحركه ولا حياة لمن تنادي خخخـ
لكن تعجبيني والله ^_*
وبعدين تلقين الحين محد يطيق هالإستاذه
.
.
((وفيه وحدة عكسهـآ تمـآم .. هي وحدة من معـآرفي بحكم تخصصهـآ بالمستشفى..
الممرضـآت يحبنهـآ من أول مقـآبلة . . لأنهـآ طيوبة حيل معـآهن وتتوآضع لهن..
حتى انهـآ تنسى اسمـآئهن من كثرتهن لكن هن مـآنسنهـآ أبد ^^
ويوم كـآنت تدرس بالكليـة المستخدمـآت دآيم يجن لهـآ وتقعد تسولف معـآهن . .
وحدة من صديقـآتهـآ قآالتْ لهـآ: امشي امشي ترى النوعية هذي ماتنعطى وجه!
<~ لآتعليق !!!))
ليه مـآينعطن وجه..؟
مو انسـآنة مثلك..؟لهن احسـآس وشعور؟؟
أو بمجرد شغلهن فقدن الإحسآس ومـآيستآهلن يسمعن كلمة طيبة منك..؟!
ايه والله صدقتي بكل كلمه قلتيها قلبوو ^.^
الله يتمم عليها هالاخلاق الراآآئعه ان شاء الله اما صديقتها الله يهديها ليه ما تنعطى وجهـ ؟!!
اذا جاك شر منهن هذيك الساعه ما تنعطى وجهـ ومو من اول مره بعد
وبعدين يمكن من تصرف هالانسانه وتواضعها يدخل كثير من الممرضات الاسلام على ايدها
اما اذا كانو يشوفون دايم التنفر والذل كيف بيعرفون ان دين الاسلام دين تسامح ودين اخلاق ؟!!
.
.
((مـآحسيت اني كتبتْ كل هذآ >_>))
ههههـ من حرتن بقلبتس خخـ XDD

((أختم كلآمـي :
(( عجبت لأمر بني أدم أوله نطفة نجسه وأخره جيفة نتنه وبين هذا وذاك فإنه يحمل العذراء ومع هذا يتكبر ))))
يا سلام على هالكلام تسلم لي ايد كتبت لي هالرد ياآآآ رب
.
.
((يسلمو ياغلآ والفوآصل روعة دآمهـآ من تصميمكِ ^_*
يحفظكِ ربــــــــــــــــــي ~))
ربي يسلم عمرك ان شاء الله قلبوو
من ذوقك والله تيما سينسيه XDD
آآمين ويحفظك وين ما تروحين ان شاء الله ويبعد عنك كل شر ياآآ رب ^^

الف شكر ع الطله العسل يا عسل نورتي ^o^

[Zoro of Milan]

تم فكـ الحجز بالرد الللـ مدري تلقينه فوق xD

[Haro0ona.S]

Zoro Of Milan

((باك ~))
ولكموو XDD

((وعليكم السلام ورحمة الله ~

حالنا تسر إن شاء الله احوالك أنتي xD))
دوم ان شاء الله
وانا حالي تمام التمام الحمد لله XDD

((اروح عالدقة xD))
ما يمديك خخـ غطيت على جرينيتش XDD

((ههههـ طيب من اللي كوااه ؟؟ الشغالة ولا المغسلة ؟ xDD))
هههههـ تصدق المفروض اعرف بعد لكن ما لحقت صراحه اكمل التحقيقات XD

((ما شا الله وأنتم قاطين معه ؟؟ xDD
يمكن يصير ذا الرجال مدير بالبلدية ولا شي .. يعني هالعامل يشتغل عنده ..))
خخـ لا السياره كانت جنبنا بالضبط عاد الزحمه ما تقصر تخلي اللي جنبك كانه معك بالسياره
طيب زورو اسالك حتى لو صار مدير البلديه يقول له كذا بصوت عالي؟؟
وقدام الخلق العامل ما طلب من احد كان يشتغل وبس الملاقيف خواني نادوه ^^’’

((قولي الله يهديه xD
وبعدين ما تدرين يمكن الرجال يبي يعلمه أنه ما يسأل الناس ^^"))
الله يهديه ..
مب عاده ادعي على احد لكن جد شئ يقهر
اذا كان فيه احد غلطان ولازم ينتهاوش
يهاوش المبزره اللي فتحو باب لهالعامل >> ولاكانها تقصد خوانها ابد خخـ
يعني يقول لهم لا تعطونه بعدين يتعود او شئ زي كذا بس ..
العامل ما سال لو سال قلت صادق المفروض يتعلم
قد شفتها هذي من قبل وما قلنا شئ

((لا تحكمين على الناس من مظاهرهم ))
هو من شفناه هالسياره قلنا ياهوو بطل وجا هو اعماها لنا ^^’’
يمكن لانك انت ما شفت تحس ان الغلطان هو العامل لكن اقولك لا مب غلطان ..

((يمكن هو الرجال وهو اللحية بعد xD ))
اذا هو اللحيه على قولتك ليه ما قالها بصوت هادي من دون نظره ازدراء وتحقير ؟!!

((بدامتس ما تدرين وشوله تحكمين عليه أنه فاسد ؟؟ ))
طيب ليه هو ما حافظ على سمعته بين العالم وسكت ؟؟!

((انا قد صار لي موقف وصرت ما أحب أعطي أحد >< أو اناظره بس xD
تلقين صاحبنا صار له موقف ومعصب إلى الحين xDD))
يا سلام عليك انت قلتها بنفسكـ
حتى ما تناظره بس يعني كافي خيركـ وشركـ
كان يقدر يكفي خيرهـ وشرهـ بعد
من قالك ان كل العمال مساكين وحليلين؟؟ بالعكس خابزينهم وعاجنينهم
لكن تجي وتهزئ واحد قدامك وهو اصلا ما سوى شئ ليه؟؟
كل شئ صاير قدامه البزارين نادوه وهو جا بعدين سياره ثانيه نادته وراح لها بعدها كمل شغله
كان خلاه يكمل ليه كل هذا ؟؟!!
ولو هو مديره يقدر يقول له تراني شفتك ولا تعيدها مب قدام العالم

((بالختاام
داري أن ردي عكس الشعب والعالم .. بس انا ما ابي اجامل أنا رديت عن رأيي بالموضوع ))
بالعكس هذا اللي ابيه تجي تجامل انت بعدها انا وش استفيد ؟؟
المهم انت عندك وجهة نظر وصحيحه ما اقولك غلط لان فيه حديث ما اذكر وشو
لكن مضمونه التمس لاخيك المسلم 70 عذرا ^^
لكن فيه نوعيه ماتعرف التواضع ابد ><

((بس فيه نقطة مهمه اوقفتني
الحين كل هذا وأنتم واقفين عند إشارة ؟؟ xDD
وش ذا الإشارة ؟؟ الظاهر تقعد يومين عشان تخضر هههههـ))
هههههـ المفروض انت ابخص بالاشارات بما انكـ ولد وتسوق XD
ايه هو كان الموقف سريع لكن يمكن مع الشرح صار كانه ساعتين هههههـ

((وحركة الألوان حلوة قايلتس لو تغيرين يصير أحلى xD ))
خخـ الله يسلمك اول واخر مره اغير
اصلا بسبب الفواصل هن اللي قيدتني بهالالوان XDD

((ثاانكس هارو على الموضوع اللي ينسينا جو الاختبارات اللي توه ما بدا xDD
في أمان الله ~))
ويلكم زورو على الرد الطوييل اللي مستحيل اضف رد عضو ثاني معه خخـ
وشكرا على فكـ الحجز بسرعه والفين شكر على الرأي الصريح والتوضيح
قلت وجهة نظرك مع توضيحها مو بس كلمتين غامضات^^
فيعطيكـ الف عافيه

في امان الله نورت الموضوع