جريمة قتل في بالوعة المنزل ..

[بسـ ألم ـمة]

يا هلا فيكم اخواني و خواتي أعضاء المنتدى ،
أتمنى إن تكونون بأتم صحة و عافية ..
هذي قصة حقيقية صارت لي قبل سنتين زعلت فيها واااايد و ما اشتريت
أرانب بعدها و مستحيل أشـــــــــــــتري ..
هذي هي القصــــــــــــــــــــــــــــــة :

كان عندنا 5 أرانب ، ذكرين و ثلاث اناث ، حاطينهم في قفص كبير ، وحدة من الإناث كانت حامل ،

و مسوية لها جحر في القفص ، كنا ننتظر ولادتها بفارغ الصبر ، ولدت الأرنوبة بعد طول انتظار و

يابت 4 أرانب حلوين يجننون و كان واحد منهم لونه أبيض و الثاني بني و الثالث أسود و الرابع

على لون أمه رصاصي ..

كنا مأمنين لهم الراحة التامة و واااايد مدلعينهم حتى الأكل نحطه لهم عند باب الجحر .

و مرت الأيام و كبروا و صار عمرهم اسبوعين تقريباً ، وما بنسى ذاك اليوم المنحوس اللي أتمنى

إن مايا ، في ذاك اليوم يو أهلنا من قطر في زيارة لنا و كانوا وااايد قرابة 20 نفر ، المهم يت وياهم

راس البلا بنت خالتي الشريرة فطومو و أخوها تميم ، يوم طالعت الأرانب فرحت و قالت بلعبهم ، قلت لها لا حبيبتي إنت أصلاً

مابتدقينهم ماتذكرين يوم حطيتي الصفصوف في كيس بدون هوا و لا ماي ولا أكل لين ما مات .. تمت تصيح بصوت عالي كسرت

خاطري و عطيتها الأرانب و قلت لأخوي يراقبها بس ما سمع الكلام ، و بعد ساعة سألتها وين الأرانب قالت سبحتهم صرخت

عليها و قلت لها بيموتون بالغبية ، وين حطيتيهم ؟ قالت ما أعرف ، و كررت عليها السؤال و ما جاوبت ، دورناهم في كل البيت

، وتعبنا واااااااايد ، و بعد 3 أيام شمينا ريحة خايسة من الحمام و تمينا ندور مصدر الريحة و يوم فتحنا

بالوعة الحمام كانت المفاجئة الأرانب كلهم ميتين في البالوعة و معفنين ، صح البالوعة كانت كبيرة بس لهذا اليوم ما أدري

كيف كان قلبها قوي و قدرت تحطهم في البالوعة ..

الله يرحمهـــــــــــــــــــم ..