سلام عليكم ورحمة الله وبركاته
....
كيف الحال من الاحوال ...ان شاء الله تمام التمام
من زمان عن كتابة المواضيع ...

نبدا
شي غريب و منظر عجيب ظاهره صارت منتشره في المساجد .. هي ليست المره الاولى اللي
اشوفها بل تكرر الحال ...صار شي مزعج للغايه ... وقلت في نفسي افتح الموضوع و اخذ راي الاخوان والاخوات
احم احم ندخل في الهرجه على طول ...
الحكايه ....
في يوم سعيد من احد الايام السعيده < الله يجعل ايامكم كلها سعاده >
كنت اصلي في المسجد وبعد الصلاه خرج رجل اظن انه بين 30 او 26 من العمر ... ووقف امام المصلين .. و كان معه طفل < يده مكسوره > و قال بصوت فيه نبرة حزن ...
( السلام عليكم ورحمة الله وبركاته ... يا جماعة الخير ... و ذكر ايه من القران الكريم وحديث شريف ؛ والله اني ما طلعت قدامكم الا اني محتاج لكم والله العظيم قدر على الله حادث و اصيب هذا الطفل بكسور و هو محتاج عمليه ضروري عشان يربطون الاعصاب في يده ..
وقالوا لي ادفع مبلغ كذا وكذا و انا ما قدرت اوفر هذا المبلغ ...
> يبكي >
وهذا شهادة دكتور و هي فيها قيمة العمليه
وتكفون محتاج مساعدتكم جزاكم الله كل خير وان اللي يفرج عن كربة مسلم فرج الله له كربه يوم القيامه ....
< يبكي <
ثم ذهب عند باب المسجد وفرش سجادة و مد يده و الناس تبرعت لها ...
....
من وجهة نظري اظن هذي تمثيل في تمثيل ... والدليل
الطفل اللي يده مشلوله كان يعلب... ويحرك يده
سبحان الله معجزه ...
وكمان كان يطالع في الناس يشوف احد يتبرع و لا ...
اكيد واحد يقول ليش هذي حكمت عليهم انهم نصابين ... صارت لي حكايات قبل هذي ...
قبل سنتين كنت في سوق وقابلت شحاد قال يقول لي > قصة فيلم هندي <
انا صدقت كلامه بحسن نيه ... ولكن ما كان معي اي فلوس ... غير ريال ... واعطيته ريال
وقال لي بحرف الواحد > الحين لي ساعه و اخرتها ريال وانت و جهك .... صدمه
حكايه تانيه ... قبل مده غير بعيده ...
اشتريت من كافتيريا عشاء لي > شي خفيف <
وقبلت شحاد و مع تاثير حكايه فليم مكسيكي ...
نفس شي ما كان معي شي .... وقلت في نفسي
اعطيه السندويش ... و رفض ياخذ قال لي .. ابي فلوس ... مع ان قال لي > عندي اطفال جو عانين <
ما يكفي في الاسواق .... ما يكفي هم عند صراف البنوك .... ما يكفي اجدهم في كل مكان حتى خارج السعوديه ...
و حتى الاصحاب لهم نفس الراي
فهد يقول ... ليه ما فيه توعيه من خطباء مساجد عن هذي الاشياء ...كل صلاه يطلع لنا واحد
اللي ما معه حق تذكره واللي ما معه حق علاج.... الى متى ؟
وطلال يقول ... شباب نشحد مثله شوف كم يطلع في لنا يوم و الله غير نصير اصحاب ملايين ...
........
اش رايكم اخواني اخواتي في هذي الظاهره شحاد بصفه عامه ...
....
( خروج عن النص )
انشودة > واحد شحاد <
مسكين والله انا مسكين
الله يا محسنين ...
هات ريال الله يخليك
هات ريال
الله يرزق
لو مئه
الله يبارك فيك
يا جماعة الخير
انا نفر مسكين
بابا موت
ماما موت
بشا موت
هات ريال
الله يخليك
هات ريال
الله يرزق
لو مئه
الله يبارك فيك
.................................................. ........
بشا ... ( جده )
وسلامي و تحياتي لكم
اخوكم
سبيد