السلام عليكم جميعا
دلوقتي الموضوع من عنوانه كله اكل
المانجا والبطيخ والبسلة والخروف
طبعا الموضوع طويل شوية وكتير منكم زيي بيكره المواضيع الطويلة عشان بيكسل يقرا فا الموضوع متقسم حسب الاكل يعني متقسم اربع اجزاء جزء للي بيحبو البطيخ وجزء للمانجا وجزء للبسلة وجزء للخروف
نبتدي بأحلي فاكهة
المانجا

بما ان الموضوع كله مانجا واقصد بالمانجا الفاكهة وليست القصص المصورة اليابانية
وهو الصراحة اقصد المانجا في اللغة العربية ولاحظت مصطلحات غريبة جدا في تسهيل نطق اللغة العربية مثلا حرف القاف معظمنا بينطقه الف ..امثلة
قسم الشرطة =اسم الشرطة ..فمثلا لو كنا ايام اللغة العربية الاصيلة وجاي تركب تاكسي >>قال يعني كان في تاكسي زمان ...بس تيجي تقول للسواق المكان المطلوب تيجي تقوله اسم الشرطة
السواق :لا والله ما اعرفش اسم الشرطة ملهاش اسم محدد ..اكيد مكنش هيفهمك
مثال 2 قلم نطقها = الم
لو نطقتها زمان وقلت لو سمحت انا عاوز الم "قلم" كان هيقول عليك مجنون ان انت بتتمني الالم
ولو نطقتها دلوقتي في زماننا الحاضر فما من الشخص الاخر الا ان يرفع يده وينزل بها علي وجهك اي يصفعك الم ..
مثال 3 ..كفاية كده تعبت ومش فاكر بس الي عاوز اوضحه هو هبوط مستوي اللغة العربية الفصحي في التحدث طبعا انا ايضا استخدم القاف وانطقها الف
الحمد لله ا كلته البطيخ يلا الفاكهة الي بعديها

البطيخ
البطيخ هو موضوع كله تساؤلات خاصة بالبنات لييييييه البنات .................؟
الموقف الاول :بعد عودتي من الخارج دائما اذا كنت عائد من الكلية اقوم برمي الكتب في اي مكان علي الكرسي او حتي علي الارض واقوم بنزع حذائي والقائه في اي مكان ليس في المكان المخصص للاحذية واذا كنت اشرب مثلا كوب ماء او عصير لا اعيده الي المطبخ ولكن اتركه بجوار التلفاز او حتي بجورا الباب هههههه طبعا اول ما امي او اختي بالذات تري هذا الموقف تنظر الي اختي بغيظ عن الجريمة التي قمت بها وتقوم بأسماعي اسطوانة من انني يجيب ان اكون منظما ومرتبا واذا ابديت الغباء في ردة فعلي يكون رد فعلها هو وفأختي تحب الترتيب والتنظيم في كل شئ فأذا قمتم بمقارنة غرفتي بغرفتها من حيث النظافة والتريب كأنكم تقارنون بين مستنقع"غرفتي"و نهر مياهه صافية لاقصي درجة"غرفة اختي"
وهذا يدعوني الي طرح سؤال
ليييييييييييييييييييييه "لماذا"............البنات ..............مرتبين ومنظمين اكثر من الاولاد ؟
الموقف الثاني:قدرة اختي وامي الرهيبة علي طهو الطعام بكل انواعه بينما انا مصاب بتأخر مزمن في فن الطبخ

وهذا يدعوني للتساؤل : لييييييييييييييه ........البنات......... بيطهو الطعام احسن من الاولا د ويكون طعامهم طعمه افضل بكثير ؟؟؟؟؟؟
الموقف الثالث:دايما لما حاجة حلوة تحصل ليا الاقي اختي تحتضني بقوة وفرحة وتحب دائما ان تراني سعيد ودائما اذا تأخرت لا تنام حتي اعود لأنها تكون قلقة علي
وهذا يدعوني الي التساؤل: لييييييييه "لماذا"...البنات اكثر عطفا وحبا لأخوتهم وخاصة الصغار عكس الاولاد تماما ؟؟؟؟؟؟؟؟؟؟؟؟
فسرو التساؤلات ..........

الحمد لله قربنا نخلص ندخل علي الخضار بقي

البسلة
البسلة هو موضوع بكليتي الغريبة ما اعرفش حكيت الموقف ده قبل كده ولا لا بس نظرا لاصابتي بالزهايمر انا ما افتكرش ان انا رويته

في احد امتحانات الكلية قاعد امتحن زي وكان مشرف اللجنة استاذ دكتور كان صديق الوالد فكان بيعاملني كويس في اللجنة بس لا يذهب الفكر لبعيد"لم يكن يعطيني اجابات مثلا "ومن كتر المعاملة الجميلة كان بيحرجني امام اصدقائي لدرجة وانا بمتحن وبحل احضر الي بونبون ومصاصة بطعم الفراولة >>الكلام ده بجد مش كذب
انا طبعا متغاظ والواد صاحبي بيمتحن معايا قاعد يضحك من الموقف وكنت عاوز الاجابة احسن من البونبون ههههههه
المهم وسط الامتحان كان في رسمة عاوز ارسما بس قلمي كان اتكسر كان معايا قلم رصاص مسكين وليس قلم سنون حتي ابدع بالرسم هههههه
فأشرت لصديق الذي يجلس بمحاذاتي بطريقة انني اريد ان اقوم ببري القلم ببراية طبعا وليس ساطورا وكان ذلك بالاشارة كما في فيلم" الطريق الي ايلات" حيث كان نبيل الحلفاوي يقوم بضبط فتيل القنبلة في السيارة الحربية
هنا وجدت خلفي احدهم يهز كتفي فنظرت الي الوراء فوجدت احد الطلاب ويقول بكل وقاحة انظر امامك لا تغش
طبعا عرفت ان هذا الوغد يستخف دمه في وقت الامتحان وكذلك انا لم اكن اغش
فقلت له:وانت مالك؟ ...واكملت الامتحان

كرر حركته هذه وحينها امسكت بيده بقوة ورحت خابطها في المقعد الذي نجلس عليه وقلتله انت مالك وانا وجهي محمر من الغضب ..

عندها قام كالاسد وقال :هات ورقتك انت الظاهر عليك اتجننت ..ولقيته راح سحب الورقة وانا بنظر بذهول وثابت في مكاني لا افهم ونادي المشرف علي اللجنة وقال له:الدكتور المحترم اتجنن وبيقولي وانت مالك .>>>قالها طبعا وهو بيصرخ
هنا فهمت ان انا كنت بتخانق مع معيد في الكلية بس ماكنتش اعرف لانه كان صغير اوي وافتكرته طالب معانا

طبعا اقسمت للمشرف علي اللجنة ان انا لم اكن اعرف انه معيد وانه صغير السن حتي لما قلت ده كله ببراءة راح المشرف ضحك وهدي المعيد واعتذرت طبعا للمعيد وانا وجهي محمر جدا

واخيرا
الخرووووووووووف

بما ان العيد انتهي اكيد اكلنا الخروف وخلصنا عليه للاسف لا يوجد موضوع للخروف


وارجو ان يكون الطعام قد اعجبكم وبالهنا والشفا