السلام عليكم و رحمة الله ..
((يا أيها النفس المطمئنه إرجعي الى ربكـ راضية مرضيه ))
في تاريخ 15-1-2006 ميلادي ..
توفي أميـر القلـوب الشيـخ جـابر رحمه الله ..



اليوم ما راح أقولكم التقرير المكرر عن الشيخ جابر ..
بس بقولكم شلون كنا في يوم وفاة الشيخ جابر ..

كان يومها ( للي في الكويت ، مقررات ) امتحان علوم 21 ..
وكنت مو نايمة يومها بسبب الدراسة ( يا شين الدراسة )
و كنت على اتصال مع ولد عمي لأي سؤال أواجه في الدراسة ..
ويوم صارت الساعة 6 الصبح .. شفت ان ولد عمي مرسلي رسالة عالموبايل ..( الامير توفى )

انا ولاني مو نايمة ما استوعبت .. اقول بيني وبين نفسي أي أمير ؟؟ هذا شيقول ؟؟

وعادي كملت مشواري و لبست ملابس المدرسة و نزلت لأهلي عشان أشوفهم اذا جهزوا
ولا ابوي قاعد يتكلم بالتلفون و ويهه معتفس .. :hmmm3: .. شالسالفة ؟؟؟
شان يقولي جنو روحي بدلي هدومج اليوم مافي امتحان .. انا عبالي يضحك .. قلت يبا يلا عااد .. ولا يقولي ان الشيخ توفى .. اهني استوعبت الرسالة و على طول اتصلت برفيجاتي أخبرهم..
طبعا الكل معتفس و الكل قعد من النوم .. يدتي يت بيتنا .. يدي كان ( يبجي ) ما تصورت بيوم ان يدي يبجي .
فعلا كان يوم مأساوي ..
[لأن فعلا هالشيخ كل من حبه .. سواء كبير او صغير
كويتي أو غير كويتي حتى ..]
_-_-_-_-_-_-_-_-_-_-_-_-_-_-_-_-_-_-

هذا دعاء بصوت القارئ مشاري العفاسي
للشيخ جابر رحمة الله عليه

من اذاعة مارينا بدولة الكويـــــــــــت الحبيــبة
http://alrumi.altheqa.info/ALL/do3a-jaber.rm
_-_-_-_-_-_-_-_-_-_-_-_-_-_-_-_-_-_-
وهذا شعـر حبيت أحطه لكم :
كل راحل نفقـده .. الا جابـر ال صبـاح
من رحل جابر غدينـا كلنـا أرواحٍ فقيـده
أمحق علومٍ لفتنا وباغتتنـا فـي الصبـاح
بالدشوش وبالرسايل وأعلنوهـا بالجريـده
قالوا بأن الشيخ جابر ..جاه يومه وإستراح
وقتها عليت صوتي ..رحمة الله في عبيده
ما يرده شق جيب ومـا يـرده هالصيـاح
والمشاعر كل أبوها أصبحت فينـا بليـده
يالكويت ويا الكويت .. ما يفيد إبنا النيـاح
ولا يفيد دموع شايب .. يمسح الدمعه بإيده
جرحنا في موت جابر يعتلي كـل الجـراح
يندمي قلب ٍِ تداوى وصارت جروحه جديده
ياعيون الحزن إبكي وأدمعـي بالارتيـاح
كل شخص ٍِ للمقابر وجهته هـذي وكيـده
الحزن زايد علينا .. مابعد حزنـي يـزاح
الفهد والشيخ زايد حزنهـم باقـي نعيـده
من حدادٍِ في حداد وحزننا يبنـي صـراح
وكل حزن وكل كلٍِ.. مابقـى شـيٍِ اجيـده
اشهد انك يالكويتي .. فاقدٍ ذيب ال صبـاح
المميز بالفعايل .. راعـي علـوم ٍِ فريـده
بالنيابه عن وطنّا ننعي ونعـزّي مـا راح
يرحمة رب العباد ويسكنـه جنـه مديـده



للشاعر / جارالله الشدي


والسلام عليكم و رحمة الله وبركاته ..