بسم الله الرحمن الرحيم ,,

السلام عليكم و رحمة الله و بركاته ,,

إخوتي العضوات العزيزات و أخواني الأعضاء الأعزاء ,,

أحب أباركلكم بمناسبة عيد الفطر المبارك أعاده الله علينا و عليكم ,,

و عساكم من عواده

و فكرت وش أقدم لكم عيدية تليق بالمقام ,, مالقيت إلا إني أرسم بعض الأعضاء الأعزاء ,, و أبارك للجميع ,,

طبعاً أنا مفلسة ماعندي و لا هللة و الا كان عطيتكم عشرة عشرة !! خخخخخخخخخخخخخخخخخخخخخخخخخ خخخخخخخخخخخخخخخخخخخخخخ

أوكي هو عشان مايكون موضوع ممل بس رسمات اخترعت حوارات من راسي ,, لا تقولون هم قالوا لا أنا ألفتها من راسي ,, و أتمنى تعجبكم ,, و آسفة عالرسمات رسمتها عالسريع


الحوار الأول :

عشوقة : هلا و الله بريوووش كل عام و انتي بخير و عساكم من عواده ,,
ريوشة : هلا فيك عشووقة ,, و انتي بألف خير و عساكم من عواده ,,
عشوقة : يلا تجهزي بصورك ,,
( و خلال فترة التصوير) ,,
ريوشة : أقول القبعة عدلة و لا أعدلها ؟
عشوقة مشغولة بالتصوير : لا عدله ,, خليها بس لحظة ,,
ريوشة : و شعري معدل و لا أصلحه ؟؟
عشوقة : لا حلو حلو ماشاء الله عليك
ريوشة : طيب ........
و صورت عشووقة و انتهت المقابلة ,, بتبادل عبارات الوداع و التهاني و التبريكات



------------------------------------------------------------------------------

الحوار الثاني :

عشوقة : بس قوليلها لحظة بس لحظة مابطول !
الخدامة : مافي مافي ماما ريلينا مشغول واجد
عشوقة بعصبية : روحي زين ,,
و دفتها و دخلت <<-- شرانية ^^
و لقت ريلينا لابسة ملابس العيد ,, لأنها مشغولة جداً و ماراح تلحق تلبسهم بعدين ,,
عشوقة : هلا رينو ,, كل عام و انتي بخير و عساكم من عواده ,,
رينو : هلا عشووقة ,, و انتي بخير و عساكم من عواده ,,
و انشغلت ريلينا بأشغال كثيرة ,,
عشوقة : أقول باخذلك صورة
رينو : و الله مشغولة لراسي بعدين بعدين !!
عشوقة : لا أنا مشغولة بعد
و صورتها و طلعت بسرعة لأن الخدامة طلعت المكنسة تبي تطردها



-----------------------------------------------------------------------------

الحوار الثالث :

عشوقة : وين تفووح ؟؟
الخدامة : ماما تفوهه روه هديكة آمة (الترجمة : "تفوحة راحت الحديقة العامة")
عشوقة : أوكي يلا سلام ,,
و راحت الحديقة لقت تفوح تكتب خاطرة عن الصداقة
و عاد صادتها ,,
عشوقة : هلا و الله تفووح ,, كل عام و انتي بخير و عساكم من عواده
تفوح : هلا فيك ,, و انتي بخير و عساكم من عواده
عاد عشوقة استحت من بداية اليوم و هي تزعج البنات ,, صورتها و قلبت وجهها



-----------------------------------------------------------------------------

الحوار الرابع :

عشوقة : وليييييييييييييييييييييه ! وش فيهم الخدامات هالأيام ؟؟ و الله يذكروني بإيمان اللي في الامبراطورة !!
الخدامة : اسم مال أنا سهر مو إيمان ,,
عشوقة : اي ياسهر قصدي سحر بقابل دونا و مابطول يلا ناديها
الخدامة : ماما دونا في المكتب مو هنا ,,
عشوقة : أوكي ,,
و بالتأكيد راحت المكتب ,, و لقت دونا و كانت مشغولة مره ,,
و صورتها و مشت ,, لأن من الصورة مبين إن دندونه مو فاضية أبداً



------------------------------------------------------------------------------

الحوار الخامس :

عشوقة : الحمدلله هذي الخدامة السنعة ,, راحت تنادي سنجوبة ,,
نزلت سنجوبة و كان باين عليها طالعة ,,
عشوقة : هلا و الله بسنجوبة ,, كل عام و انتي بخير و عساكم من عواده
سنجوبة : هلا فيك عشووقة و انتي بخير و عساكم من عواده
عشوقة : ماأطول عليك يالغالية ,, أبي صورة أبي أحطها بموضوعي
سنجوبة : وليه !! ماتقدرين ترجعين في وقت ثاني ؟؟
عشوقة تضحك : ليش مشغولة ؟؟
سنجوبة : لا بس الحين بروح عن الكوفيره (الكوافير) (مصففة الشعر) عشان أقص شعري و تطلع الصورة أحلى
عشوقة مستعجلة بتلحق على البقية : لا انتي حلوة كذا بعدين إن شاء الله أصورك و انتي كشخة يلا استعدي ,,
و صورتها و راحت بسرعة و سنجوبة راحت عند الكوفيرة



-----------------------------------------------------------------------------

الحوار السادس :

عشوقة : هلا إبراهيم كل عام و انت بخير و عساكم من عواده
إبراهيم : هلا فيك و انتي بخير و عساكم من عواده
عشوقة : طيب ابتسم للكاميرا
إبراهيم : و الله ماأقدر
عشوقة : ليش ؟؟ يلا بسرعة وراي مشاوير
إبراهيم : و الله نهاية رمضان أبداً مو شي
عشوقة : إن شاء الله يكون العيد شي ,, يلا بسرعة ابتسم للكاميرا
إبراهيم : و الله ماأقدر صوريني كذا و بسرعة ريال مدريد عندهم مباراة و لازم ألحقها
عشوقة : طيب ابتسم للكاميرا
و صورته عشوقة و طلعت بسرعة لأن المباراة بدأت و هي تكره المباريات مره



------------------------------------------------------------------------------

الحوار السابع :

عشوقة : هلا مستر كودو ,, كل عام و انت بخير و عساكم من عواده
مستر : هلا فيك و انتي بخير و عساكم من عواده
عشوقة : أوكي يلا ابتسم للكاميرا نبي صورة عالسريع
ابتسم بس ابتسامة ارتباك
عشوقة : ياخوي ابتسم عدل
مستر : و الله مشغول و بسرعة بروح أعيد على الأهل قبل لا أرجع و أصير كونان
عشوقة : أوكي أوكي ,, يلا مع السلامة
و راح مستر ركض على شارع و لا قال لا مع السلامة و لا شيء و كملت عشوقة مشوارها



---------------------------------------------------------------------------

الحوار الثامن :

عشوقة : لو سمحت ممكن أكلم سينشي ,,
كونان : أنا سينشي
عشوقة : لا سينشي أكبر منك بشوي
كونان : لا قبل شوي كنت سينشي الحين تقلصت مره ثانيه في العيد القادم أرجع لطبيعتي إن شاء الله
عشوقة صار وجهها استفهامات : طيب كل عام و انت بخير و عسلكم من عواده
كونان : وانتي بخير و عساكم من عواده
عشوقة : أوكي صورة ,, ابتسم للكاميرا
كونان : أقول يلا مع السلامة و صك على وجهها الباب للأسف ,,
و رجعت البيت و كتبت التقرير ,,



----------------------------------------------------------------------------

ها وش رايكم أدري خبال ,, بس هذي عيديتي

و أحب أقول للجميع كل عام و انتم بخير و عساكم من عواده ,, و الله لا يرحمنا من هالمنتدى الرائع و لا من أعضائنا اللي مافي مثلهم أبداً



و السلام عليكم ,,

أختكم : عشوووقة