موشي موشي

حماااااااااااس الموضوع.. أحب علم النفس والعلوم بشكل عام..

بس كنت باسأل سؤال..

دحين اللي تظهر فيه بعض الأعراض من كل هادي الأشياء.. يعني يكون عندو هذا المرض؟

أنا كأقرب مثال: كتير ناس يقولوا إنو شخصيتي مضطربة مع انو ماظن انو عندي خلل في أحد هادي الأمور..

الدوافع – العادات – الميول – العقل – العواطف – الآراء و العقائد و الأفكار – الاستعدادات – القدرات – المشاعر و الاحاسيس – السمات


مع انو فيا سمات
الشخصية الشكاكة Paranoid Personality
لأني أشك في كل كلمة أحد يقولها.. بس ماسمع للصوت اللي يجلس يشكك فالكلام.. فأكون عالغالب كأني باحط توقعات للشي اللي بيقولوا الشخص اللي قدامي.. لكن ماخدو شك وحقد وكدا.. بالعكس آخدو عادي.. بس إنو الفكرة تكون موجودة فبالي.. فهل هدا يعني إنو شخصيتي شكاكة؟

وكمان أنا من النوع الانعزالي فكتيـر يقولوا انو أنا من
الشخصية الانعزالية Schizoid Personality
وهدا صح.. فأنا فجأة أكون ساكتة ولوحدي.. وثوان بعدها أتقلب فوق تحت وأنطنط واجري والعب وكاااااااي.. وكمان برضو أحيانا أنسب الأشياء للسحر والزعبلات دي.. غالبا على سبيل المزاح..
الشخصية الانعزالية النمطية "غريبة الأطوار"


آخر شي هوا
الشخصية الاكتئابية Depressive Personality
وهدا شي أعاني منو شخصيا.. أحيانا أتغلب على هدا الشعور.. وأحيانا هوا يتغلب عليا..

أعتذر اني طولت.. بس منجد منجد أنا أبغا أعرف شخصيتي.. ودايمن أفشل في تحديد شي معين.. وحتى الناس بيفشلوا فكدا.. لأنو فيا شي من كل شي.. ماستمر على حال واحد.. وأحيانا أستمر لفترة.. وعندي كل شي محتمل.. حتى أبعد الاحتمالات.. فماعرف شخصيتي إيش بالضبط.. ياريت أحد يساعدني..

وشكــــــرن جدا عالموضوع..

و

سلامــــــــــــو..،