نقاش : جيل القرن الحالي ...

[keko]

السلام عليكم و رحمة الله و بركاته جميعاً ...

كيف حالكم ؟؟ تمام ان شاء الله ؟؟
رمضاااااااااااااااااااان كريــــــــــــــــــــــــــــم
وكل عام و انتم بخير ..

يا الله من زماااااان ما كتبت موضوع يمكن من ثلاث شهور او بالاصح اربعه ..
مشتاقة لكم مره من زمان ما كتبنا موضوع نقاشي ... >>>> من اللي ما يدخل اصلا يشوف فيه نقاش ولا لا ...

المهم صراحه اشوف اطفال هاليومين يبي لهم تصفيق خخخخخخـ ...

صراحة مستقوين صار الصغير يمشي الكبير >>> ولد عمتها طاقها طق و هو عمره سنتين ...
ومافيه اي ادب ....>>> ارحميهم يا اللي تطقين الباب قبل لا تدخلين خخخخخخـ...

مثل مره رايحه لجمعة و ناس و زحمه .. شفت واحد طعييييييم يزنن صغنون كل الاشياء الحلوه تنقال عنه .. مر من عندي قلت له شسمك قال محمد .. لعبت شوي معاه و مزحت قلت لك كل حلا ..

ما دريت الا راح يررررررركظ لاخر المجلس و طرااااااااااخ >>>> اخذ جزمة و رماها علي (( يقال يمزح هو و خشمه )) والله لو اني موب مسوية اتيكيت كان قمت و فرشته الدب ..

احس ان اخر الزمان هذا رايح وطي >>> شعرها فيه شيب يوم انها مسوية نفسها قديمه ؟؟

اليوم صراحه صار لي موقف لا يحسد عليه مع جيل هالايام هع ...

اخوي بحياااااااااااته ما طلعنا يعني نتمشى تمشيه عائليه خخخخـ ...

اليوم و برمضان خصوصاً جته حاله الا بيمشينا ... طلعنا نتمشى مسوين عائله -_-"

المهم قال عشانها اول مره لنا نتمشى برمضان و بالرياض بعد .. من زين الرياض
باخذكم لـ مكان ثاني غير الرياض >>>> مسوي مفآجأة و حنا متحمسين
المهم حنا تحمسنا ما درينا الا ماسك طريق الخرج >>>>> يقال اني الخرج فيها بحر يعني ؟؟

المهم و حنا بالطريق و حاله و غفصه مع الاغراض و انا حاطين جنبي الثلاجه كل دقيقه مويه عصير خرابيط

شوي الا وصلنا الخرج و جته حاله نفسيه بس نزلنا نصلي التراويح و ركبنا مره ثانيه قعد يدور بالشوارع >>> تعرفون الخرج اكبر من الرياض يبي يدور بالشوارع ...

وحنا ندور و نحووس و مسوين حاله >>> ناس اول مره تبي تتمشى و ما عرفت شلون

واختي الصغيره اللي بثاني ابتدائي معصبه اخوي قايل لها بنروح السوق و الخرج فيه جيان و الخرج فيه سنتر بويت و الخرج فيه و فيه و يعدد لها و هي كانت تتسدح من الفرحه خخخخخـ...

يوم وصلنا ما شافت الا دوران و هنود يقطعون الشارع

وعصصصصصصصصصبت انا كنت معصبه زيها بس طلّعت هي كل حرتي

المهم هي تصرخ و تهاوش اخوي >>> من الادب اللي فيها . كلامها نصه حجازي على نص كويتي على نص عربي فصحى >>> الهندي يصير سعودي احسن منها خخخخـ...

تقول انا زهقت من هالعيشه ملييييييييت .. و اعترقت >>> يعني عرّقت

انت قايل لي بنروح السوق .. و بنسوي و بنحط .. و لكن انا اعرف ايش بتسوي
بعد شوي بتقول لا يا حلوتي احنا جايين نشم هواء بلا سوق بلا خرطي >>>> بصوت كله مسخره

و بعدها بتقول سكروا المحلات ما نقدر ننزل و حنا نشوفها فاتحه يا كذاب ...و اللي بعده بتقول بنرجع البيت

انا مليييييييييييييت طفشت من هالعيشه مليييييييييييت >>>>>>> ارحم امك يالمتزوجه ...

المهم انا و امي ساكتيييييييييين و هي بس تهاوش واخوي موب لمها يخاف يصقع بالسيارات هع
انا ابمزح معها قربت من اذنها قلت قولي خالد .......................

انا كنت امزح و قعدت اظحك و يعني ما جاااااااااء ااااااااااااااااااابدااااااااااااااااااااا في بالي انها بتسويها .. البنت عاقله بس الله يهديها نوبات الغضب خخخخـ...

يوم كذا حنا ساكتين يمكن ثلاث دقايق الا قالت

خالد ..... طلقني .......!!!!!!!!!!!!!!!!!!!!!!!!!!!!!!!!!!!!!! >>>>>>>>> قالتها الدباآآ
حنا سكتنا يمكن 3 دقايق نستوعب الكلمه ..

انا و امي مسكنا بطننا نظظظظظظظظظظظظظظظظظظظظظظظظحك متنا ظحك
اخوي ساكت مسكين مايدري وش يرد .. اول مره بنت تقول له هالكلمه خخخخخخخـ..

قال هو يا حبيبتي >>>بيفهمها السالفه
قالت مافيه ولا تناقشني طلقني الحين يعني طلقني ..... اقول لك طلقني

قال بس ؟؟؟ اقلبي وجهك طالق بالثلاث بعد

يوم كذا قربت انا من عندها قلت قولي له خالد ............... >>>> مستانسه انا ووجهي قاعده اعلمها ..
فجأة قالت خالد وين " ورقة طلاقي "

قال هذا الناقص .. من معلمك هالحركات ...
سكتنا بعدها و خلصت السالفه >> ما تعرف تختم سوالف ..

لكن فعلاً جيل الحين لو تبين يعطيك كف عطاك بدون استأذان ...
ان شاء الله استانستوا مع السالفه و اتمنى اللي عنده سوالف يقول لنا .. ^^
لان صراحه الموضوع ما ينسكت عنه يا جماعه >>> بتسوي دووشه ..

اسئلة النقاش ..

ما رأيك بجيل هذا القرن ؟؟؟

هل تجد أسباب لأفعالهم ؟؟

موقف ان وجد ^^...

يعطيكم العافيه و صوماً هنيئاً و إفطاراً شهياً ...
والله يهدي الجميع ان شاء الله ...