الدعاء لأهلنا في جدة أن يفرج الله كربتهم

[عُبيدة]

اخوي salyt
اخوي انت شكلك مو من جدة انا بعد المطر يوم 11 ذو الحجة رحت لقويزة المنطقة المنكوبة في اول شارع جاك وشفت الهوايل والله اني شفت مصائب وجثث كثثيرة جدا بل انتشلنا جثة بنت صغيرة عمرها حوالي 4 سنوات تقريبا ميتة من بين السيارات ويطلع في الاعلام كل كلام يناهض الحقيقة يقولوا انها احياء عشوائية والناس عندها صكوك رسمية وعندهم كهرب وموية وعايشين من زمن ويقولوا الموتى 116 بالله احد يصدق ؟؟ العدد الحقيقي يوصل للألف والسيارات المتضررة تجاوزت العشر آلاف وين المليارات من زمان وجدة يصرف عليها الكثير ولا شفنا شئ تخيل اخوي الشارع بدل ما كان اسفلت وشارع تمشي عليه السيارات صار حفرة ؟؟؟ كبري الجامعة في بدايته انهار جزء بسيط جدا وآخرتها طريق الملك عبدالله الكباري والانفاق هذي جديدة وقعدنا كم سنة نستناها وصرف على المشروع 170 مليون ريال وفي النهاية النفق صار مسبح لانه امتلا لآخره تقل مسبح سنة أمتار لا وباص يسبح فيه كمان .. والله مهما دعونا ما راح نوفيهم حقهم يكفيك اخوي الوالد يبني تخيل يدفع رشوة لواحد في الأمانة عشان تمشي اموره هذاك الرجال لو تشوف لحيته وثوبه القصير تقول هذا من أهل الجنة لحيته كبيرة وثوب قصير وياخذ رشاوي وين الدين وين اللحية اللي حاطها ؟؟ اخوي اتحداك واقسم بالله انك ما راح تلاقي شارع واحد مافيه ولو مطب واحد ولا حفرة ولو كانت بسيطة جدا هذا ونحن عندنا النفط المفروض نكون احسن سفلتة في العالم تخيل اخوي قفلوا الشوارع في حينا قبل سنة بحجة تزبيط المجاري الله يكرمك وردموها ردم سئ ومطبات وفي النهاية يقولوا راح نشغل نظام المجاري بعد 5 سنوات والله اعلم هل هي بعد 5 سنوات ولا 10 سنوات الله ينتقم منهم وين عروس البحر اش من عروس هذي هذي أرملة البحر فيه ناس ما تخاف من الله خربت جدة وبعدين يعلقون لوحة ( نعمل لأجلكم . ونأسف لإزعاجكم ) قصدهم نعمل لإزعاجكم ولا نأسف لأجلكم لكن ربنا موجود ويوم القيامة راح يتحاسبوا بحيرة المسك هذي هل عمرك اخوي سمعت مثلها في اي دولة بالعالم من اردى دولة الى اعظم دولة مافيه ولا مدينة في العالم كله فيها مثل بحيرة المسك وتوهم مساكين يشوفوها الله يعميهم ان شاء الله انا ساكن في حي الصفا والحمد لله ما تضررنا لكن لنا قرايب ماتوا والله مصيبة والمشكلة الدفاع المدني قاعد يتبجح في التلفزيون والجرايد ويدعون انهم من قبل المطر بساعة تحركوا بالله هذا كلام يصدقه واحد عنده ذرة عقل .. الناس اللي اتقذوا معظمهم ساهم الناس في انقاذهم وتعاونواعلى انقاذ اخوانهم والدفاع المدني ما جاء حضرته الا متأخر والمشكلة الأعظم انا ما ندري وش راح يصير يعني راح يتغير شئ ولا حنقعد على حالتنا ؟؟؟ سؤال ينطرح واتمنى الاقي اجابه عليه على الاقل على الاقل الاحياء الجديدة والمشاريع الجديدة ما تبدأ الا والتصريف موجود لكن ما نقول الا حسبنا الله ونعم الوكيل جدة حبيبتي فديتها والله تغيرت حالها ولاهي جدة اللي اعرفها للاسف الشديد

اعتذر للاطالة لكن اللي صار يحتم علي اني اتكلم وىسف

اخى وحبيبى شمس الاسلام والله انى احس بكل حرف كتبته وشاهدت فة اليوتيوب شىء والله عجب العجاب ورايت بام عينى كيف ناس تموت امام الناس الاخرة ولا احد يحرك ساكن لانه مسكين لا يستطيع شيئا
ورايت السيارات وكل الخراب والله اعانكم الله وحماكم من كل مكروه والله يرحم موتكم ويجعلهم شهداء عنده امين يارب
والله الدعاء على الناس لاينفع هل هؤلا ادوك اكثر ما ادوا كفار قريش رسول الله ماذا قال لهم رسول الله هل دعاء عليهم و اثكل لهم وابل العذاب لا لا والله اطلقهم وقال لهم انتم احرار وكان يدعوا لهم بهداية
الله يهدى الجميع