تعالو شوفوا وش صار لي بعدها ...ووالله ان كل اللي حصل لي حقيقة...

[tsunade]

السلام عليكم ورحمة الله تعالى وبركاته ...

شلونكم أعضاء مسومس الكرام ...
العيـــن!! ..

كثير ما سمعنا ان في ناس جاتها عين ..أو في ناس ماتو بسببها أو تآذو منها كثيييييير ...

أنا واحده منهم ...وانا راح اقص لكم حكايتي بالتفصيل ...ووالله...وتالله انه الشاهد على كل كلمة اقولها انها فعلا حقيقة حصلت لي ..

قبل اربع سنين جاتني اعراض العين وكانت قوية ... وماكنا نعرف من السبب وكان إلى هذي السنة كانت نفس الاعراض تجيني ..
وكنت ابكي واصيح منها والله ...

كنت كل ما أكل تجيني غصة قوية في حلقي لدرجة اني خلاص اتشهد ...كل ما اروح مناسبة واجي جسمي كله تطلع له بقع حمرا مؤووولمة خصوصا في رجولي ويدي ....

إلى قبل شهر تقريباً ...
اخذني الوالد عند احدى المشائخ وكان في الصباح ... وكنت رافضة تماااااما اني اروح عند شيخ ...لكن اصرار الوالد خلاني اروح مرغما
المهم رحت عند الشيخ ...و اكتشفت فجأة وحده من حمواتي جات معي ...وعمي وجدتي !! راحو معي ...انا استغربت فعلا...

المهم ...
قرأ علي الشيخ وحسيت بالطمأنينة والهدوء الحمدلله ...بعدها بفترة ....

والله العظيم .....واقسم بالله ....

شفت الشخص اللي اعطاني عين ...وهم في الحقيقة شخصين ..كيف شفتهم؟؟
كنت واقفة في مكان كله مويه وفجأة قاعد ينزل من كلللل جسمي دود اسود شكله مرعب ويخوف ..كان قاعد ينزل بكثافة ..وكان العائن واقف عند الباب ...!!
يعني حقيقة انا مو مصدقة اللي صار واللي شفته ...لكن الحمدلله ان ربي فرج همي ... وأراني الشخص اللي اعطاني عين ..

يعني صراحة اخواني لازم نهتم بالأذكار واحنا حيل هاملينها وانا اولهم الله المستعان ...في كل مكان ...في الصباح والمساء حتى بعد كلل صلاة ...اللهم لك الحمد بدأت اواظب على الأذكار كثير ...حتى اني حطيت برنامج للأذكار في الكمبيوتر عشان يذكرني ..وما انسى اني اقراها ...

دعــــــواتــــكم لي بظهر الغيب ... بالآمانه

والله يحمي ويحفظ المسلمين من شر العين ...