%الســـــــلام عليكم ورحمــة الله وبـركــاته %
بطوط عاد اليكم من جديد ومعه موضوع نقاش جــديــد
(يـــأمرون النـاس بالمعروف وينســون أنفســهم)
:smile2: :smile2: :smile2:
حبيت أطرح لكم هالموضوع عشان نناقش هذه العبارة !
عن نفسي ..

مثــلاً يجيــك واحــد متدين وكل شي ولحية طويلة وثوب قصير وشعر طويل وغتره بدون عقال وينصحك لاتسمع أغاني ولاتشوف افلام خليعه وابتعد عن رفاق السوء وينصح وينصح وأخرته يسوي كل هالأشياء.
(هالشخص انا أعرفه) :smile2:
مانقول الا (يأمرون الناس بالمعروف وينسون أنفسهم)
مثال آخر
أحنا الربع نروح قهـاوي أكثر شي كوســتا& وستاربـكس وواحد من خوية أبوي شافنا قال لا تروحون القهاوي ولاتطرشون بلوتوثات بخبر أبوكم وهو الشيخ منقع بوكستا ^حياة بلازا^ واسم البلوتوث ماله ^السيف^ ماشاءالله مايقصر نايت أحد مايطرش له (طبعاً بنات)
بعد اللي يقعد بالقهاوي حرااام !! :oo7dt:
مانقول الا(يأمرون الناس بالمعروف وينسون أنفسهم)
مثال آخر
واحـد من ربع أخوي معروفــ بالأستعرراض بطابـط سيارات وكله منقع بالعديد :oo7dt: شافنا وانا وقطرينو والربع نستعرض قال ياويلكم يالصغار(:oo7dt: صغار على آخر زمن) والله بقول لأخوانكم وأبوكم عشان تنرضخون يعني هو وشو كل يوم سياراته بالوكالة ولا الكراج والتواير مبنجره
مانقول الا(يأمرون الناس بالمعروف وينسون أنفسهم)
شيء آخــــــــر :smile2:
^^ألحــــــين اللي تجيك تغازل(الله يستر عليــكم) عباية على الراس نقاب مادري برقع وقفازات ونعال ودلاغ وحالتها حالــة تقول هذي ماشاءالله عليها متدينه وخوش بنت تطلع العكس تمامـــاً وتطلع بعد أشهر بنت بالبلد بالفضايح وتلاقيها تنصح الناس بالمعروف وناسيه حالها !!:oo7dt:
(سامع بسالفة شبه هاذي)
مــثال آخر
رفيجي يدخن سجاير أبوه بعد وأبوه ينصحه ان يبعد بالتدخين وهو ما تارك التدخين!:oo7dt:
بعض الأسئلة:
س1: ماهو ردة فعلك عندما يأتي أحد ينصحك من شغله وهو يقوم بفعلها؟
س2: ايش المواقف اللي مرت عليـك؟
أنتظر الردود:yes2: