بسم الله الرحمن الرحيم


السلام عليكم ورحمة الله وبركاته

وقت الغروب جلست أتصفح ذكريات وأقلب صفحة صفحة < < عاد تخيلوا انتو ^_^

وتذكرت قصة حدثت لي أيام المدرسة وفي المرحلة الأخيرة من دراستي

( الحوار نفس ما كان ما غيرت في شي )

عنوان : معلمة التاريخ ولا أنا

المكان: فوق القمر ههههههههههههه في الإمارات

الزمن : أياااااااااااااااااااام العصر الحجري ( أقصد المدرسة )

دخلت علينا مدرسة التاريخ ( طبعا أموت فيها والعكس صحيح أكرها ) قبل نهاية حصة الجغرافيا والحمد الله انه معلمة الجغرافيا كانت مخلصه درسهاااااااااااا ولا راحت فيها معلمة التاريخ ودار الحوار التالي:

م.التاريخ: سلام عليكم سمحيلي أبله بخذ اشوي من وقتج ( أكرها يوم قالت هذا الكلام)

م.جغرافيا: خذي وقتك الحين بنات لازم أروح أشوفكن باجر ان شاء الله

كوين في خاطرها : لالالالالالالالالالالالالالالالالالالالا تروحين وتتركينا مع هذا المعلمة

م.تاريخ: مشكورة أبله ، بنات اليوم بيحضر عندنا موجه

كوين في خاطرها: وخير شي بيستوي

م.تاريخ: حضرتن درس المملكة العربية السعودية

بنات: :yes2: هي حضرنا

م.تاريخ: :angry3: هي وانتي ( تأشر علي )

عاد أنا يوم قالت هذا الكلام قلت لربيعتي شنو قالت

وبعدين شفتها وقلت لها : أنا عندي أسم حضرت ولا ما حضرت أنتي شو خصج

وعصبت معلمة التاريخ وكانت تبى ترد علي بس الله سترها المديرة والموجه ( مواطن) دخلوا ^_^

موجه : السلام عليكم ورحمة الله وبركاته

الطالبات: وعليكم السلام ورحمة الله وبركاته

موجه يتكلم معاي: هل سمحتي لي ابنتي بأخذ كتابكِ

كوين من الفرحة: أجل يا أستاذي

وخذ كتابي وجلس هو والمديرة نهاية الصف ، وتمت المعلمة تشرح وتشرح وتشرح < ممله كانت الحصه بس الحمد الله أني كنت أعرف عن السعودية والمعلومات ليست جديدة علي المهم في نهاية شرحها قالت وياليتها ما قالت

وحطوا لجملتها مليووووووووووووووووون خط

م.تاريخ: وقد لقب الشعب السعودية الملك فهد الله يرحمه بخادم الحرمين الشريفين

وكنت بركان هادئ جدا وفجأة بهذه الجملة أنفجرت عليها

م.تاريخ: ها الى حابة تسأل تتفضل

كوين وبكل عصبية ( بداية البركان ) : أنا يا أبله حابه أضيف معلومات جديدة وبالأصح أصحح غلطك يا أبله التاريخ في عام 1982 شو أستوى في سعودية

م. تاريخ::smile2: تولى الحكم الملك فهد بن عبدالعزيز

كوين ( وما زال البركان غاضبا): وفي عام 1982 لقب الملك فهد نفسه بخادم الحرمين الشريفين وليس شعب السعودي

م.تاريخ: شو تقولين أنتي أصلا ما تعرفين إلا قلته صح وأنتي الغلط

كوين (أنفجر البركان): لا وبعد تعترفين بخطائك بدال لا تقولين لي شكرا على تصحيح وأنا آسفة تنازعيني وتقولين لي أنتي صح ، وشوفي أنا ما بدخل معاك في حوار ساخن والى بيعدل بينا الموجه لأنه أدرى منك بمليون مرة ( بقواة عينها تقول جي)

موجه: عزيزتي وابنتي وقرة عيني وحبيبتي

عاد يوم قال كذا دوروني في صف ما بتحصلوني هههههههههههههههههههههه هذا الكلام ولا بلاش ياليت المعلمات يقولن هذا الكلام ، بتصير الحياة حلو الحياة حلو بسني بحاله (وين راحت)

م.تاريخ(غيارة): يا موجه ما يصير تقول هذا الكلام لطالبة

موجه: عزيزتي لأني أعزها وأبنتي لأنها بمثابة بنتي وقرة عيني لأنها ريحتني وقالت الا ابى أقوله وحبيبتي لأنه حبيتها وكما ذكرت سابقا

كوين بصوت منخفض: يحياااااااااااااااااااااااااااااااا الموجه

وتكلمت أنا مع الموجه

موجه: قبل لا أغادر الصف حبيت أشكرك على هذه المداخله الرائعة والمتميزة من بنتي العزيزة

كوين: لا شكر على واجب أستاذي ومعلمي وكل شي

موجه: اوووووووه هذا كله لي

كوين: أكيد لأنك كنت معاي ^^

موجه: لازم أكون مع الحق

كوين: وساكت عن الحق شيطان أخرس ^_^

موجه : ههههههههههههههههههههههه صدقتي والحين أنا بروح بعد ما ثلجتي قلبي بهذه المداخله
وأتمنى أنك تكونين من المتميزات

كوين(دخلت بسياسة) : أصلا ما تستحق هذه المدرسة أني أبدع فيها

موجه: اوووووووه ليش

كوين: ما شي تشجيع وأنا أبى بس أظهر منها

موجه: يااااااااااااااااا ساتر لهذه الدرجة تكرهين المدرسة

كوين::yes3: هي أكرهااااااااااااااا بس أحبها عشان زميلاتي ^_^

موجه: صدقتي يالله عاد لا تخيبين ظنا فيك تجيبين درجة كاملة مفهوم

كوين: أن شاء الله لا توصي حريصه

وظهر الموجه وغادر المكان ومعلمة التاريخ بس تنتظر لحظة خروج الموجه وقامت وطلبت مني أني أتكلم عن الملك عبدالله بن عبدالعزيز آل سعود الله يحفظة لشعب سعودي ، وقمت وشرحت لها كل الا تباااااااااااااااااااااااااااااااااااااه من البداية الى النهاية

الذكرى الثانية

العنوان: العقل نعمة

الزمن: ليلا

المكان: بيت كوين ^_^

في يوم من الأيام كنت جالسة أتصفح شبكة النت وبعد ما خلصت كل شغلي قلت بروح أتمشى ، وأنا من نوع يوم يتمشى يحسب كم مشيت بدقيقة وثانية وساعة < < يالله آخر زمانها مهمته بالوقت
المهم وشفتها الساعة 2:30 الفجر وعصبت وقلت بمشي يعني بمشي والا يصير يصير ، وقلت بمشي يالين الساعة 3:00 وبدخل البيت بسرعة عشان أمي تقوم الساعة 3:00 الفجر المهم تميت أمشي فترة وبعدين قلت بشوف الساعة كم وشفتها الساعة 2:30 وقلت يالله الوقت بطئ وايد ، وكملت المشي والمشكلة أني كنت أسمع الأناشيد عبر جوالي والمشكلة الكبيرة أنه البوابة مالتنا مفتوحة (ركزوا على هذه الجملة ) ، وخلال المشي أحس أنه شخص يمشي وياي والتفت يمين وما شفت أحد ، ومرة ثانية شفت الساعة ونفس الوقت 2:30 الفجر ، قلت يالله الوقت صاااااااااااااااااار بطئ وكملت المشي ، وأسمع أصوات بالقرب من السيارات صوت رعد بس الجو صافي صوت سيارات بس ولا سيارة تشتغل صوت عيال ولا أحد عندي ولا أهتميت بالموضوع وكلمت المشي وسبحان الله يوم رجعت شفت أخوي ، كان يبى يخوفني ولكن المجرم لا تكتمل جريمته ودار الحوار بيني وبينه

أخوي: :hmmm3: أنتي شو تسوين هنا

كوين::angry3: ما يخصك أمشي

أخوي: تعرفين كوين قهرتيني ما خفتي من الأصوات ^_^

كوين: لا ما خفت عيل أنته الى مسوي هذه الأصوات أقول تعال وأنته شو مسهرنك هذا الوقت

أخوي: ؟؟؟؟؟؟؟؟؟؟؟؟؟؟؟!!! أنتي عاقلة ولا مجنونة

كوين بكل عصبية: أنته تقولي مجنونة ما عليه بخبر أمي يوم تصحى من نومها

أخوي: هههههههههههههههههههههههههههههههههه خبريها بس قبل ما أروح عنج كوين حبيت أعرف كم الساعة الحين

كوين: الساعة 2:30 يالله شوفيه الوقت الحين ما يتحرك بطئ من يوم مشيت وهو 2:30

أخوي: أقول ممكن تركيز على ساعتك زين وتقارنين وقت ساعتك وساعة الجوال

وسويت الى طلبه مني أخوي وظهرت ساعتي موقفة البطارية وكانت الساعة ما بتصدقون 7:30 ^_^

أخوي: :cool3: أقول خليني أعدلها لج عشان تعرفين الوقت صح ^_^

وروح أخوي داخل بيتنا وتميت ميتة من الضحك على هذا الموقف ههههههههههههه صدق أنه العقل نعمة

وتوتة توتة خلصت الحتكوتة

الذكرى الثالثة والأخيرة ( عندي ذكريات وايد بس خلوها في قلبي ^^)

العنوان: بوسة موت

المكان : حديقة

الزمن : ليلا

كان يا مكان في قديم الزمان

في يوم من الأيام وهو قريب جدا قررنا نروح الحديقة وهذه الحديقة خاصة لنساء

ووصلنا الحديقة وجلسنا نتكلم ونسولف سوالف حلوة وتجنن ، ويوم كنا جالسين لأنه ولد بكستاني ( كتكوتي) مر بقربنا ويصيح ويبكي وعرفت أنه مضيع أهله ( شوفوا الحين الملكة شو بتسوي )

ورحت أنا وبنت أخوي سوسو وراه عشان أدور على أهله ( كسر خاطري ) بس بنت أخوي آخرتني ، وبعدين مسكت يدها وقلت لها يالله بسرعة وتمينا نمشي بسرعة عشان خفت عليه لا يخطفونه الدار مب آمنه ، ويوم كنت بوصله لأنه بنات من المدراس يمشن وراه وكنت مترددة أروح قلت خلاص بيحصلن أهله وبعدين ما طاوعني قلبي ، وقلت لازم أروح وراهن لأني أخاف يودرنه (يتركنه) ، ورحت وراهن وبعدين تكلمت معاهن وقتلهن وين أهله ،وقالن لي ما نعرف وينه من صبح وهو يبكي ، وقمت وشليته (آخذته) عشان أوصله لبوابه ، ويوم قربت لبوابة حطيته فوق الكرسي عشان أتغشى وأروح ومفكرة أني يوم بشله مرة ثانية ببوسه بوسة موت ( بوسة موت بمعنى أني أحب العيال الصغار بوسة كبيرة وبمعنى أني أبوسهم بوسه موت يعني يموتون لا تفكرون جي لأنه عندي ألفاظ جميلة للعيال الصغار ^_^ ) ، وكنت أبى أرتكب الجريمة بس ما نجحت لأنه وحدة من عائلته وصلت لي وآخذته >< وراااااااااااااااااااااااااح عني صدق أني حزنت عليه ، وسبحان الله ونحن ظاهرين من الحديقة شفته ولمرة الأخيرة وودعته وداع أخير وحزنت لودائعه

وهذه هي نهاية ذكرياتي الجميلة

وترقبوا من فريق مسومسي مافيا قصة قرية مسومسي

وأيضا ترقبوا الكلمة الطيبة

وترقبوا موسوعة لقلم الأعضاء

أختكم كوين مون من فريق مسومسي مافيا (زعيمة العصابة )


ملاحظة مسومسي مافيا فقط لمسومسي قير من تحب المشاركة حياها الله ومرحبا بها

أختكم كونو