احكيلنا عن يومك ومدرستك..التعليم والبرامج

[H.M.]

السلام عليكم ورحمة الله وبركاته
كيف المسومسيين والمسومسيات
محبي الكتابة والقراءة..!


أعتقد إنو الموضوع واضح من عنوانو
"احكيلنا عن يومك ومدرستك..التعليم والبرامج"
يعني أنا بحكي عن نهاري من وقت بفيق لوقت بفيق مرة تانية..!!
وإنت بتحكي عن يومك وأهم شي مدرستك

يعني الهدف أكثر هو إنو نعرف نظام التعليم في كل دولة
يعني برامج التعليم والحصص والانصراف والدخول إلى الصفوف..





رح احكي عن صف الثالث الثانوي في لبنان
البكالوريا قسم ثاني

ينقسم إلى 4 فروع :
- العلوم العامة
-علوم الحياة
-الاجتماع والاقتصاد
-الآداب والإنسانيات

مع العلم أن صف الثاني الثانوي(البكالوريا قسم أول) ينقسم إلى فرعي العلمي والأدبي

الامتحانات الرسمية يخوضها الطلاب في صف "البكالوريا قسم ثاني" أو "الثالث الثانوي"
وتسمى" امتحانات شهادة الثانوية العامة "

كما يخوضها الطلاب في صف التاسع أو البريفيه :"امتحانات الشهادة المتوسطة"

بعض الثانويات عندنا الخاصة كانت أو الرسمية،قد تكون مختلطة أو منفصلة.
ثانويتنا خاصة تحوي مبنى منفصلًا للشباب وآخر للفتيات.





إنها الساعة السابعة صباحاً...
أنزل لانتظار باص المدرسة..
أصل إلى المدرسة عند السابعة والربع أو السابعة والثلث..
أصعد إلى الطابق الخامس حيث صفي _ قسم الفتيات كل طابق فيه ملعب وصفوف وحمام..أما قسم الشباب فالملعب تحت كبيير ومكشوف..

المهم..منحكييي أو بشوف شو عندي شي للناظرة اقتراحات أو طلبات..وبرن الجرس الساعة 7:25
منصطف ومنفوت على الصف، الأساتذة بكونوا ناطرين بالصفوف,والمعلمات بكونوا معنا في ملعب الطابق..
بالنسبة للمريول والنظام، بس الناظرة بتكون واقفة أحيانًا بتحكي وأحيانًا لأ..عادي!!

مريولنا هو عبارة عن ثوب للركبة تحته بنطال وقميص أبيض على سواراتو في من نفس قماش المريول يلي هو رمادي مقلم كحلي..بس كتير مرتب وحلو..ما شاء الله!!<<خايفة من عيني..!

ما الكل بيلتزم بالقميص ..أصلًا بعتقد إنو ما حدًا بيلبس القميص قليل كتير..بيلبسو قميص من عندهن أو بادي تلبق مع الحجاب..!! P:
(أنا شخصيًا بلبس عباية تركية وما خصني بكل هالقصة..!!)

طيب هلأ دخلنا الصف ..
بس بدي أطبع برنامجنا وراجعة ...!!!



يتبع





إنه دوركم..لنجعلها موسوعة..ما رأيكم؟

موسوعة أنظمة التعليم في العالم العربي

شكرًا لمتابعتكم
والسلام عليكم ورحمة الله وبركاته

رجاءً كل من يريد أن يضع مشاركة..ليدرج ولو شيئًا بسيطًا عن التعليم في بلده
الطابور الصباحي الاستعداد للذهاب الصف الانصراف..وشكرًا