تبغى تعرف ترسم ؟ ممكن أقدر أساعدك ^-^ (فيديوهات لتعليم الرسم من إنتاجي )

[شخبوطه]

السلام عليكم ورحمة الله وبركاته

قبل أكثر من شهر فكرت أفتح قناة يوتيوب وأعرض فيها فيديوهات لبعض الحاجات اللي أحب أسويها
ومن أهمها الرسم
ومازلت الحمد لله مستمرة على نظام فيديو كل أسبوع في أحد هذي المواضيع : رسم ، أعمال يدوية -وأحياناً نادرة خياطة، وطبخ -

ورح أقدم لكم هنا الفيديوهات اللي تتعلق بالرسم طبعاً -yes0" class="inlineimg" />



هذا الفيديو تكلمت فيه عن المنظور ، بس مدخل سريع له ، لأني بعد للحين مازلت في بداياتي لتعلمه ^-^


كيف نجهز الرسمة للتلوين ؟ ، هذا الدرس خاص باللي يرسمون ويحبرون يدوي ، وبعدها يلونون في الفوتشوب


من أسهل الطرق للتظليل ، هذي الطريقة تعلمتها من فترة وعدلت عليها عشان تناسب الأعمال اللي أشتغل عليها ، بعدها أدمنتها ، صرت أحب التظليل فيها جداً


أما هنا ، خطوات رسم شخصية أنمي من البداية للنهاية ، وركزت على البداية لأني تكلمت عن بعض الخطوات في الفيديوهات اللي قبل

أتمنى تعجبكم الفيديوهات وما تنسون تعطوني آرائكم وملاحظاتكم عشان تكون الفيديوهات القادمة أحسن

وملاحظة مهمه جداً :.
الرسومات كلها للأطفال ^-^ ( كل الأعمال اللي فيها ذوات أرواح في قناتي فقط للأطفال ، وأتمنى من قلبي ما تستخدم إلا لهذا الغرض )

وبالنسبة للي بيعلق على رسم ذوات الأرواح أنه حرام ، فأنا معه كثير من العلماء يحرمونه لكن فيه استثناء ، فيه علماء معتبرين يرونه حلال مادام للأطفال ، شاهد المقطع