وعليكم السلام ورحمة الله وبركاته ..
موضوع قيادة المرأة للسيارة , او - سواقة الحريم - بشكل اصح xD , طال واستطال لسنوات ..
يعني مو معقول ان هالقضية لها اكتر من 5 سنوات تقريبا وهم يتناقشوا فيها , تهدأ شوية وترجع مرة تانية
ومجلس الشورى ما تخليت ان قراراتهم بهالسخافة , - صراحة -
يعني مو معقول ان الناس فرحو بمجلس شورى للنساء وقلنا يمكن يسو اللي ما قدرو عليه الرجال وان فيهم مثقفات وعالمات وان شاء الله نستنى التحسين ,
لنفاجئ بقرار ( الشورى يناقش موضوع قيادة المرأة ) , للمرة المليون مو راضيين يفكونا من السماجة الصايرة هنا
والمشكلة ان اللي يشوفهم يقول اوووه خلاص خلصت كل مشاكلكم و مابقي الا السواقة
اساسا الموضوع بكبره غلط في غلط , هم لم يعالجو المشكلة الرئيسية ,
يعني لو سألو نفسهم ليش الحريم يبغو يسوقو .. ؟
لان مافيه مواصلات متوفرة – هو السبب الرئيسي
طيب , ياخي سوو مواصلات عدلة , قطارات , مترو , وصدقوني حتنحل الازمة المعضلة هادي .. !
ان توفرت هالاشياء لا اعتقد انهم راح يطالبو بالسواقة , يعني هم مفكرين ان اللي تطلب انها تسوق عشان تبغى تسوق بس ,,
هي تبغى تسوق عشان مشكلة المواصلات اللي صايرة , يعني يبحثو عن السبب الرئيسي اول ما يحتاج لها كونان ==" >
ومن السخف ان ارى ان النساء صار شغلهم الشاغل هالقضية , ياخي خييييييييييير ارحمونا , ترى في اشياء اهم تتناقشوا فيها
بعضهم يتناقش فيها بحماس وكأنها قضية فلسطين -_-
المشكلة هنا , ان شوارعنا للأسف ليست مؤهلة >< ,
انا اتكلم هنا عن المنطقة الغربية وبالذات جدة , بحكم انك منها كما اظن , فستكون متفهم للمشكلة , يعني انا ما اتخيل الزحمة اللي بتسير يالطييييييف محنا ناقصين ’, بالاضافة للحفريات الجميلة والمشاريع المعطلة معاناة في كل صباح :"(
الشوارع في مدينة كجدة متلا , مزدحمة بشكل دائم تقريبا خاصة اوقات الذروة , فمابالك لو كانو النساء يسوقو =,=
بالنسبة لي , لا إلى هؤلاء و إلى هؤلاء ,
ولكن لمن يطالب بالقيادة , فليفكر مليا , توجد حلول افضل كما ذكرت اعلى ^ , وليفكر في الوضع الحالي والشوارع : ) .
ولمن يعارض القيادة وبشدة ويتهجم , ترى مو حرام ولا عيب : ) !
...
شكرا لك ياسر وبانتظار موضوعك الخامس – إن شاء الله - , حاولت ان اكتب بالفصحى لكن العامي يخذلني xDD
في امان الله