السلام عليكم و الرحمة ,,

مرحبا و أهلا بكم يامن زرتم الموضووع و لو مروراً المهم هو أن تقرؤوه لأنه أغضبني و عصبي مره

^^! قلبنا عامي ^^!

المهم :

اليوم رحنا السوق ,, و أنا + أختي + بنت عمتي ,, احنا الثلاثي المرح مشينا بعيد عن الحريم ^^,, ماشين في وداعة الله بنشتري من مكتبة جرير مستلزمات و كتب و الخ ..

المهم ..
في طريقنا قابلنا ولد صغير ياقلبي عليه مره صغير , و هو ضايع عن أمه لأنه قاعد يصيح ياقلبي حتى صياحه بصوت واطي مره ,, أول شي حزنت عليه و كسر خاطري و مسويه أدور على أمه ,, و نادوني عشان نستعجل السواق ينتظرنا و عنده مشاوير ,, تركته و دعيت له إنه يلقى أمه !! و ياللمصيبة !!

الولد وقف قدامي و يطالع فيه و يقول (ماما !! و يصيح ) !!! صراحة أنا صنمت !! تجمدت ماعرفت شسوي !! آخرتها طالعت فيه و أقوله أنا مو ماما !! شكله انتبه !! و راح بعد عني مبين خايف مره !! أنا عاد خلاص بديت أدور حارس الأمن عشان يدور أمه !! فجأة الولد اختفى و البنات كله يشدوني امشي بسرعة !!

بعد ساعة من الدواره و اللفلفة و التسوق ,, رجعنا لنفس المنطقة اللي كان فيها الولد ,, و شفته واقف و عادي و لا كأنه صار له شي !! قلت الحين بساعده بس تفاجأت لأنه راح صوب وحده شغاله أندونيسية !! و دخل ايده بالشنطة و أخذ عصير !! صراحة ماانتبهت للعصير وش نوعه (لقفة خخ) و شرب العصير و بعدين أشرتله الشغالة إنه يروح و يرميه بالقمامة !!

و طول الوقت اللي قاعدين ننتظر فيه الحريم يخلصون و الولد يدور على أمه و يطالع في كل مره تمر يتأكد هذي أمه و لا لأ ؟؟ المشكلة حنا مطولين بالسوق و الولد طول الوقت يدور على أمه و طلعت و ماعرفت أمه رجعت و لا لأ ؟؟ <<-- صدق ملقوووفه ^^

الملخص !!
هذا الولد أمه موجودة بالسوق معانا !! و شكلها تلفلف مو على بالها في ولد صغير يدور و يصيح و يكسر خاطر بعض الناس ^^! و الشغالة متكفلة به من إلى !! ماصارت ترا !! لو كنت مكانه بحب الشغالة و بطنش أمي !! :hissyfit3: و هذا اللي يصير للأسف :hmmm3:

يعني وش رايكم في وحده مثل هذي !!!!! :angry3:

ماأدري دمي محرووق منها !! قاهرتني !! و الله يكسر الخاطر !! :hmmm3:

يمكن تشوفون الموضوع تافه مثل ماتقول أختي بس و الله لو تشوفون نظرته البريئة اللي كلها دموع يوم وقف قدامي بتدورون أمه عشان تكفخونها

و جوميني عالإطالة ^^!

و بانتظار آرائكم حول الموضوع ,, (اهمال الأمهات + تعلق الأطفال بالشغالات)