الفيزياء النووية وتقنية النانو...عالم جديد!

[كوناني]

بسم الله الرحمن الرحيم

السلام عليكم ورحمة الله وبركاته

اليوم إجازة وأنا صاحي بدري
طفشان ومن عارف إيش أسوي
جالس في البيت ألف وأدور
طاير وماشي لوحدي

<<<<<<بالله مين علمك الشعر يازينك وانت ساكت بس


المهم

يوم الإثنين أخر أسبوع في الدراسة جانا دكتور في جامعة الملك فهد للبترول والمعادن متخصص في الفيزياء النووية

طبعا هو أحد المخترعين السعوديين حاصل على عدة شهادات في الإختراع وقبل كم يوم حصل على برآءة إختراع لجهاز أخترعه لكشف الموجات فوق البنفسجية

طبعا العالم قد أختر جهاز يكشف وجود هذه الأشعة ولكن هذا الإختراع يحدد مكان وجودها بالضبط

طيب كيف سوى هذا الجهاز؟؟

بالنانو طبعا

طيب ماهو النانو؟

قبل ما نبدأ لازم أوضح حاجتين!

أولا :

الناس أول ما تسمع فيزياء نووية يتوقع إنهم يسوا قنابل نووية ولا زحمة

طبعا لا

أطلق عليها فيزياء نووية لأنها تتعلق بالنواه التي تحيط بها الإلكترونات والبروتونات اللي هي طبعا أصغر من الذرة


ثانيا:

النانو

في ناس أول ما تسمع نانو يروح تفكيرها على طول للحشرات النانوية أو الرجال الآليين الصغار وما أدري إيش

طبعا هذا غلط لأن الرجال الآليين والحشرات النانوية ليس إلا جزءً من هذا العلم



طيب ندخل في النانو

ما هو النانو ؟؟

عشان تعرفو الجواب

أبغاكم تتخيلوا إنه عندك 1سم إذا قسمته عشرة أقسام متساوية بيطلع لنا 10 ملم

طيب إذا قسمت هذا 1سم 10000000عشرة ملايين مرة بيطلع لنا 10 نانو!!!

طيب لو قسمناه مئة مليون مرة بيطلع لنا 1نانو

طبعا العلم لا يستخدم سوى إلى 10 نانو

ليش


هناك عدة مميزات تميز النانو

إذا كان عندك قطعة من الذهب حجمها 1سم مكعب

اللون :أصفر
توصيل الحرارة والكهرباء:ممتاز

إذا قطعناها إلى أقل من 10 نانو مكعب

سيتغير التركيب الكيميائي لها

اللون سيصبح:أحمر
توصيل الحرارة والكهرباء:ضعيفة

وبنفس الطريقة جميع المعادن

تكون كما هي في حدود 10 نانو تقريبا -تختلف من معدن لآخر-وإذا نقص عن هذا المقدار يصبح معدناً أخر مختلف في اللون والصفات


طيب ليش يستخدموا النانو أصلا

طيب أعطيكم أحد الأمثله

أول شي أتوقع إنكم سمعتوا بالمحفزات

المحفزات: هي مواد تعمل على تسريع التفاعل الكيميائي أو الحيوي دون أن تكون في المواد المتفاعلة أو المواد الناتجة


مثل النار لتقريب الفكرة

تعمل على إنضاج الطعام دون أن تكون من مكونات الأكلة وليست من مكونات الأكل عندما يكون جاهزا

طيب هناك أحد المعادن يستخدم لفصل البترول -لا أتذكر أسمه حاليا- المهم

تقريبا سعر ال1 سم مكعب من هذا المعدن هو 1000 ريال!!!

طيب إنتا عندك بترول كثير حتقعد تنتظر إلين ما تفصل الأول وبعديت تروح للثاني ...إلخ

طبعا بتضيع وقت كثير
وبعدين ما حتخلص كم مرة إلا تلاقي المعدن إنتهى

طيب هنا نلجأ للنانو

كيف
نفترض عندنا هذا المربع

التحفيز يكون على أحد أوجه المكعب السته

طيب 1 سم عندنا 6 أوجه

وإذا قسمناه نصفين بالطول بيطلع لنا 12 وجه
ومرة بالعرض بيطلعلنا 4×6=24 وجه
ومرة بالإلرتفاع بيطلعلنا 8×6=48 وجه

تخيلوا كم مرة نقدر نفصل البترول في مرة وحده!!

طيب إذا قسمناه عشرة ملايين مرة!!!


شوفوا الكم الهائل اللي راح يطلع لنا في النهاية

بيصير عندنا عشرة ملايين ×6 بيعطينا ستين مليون وجه

طبعا لمن نقسمة 10ملايين مرة بيطلعلنا بال10 نانو متر مكعب

ولو قسمنا أكثر من كذا راح تتغير صفات المعدن


طيب في إيش يستخدموا النانو غير البترول؟

طبعا يستخدم في الطب وفي الملابس

طبعا أحد الشركا سوت بنطلون لو كبيت عليه موية البحر ما راح بتبلل!!

لأنه مصنوع من نانو طارد للماء!!
وفي بعض المناشف مصنوعة من نانو ماص للماء

بمجرد إنك تحطها على مويه تسح المويه كلها -طبعا على حسب المنشفة-




إحدى شركات الثلاجات صنعت ثلاجة معقمه تحافظ على الأطعمة من الفساد بقتل البكتيريا !!!

كيف ؟

بطنت الثلاجة بنانونات في الجوانب ومن فوق

ولكنها سحبت من السوق خشية أن تسقط النانونات على الاطعمة ومن ثم تسبب التسمم

طبعا هناك أجهزة كثيرة تستخدم النانو في صناعتها


شكلي كثرت عليكم

أرجوا إنكم ما تتلحسوا من اللي فوق


وإلى القاء في لحسة أخرى

اللي فهم شي يقولي


المرجع :
الدكتور زين من جامعة الملك فهد للبترول والمعادن.
تخصص:
فيزياء نووية.