صدقنى أناااااا عاارف

[@@Ten Ten@@]

صدّقنـي أنا عـااااااااااارف

**صدقني أنا عارف إن الصلاة فرض وإني لازم أصلّي في الجامع
**صدقني انا عارف إن السجاير حرام وإنها بتضيع فلوسي وصحتي
**صدقني أنا عارف ان القهاوي حرام
**صدقني انا عارف إن المفروض ماارتبطش بالبنات وأكلمهم.. وإن اللي هعمله معاهم هيتردلي في عيلتي
**صدقني انا عارف إن أنا على غلط وإن أنا كده قريب من النار
**صدقني أنا عارف أن الحشيش والمخدرات حرام وبتضيعلي عقلي وبتخليني زي الحيوان>>اسفة على اللفظ
**صدقني أنا مش وحش وأنا بحب ربنا وبحب النبي صلي الله عليه وسلم

صدقني.. وصدقني.. وصدقني

**صدقني أنا عارفة إن شعري لازم أغطيه وإني بآخد سيئة بكل شعرة بتبان منه..
**صدقني أنا عارفة إني لازم أصلي.. وإني أحافظ على نفسي لحد ما أتجوّز وبعد الجواز
**صدقني انا عارفة إن المفروض ما أقعدش على قهاوي وأشرب شيشة
**صدقني انا عارفة إن المفروض محدش يلمسني غير اللي يحلّ ليّا بس
**صدقني أنا عارفة إني المفروض ما أنزلش من بيتنا بالهدوم دي

صدقني.. وصدقني.. وصدقني

وفي الآخر إدعيلي ربنا يهديني

معلومة بسيطة: المعرفة غير الإيمان

إنك عارف ان الصلاة فرض, مش كفاية

كلنا عارفين ان اللي بيسمع الأذان بيوطّي صوت الكاسيت وقت الأذان.. إنما لو كان مؤمن كان نزل صلّى

انا عارفة إنك عارفة إن الحجاب فرض.. بس فين حجابك؟ فين إيمانك؟ إنك لازم تكوني عفيفة.. إنك أغلى من الجواهر.. متقوليش القماشة اللي على الراس دي حجاب>>> مش هنضحك على بعض

إنتوا فين؟.. ورايحين فين؟
انتوا مستنيين إيه؟

**مستنيين إن أخوك أوأختك أو بنتك تموت قدامك وهي بتعمل المعصية؟
**مستني إن ربنا يبتليك بسرطان ولاّ شلل علشان تتوب وتفوق من اللي انت فيه؟
**مستنية إن ربنا يبتليكي بمرض جلدي عشان تخبّي جسمك اللي مفرّجة الناس عليه؟ ولاّ يوقع لك شعرك اللي مطيّراه على الناس؟
**ولا مستني ربنا يعميك بعينك اللي ما بتسيبش بنت معدية إلا وفحصت بيها كل حتّه فيها؟
**مستني إنك تدخل القبر ويسألك الملكين: من ربك؟ ومن نبيك؟ وما دينك؟

هترد بإيه؟

هترد باللي كنت عايش عليه في الدنيا؟

**كنت بتعيّط عشان حبيبك.. ومعيّطش من خشية ربنا؟

**كنت بتبص للبنات ومبصّتش في

كتابه تقرأ قرآنه؟

هتقول إيه لنبيك على الحوض؟ هتقولّه انا بحبك بس مابسمعش كلامك؟

فوقوا بقى!!!!!!!

فوقوا بقى قبل ما تموتوا........

والصلاة والسلام على النبى الامى وعلى اله وصحبه وسلم

صدقونى انا عارفة انكم بتحبوا دينكم

بس لازم.

**نعمل حاجة للنبى اللى تعب علشانا
**نعمل حاجة لنفسنا اللى هتقف بين يدى الله
**نحاول نعمل حاجة لاسلامنا

***********

مش انت مسلم

***********
مش انت مسلمة
*************

ان تَنصروا الله يَنْصُركم

واعتذر

على أن الموضوع باللهجة المصرية العامية >>أنا بس نقلته للأهمية

واللى مش حاجة فاهم يقول لى