صراحة يا اختي هاي مشكل كبيرة جدا جدا جدا جدا جدا جدا جدا جدا
يمكن انا كنت اعاني منها
ولكن المرحلة اللي وصلتي لها انتي مع امك خطرة جدا
اولا لازم نعرف ليش كنتي تتشاجرين مع امك
وعلى اي اساس كانت تقول ان انتي غير مرتبة وطويلة لسان؟
يمكن انتي تسوين اشياء خاطئة
ولكن المخطئ ما يعرف ان اهوة مخطئ
طيب انا كمان في بيتنا في قوانين انا واختي حطيناها
ولكن ما فيها هدايا
يعني مثلا غسيل المواعين
انا كل ايام الاسبوع ما عدا الجمعة السبت
يمكن تحسبين انه غير منصف
ولكنه صراحة منصف بالنسبة لي
اوكي وسالفة الكنس
انا واختي مقسمينها
اهية تكنس الصالة
وانا اكنس الصالون والسفرة
اي والله الواحد يندم على انه في اجازة
حتى انا واختى زادت علينا الاشغال
اهية تنظف حمام واحد
وانا انظف حمامين
ولكن اهية بعد تنظف المطبخ
ادري ان انا حتى الان ما ساعدتج في شي
ولكن انتي لا تقومين باعمال للطلعة
قومي بها عشان امج
طيب انا امي مثل امج
ما تخليني اطلع خير شر
عساي اتسدح لها في الارض
ولا تخليني اطلع
ولكن في النهاية تعودت على السالفة
يمكن امج غلطت
ولكن هل اهية وعدتج؟
ولكن مو صح ان تقولين عليها مناقفة
مهما كان السبب
اهية امج
ادري ان انتي ما قلتي ان اهية منافقة ولكن كلامج يدل على انج توصفينها بالنفاق
اصلا لازم ما تفكرين في شي جذي اصلا
طيب
يمكن اهية تدعي
لانك قمتي بشي غلط
اصلا حتى لو راح تدعي
ما راح تدعي من قلب
انتي بنتها
اهية اكيد قاعدة تهددك
لان في شي غلط انتي قاعدة تسوينه بس انتي مو مدركة له
راجعي نفسك في كل يوم
وانصحك تروحين الحين وحالا وتتاسفين منها
لان مهما صار
اهي امك وجزء منك
ولا تنسي اهم شي البر بالوالدين وخاصة الام
لان الجنة تحت اقدام الامهات
كما ان الرسول عليه افضل الصلاة والسلام وصانا على الوالدة
وارجو ان اكون قد نفعتج
في امان الله ومع الف سلامة
المفضلات