أولا أختي مشكوره على الرد في موضوعي أو درسي وهذا أول رد على مواضيعك وإن شاء الله أكمل الباقي
أولا نبارك لخالك وعقبالنا إن شاء الله "خلص دراسه يا الدب بعدين نتفاهم "
الصوره هذي أحييك فيها لأنك ماوقعتي في خطأ يقع فيه الكثيرين إذا كان النور خافت ألا وهو استعمال الفلاش إلي في الكاميرا
"ماعدى اسعمالات الفلاش المدروسه اي فلاشات الاستديو أو أكثر من فلاش في زوايا مدروسه فأنا ضد استعمال الفلاش في مثل هذه الحالات "
بخصوص التكوين أحس أنه زحمه أو يمكن مو موزون فلو مخليه 3 كاسات بدل كاسين في منطقه الفوكس "ماشاء الله ضبطتي الفوكس على الكاسات " لكان بتكون أحسن
وبخصوص الكاسات فأنتي وضعتيهم في أحسن مكان لهم "في منطقه الثلث الأول بالتالي هذا تطبيق لقاعدة الاثلاث "
بخصوص هذي الصوره فأنا لا أحبذ أنك تصورين الاطفال أعلى من مستوى نظرهم
فالطفل يكون في أحلى الصور أذا كانت الصوره له في نفس مستواه
بخصوص المبخر أتمنى أنه يطبق قاعدة الاثلاث
جربي تعدلين الصوره هذي بالفتوشوب وتخلينها تطبق خطوط الاقطار "يعني يكون الخط من قطر الكادر إلى الفراشه " بيكون أحلى
الورود جميله جدا بس تمنيت أنك صورتي ثلاث بدل وردتين في منطقه التركيز
هذي الصوره ممتازه . فيها عنصر الطفوله وفيها قاعدة الاثلاث وفيها الألوان المكامله
أحييك على هذه الصوره
أختي ليه حولتي هالصوره لأبيض وأسود
أنا متأكد أن هالصوره مليانه ألوان وتحويل للأبيض والاسود يكون للصور إلي يكون فيها مشكله في الألوان أو يكون فيها التضاريس كثيره وتخرب عليها الألوان
في الختام أشكرك يا أختي في مشاركتك لنا هذه الصور وإن شاء الله أرجع في أقرب وقت وأشيك بقية موضوعاتك
وأتمنى أنك تستفيدين من الدرس إلي وضعته في المنتدى
المفضلات