ما حُـكم سماع الأغاني ؟؟

[قناصة]

السلام عليكم ورحمة الله وبركاته..

موشي موشي

الأخت قناصة..
كل مناً يملك كلام..
سواء رفضنا أو وافقنا..
هو قال رد..أحنا أخوة من الواجب ان حد يوضح له..أو حتي تعليق ..
لكن لو تجاهلنا الأنفس..

هذا هو مشكلتكم..

عدم التمييز بين قسم قلم الأعضاء و قسم نور على نور..

وعدم التمييز بين الأشياء التي يمكن أن نبدي آراءنا فيه وبين الأخرى..

والأمور الدينية مستحيل أن نبدي آراءنا فيه بغير أدلة علم كافي..!

وإلا فسيكون ذلك فتنة بالتأكيد..

إذا كنت غير مقتنع بالكلام من جهتك فلا ترد على الموضوع..! مافي أحد مجبرك..

بهذه الطريقة الأخ يدخل الشبهة في قلوب الناس سبحان الله..

نفس الشي اللي حصل معاي في موضوع الرسم.. وأنا ماني مسامحة أي أحد سوا لي فتنة في موضوعي صراحة..والحساب في الآخرة إن شاء الله..!

وسلامــــــــــــو,,

[أبوعبدالرحمن]

الاخ التنين ده ممكن تشرحلنا يعنى ايه حديث معلق ومكن تشرحلنا اسلوب الامام البخارى فى تاليفه لصحيح البخارى وممكن تقولنا كم كانت مؤلفات الامام البخارى وممكن تقولنا الفرق بين الحديث المرفوع والحديث الموقوف لان واضح انك شخص عندك علم غزير فيا تعرفنى الله يكرمك لان ى المعرفه افاده

اما بالنسبه للناس اللى بتدندن حول حرية الراى ,بص يا اخ او يا اخت حريه الراى والتعبير فى اى سايبر او كوفى شوب او قلم الاعضاء او فى اى مكان انما الدين والاسلام قولنا الف مليون مره مافيهوش انا رايى ومن وجهة نظرى والاسلام يعارض الفلسفه بالكليه فياريت حبايبنا الفلاسفه يريحوا دماغهم ويريحونا دى حاجه الحاجه التانيه الاخ التنين اود ان اقول يا ريت تتعلم كيف تتكلم ولا تهرف بما لاتعرف وان كنت ترى ان صاحب الموضوع اتى بحجج واهيه وان عقل حضرتك المستنير الذرى بعد 1400 سنه هيفهم احسن ويفسر احسن من ابن عباس فساقول لك مقوله احد العلماء واعتقد انه الامام مالك "ان تراءى لك انك زدت فى دين الله فاما انه نزل عليك ما لم ينزل على الرسول وصحابته واما انك على ضلال" فياريت اخونا التنين يختارله واحده من اتنين ويا ريت الاخوه اللى قلبهم رهيف ومتوقع ردودهم الرقيقه "لا لا مايصحش كده","الاخ غلط تؤتؤتؤ براحه عليه شويا" ارد عليهم واقول قبل ما تكتبوا اى كلمه فى حقى وتغلطونى اكتبوا للى مش عاجبه اقوال الصحابه ولاالقران وخذوا على يديه وبجد حاجه تحرق الدم كل واحد لسه ماطلعش من البيضه وكتكوت بياخد مصروفه من ابوه هيعمل فيها بن باز حاجه بئت تئرف اللهم انى ابرأ اليك مما يقال فى هذا المنتدى ممايجلب غضبك وسخطك اللهم ابرا اليك مما يقال هاهنا اللهم ابى ابرأ اليك مما يقال ها هنا وحسبنا الله ونعم الوكيل

[أسـدُ الإسـلام]

بارك الله فيكم .. هكذا يكون النصح ونعم النصح

أهكذا علمنا الرسول؟ لا يأتي فهيمكم ويقول هو لم يشفع لفلان من الصحابه ولم يغفر

لفلان وهنا تلزم الشده

لنفترض أن الأخ أخطأ ونسي أنه لا مكان "لرأيي الشخصي" و"وجهة نظري" في الشريعه

أهكذا تعلموه وتعيدوه إلى جادة الصواب؟

أتحبون أن تعاملوا هكذا؟

نسيتم قول الله (عزوجل) حينما أرسل موسى وهارون (عليهما السلام) إلى فرعون

وكلكم يعلم من فرعون: ((فقولا له قولا لينا))

أنتم بطريقتكم هذه لا تتركون له مجالاً للاعتذار والعودة للصواب

نسيتم قول الرسول -عليه أفضل الصلاة وأتم التسليم-

((ما كان الرفق في شيء إلا زانه، وما نزع من شيء إلا شانه ))

والسلام عليكم

[أبوعبدالرحمن]

يا اخت اساموا انا لم اقصد حضرتك بكلامى هذا وانما اكتبه عموما وانا لو كنت اقصد شخصا بعينه لقلت له واعتذر ان حصل لبس ولكن فى ناس دخلت وعماله تقول انه بيقول رايه ومش عارف ايه وعماله تفتى وتسقى بطريقه مستفزه ولكن انا لم اقصدك اخت اساموا وشكرا

[أبوعبدالرحمن]

بقولك ايه يا اخ اسد الاسلام سيبنا لحضرتك يا غالى الهدوء واللين, انتوا مستنيين ايه تانى لما حد يخش ويشتم فى الله او الرسول صراحه وعلانيه علشان ساعتها نلاقى حده, جرى ايه يا جماعه هو احنا فاتحينها حضانه ولا امومه وطفوله اللى مش عارف يتادب وهو بيتكلم عن الرسول والصحابه وكتاب الله يقعد فى بيتهم ولا يهرف بما لا يعرف انما الاخوه اللى عاملين فيها اخصائيين اجتماعيين وماشيين يطبطبوا على الرايح واللى جاى مش هنسمح بيه فى الدين ما هو انا ماينفعش اخش منتدى اسلامى واكتب مثلا قدح فى الرسول او استنقاص للصحابه سواء اقصد او لم اقصد ولما حد يتكلم بحده ردا على ما قمت به انا فى جنب الرسول (انا باضرب مثل) تيجوا تطبطوا عليا ومعلش اصله عيل وغلط, ده اسمه تهريج ولعب ولهو بايات الله وبرسوله يا اخ اسد الاسلام هل تعلم ماهو حكم الاستهزاء بالرسول ولو لم تكن تقصد ؟لما تعرف الاجابه هتعرف انا ليه حاد للدرجه دى

[أبوعبدالرحمن]

شاطرين احنا قوى فى الشعارات"الا رسول الله يا عباد الصليب " ومش عارف ووسع يا جدع الا رسول الله ,تعالوا نطبق على ارض الواقع تلاقى كتاكيت وخرفان

[أبوعبدالرحمن]

((ما كان الرفق في شيء إلا زانه، وما نزع من شيء إلا شانه ))

الله يكرمك يا اخ اسد طبقلى الحديث فى حادثه المراه المخزوميه واسامه بن زيد فكرنى الرسول عمل ايه مع اسامه بن زيد لحسن جالى زهايمر طبطب عليه وربت على كتفيه وقال له معلش ,انما عمل ايه الرسول اتشفع فى حد من حدود الله ,تيجوا انتوا لواحد مش عجبوا حكم الله وروسله وعايزنى اطبطب واخده بالحضن ,اخى اسد هذا استدلال فى غير محله

[الفجر القريب]

ههه
يا بو عبدالرحمن هدي شوية

أرسلنا للمراقبين مسجات خطييرة

الحين يجيك شحروري معصب خخخخ
الله يستر ^^

**********
ياي
قسم نور حطم الأرقام القياسية
المتواجدون 20
ههه

[فارس المجد]

شكرا على الموضوع لاكن احب ان اذكر ان الاغناء بدون موسيقى والتي تسمى اليوم الاناشيد
واللتي لا تحتوي اي محظور شرعي مثل كلام بذيئ وغيره افتى اكثر علماء النسة والجماعة بانها حلال
وخالفهم قليل جدا واما ان كانت الاناشيد بموسيقى فهي مسالت خلاف بين العلماء من قديم
لاكن جميع العلماء يتفقون ان النشيد اذا خالطة اي كلام مخالف للشرع فهو حرام وانا اذكر اخواني بقول الشيخ سلمان العودة وهو( ان هذا الامر لايجب ان يكون هم الشباب وحديثهم) وذكر ان الموسيقى اذا خرجت من التحريم فلم تخرج من الشبهه وقد قال علماء ان الموسيقى حلال اذا لم تكن مع كلام مخالف للشرع وللعلم ان جميع الاحاديث الواردة في تحريم الموسيقى ضعيفة
ولكن قال الشيخ ابن باز انها تقوى بمجموعها واذا اراد اي شخص منكم ان يتوسع في الموضوع فليقرأ
فتو الشيخ القرضاوي فقد جاوب على كل حديث او اية في تحريم الموسيقى
وايضا اتى بادلة تحلها

[أسـدُ الإسـلام]

أبوعبدالرحمن

أخي الحبيب

في حالة الشتم الأمر يختلف ولا تخرجنا من الموضوع

هل تقصد أنه شتم الله والرسول برده؟ لا أعتقد هذا

وبالنسبه لردوك الحاده فقد قرأت الكثير منها، أي أنك لست حاد الرأي هنا فقط

ومالك لا تتقبل أي رأي، كل رأي لا يعجبك تنزل به استخفاف وهزل

كأنك تقول من ليس معي فهو ضدي

أرجوك إن كنت سترد بعصبيه وتستهزىء بردي فلا أريد جواباً

ومنكم نستفيد

[أبوعبدالرحمن]

الاخ فارس المجد عليك بكتاب تحريم الالات الطرب واللهو للشيخ الالبانى وقد فند وكشف كل شبهات القرضاوى ودحض ادله بن حزم بس ليا نصيحه لازم تكون فاهم علم حديث علشان تعرف تفهم الكتاب كويس وشكرا

[أبوعبدالرحمن]

ارجع لمشاركه الاخ الفتى المجهول وراجع ما قاله التنين ده بتروى وانت هتعرف ماذا اقصد ,الاخ بيقول ان ومن يشترى لهو وقسم ابن عباس حجج ضعيفه وهذا تسفيه لدليل لا يقبل الشك فمن طعن فى صحابه الرسول طعن فى الرسول ومن طعن فى الرسول انت ادرى بحكمه دى حاجه ,الاخ مش عاجبه حديث البخارى المعلق واللى اتحداه لو يعرف يعنى ايه معلق من الاساس ,عارف يا اخ اسد اللى مخلينى حاد ايه ,ان واحد مالوش فى اى حاجه وجاى يتكلم ويقول انا راى ومن وجهة نظرى وداخل يعدل على الصحابه ,انا هقربلك انا ليه حاد فى الموضوع ده ,تخيل حضرتك مثلا طبيب وجاتلك حاله فى الطوارىء عباره عن واحد عنده مغص شديد وفوجئت بموظف الاستقبال وهو ليس بطبيب بيديله وصفه طبيه عباره عن كرفس وخرشوف وترمس مقلى فى الفرن مثلا طبعا لو انت مكان الطبيب ده هتتغاظ وتثور ثورتك , طب ليه لان فيه واحد افتى بما لايعلم واحد بيتفزلك ودى ارواح ناس مش لعبه والدين كده برده هو اغلى من ارواحنا حتى ,فحاله الحده اللى انا فيها هى نفس حالتك اللى هتكون لما موظف الاستقبال يعمل فيها دكتور وكما قال العلماء اذا تكلم الشخص فى غير ما يحسن اتى بالعجائب ويا رب اكون قربت لك وجهة نظرى

[أسـدُ الإسـلام]

حسناً أخي لقد فهمت، جزاكَ الله خيراً

انت واحد مالوش فى اى حاجه وجاى يتكلم انا راى ومن وجهة نظرى وداخل يعدل على الصحابه

عفواً هل تقصدني تحديداً بهذا الكلام ؟؟

[أبوعبدالرحمن]

كلا هذا خطا من الكيبورد وانا صلحتها فوق واعتذر معلش السرعه وحشه برده التانى حلو انا قصدت ان وليس انت ولكن كما تعرف التاء لزقه فى النون فمعلش اخى(ههههههههه)

[أسـدُ الإسـلام]

لا بأس أخي، وسأقوم بتعديل ردي في الأعلى

أو حسناً لن أعدله كي يفهم القراء من أين أتت هذه المناقشه ^^

[الفجر القريب]

كسرت الكيبورد ابو عبدالرحمن
الله يصلحك خخخ

[أبوعبدالرحمن]

توضيح لجملة الدين نصيحه,امتى اقول الدين نصيحه لما حد من حدود الله ينتهك ,واحد يقولى ما هو مش قصده ارد عليه واقوله او بايات الله وبرسوله تستهزئون

الدين النصيحه بالرفق واللين مطلوبه 90 % من الدين ولكن هناك حالات لا يجوز فيها السكوت والا هتبقى مطمع لكل من هب ودب ,حاجه كمان بالله عليكم وانا راضى ذمتكم يرضى المهندس ان طبيب يتدخل فى صميم عمله طب يرضى المدرس ان الطيار يتدخل فى عمله بالتاكيد لا طبعا, اشمعنى الدين اللى ساحته مستباحه لكل من هب ودب اللى يعرف واللى مايعرفش ,يعنى تخيلوا معايا بتفتحوا التلفزيون لقيتوا مدرب سباحه بيتكلم عن فن الطهى ايه اول رد فعل على ده طبعا الضحك عليه وطبعا ولو لقيته مثلا طيار حربى طالع فى برنامج بيتكلم عن اسباب الاجهاض وانواع حبوب منع الحمل هتعملوا ايه طبعا هتضحكوا و الدكاتره هتزعل,| طب اشمعنى الدين اللى لما ييجى العلماء ويتكلموا تلاقى اللى فتى واللى مش عاجبه واللى قالك انا راى ,اشمعنى الدين يا جماعه مش كفايه دمائنا المستباحه فى كل حته وكمان ديننا مستباح لكل واحد يتكلم ده حتى الراقصات والغانيات بيتكلموا فى الدين عارفين ليه وصلنا لهذا الحال لان اولياء الامور ما اخذوش على اللى بيفتوا ويسقوا وما حدش قالوهم عيب سيبوا الدين لاهله ويا رب اكون وضحت وجهة نظرى

[Smow]

اخي الكريم ابو عبد الرحمن
هذه ليست وجهة نظر انما نصرة حق واظهاره على القول الباطل
ارانا الله الحق حقا ورزقنا اتباعه وجنبنا الباطل
سدد الله خطاكم وبارك فيكم

[أبوعبدالرحمن]

الاخت الكريمه ليدى انا قصدت بوجهة نظرى ضرب الامثله اى انى ارجوان اكون وفقت فى تقريب اللى قلته لاذهان اخوانى وانا اتفق انها مش وجهة نظر وواضح انى اتعديت من اخواننا بتوع وجهة نظرى

[Smow]

زادنا الله واياك علما ومعرفة
وثبتنا على هديه