الموضوع الرسمي لعرض مشاكلكم الحياتية واستفساراتكم وأخذ المشورة..قال تعالى:( وأمرهم شورى بينهم)

[إسلام 2006]

السلام عليكم

ما شاء الله موضوع جميل جداً ^___^

والله عندي مشكلة من أمس وأنا أفكر فيها وقعدت أدعي ربي إنو يحلها

وسبحان الله شكلو الفرج على يدكم

-> الله أكبر خطبة XD

المهم

دحين في المدرسة في بنت أسمها [ رماز] كل البنات يحبوها أو زي ما تقولو " معجبين " ما أدري لي صرااحة امكن عشانها تعرف لأشياء الكورة وكدا

>> بس أنا ما عندي حركات الإعجاب والمدري إي ^^

وهيا دايماً تجي وتسلم عليا وتسألني عن الدروس مع إنها دايماً الأولى خخخخخخ

ودايماً أعطيها الـUSB تنقلي أفلام وأعطيها ايميل أقاربي تسوي فيهم مقالب

مع إني زمان ما كنت معاها مررة ...

وأنا الحلوة هع دايماً أتكلم في حصة الإنجليزي وأصحح للأبلة المعلومات وبعدين تجي وتقولي : " ما شاء الله عليكي شاااطرة ودافورة ". وتمدح فيا >> احم احم >> أقصد على البنت مو الأبلة

وفي المسن دااااايماً نحشش مع بعض >> اخترعنا عائلة يبغالي أحطها :P

بس المشكلة ..

هادي البنت عندها صحبتها اسمها " هند "

وكـل البنات يعرفو إنو هند " تحب رماز بزيادة "

وهيا أتصاحبت مع رماز من فترة قريبة

يعني ممكن من سنتين ولا شي زي كدا

وأول ما اتصاحبت معاها كانت ما تخليها تبعد عنها

إلين ما انفصلو كل وحدة راحت فصل :P


ومن زمان كانت هند مرررة طيبة معايا

وحتى في بداية السنة

بس في الفترة الأخيرة سرت دايماً أمشي مع رماز وأحكيها عن الأفلام وعن لولوشو والخرابيط دي :P

وسارت هند شايفة حاااااالها عليا

وسرت كل ما أجي أكلم رماز .. هند تقلها : " رماز يلا نمشي " أو " يلا بسرعة "

يعني كإنها تصرفني


وأنا طبعاً أحووب أستهبل في الحصص ^^ .. وكل النات تقريباً يستهبلو على الأبلة في حصة الرياضيات

>> يا حرام السنة دي ما أدري ليش سرت هادية

ومرة الأبلة طلعتني عشان أجاوب وما كنت أعرف الإجابة وسرت أصرف :P

وسارت هند تعلق على كل كلمة أقولها

مع إنو كل البنات كانو بيستهبلو .. يعني مو بس أنا .... وما كانت تقولهم شي

وسرت كل ما أكلم رماز تجي هند وتعلق على كلامي

أو تقلي : إش البلاها هادي

وأمس وأنا بأكلم رماز في المسن قالتلي : " إذا هند قالتلك أي شي ردي عليها وأخصرك منها "

بس أصلاً أنا بطبعي مسالمة يعني ما أعرف أرد

حتى لو أضاربت مع بنت أسكت وفي النهاية أقلها " آسفة .. إذا تبغي تسامحيني سامحيني وإذا ما تبغي الله يهديكي "

وبعدها رماز قالتلي " أصلاً انا ما أحب هند ... بس تشتم البنات وأنا ما أحب الشخصيات إلي زي كذا "

قلتلها : " طيب ليش متصاحبة معاها ؟ "

قالتلي : " أنا متصاحبة معاها عشان فاطمة بس أصلاً أنا ما أحبها "

.........

طيب خلاص قريتو قصة حياتي ؟

المشكلة :

إش أسوي مع هند ؟ صرآحة أنا دايماً أستخدم مثلي الحبيب " ما يسير ننسى كل اللحظات الحلوة ... عشان سبب صغير تافه أو مضاربة أو زلة لسان "

وزي ما قلتلكم هند كانت طيبة معايا زمان .. بس ما أدري ليش اتغيرت

دحين صآرت متكبرررة وشاايفة نفسها .. وأنا ما أحب الشخصيات إلي زي كدا

فإش أسويي ؟؟ البنات قالولي إذا قالتلك شي ردي عليها .. بس أنا ما أعرف أرد

>> إذا على الأبلات ممكن :P لأنو في حدود


أرجو إنكم تساعدوني ><

>> حاسة المشكلة سخيفة ^^"


في أمان الله ~

السلام عليكم ورحمة الله وبركاته..

موشي موشي

أهلا بكم جميعا مرة أخرى..

أهلا بك أخي إسلام..؟ كيف حالك..؟ أتمنى أن تكون بأتم صحة وعافية ونفسية..=)

جيت أرد على أختي وصحبتي العزيزة نوي:

امم..تم فهم المشكلة بنجاح xD

وصراحة هذه الظاهرة منتشرة جدا هذه الايام..

امم..

اولا.. صلي ركعتين استخارة ^_^

ثانيا: واجهي البنت..قصدي "هند"

روحي لها..انصحيها حول هذا الموضوع..وانه لا يجوز ان يصل الى هذه الدرجة..

وبيني لها موقفك..

وحتى لو كان صعب او بالغصب تكلمي معاها..!

واجهيها وقولي لها رايك..

أظن أنها أفضل حل..^_^

وبالتوفيق عزيزتي..=)

وقد يكون هناك من الأعضاء والعضوات من لديه حل آخر..وإن شاءا لله يساعدوكِ..

السلام عليكم ورحمة الله وبركاته ..

أختي Noe

المشكلة ليست سخيفة وإنما لاتستحق منكِ الاهتمام والقلق بشأنها ..

أؤيد نصيحة أختي قناصة جزاها الله خبرا ً

لو كنت مكانك لأهملتها وقطعت علاقتي بها ولكنك ترغبين بصداقتها

فلكِ خيار المواجهه أولا والنصيحة باللطف كأن تحذريها من خسارة الصديقات بسبب تصرفاتها

وستسوء سمعتها بين الطالبات ويتجنبها الجميع

خوفيها بالذي تخشاه إن كانت حريصة على حب زميلاتها وأنها بتحقير الصديقات سيكرهها الجميع

وأنكِ سمعتِ فتيات يتهامسن عليها بأنها لئيمة ومغرورة ويحذرن البقية منها >> طبعا بدون ذكر أسماء للتخويف فقط

وانتظري ردة الفعل ..

إن استجابت فالهدايه بيد الله وكل الناس تعتريهم حالات مزاجية غريبة أحيانا والمهم هو التدراك ..

وإن عاندت وأصرت فاتركيها وشأنها لأن الكثيرين سيتركونها وحينها ستعود من نفسها

وأي استفسار آخر فنحن بالخدمة دائما ً

وفقك الله وحفظكِ من كل شر ...

جزاكم الله خيرا أختاي قناصة وسيجان وبارك الله فيكما ونفع بكما وزادكما علما وفضلا

تكلمتما ووفيتما

أنا بخير والحمد لله تعالى شكرا لك اختي قناصة لسؤالك
وجزاك الله خيرا على دعواتك الكريمة وأسأل الله تعالى ان يجزيك مثلها وأفضل منها انه ولي ذلك والقادر عليه ^__^

ليس لدي ما أضيفه على كلامكما فقد كفيتما بكلامكما

سيتم اعتماد ردكما كرد رسمي على المشكلة

في حفظ الله تعالى