موضوع كوول تشكر عليه

امم يومي امس ماشي حاله

صحيت 5 ونص على الصلاة وبعدها جلست اطقطق عالجهاز

اول شي رحت على ايكاريام .. > لعبة زي ترافيان ،،، وجلست اشوف مدني ورسايل الحلف ...

عاد سالني الجنرال عن الاحوال قلت طفشانة وضايق خلقي .. قال روحي افطري ^ـ^ رحت فطرت لي كم لقمة لاني جيعانة من امس

ولمن طلعت احمي السليق >رز بالحليب (مسكينة تحب تفطر ثقيل ) والا ابوي جايب سندوشات ..

انبسطت على طوول واخذت ابو لحم مفروم .. وحطيت صلصة حارررة ابو فلافل بس ماكثرت لان امس سوت لي مغص

وبعدين رجعت عالجهاز واشوف الايميل .. ودخلت سبيسي من زمااان عنه .. وقلت اسوي مدونات في مواقع مختلفة .. وقعدت اقرا

المهم ما رحت اتكلم مع اللي في البيت .. لانو صارت مضاربة اليوم اللي قبله > يا ساتر

بعدين رحت المطبخ عشان اسوي الغدا .. وحطيت حرتي .. ماسويت اكل يم يم سويت رز بالدجاج وقفلت الموضوع ، وحتى ماعزمتهم عليه ..

خليت القدر في المطبخ واللي يبغى ياكل يدور رزقه

بعدين رجعت ابغى انام راسي مدروخ .. لكن زي العادة . اول مااشوف لابتوبي انهبل واشغله علي طول .. رجعت ازبط في السبيس

وبعده دخلت المسنجر لقيت زميلة لي تخرجت قبلي .. وجلسنا ندردش ، ووريتها شي من كتاباتي وشجعتني كثير ..

وقالت انها لقت شغل في جمعية خيرية واذا اعرف احد اعطيه رقم عملها .. فقلت لها اسوي موضوع احطه في المنتديات وينرسل عالايميل

وجلست اخبص فيه

جات في بالي زميلة قالت لي ان زواجها ذا الشهر ،، فقلت ارسل لها واكلمها .. واتطمنت على احوالها ودردشنا خمس دقايق بعدين رجعت عاللابتوب اشوف ايكاريام

بعدين قلت ليش مااكمل روايتي .. لاني ماكملت فصلها الاول ونطيت على اللي بعده ..وجلست ادور على مواقع عن الغوص ..لان الاحداث اللي بكتبها في البحر ..

والحمد لله لقيت .. لكن كان مختصر مررة وفكرت اراسل صاحب الموضوع .. وسجلت بالمنتدى وجمعت مواضيع .. وفرحت لمن قريت عن علوم البحار لان نفسي اتعلم عنه ..

ولمن لفلفت في الموقع طلع رااائع وعلمي

دخلت على السبيس ولقيت زميلة حاطة صحباتها في لستة مع نبذة عنهم .. فعجبتني الفكرة وقلت اكتب العزيزين على قلبي

وطولت .. بعدين نسقت مقدمة روايتي في السبيس وعدلت الثيمات وخربطت فيه

على الساعة 11 دخت وقلت بنام

لكن افتكرت شخص احترمه جدا واقدره جدا ووعدته ان اعطيه نسخة من روايتي .. لكن لانها انمسحت مع ملفاتي ارسلت له نسخة من المقدمة

بعدها داخ راسي من جد ورقدت

> اه تعبت من الحكي يالله نبغى ضيافة عصير