التميز العنصري

[انستازيا88]

السلام عليكم ورحمة الله وبركاته

اليوم جايبت لكم حادثه شفتها باحد البرامج الاجنبية البرنامج انا ماتابعا بس لان شفت محجبات بين الجموهور قعدت اطالع الحلقة


الحلقة كانت تتكلم عن التميز العنصري

طبعا الحين بتقولون اكيد بين الامريكان من اصل افريقي و البيض

بس كان جزء من الحلقة يتكلم عن التميز العنصري الي يتعرض له اخوانا المسلمين بامريكا

انا بس شدتني هدي القصة الي صارت بالحلقة وحبيت اشاركم فيها


في الحلقة صار نقاش بين امريكية افريقية وبين مسلمة متحجبة


المهم ان الا مريكية قالت للمسلمة انا لو بيقولون ان بيصير شي انا بروح اباحتمي عندك في البيت لان اكيد اخوك ارهابي وصار كلام بينهم (تخيلو يعتقدو ان المسلمين كلهم ارهابين)

المهم ان الحلقة الي بعدها كانت ان هدي الامريكية لازم تقضي يوم كامل مع المسلمة
فا المسلمة خلت الامريكية تلبس حجاب ولباس واسع وتمشي معاها باشارع
والامريكية لبست الحجاب ومشوا في الشوارع والمطاعم

طبعا الامريكية تفاجئت ان فعلا المسلمين يتعرضوا لتميز عنصري بامريكا وان الناس دوم يطالعون فيهم ووجهون لهم كلام والفاظ ليش كل هدا عشان انهم مسلمين وخلال مشيهم مع بعض في الاماكن السياحية كانوا يطلبون من احد المصورين يصورهم محد قبل في النهاية ان الامريكية تعرفت اكثر على المسلمة وحست بمعناتها وصاروا اصحاب وعرفت ان المسلمين مب ارهابين


الي اب اقولة من هدا كله ان انا جد اتفاجئت ان الاجانب يفكرون ان كل متحجبة لها علاقة بالارهاب وان كل المسلمين ارهابين من هدا الكلام
تخيلوا المديعة تعرف الجمهور تقول لهم ان الاسلام دين موحركة سياسية

من جد اتفاجئت

انا افي داك الوقت بس حسيت قد ايش احنا مقصرين في حق ديننا الحنيف والناس عندهم فكرة سيئة عن دينا وعن المسلمين

تعتقدوا شنو سببب هدي الفكرة السيئة؟

تعتقدوا ان المسلمين مقصرين في ايصال صورة حسنة عن الدين الاسلامي؟


والسلام

[الحراكي]

الصراحة ان هذا امر طبيعي
لننظر الى واقعنا نحن المسلمين
اذا رايت انت صديق لك هو ليس من بلدك الذي انت فيها وحتى ان كان من دولة عربية الا تقول له انتم الاجانب او من هذا القبيل لا شعوريا ؟؟؟؟

[ราซาน]

أعتقد قصدج على برنامج Tyra Banks Show
أنا جفت هالحلقة وبالفعل أحزني اللي فيها ،، لكن لو جفتي الحلقة اللي بعدها كنتي
راح تفرحي ...

قررت الأمريكية من أصل إفريقي تعيش حياة المسلمة وبالفعل لبست الحجاب ومشيت
فيه وحاولت تتعامل مع الناس في الشارع ،، وطلعت واعتذرت أمام الكل على كلامها ..

[الحارس الخفى]

شكرا
و يوجد ما هو اخطر من ذللك فى رواية شيكاغو للدكتور علاء الاسوانى

[هـمس الروح]

صح انا بعد شفت الحلقة فيtyra show... وانصدمت الصراحة من كلامها وتفكيرها عن المسلمين بهالطريقة ،،
اللي اعرفه انا ،،ان وسائل الاعلام الامريكية تعرض صورة مشوهة عن المسلمين وان هم ارهابيين واصحاب القنابل وووالخ ..لو اتشوفين قناه امريكيه بتشوفين هالاشيا ..
وطبعا الامريكيين يشوفون التلفزيون وغيره .. اكيد بيتأثرون وبيتكون عندهم هالصورة عن المسلمين..
والسبب الثاني ،، مثل ما ردت عليها البنت في البرنامج ( Educate your self) ترا هم ما يعرفون عن المسلمين وحياتهم ..ما يقرون كتب ويتأكدون .. لانه لو قروا وتثقفو شوي اكيد بيتأثرون فينا ..
في رايي هاي هي الاسباب

ومشكورة ختيه ع الموضوع
ونتريا يديدج

[أليس يا فتاة]

انا بعد شفت الحلقة

بس اللي لفت انتباهي وعجبني أكثر هو رد الافريقية يوم قالت انهم اكثر ناس يلاقون تميز عنصري
ويوم ردوا عليه انه المسلمين اكثر ناس الحين يلاقون تميز عنصري
قالت نحن يابونه عبيد غصب عنا بس هم ياو بكيفهم محد طلب منهم
وانا اتفق معاها الواحد يسير ويتغرب عشان دراسه او عشان الدعوة والتعريف بالاسلام او علاج او عشان شي مؤقت بس ما يهاجر ويعيش على طول

[انستازيا88]

السلام عليكم ورحمة الله وبركاته
ราซาน-
شفت الحلقة وفرحت بس شو الفايدة ادا الاغلبية عندهم نفس التفكير

ومشكورة عل المرور

الحراكي
اعتقد ان ظلم للاسلام ان الاسلام يوصف بالارهاب وهو دين التسامح والاخاء
تقولهم انتم الاجانب طيب بس احنا ماننسب شي فيهم وهم بريئين منه
ولانعمم صفة عليهم

ومشكور على المرور

الحارس الخفى
مشكور على المرور

همس الروح

انا بعد انصدمت واوافقك الراي
البنت ردت عليهم صح:yes3:


ومشكورة على المرور


أليس يا فتاة
مشكورة وافقك برايك