ღღ مذكراتـــ حاج ــ ღღ

[عُبيدة]

السلام عليكم
حج مقبول وذنب مغفور وسعيا مبرور ان شاء الله

[عزووز]

*~ أول احداث موضوع ~*








اول ما بدأ الموضوع كان قبل شهر ذي الحجه طبعا

قالتلي امي - الله يحفظها - : وش رايك تحج هالسنه معاي ؟؟

طبعا أنا : شلون ؟؟ من جد ؟؟
كنت متحير مررره مثل اي واحد يروح الحج أول مره
قلتلها انا ودي بس ما ادري يعني خليني افكر .

بدأت الهواجيس : وش بتسوي انت مع امك ولا معك احد ثاني صعبه شوي وبدا ابليس اعوذ بالله منه يذكرني بالمشاكل الي صارت في مواسم الحج السابقه * وهذي المشاكل لي عليها تعليق*

المهم

قالتلي امي ترى أخوك (***) بيجي معنا للحج .
- اخوي هذا اكبر مني وهو الجامعه -

الحين طاح شوي هم ان واحد معنا ^__^
قلت خلاص ان شاء الله بروح معاكم


افكر ياولد وش اخذ معي ومن هالكلام
وقررت اني اخذ معي :
(( احرام - ثوبين - شماغ لزوم كشخة العيد - جلابية - حزام - ولاتخافون ما اخذت معي فا**** ههههههه))



والوالد راح يحجز بالحملة
يوم جاء الا وجايب معه 3 شنط كبييييييره الي انا جهزتها ربعها
فتحت الاولى لقيت فيها :
(( سجادة - مصحف - شنطه صغيره - مسواك - مظلة - فوطة - كمر ))

حطيت اغراضي فيها ونصها فاضية

وانا افكر قلت لحظه
احنا بنعتمر بعدين نتحلل بعدين نحرم بالحج
يعني يفضل اجيب احرامين واحد احتياط ( هو الاصل ابعبي الشنطه بس ههههه)


وضبطت اموري اخيرا ..
وكل شوي افتح الشنطه ممكن نسيت حاجه

فتحت الشنطة للمره الأخيره
لاتفوتكم الاشياء الموجودة :

الأشياء الي ذكرتها من قبل + (( شاحن جوال - شاحن متنقل بدون ما تشبكه بالكهرب درت السوق كله ادوره - ام بي ثري بلاير مدري جايبه ليه - بطاريات للشاحن المتنقل وللإم بي ثري - معجون وفرشاة - بندول ومسكن على نصيحه * هارونا ساكورا * - والتحفه تمرية وسفاري امي غاصبتني اخذه * اما صارت عليها سالفه بعدين - ... الخ ))


قليله الأغراض صح ؟؟؟؟
ابشركم زدت جلابيه بعد واحرام ثاني ^__^

ونمت بسلام << امحق نمت والله ما نمت افكر


وكان عقد الحمله مع ابوي بس الشي الوحيد الي اعرفه ان النوم بصاله افراح هههه

قاعد اتخيل (( يعني صاله مفتوووووووووووحه وكل واحد رامي المفرش حقه ونايم واذا واحد يبي النور شيسوي وافكار غبيه مدري كيف فكرت فيها ))






كانت رحلتنا يوم الخميس الموافق 6 ذي الحجة
الساعه 2 الظهر

وش صار طيب؟؟؟
كيف كانت الرحله؟؟؟
وش سويت يوم وصلت ؟؟؟


تابعو الجزء القادم ^__^

معاني المفردات :

كمر : مثل الحزام ولكنه اعرض قليلا يوضع فوق الحزام لوضع الأغراض فيه .
تسوي : تعمل = بمعنى ماذا افعل ؟
هواجيس : افكار (( كنت اهوجس = كنت افكر ))





[caution]اي شيئ غير مفهوم سواء من معاني المفردات التي حرصت على تواجدها لأن المنتدى يحوي اجناس مختلفه واخوة لنا من الخليج الى المحيط أنا مستعد لشرحه وتوضيحه .[/caution]






2 / اكتب بها " اريد روابط التحميل "