*~ الجزء الثاني من ~*








* تنويه بسيط :
سيحدث تغيير بسيط في تنسيق الموضوع حيث ان الصندوق الماسي تمت ازالته ودرجات اللون البني غير موجوده سوى هذا اللون (( البني الفاتح )) وبما ان اهم شي راحتكم اثناء القراءة فلن اجعل كفه التنسيق تطغى على جانب الراحه






ذكرنا في المذكرات السابقه اني جهزت الشنط وعدلتها
و كانت رحلتنا يوم الخميس الموافق 6 ذي الحجة
الساعه 2 الظهر
وان السكن كان مقرر في صاله افراح بمكه ^__^
والي كانوا بالرحله انا وامي واخوي الأكبر .




ماذا حدث ؟؟؟
وش صار ؟؟؟
كيف كان شعورك ؟؟؟؟


كل هذا وأكثر في جزء اليوم .







يوم الخميس الصباح << امحق صباح قل قبل الظهر اصرف الساعه 11 ههه

شعور نسيان حاجه مازال يراودني
امي تؤكد علي اخذ الحلاو والككاو و للبرستيج (( شوكولاته ))
تأكد من كل شي

بس توهقت اني نسيت حاجه مهمه ^__^

نسيت البس الإحرام ههه

قالي ابوي البسه من هنا
قلتله طيب

افره من هنا يطيح من هناك
اعدله من هناك ينفك من هنا << احيانا احسد الهنود عندهم خبره ههههه


 بعد جهد جهيد

وأكرر وأنوه اني ما حطيت (( فا**** )) << طيب عرفنا والله ما ننشب لك نضحك

جاني اخوي الكبير (( اكبر واحد )) قالي عطني جوالك وخذ جوالي القديم
طبعا انا ما ودي بس وش اسوي


ركبت السياره طبعا عذاااااب
تخيل لابس احرام وتركب سياره مرتفعه << ابو الفضايح ياشيخ

اشاهد (( ترى انهبلت هي اناظر ولا اناضر )) يمين احصل امي جالسه في امان الله << ايه ما وراها حرام

اشاهد قدام الا اخوي مرتز لابس ثوب
عاد انا طرطعت وش معنى انا وهو لا ؟؟؟

بالنهايه



مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا ..مشينا ... مشينا .. الخ




وفي نصف الــ(( مشينا )) هذي قالت امي : اوووه نسيت بطاقه العائله
قلت : ايه انا شام ريحة شي ناسينه

جا اخوي (( الثاني الي صاير سواق بالقصه )) يرجع قالتله امي : لا مو لازم البطاقه
قالها : بعدين يحسبونك صوماليه ولا اندونيسيه (( وش جاب لجاب ههه))


ورجع

و

رجعنا ... رجعنا ..رجعنا ... رجعنا ..رجعنا ... رجعنا ..رجعنا ... رجعنا ..رجعنا ... رجعنا ..رجعنا ... رجعنا ..رجعنا ... رجعنا ..رجعنا ... رجعنا ..رجعنا ... رجعنا ..
رجعنا ... رجعنا ..رجعنا ... رجعنا ..رجعنا ... رجعنا

وصلنا البيت واخذت البطاقه

وردينا على سالفه الــ(( مشينا )) ههههه

شوي الا السواق (( اخوي لوول )) يقول لأخوي : اخذت معك " فا**** " ؟؟؟
قاله لا << احسه شلاخ مدري ليش
قال السواق : فيه كريم زيه ينحط ويتشربه الجلد يزيل التسلخات << اخيرا عرفتوا وشو الفا**** ههههه



وصلنا المطار اخيرا

دخلنا (( طبعا اخوي لقى هندي يقص عليه يشيل الشنط)) قاله : هي عزووز .
جيته على طول: نعم ؟؟؟
قالي :ود الشنط للشحن وانا بروح اجيب البطاقات

قلتله طيب
ورحت امسك طابووور
زحمممممممممممممممممممممممممممممممممممممممالخ ــه

مليون حمله كل حمله فيها مليون واحد وكلهم بيحطون الشنط بالشحن

ويمشون ببطييييييييييييء
وانا صااااف

واخوي مستانس ما فيه احد عند البطاقات وعلطول اخذها

عاد جا دوري بالشحن
حطيت الشنطه ولقيت البطاقه طايحه منها
ربطتها بالشنطه وشحنتها


اذن العصر
صلينا بالمطار
وتوجهنا الى بوابه الديجتال << متحمس الأخ ترى يبي يقول بوابه المغادره

كان فيه رجال قاعد جنب وحده
امي قعدت جنب هذي الوحده
وانا قعدت جنب امي

واخوي احسن ما له كرسي عند الباب
راح يصرّف يلبس الإحرام

فتحوا البوابه الرقميه << ترى مصختها خلاص
وتشوف الناس يتذابحون عليها
يعني الكراسي ومحجوزه
والطياره ماراح تطير قبل ما تركب
يعني ليه هالذبحه والزحمه ؟؟؟



ركبنا الطياره

كنت انا على الممر والكرسي المجاور من الممر فيه مصري
ما أهتميت له صراحه بس حبيت اذكركم لأن له قصه قدام ^__^

والطياره تطير << اجل تسبح

جابو الــــ

واخوي يغمز لي بعيونه ناوين على حاجه بس قلتله ما يمدي الحين اذا رجعنا << تابعو وتعرفون وشو ههههه

وصلنا للطائف (( في موسم الحج يكون مطار الطائف مخصص لحجاج الداخل بينما مطار جده الدولي يكون لحجاجا الخارج ))

تقريبا وصلنا المغرب او على العِشاء

صار فلم هندي ما فيه احلى منه تابعناه بشغف

تخيلوا معاي الآتي :
حمله فيها 10 باصات
كل باص يتحمل 50 راكب
10*50 = 500
تخيلو
500 واحد في مطار صغيييييييييييير
بعد حتى ساحة المدرسه اكبر
النكته مو هنا

النكته
أن

كل

هذولا

ال



 500


















لهم نفس الشنط الي عطونا الحمله





تخيل تدور شنطتك بين 500 شنطه متشابهه

عذاااب
ولا تنسى انك لابس حرام هههههه


والمصيبه الأعظم ان السير تبع الشحن يمشي ما يوقف وهو على شكل
U

يعني مو طويل تنتظر بأي مكان وتجيك زي المطارات الثانيه .

انتهى الموضوع على خير واخذنا الشنط
ركبنا الباصات
كل واحد محدد له رقم الباص الي يركب فيه

انتظرت بالباص انا وامي واخوي
الناس مطوله
نزلت شفت واحد باسط يبيع بالمطار (( كرتون صاف عليه الأغراض ))
لخذت من عنده " باونتي "
قالي هذا بــ 6 ـ ريال
عاد انا @__@ كم ؟؟؟؟ ما سمعت ؟؟؟ اشتريه وتعطيني 6 ريال ؟؟


ما شريت من عنده شي حرااااامي بريالين يبيعه بسته ؟؟

قالي واحد من المشرفين اذا وصلنا فيه اكل بالسكن
فشريت من عنده بس " ماء " ابو نص ريال يبيعه الحرامي بريالين

طبعا نسيت اقولكم
سواق الباص سوري
ما عنده يمشي وبس بلاوي وحد قدامه واقف يشتري عند التفتيش من واحد يبيع (( مثل الي يبيعون مناديل عن الإشارات ))
والأخ مطووول ومطنش الطريق

اخونا بالله صدمه من ورا هذاك مع الروعه مشى بسرعه ولا التفت على راعي الباص (( الله يعينك اذا تحرشت براعي باص والله يسوونلك بلاوي ))

مرينا بالميقات ونوينا من الباصات ما نزلنا

وقال مشرف الباص ان قاعه الأفراح خربان مكيفها المركزي وان احنا ما ودنا ننزلكم بمكان حار << من اولها هههه

قال حجزنالكم سكن في حي العوالي ( حي العوالي هذا افخم حي بمكه تقريبا وكل قصور الأمراء فيه منطقه راقيه شوي )
طيب وشو السكن ياترى


تتخيلون اييييييييييييييييييييييش؟؟؟؟؟؟؟














مدرسه اهليه




يعني انا انحاش من المدرسه للحج تقابلني مدرسه

قالنا الرجال بيدرسون (( اوه قصدي ينامون )) بالإبتدائيه والحريم بالقسم الثانوي

تخيلو بنام بالفصل 2 /ب ههههه

قلت لأخوي احجز سرير لك وسرير لي بمكان زي الناس وانا بنتظر امي تنزل واشيل اغراضها

قالي طيب
يوم دخلت الإبتدائي - بعد ما دخلت امي الثانويه - طلعت صراحه كشخه
مرتبه وتنفع للنوم وشكلها حلوووووو


بس تدرون وش اكثر شي اعجبني ؟؟؟؟؟؟؟؟؟؟؟

حاطين بوفيه مفتوح للعشا ^__^

كان فصلنا بالدور الثاني رحت فوق الا اخوي المتنح حجزله بالزاوبه وانا حاجزلي عند الباب
علشان ما احد يضايقه
وانا الله يستر علي كل من دخل وطلع غثني

المهم قالوا انزلوا تعشوا
واذا خلصتوا العشا نروح للحرم نعتمر (( كنا متمتعين نعتمر وبعدين نحج ))

رحت اتعشى
واشوف وش حاطين اصناف
والصراحه كنت في حاله انبهار تام ما توقعت يكون بهالمستوى








وش حاطين ؟؟؟؟؟؟
متى رحتوا الحرم ؟؟؟؟؟
وش صار هناك ؟؟؟؟؟



تابعوا الجزء القادم