مرحبا بكِ أختي المبدعة ريشة رسم ...

ما شاء الله اسمك عجبني ... وأتمنى إنه يكون اسم وإبداع في نفس الوقت ....

بالنسبة للتصميم ... فما شاء الله إبداع وجهد واضحين ....

بس خلني أقول لك على حاجة ....

أنا أول مرة في حياتي في هذا المنتدى أكتب عن تصميم معين أو أعلق على تصميم ... وأعتقد إنك أول واحدة ... والله يعينك عليّ ... يعني تحمليني ....

نبدأ سوى حبة حبة ... إلى ما تصيرين متقدمة في عالم التصميم ... مع إني ما وصلت درجة الاحتراف إلا إني أقول اللي عندي ..

نبدأ على بركة الله ...

أولاً: بالنسبة للشخصية ... ما ينفع نهائي ... لأنه الألوان اللي عليها ما تتطابق مع لون الخلفية ... حيث إنها ألوان قوية .. تخيلي معاي أحمر (لون قوي ) ... أصفر (لون قوي ) ... وبعدين وردي عليهم .... ما تشوفينه صعب شوي ؟؟؟؟؟ أشوف إنه الصورة لو تغيرينها لواحدة أفضل وكوووول أكثر .... بالنسبة للشخصية نفسها فما أدري بس أحس إنك إنتِ اللي راسمته .... لأنه واضح من كثرة الأخطاء في الرسم .... لكن ما علينا .. نتطور مع الوقت ..

ثانياً: بالنسبة للخلفية .... أنا ما ني عارف هل إنتي اللي سويتيه أو إنه صورة جاهزة وإنتي عدلتي عليها شوية .... لكن ما أشوفه مناسب لأنه ما يعبر عن أي حاجة ... إنتي ممكن يكون عجبك عشان اللون أو ما شابه .. أو ممكن يكون عجبك لأنه تصميمه نفسه كووووول .... بس في تصميم مثل هذا ( Keep Smiling ) ما أعتقد إنه هذي الخلفية مناسبة ... لكن حطي في بالك إنه اللون مناسب ... ( اللون الوردي ) .... لكن ... لكن .. لكن .... حاولي إنك ما تحطي الألوان القوية مع بعضها عشان لا تعمي المشاهد ... وأعتقد إنه هذي من أساسيات التصميم ...

ثالثاً: بالنسبة للـ Pattern ... مناسب نوعا ما .... وما عليه حاجة ...

رابعاً: نيجي للخط وما أدراكِ ما الخط .... جدا جدا جدا جدا سيء ... وما في شي واضح إنك تعبتِ فيها ... مجرد خط واحد كتبتِ فيها كل الكلام .... وغير كذا ... ليش اللون الأسود ...؟؟؟ يعني ما حصلتي غير الأسود ؟؟؟؟ وكمان مع إيش ؟؟؟ مع وردي وأحمر والألوان هذي ... راجعي الكلام وحاولي تعدلين المرة الجاية ...

خامساً: بالنسبة لكلمة ( Keep Smiling ) .... حلو ... بس مكانه ما هو مناسب ... لو رفعتيه إلى ما تحت الوسط كان أفضل .. وغير كذا ... ما حطيتي غير مؤثر واحد عليه ... اللي هو الـ Outer Glow .... حتى ما فكرتي تعدلين على الحركة .... بس حطيتي صح على التأثير وبعدين موافق .... يعني ما استفدنا حاجة ....

سادساً: هذا طلب مني ... أرجوا تعلميني عليها .... كيف سويتي حدود التصميم لأني تعقدت وأنا أحاول فيها لأني معجب بهذي الحركة وما ني عارف أسويها ... لو تلاحظين تصاميمي ما تحصلينها زي كذا ... أبغاكي تعلميني عليها ... وأكون شاكرة ليكي ...

-----------------------------

هذا اللي عندي .. وأشكرك على محاولتك في استخراج طاقاتك وأتمنى لك مزيد من الإبداع ... ولا تترددي في أي سؤال تحتاجينه .... أو نقد في المرات الجاية على تصاميمك ...

أخوكِ من فضاء الإبداع
CrEaTiVe