يسعدني اني ساعدتك ^^

اقتباس المشاركة الأصلية كتبت بواسطة One Pieceّ مشاهدة المشاركة
السلام عليكم ورحمة الله وبركاته
كيف الحال ؟

في الحقيقة أعاني من مشكلة .. أعتقد أنها نفسيه ..
وهي التأتأه كلامي يكون مخربط وياخذ وقت طويل بسبب التأتأه
حتى النكت اللي اقولها مثلاً ماتظحك بسببها - مشكله عويصه -
وفي دراستي .. في تسميع القران والنصوص والخ من مواد الحفظ
اخذ درجات متدنيه بسبب عدم مقدرتي على التسميع بشكل جيد !!!!
بسبب التأتأه .. أرجوا حل مشكلتي لانها معقدتني صراحه

مشكلة ثانيه

مثلا انا اشتريت ثوب جديد وعجبني جدا واشوفه حلو
لكن بعد مايجيني اخوي الكبير - اثق فيه واخذ رايه في اغلب الاشياء واخذ مشورته خصوصا في امور الملابس والكشخه وكذا -
يقولي - وش هالثوب البايخ ؟؟ من اي بقاله شاريه ؟؟؟ -
اتحطم واكره الثوب .. مو بس مع اخوي مع بعض الاصدقاء بعد

يعطيكم العافية
وعليكم السلام ورحمة الله وبركاته

بخير الحمدلله

بالنسبة للمشكلة الاولى

انا ما عندي وايد في الطب

بس مرة شفت في برنامج مال طب وهالاشياء

قالوا ان النطق تتحكم فيه منطقة في المخ وهذي المنطقة عند اللي يتاتاون ما تعرف متى تخرج الكلام

انصحك بان تستشير دكتور افضل لك

وبالنسبة للمشكلة الثانية

اظن ان ثقتك بنفسك ضعيفة شوية

حاول انك تثق بنفسك دائما

ولا تخلي اراء الاخرين تاثر فيك

لو انت مقتنع بشي سويه او اشتريه

ولو السالفة على سالفة ذوق فالاذواق مختلفة

بس حاول انك تطلع تتسوق معاهم عشان تشوف اذا فيه فرق بين ذوق اخوك واذواق رفجانك

اتمنى اني ساعدتك

في امان الله^^