اقتباس المشاركة الأصلية كتبت بواسطة Do Ri Me مشاهدة المشاركة
السلام عليكم و رحمة الله تعالى و بركاته


كيف حال الجميع و الاجااازة >>> ههه ناس مأجزة و ناس ...
اممم ما علينا أتمنى تكون اجازة سعيد للكل

احترت كتير بالقصة هاي و ماني عارفة شو الحل فيها لحتى الان
باختصار انا طالبة جامعية و عندي صديقتين هم روحي لمدة 12 سنة كنا مع بعض ( لا زلنا اصدقاء لكن لا نرى بعضنا بسبب الدراسة المختلفة عن بعض )و افترقنا في نوعية الجامعة لذلك كل واحدة راحت عـ جامعة تناسبها و تناسب معتقداتها
المهم اصفينا لوحدنا ... لاني دخلت جامعة اسلامية ... بالرغم من تكاليفها الا انو معظم زميلاتي بالمدرسة التحقوا الها كمان
لزلك ما كان ف اي صعوبة الاقي رفيقة هناك و فعلا اصفيت مع بنتين واحدة بنفس تخصصي زميلة محببة الى قلبي كتير كتير
و التانية رفيقتي بنفس المقعد الخشبي طيلة الثانوية و دخلت كلية العلوم ...
الحديث كله عن هاي البنت من كلية العلوم ... انا بحبها كتير و اتمنالها كل الخير و التوفيق من قلبي
لكن هي اتعرفت عـ زميلات ( صحبات الان ) من تخصصها و هن ما يعجبوني ابدا ... تصرفاتهم سيئة جدا بتبدا من التحايل ع الحارسات في مدخل الجامعة ع قضية الميك اب ( المكياج عندنا ممنوع و كمان اي لبس غير الجلباب ممنوع ) و بتنتهي بالتسرب عن المحاضرات و التسكع ف الاسواق ...
ما تخيلت ف يوم من الايام تنزل للمستوى ده
تسرب عن محاضرات التجوال في مربع الجامعات ( منطقة غرب غزة بتقبع فيها الجامعات الرئيسة ) و اخر شي تعرج عـ الاسواق اللي جمب الجامعة كمان و الكحل ما تفارق العيون و طبعا العباية لازم تكون مكسمة و الا الشغل ما ينفع بتاتا ...
مع الاسف مستواها التعليمي نزل و ما عادت تعرف شي اسمو امتياز
حاولت انصحها كتير انا و صحبيتي ... لكن من دون اي شي ... تعرف انها غلطانة و تعترف لكن بتحكي ما بايدها
المشكلة معي وين بقى ؟؟
اه البروبيلم عـ راي مدرسينا الكرام .... انو كتير باكون معها ف ساعات الفراغ الجامعي و بيجوا صحباتها ( هم 2 و بيعرفوني و باعرفهم و علاقتنا ودية ... طبعا مجاملات مو اكتر ) واحدة منهن دايما غرتها طالعة و انا لساني بيزل كتير ف هاي المواقف و باحكيلها : شعراتك الناعمين من أدام مبنيين و هلأ بدنا نطلع من اجامعة ... ضبيهم أحسن ...و كمان الشال شفاف ... عيني عينك دينيك و رأبتك كلو مبين ...
لكن لا حياة لمن تنادي بتحكي اه باعرف و صحيتي بتكون حاضرة و بتضحك و بتحكي لا تحاولي معها انا يئست من هالشي ما بترد علي كمان
طب ... انا فـ مواقف متل هيك أختنق وش اسوي ... البنت مو راضية تضب شعرها بالزوء ها اخليها تضبو بالزور و الشال الي مو شال ... وش الحل فيه ؟
و اجمالا ... لما اكون معهم اكون شبه غير موجودة عم يتكلموا عن مواضيع محرجة و اخر موضة طالعة ... شباب المحلات صاروا صحبة و اياهم ووصلت انو واحد مس ايدينيها لصحبيتي
انا خلاص فأعت من هالشي
ما اتحمل يصير هيك ليها ،،، البنت بتعز علي كتير كتير
تعبت من كتر النصح فهل لي أن ابتعد و لو بهدوء و لا شو اعمل ؟؟
صرت اكره الجامعة و اللي فيها من ورا هالشغلة هاي !!!
حسبي الله و نعم الوكيل
و عليكم السلام و رحمة الله و بركاته
صراحة أختى أعتقد أن الأعضاء قامو بحل المشكلة و الحمد لله__^^
لكن أنا لى أضافة صغيرة لأن هذه المشكله حدثت معى اصلا,,و قد خسرت بعض الأصدقاء بسببها
كنت دائما أبحث عن الخطأ و لماذا لا يتقبلون النصح ثم قلت أغير طريقة كلامى>>طريقة كلامى كانت فظة جدا معهم
ثم حاولت مرة أخرى وجدتهم لا يستمعون بتاتا أخذت أبحث عن الحل كتير و سألت الكتير و فى الأَخر أكتشفت أن طبيعة الأنسان أصلا لا تتقبل النصيحة
فأنا أقول لكى جربى هذه الفكرة ..أهديها كتاب دينى مؤثر هى ممكن بالبداية لا تقرأه..لكن بعدها أن شاء الله تقرأه..و هذه النتيجة جربتها بنفسى مع حوالى أر بعة أشخاص و نجحت و الحمد لله
فى الأول ممكن تتعبى..لكن تذكرى قول الرسول صلى الله عليه و سلم(لئن يهدى بك الله رجلا واحدا خير من أن يكون لك حمر النعم)
تمنياتى لك بالتوفيق
حفظك االله
و السلام عليك