وعليكم السلام ورحمة الله وبركاته
أهلا أخوي بطوط..وشكراً على الموضوع الشيق
أما عن إجابات الأسئله:
أنت ضد أم مـع الفتاه تملك جوال في سن المراهقه؟
هيه نعم ضد..أحين بنت في المدرسه شو تبابه التلفون
إذا طلعت أكيد بتطلع وياأهلها..يعني أحسه ماله داعي
إلا إذا كانت عندها رحله مدرسيه خارج مدينتها..أو رايحه معهد
تنعطى تلفون عشان نطمن عليها وجييه

على فكره أخوي حتى الولد إلي بعمر أقل من 15 ماله خانه عنده التلفون
وحتى يوم ينعطى بعمر 15 تكون هناك شروط لازم ولي الأمل يتخذها

أنت ضد أم مـع البلوتوث ؟
ضد ومع..البلوتوث له سلبيات وإيجابيات
يعني بسهوله تقدر اطرش ملفات بلا وسايط ولاخرابيط تتريا الملف بعد يوم كامل
وطبعاً توفير بيزات خخخخخخ
أما من جهه ثانيه في ناس ماتخاف الله وتستخدم البلوتوث بأشياء تضر ناس ثانيين
الله يهديهم بس

انت ضد أم مع الفتاه تملك جوال فيه بلوتوث؟
عادي مب مشكله..أنا علمت وفهمت وبينت الصح من الغلط والباقي على البنت إلي إهي بتستخدمه في الزين أو الشين
وهذا أحد الأضرار إلي تستوي يوم تنعطى بنت مراهقه موبايل..يعني داخله على شي يديد وفي خاطرها اتيرب كل شي فيه
وفي مقوله اتقول كل ممنوع مرغوب

وشنو رأيك بمواقع الشات ؟
بسبب الفضول دشيت الشات 3 مرات ورا بعض بس وأبد ماأفكرأني أدشه
لأن اكتشف انه تفاهه في تفاهه
..ماله معنى أبداً..
وكله جذب في جذب
نادر يكون أحد فيه صادق
وما يدخله إلا ...............

وشنو فائده المسنجر بنظرك ؟
بالنسبه لي فايدة المسن أني أكلم ربيعاتي وقت الإجازات..وبواسطته ماننقطع عن بعض
وكوني طالبه في الجامعه يفيدني في البروجكتات والواجبات بيني وبين ربايعي أو زميلاتي
وأفضل أني اعطي بنت توني متعرفه عليها أيميلي بدال رقم موبايلي