ঔღঔ ..ঔღঔ حملــة علشــــان ربنـــا يحبــــــكـ ঔღঔ...ঔღঔ ا

[@@Ten Ten@@]

أغانى .. أغانى .. أغاني .. أغاني
أغاني ياباشا ... أغاني يا أستاذة ... أغاني ياعم الحج ... أغاني يابني
تعالى واسمع ... أغاني ببلاش
بقولك ببلاش ... مفيش حد هيدفعك حاجة



أغانى فى الشارع .. أغانى فى العربية.. اغانى فى الجامعة .. والميكروباصات
حتى في غرفة نومك بتوصلك الأغاني سواء بمزاجك ولا غصب عنك
وكمان فى كل المناسبات أغاني
و لكل مناسبة أغنية
وأنت زعلان ليك أغنية .. وأنت فرحان ليك أغنية .. لما تنجح ليك أغنية
لما تتجوز بردوا ليك أغنية
الأغـــاني في كل مكان
وفي كل المناسبـــات



وصدق فينا قول رسول الله صلى الله عليه وسلم
أمة آخر الزمان
قال صلى الله عليه وسلم : " سيكون في آخر الزمان خسف وقذف ومسخٌ " . قيل : متى ذلك يا رسول الله ؟ قال :" إذا ظهرَت المعازف والقَيناتُ " رواه ابن ماجة والطبراني



(لَيَكُونَنَّ مِنْ أُمَّتِي أَقْوَامٌ يَسْتَحِلُّونَ الْحِرَ وَالْحَرِيرَ وَالْخَمْرَ وَالْمَعَازِفَ ) "صحيح البخارى"
معنى كده انها حرام وهيجى زمن الناس هتستحل الغناء
وفى زماننا ده
أبيح الغناء وعلا وعلا وقوي صوته
ظهرت الأغاني فى كل مكان
..انتشــــــــــرت ..
لالالالالالالا
طغيت فى الظهــــــــور
وبقينا من أمة آخر الزمن
وإنت السبب
لإنك لسه بتسمع اغانى ؟؟؟



انت لسه بتسمع اغانى ؟؟؟
بضيع نفسك في لهو الحديث
قال تعالى: { ومن الناس من يشتري لهو الحديث ليضل عن سبيل الله بغير علم ويتخذها هزوا أولئك لهم عذاب مهين } [سورة لقمان: 6]
سُأل ابن مسعود عن قوله تعالى: { ومن الناس من يشتري لهو الحديث } ، فقال: والله الذي لا إله غيره هو الغناء - يرددها ثلاث مرات -
يعني إنت بضيع نفسك على الفاضي في لهو



بتسمع أغاني لحد الأن
يبقى فيك الصفتين اللي فاتوا
من أمة آخر الزمان
وكمان بتسمع كلام فاضي " لهو الحديث "
ولسه صفات كتييير
قال ابن مسعود الغناء ينبت النفاق في القلب .
وزاد عليك كمان إنك هتبقى مناااافق




انت لسه بتسمع اغانى ؟؟؟
بعد كل الصفااات دي
لسه مصر انك تعصى ربنا
لسه مش عايز تتعظ والشباب بتموت على سوء الخاتمة بسبب الاغانى
لو لسه مش مقتنع كمل الموضوع
واقرأ القصة دي


في طريق الطائف " الرياض السريع "
حدثني أحد الشباب من الذين يعملون في القوات الجوية
قال رجعت يوم الأربعاء إلى الرياض وبينما في الطريق قبيل صلاة العصر
تحت حرارة الشمس إذا بسيارة من نوع أكورد
قد إنقلبت وهي وحيدة لا يمر عليها أحد
فوقفت أنا وصاحبي فلما نزلنا واقتربنا من السيارة
أصبحنا نقدم رجلنا ونؤخر الأخرى
إنتفضت قلوبنا من الخوف
فقلت له ياأبراهيم أكمل ما الذي حدث
قال لي والله الذي لا إله إلا هو
لقد انقلب وجه صاحب السيارة إلى اللون الأحمر
من كثرة الدم المتدفق عليه



فالتفت إلى صاحبي والتفت ألي
فقرئت ما في عينة وقرأ ما في عيني
أنه لا أحد سينقذ هذا بعد الله إلا نحن
فجذبناه من السيارة ووضعناه على التراب
فأخذت أضرب صدره بخفة ورقة
وهو يشهق
وأقول له بإعلى صوتي
ياالغالي قل لا إله إلا الله

وهذا يشهق

وأكرر قل لا إله إلا الله


تدري بماذا تكلم
ياليته سكت ولو ينطق بحرف
قال
العيون السود وشلون أملها
سحر ذوبني بغزلها
بوسة من خدك حبيبي


ثم شهق شهقة طويلة ثم ماااااااااااات


أبنااااء لا إله إلا الله يموتون على غير لا إله إلا الله


تحب تموت كده ؟؟
تحب تقابل ربك وإنت بتغني
وتبعث وأنت بتغني
ياااااااااااااه ياترى ربك ساعتها هيعمل معاك ايه
هيكون حسابك إزاي
فكر وأحسبها تحب تموت إزاي
على العيون السود
ولا على لا إله إلا الله


هتقولى انا بسمع الأغاني تفاريح بس مش اكتر
لكن مش بتاثر فيها زى ما إنت فاكر
بتسمعها تفاااريح
الواحد لما بيقعد يسمع حاجة كتييير ببيتعلق بيها
وبيرددها بدون وعي منه
وإنت بتسمع كلام حرام ... وبتردد كلام حرررام
والله أعلم لو أتى لك ملك الموت هتقول أيه
أكييييد هتقول اللي اتعودت تسمعه
هتقول اللي لسانك اتعود يردده


وبعدين من قال انك مش بتتاثر بالاغانى
أبن مـسعــــود رضى الله عنـه
بيقول

"الـغنــاء ينـبت الـنفــاق فى الـقلـب كمـا ينـبت المـاء العـشب"
يعنى انت بتتاثر بيها وبتاثر فى قلبك وبـتنبت فى قلبك النفاق وإنت مش حاسس
شوفت بقى الاغانى عملت إيه فى قلبك وانت غافل
شفت انك لو استمريت كده والعياذ بالله تبقى من المنافقين وقلبك يموت
هل تحب تموت قلبك بايدك



هتقولى متفتكرش إنى بعيد عن ربنا أنا برضه بقرا قرآن وعارف ربنا
هقولك كلام ابن القيم رحمه الله
حب القرآن وحب الغناء فى قلب العبد ليس يجتمعان

ولو فعلا القرآن أثر فى قلبك لأزال من القلب الغناء
إسال نفسك السؤال ده
أنا ممكن اقعد ساعات اسمع اغانى
لكن فى الوقت نفسه صعب أوى على نفسى
أقعد نص ساعة بس أتدبر ايات الرحمن

ايه السبب ؟؟
اقولك ايه السبب
قال تعالى
( وزين لهم الشيطان أعمالهم )
الشيطان شغال كويس معاك
يزين الحرام ..ويحليه فى عينك ..ويخليك تستمتع باللى حرمه ربنا
ده سر حبك للاغانى
فوالله هذا خداع من عدوكم
فوالله الاغانى تضيق الصدر وهى سبب رئيسى فى الملل والزهق والهم
وحياة ضنك
لأنها إعراض عن ذكر الله ..
فقد قال الله (( وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى )) .
الأغاني حقيقتها أنها حسرة وألم وإن كانت هناك نشوة فإنها نشوة مزيفة من فعل الشيطان ....
وبعدين هتزول النشوة والمتعة الزائفة وهيبقى الذنب فى صحيفة الاعمال


عارف انك بتجاهر ربنا بالمعاصى
والرسول قال قال النبي صلى الله عليه وسلم
(( كل أمتي معافى إلا المجاهرين ))
والاغانى بقيت منتشرة أوى والكل بيسمعها فى كل مكان
وساعات بنعلي صوتها على الآخر
و مش حاسين إننا بنعصي ربنا



وبعدين الفلوس اللى بتشترى بيها شرايط فنانك المفضل هتتحاسب عليها
وعلى وقتك اللى بتقضيه فى السماع
للدرجة دى الاغانى بتخدر وتذهب العقل ؟؟!
اقف كده مع نفسك وتخيل ان ملك الموت جاى يقبض روحك
يا ترى تحب يقبض روحك وإنت بتسمع اغانى ...
ولا وإنت بتسمع قرآن
حكم عقلك ومتضيعش نفسك
نجاتك فى سماعك لكلام الرحمن
مش فى مزمار الشيطان


وميعااااد الهدايـــا الآن

محاضرة: حكم الغناء والموسيقى.. للشيخ أبي إسحاق الحويني



محاضرة: أفي تحريم الغناء شكّ ؟ للشيخ محمد صالح المنجد



محاضرة: حكم الغناء.. للشيخ محمد حسين يعقوب



محاضرة: الأغاني.. للشيخ وجدي غنيم

[@@Ten Ten@@]

وانتظرونا مع قصة بتحصل كل يوم

[@@Ten Ten@@]

[@@Ten Ten@@]

قصتنا اليوم بين حافظ وعمورة
يلا نبدء القصة



حافظ بعد طول عناء في المواصلات أخيرا وصل الجامعة
ومن بعيد شاف صاحبنا عمورة قال لما أروح أسلم عليه


حافظ :: السلام عليكم ورحمة الله وبركاته
صاحبنا عمورة مبيردش
حافظ يكرر السلام
ويكرر

00
00
00
بيكرر السلام تاني

يااااااااااااااااااااا
ياااااااااااااااااااااااا عمورة
أزيك يابني
ياعمورة


حافظ هو فيه أيه دا مش سامعني أصلا
وحافظ يركز شوية يلاقي صاحبنا عمورة وسماعات الجوال في ودانه
وعالية على الآخر
وأخينا مش سامع أصلا
حافظ راح زاقق عمورة في كتفة
وقال أنا هنا يابني ... أنا هنا ياااااهو


وأخيرااااااااااا عمورة أخد باله
عمورة :: أزيك ياحافظ أقعد يابني معلش مكنتش سامعك خالص
حافظ :: ليه يابني دا كله أنت بتسمع أيه
عمورة :: معقووووولة إنت بتسأل متعرفش يعني
حافظ :: لا يابني فيه أيه !!!!!
عمورة:: طيب بص هناك شايف تمورة هناك السمعات في ودانة ومديها سمااااع
وكمان بص هنااااك بعيد هشومة هناك أهوا كمان بيسمع
الناس كلها بتسمع النهاردة يابني وانت مش معانا


حافظ :: بتسمعوا أيه بقى ؟؟
عمورة :: هقولك ما أنت شكلك جاي من كوكب تاني
النهاردة ياسيدي وبعد طول انتظار نزل ألبوم عمورة الجديد
حافظ :: عمورة مين ؟؟
عمورة :: أوعى تكون فاكرني أنا
لا يابني
دا شريط عمرو دياب الجديد
نزل ومكسر الدنيا
حافظ :: أكيد طبعا يابني هيكسر الدنيا هي الأغاني هتيجي من وراها صلاح وخير أبدا



عمورة ::إنت جاي تسمعنا كلمتين ولا أيه ؟؟
حافظ :: بص يابني خلينا نتكلم بالعقل
الأغاني دي بتأمرك بخير
طيب بتقولك ايه ؟؟
عمورة :: أنا مش فاهم حاجة !!
حافظ :: يعني الشريط بتاعك دا
فيه أغنية بتقولك يلا قوم صلي الظهر اللي فات منك وانت قاعد تسمع وضيعت الصلاة



يابني كل كلام الإغاني تافه ومبيجيش من وراه إلا الشر
عمورة :: ياعم أهو تمضية وقت وخمسة فرفشة من الزهق دا
حافظ :: بص ياعمورة أنت عارف إنت بتسمع صوت مين ؟؟
عمورة :: آآآه طبعا ما أنا قولتلك دا شريط عمورة الجديد
حافظ :: لا دا مش صوت عمرو ولا حاجة
عمورة :: ياسلام أومال صوت مين بقى
إنت مركز ياحافظ ولا ...
حافظ :: آه طبعا أنا مركز جدااااا
ركز إنت بقى وخليك معايا


قال الله تعالى مخاطبا أبليس
"" وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ ""
إنت عارف أيه معنى وَاسْتَفْزِزْ
(وَاسْتَفْزِزْ) استخف
يعني أبليس بيستخف بيك إنت ياعمورة
عمورة :: بيستخف بي أنا ليه ياعم هو أنا عملت أيه !!!!!
حافظ:: كمل معنى بقية الأية وأنت تعرف
(مَنِ اسْتَطَعْتَ مِنْهُمْ بِصَوْتِكَ) بدعائك بالغناء والمزامير وكل داع إلى المعصية
يعني هو بيستخف بيك ياعمورة بصوته صوت الشيطان اللي بيتمثلك في الأغاني اللي بتدعوا للرزيلة


وبيضحك عليك ويسمعك الموسيقى بتاعته
عمورة :: الموسيقى بتاعته هو الشيطان ليه موسيقى كمان ؟!!
حافظ :: أيوه يابني الصحابة كانوا بيبقولوا على الغناء مزماااار الشيطاااان
يعني بيسمعك صوته وموسيقى على مزاجه هو
مزاج الشيطان يا عمورة
مش بيسمعك كلام الله وحكمه
عمورة ::: يااااااه مكنتش فاكرها كدا خااااالص بسمع للشيطااااان


حافظ :: بص ياعمورة أنا كنت زماان سميع أغاني جاامد
عمورة ::: معقولة إنت ياحافظ !!!
حافظ ::: أيوه وربنا هداني وبطلتها لما عرفت حكمها يابني وهي اللي بتدعي إلى كل رزيلة فبطلتها
إنت عارف الوقتي مش بطيق اسمع صوت أغنية
بحس إني بسمع مكهرب ومتوصلش بفيشة 220 فولت
ومبطقيش أسمعها
يابني الحرام بيظهر ويبان
عمورة :: عندك حق يابني
ربنا يتوب علي ويغفر لي
وخلاص أوعدك إني هبطل لا هسمع عمورة ولا تمورة كمان


عمورة :: خلاص كفاية كدا
كفاية الشيطان بيستخف بيا الفترة دي كلها
لازم أنا بقى أتغلب عليه وأقهره
ومخليش ليه علي سلطان
حافظ :: ربنا يوفقك ياعمورة ويثبتك
















وبعد كااااام يوووووم











حافظ :: أما أكلم عمورة على التليفون وأطمن عليه
حافظ بيتصل على عمورة ومحدش بيرد
بعد شوية عمورة أتصل على حافظ
حافظ بيرد:: السلام عليكم ورحمة الله وبركاته
عمرو:: وعليكم السلام ورحمة الله وبركاته
حافظ :: إزيك ياعمورة أتصلت بيك مرديتش كنت فين يابني ؟؟
عمرو ::: أولا متقوليش عمورة أنا خلاص اسمي عمرو وبس
وبعدين انا كنت في الجامع
حافظ:: بس دا مش وقت صلاة
الصلاة خلصت من زمان
عمرو:: أنا مكنتش في الصلاة
أنا كنت في المقرأة بحفظ قرآن
حافظ :: ما شاء الله ربنا يثبتك ووتحفظه كله
عمرو :: اللهم آآآمين واياك ياحافظ

وشووووية والمكالمة خلصت



وعمرو بيفكر مع نفسه وبيقول
سبحانه الله تركت مزمار وصوت الشيطان
وفقني الله لحفظ كتابة
ما ترك العبد معصية إلا قربه الله إليه



انتهى

[أنا وأختي]

أنا كمان نفسي أصير صاحبتك
هههههههه

لك شو حلوة إنتي ^^


حبيت أرفع الموضوع
ايه..وبس كده كفاية

شكرًا للمرة الألف وما زلنا بالانتظار

[@@Ten Ten@@]

أنا كمان نفسي أصير صاحبتك
هههههههه

لك شو حلوة إنتي ^^


حبيت أرفع الموضوع
ايه..وبس كده كفاية

شكرًا للمرة الألف وما زلنا بالانتظار

مااااااااشى
موافقة ^_^هههههه

جزاك الله الجنة ^_^

[@@Ten Ten@@]

رمضان ..... رمضان ..... رمضان
رمضان السنة دي مليان .. مفاجأت
أفلام ... مسرحيات ... أغاني ... ومسلسلات ومش لأي حد
لا دول نجوم رمضان
النجوم الكبار اللي بيختفوا طول العام ويظهروا مع الهلال



ومتخفش على جدولك في رمضان كل شيء معمول ليه حساب
وتمام التمام
ومادام وزارة الإعلام هي إللي عاملة جدول رمضان يبقى ليه تنام حيران
وتفكر في إزاي هتقضي رمضان



متخفش الوزارة مكدبتش خبر وفي رمضان كل جديد ومش لازم يفيد
المهم اليوم يعدي والهلال يغيب
وشعارهم أكيد هيغيروه في رمضان
مش هيبقى " مش هتقدر تغمض عنيك "
لا شعار التلفزيون في رمضان
" مش هتقدر تصلي القيام ولا هتقدر تقرأ قرآن
أصل الفطار تقيل وأكيد إنت تعبان "



كام رمضان فات من عمرك وأنت بالحالة دي
وانت ماشي وراء خطط ألف ليلة وليلة ومسلسل للبطل الهمام
اللي كسر كل قواعد الأخلاق



وفي غير رمضان لسه السؤال
إنت عدى من عمرك كام يوم ؟ كام أسبوع ؟ كام شهر ؟؟
كااااام عاااااام ؟
كام خطوة مشيتها وأنت رايح الجامعة وراجع البيت
ولا خارج مع أصحابك
ولم يكتب لك حسنة
لا ويمكن كمان مشيتها وأنت عارف إن أخرتها سيئات
المهم احنا مش هنتكلم عن السيئات
لا احنا عايزين نتكلم أزاي نمحي السيئات دي
عايزين نعرف إزاي نمحي خطوة مشيناها غلط
نمحيها بألف شهر من الخطوات الصح
ألف شهر خطوات صح أزااااااااي ؟؟
متستعجلش وكمل
كل الخيرات دي في رمضـــان



الأول نشوف أخطائك في رمضان علشان نعمل لها حساب ونعد المرة دي لرمضان علشان ميرحش منا زي زمان
نقول بسم الله ونبدأ
1- الغفلة عن النية وعدم احتساب الأجر::


السؤال هنا ؟
إنت بتصوم ليه ؟!!
أوعى تكون بتصوم علشان لازم تصوم
ماهو رمضان الواحد لازم يصومه بس نيتك أيه.؟؟
أوعى يكون صيامك لرمضان عادة إنت ورثتها بس
لا رمضان نيتك فيه لازم تكون أكبر من كدا بكتير


أنا بصوم علشانك يارب
أنا تركت الطعام والشراب وابتعدت عن الشهوات ليك إنت بس يارب
يارب عرفت قولك
( كل عمل ابن آدم له إلا الصيام . فإنه لي وأنا أجزي به .)

فنيتي كلها إني أطيعك
أمنيتي إنك تقبل صومي علشان تجزيني به
وجزائك أنت يارب لا يساويه جزاء
أكيد هتعاملني بما أنت أهله
هتعاملني بكرمك وجودك
وهيكون جزائي بإذن الله
ما لا عين رأت ولا آذن سمعت ولا خطر على قلب بشر



يارب علمت قول رسولك الكريم


( والذي نفس محمد بيده . لخلوف فم الصائم أطيب عند الله ، يوم القيامة ، من ريح المسك .)
فبصوم علشان نفسي أنال هذا الشرف فلا تحرمني منه بكرمك يارب
هنا في الدنيا الناس ممكن تتأذى من فم الصائم
لكن عندك يارب الجزاء مسك


يارب عرفت إن
( للصائم فرحتان يفرحهما : إذا أفطر فرح بفطره . وإذا لقي ربه فرح بصومه ) متفق عليه
وبصوم علشان يوم لقائك يارب أفرح بما أعدته لي
أفرح بالجنان والعيون
أفرح بالبشر والسرور
هصــــوم علشانك يارب


يارب أعلم أنه لن يضرك ولن ينفعك صيامي
لكني هصوم طاعة لأمرك ... هصوم حبا في عبادتك
هصوم طمعا في ما عندك
فلا تحرمني ما عندك ياااارب

[@@Ten Ten@@]

والآن ميعاد الهدايااااا








كيف حال الشوق لرمضان في قلوبكم؟

هذه هي " دورة المشتاقين إلى رمضان"

نهيئ بها القلوب .. ونهيئ بها الأحوال ..
لكي .. نشتاقَ لرمضان ..
فكثيراً ما يمر معنا رجب وشعبان .. وينفلتان من بين أيدينا ..
ويضيع منا رمضان ..كله ، أو نصفه ، أو أقل ..
فكان لا بُدَّ لنا أن نكون معاً منذ بداية شهر شعبان
للتدريب على الأشواق الرمضانية
||.^.|| دورة المشتاقين لرمضان ||.^.||
لفضيلة الشيخ /محمد حسين يعقوب - حفظه الله - .
<< السلسلة متجددة على موقع الطريق إلى الله>> بإذن الله تعالى .. فتابعونا
لمشاهدة أو استماع أو تحميل دروس السلسلة:

اضغط هنــــا






الواجب على العاقل عندما يبدأ في موسم خيراً
أن يتقفََّ آثار النبي صلى الله عليه وسلم...
وعندما نريد أن نستعرض حياة النبي صلى الله عليه وسلم
في رمضـــان فهي مــراحل كثيرة وأحوال عديدة...
وكلها تستدعي التوقف وإمعان النظر ومحاولة الاقتداء والتتبع
وهو جدير بهذا صلى الله عليه وسلم...
ونحن مأمورون بهذا...
ليس من باب التفضل منا أن نتبِع آثاره-صلى الله عليه وسلم-
بل هو فرض أوجبه الله تعالى علينا...
فمن لم يتبع النبي - صلى الله عليه وسلم- ولم يتبع هداه
فهو ضال مضل لا محالة
درس بعنوان :: رسول الله –صلى الله عليه وسلم- في رمضان ::
للشيخ/ مازن السرساوي


للمشاهدة أو للإستماع أو التحميل
اضغط هنا






"اللهم سلمنا إلى رمضان وسلم لنا رمضان وتسلمه مِنا مُتقبلا"



اليوم نريد أن نتفق على الخطة الإيمانية التي سنسير عليها خلال رمضان بإذن الله...

ونبدأ بدعاء رمضان ..و ما هو دعاء رمضان؟
لكي يكون رمضانُ مختلفاً في حياتنا ندعوا الله كثيرا أن يتنزل علينا بالرحمات :

"وأسألك موجبات رحمتك"...

احذر ذنباً يقطع الصلة بينك وبين الله !

إياك أن تضيع فرصة العتق!

فرصة العتق والمغفرة لن تتكرر فمتى ستتوب إن ضاع رمضان؟ !

درس/خريطة رمضان
للشيخ/هاني حلمي
للتحميل أو الاستماع أوالمشاهدة

اضغط هنا





شهر رمضان جعل الله له


من الخصائصِ والرحماتِ والبركاتِ

والمزايا والمناقبِ والفضائلِ ما ليس لغيره على الإطلاق
وأشرف منقبة لهذا الشهر أن الله جلا وعلا قد أنزل فيه القرآن
على قلب النبي -عليه الصلاة والسلام -
قال تعالى ( شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ )
وأودع الله هذا الشهر ليلة هي في ميزان الليالي والشهور والأيام
خيـــر من ألف شهر
خطبة جمعة بعنوان :: بين يدي رمضــــان ::
لفضيلة الشيخ / محمد حســان - حفظه الله -
للمشاهده أو الإستماع أو التحميل

اضغط هنا








كلها أيام قلائل ... ونستقبل شهر الغنائم



اقتـــــرب الوعـــد الحـــق

باقي من الزمن أيام قليلة على استقبال رمضان
ونحن نحتاج إلى أن نستعد
:: لابد من عدة إيمانية ::
لا يصلح أن تستقبل رمضان وأنت غافل وأنت لا تعرف أهمية رمضان
رمضان الفرصة
رمضان فرصة لمسح الصحائف السود
كل ما اقترفت اليد من ذنوب ومعاصي
فرصتك في رمضان أن تمحى هذه الصحائف

درس للشيخ / هاني حلمي

بعنوان :: لماذا رمضان؟ ::

للمشاهدة أو الاستماع أو التحميل

اضغط هنا










بيننا وبين رمضان أيام قلائل


وها هو شهر الخير وشهر البركة وشهر الرحمة يقترب منا رويداً رويداً

تعالى يا حبيبنا يا رمضان
واقترب

فنحن نحترق لك شوقا ولا نفارقك إلا كمدا وحزنا

نتمنى أن لو كانت الأعمار كلها رمضان
كيف نستقبل رمضان ؟؟؟


لفضيلة الشيخ : مسعد أنور

للاستماع المباشر أو التحميل
أضغط هنا

[@@Ten Ten@@]

من أخطائنا في رمضان

2- إضــاعة الوقت الثمين في الغث الرديء ::-

أولا :: الإستيقاظ في وقت متأخر ::

رمضان السنة دي في الإجازة يعني لا فيه جامعة هصحى لها بدري ولا مذاكره شاغل نفسي بيها

فهنام براحتي وأصحى براحتي

وهتلاقي دائما اللي ماشي في السكة دي

بينام بعد الفجر وبيصحى قرب العصر

يعني اليوم ضاع

والصيام بقى 3 أو 4 ساعات يادوب من العصر للمغرب

فين هنا الصيام ؟!!!

ضيعت من بين أديك كنز ثمين

ضيعت من إيديك أوقات من ماس وليست من ذهب

دا وقت إنت صايم فيه

وقت قريب فيه من الله

وأنت صائم دعائك مستجاب

فين قراءتك لكتاب الله

فين صلاتك في وقتها والنوافل

فين تسبيحك واستغفارك

ضيعت وقتك في النوم

ما أحنا بناااام كتيييييير

ما نخلي الشهر دا النوم فيه يادوب للتقوي على العبادة

يعني اللي يكفيني فقط مش لازم أزود في النوم بحجة إن أنا صايم وتعبان

دا الصيام نشاط وعبادة

فين عبادتك وإنت طول النهار نااايم

فين حسناتك اللي المفروض تكون شغالة وعداد حسناتك بيعد

بالله عليك هيعد حسنات وإنت نايم طول الصيام

يـــلا وقفة عيد فيها حساباتك وركز وأفهم مهماتك في الشهر الكريم

مهماتك في شهر الخير

واجباتك في الشهر اللي بييجي في السنة مرة واحده بس

عيد حسباتك وشوف في الليلة اللي خير من ألف شهر هتيجي عليك وإنت فين

أهي هي دي الليلة اللي الخطوة فيها بإلف شهر خطوات

أحسبها خطوة إنت مشيتها للمسجد علشان تصلي القيام

خطوة واحده هتساوي ألف خطوة إنت مشيتها في طلب سيئات

خطوة في ليلة الخير في شهر الخير هتمحي لك بإذن الله خطوات مشيتها غلط

2- المسلسلات وما أدراك ما المسلسلات ::-

المسلسلات مسح للعقول تضييع للإحساس

بيعيشك في عالم من قصة يا ترى من تأليف مين ؟؟

إنت عارف مين اللي بيألفها ؟؟!!

مييييين!!!!!!

الشيخ أبو إسحاق الحويني ولا الشيخ محمد حسان هو اللي كاتب القصة

لا والله لو ألفها شيخانا الفاضلان لكنا كلنا فتحنا التلفزيون وقعدنا نتفرج على القصص الربانية اللي هتعلمنا أمور دينا وواجباتنا وعبادتنا

لكن مين اللي بيألفها

بيألفها ناس عايزينك دائما مغيب عن الدور الأساسي ليك

ناس مش هيقولوك دا رمضان قوم صلي القيام ولا أقرأ قرآن

لا مش هيأمروك بكدا والغريب كمان إنهم هيأثروا على إحساسك وإنتباهك طول اليوم

إحساسي إنتبهاي !!! إزاي ؟

أنا هقولك

لما إنت بتخلص فطار وتخلص الفوازير وتقعد تسلم نفسك لمسلسل وراء مسلسل

ركز معايا وشوف إحساسك هيروح فين

أول مسلسل
وقصة الحب اللي في الجامعة بين البطلة الماسية والنجم الفضي

اللي الجامعة كلها بتتكلم عليهم وأخيرا وبعد سنين الجامعة أبو البطلة الماسية وافق على خطوبتهم وشعور سيادتك بالفرحه وإنت عايش معاهم قصتهم المحرمة

وخلاص البطل هيلبسها دبلة الخطوبة تلاقي تترر النهاية نزل

واستنى بقى للحلقة الجاية وتقعد بقى يامسكين تفكر ياترى أيه اللي هيحصل

وبعدين متلحقش تفكر تلاقي المسلسل التاني بدء تقعد تتفرج وبعدين البطلة اللي عاشت المأسي والويلات زوجها ظلمها وهي بتبكي وإنت يامسكين قاعد تبكي معاها

ياعيني شوف الدموع بتطلع الوقتي لكن على دماء المسلمين دمعتين بس كافيين ونحوش الباقي للمواقف الصعبة دي

ومرة واحده تلاقي الحلقة خلصت وبدأ الكوميدي بقى

وتلاقي نفسك قاعد تضحك على الهايفة وأمامك نجم الكوميديا اللامع اللي لا تعرف له إلى أي دين ينتمي مش مهم اللي في البطاقة المهم هو مين ودينه أيه

المهم شوفت إنت في ثلاث حلقات بس

إتبسط وسعيد لخطوبة الماسية والفضي

شوية لقيت نفسك بتعيط مع البطلة المأساويه

خمسه لقيت نفسك ميت على نفسك من الضحك مع مهلبية الكوميديه

من سعادة لبكاء لموت من الضحك

هسألك سؤال إنت حاسس بأيه

إنت مين في وسط دول

فين إهتماماتك وشعورك إنت

إنت سعيد ولا بتبكي ولا دافن نفسك معاهم علشان تهرب من دورك

لا في رمضان لازم تصحى وتركز وتعرف أيه المطلوب منك

يــلا جدد نواياك من الآن

يـــلا شد الهمة وقول بأعلى صـوتك

لن يسبقني إلى الله أحد

يلا وإنت قاعد الآن أرفع إيديك وقول

يارب أنا راجع لك يارب

أنا نفسي يارب رمضان دا يكون نقطة تحول في حياتي

نفسي يكون رمضان دا النقطة الفاصلة للطريق إللي أنا ماشي فيه

نفسي رمضان دا يكون غير أي رمضان عدى في حياتي

يارب تقبله مني وأعني وأبعدني عن ما يغضبك

من مسلسلات ولهو محرم في شهرك الطيب وكل الشهور

يارب طرقت بابك بصدق فاقبلني

وكن واثق في ربك إنه عمرك ما هيخذلك
لو إنت صادق في توبتك
مش رمضان ووبعد كدا نقلب
رب رمضان رب باقي الشهور

بالله عليك وقفة مع نفسك وأوعى رمضان دا يعدي من بين أديك
أوعى تفرط في وقتك ويضيع منك
مش هقولك فيما يغضب الله
لا أوعى تعدي ثانية واحده فيه من غير حسنات
إنت خلاص فهمت ووعيت وقادر تقول للغلط
لالالالالالالالالالالالالا
ولما يرضي الله
نعم نعم تعاااااااااالى

[ح ـلآ]

يسلموووووووووووووو

[سوده موده]

جزاكـ الله خير الموضوع جداا رائع تقبلي مروري وكل رمضان وانتم بخير

[المهاااااجر]

شكراً
وبارك الله فيكي
اخوكي
المهاااااجر

[المهاااااجر]

شكررررررررررررررررررررررررررررررررراً
لك اخي
اخوك
المهاااااجر

[Coby Ninja]

شكرا
على هذا
الموضوع
الرائع

سنعيش رمضان كما لم نعشه من قبل فى قرب الله

[سلينا]

[fruit]

موضوع لذيذ ألذ من الفواكه

[معتزة بديني]

بارك الله فيكى
وجزاكى اله خيرا