(أعتذر لتأخيير)

هذه المجموعة الثالثة من الخوااطر و الأشعار ...



أتنمنى انكم تستمتعون فيها...



نبدء:بالخواطر و الأشعار


هذه القصيدة إهداء خااص لكل بنوتة تحب أبوها

×

××

)( يآبوي)( جعلك للبقا والمكاسيب....عمري بدونك يالذ ّرا ويـش أبـي بـه

)( يآبوي)( تسأل عن شفاك المراقيب....طلعـة سواتـك للنّوايـف غريبـه

ليه المرض مايعرف الزّين والعيب؟....مايدري انك للمخاليق هيبـه !!

أبسألك وش به غزا وجهك الشيب....والقلب لايـع والنواظـر شحيبـه

وش بك تحاتي لانوى الموت تغريب.....تخشى علينا بالليّالـي الكئيبـه

خذ دلّتك واركى على مسند الجيب.....وعطني شماغك بلثمه وأحتمي به

ونروّح لأرض ٍ بها العشب والطيب....وتسمع كلام ٍ يالغلا تحتفـي بـه

)( يآبوي)( بنتك لاانحكى بالتّجاريب.....كل ٍ يشـق لهيبـه الصّيـت جيبـه

)( يآبوي)( ماني من سوات المخاريب....اللّي تجيـب لعليَـة القـوم خيبـه

وماني من اللّي لامشت حفّها الرّيب.....أنا من اللّـي مايدنّـس حليبـه

مرفوع شاني عن غرام المكاتيب......وأكبر من انّني أرتضي بالحبيبـ×ـهـ !!

أنا غرامي لاابتدوا بالتّراحيب.....نفوس الأوادم فـي وجـودي رحيبـه

وان كان زيني فتنة ٍ للمصاويب......أحـط وجهـي بالحريـق ولهيبـه

زيني أبيعه وأشتري سمعه الطّيب.....اسم ٍ ينومس بالصّروح الذ ّهيبـه

وان كان عندي بالحلا شي ٍ اصعيب.....عندي جدود ٍ مارضت بالغليبه

دموع القبايل فـي لقانـا مساكيب....كـن المقابـر لاحـضرنـا قريبـه

خضّبت لك كفّي من العز تخضيب.....ورفعت راسي للنّجـوم الصّعيبـه

والله لأسدّك بالفعول المصاليب......والله لأشيلـك بالرخـا والمصيبـه

طلع المعالي ماانحكم للشّواريب.....( بنتٍ ) وأناطح فـارس القـوم طيبـه

وياشيخي إبشر لوتدور الدّواليب......بنتك إلا منّه عوى الذّيب ( ذيبـه )
×

××

...[ أنا انســــان..]

أنا إنسان مع نفسي قبل لا أكون معك إنسان

لي مبدأ ولي نظرة وتحكمني قناعاتي

أحاسيسي حقيقة ثابتة بالوصل والهجران

أنا طبعي إذا حبيت .. أحب بكل حالاتي

منادي و الندا نابع من الوجدان للوجدان

إذا ما ينطق إحساسي حديثي يشبه سكاتي

غموضي في الهوا تصريح وسره يفضح الكتمان

ونظرات الوله والوجد هي أجمل عباراتي

ولا أجامل بأحاسيسي ولا أقبل في الهوى إحسان

ولا للمصلحه يا سيدي دور بعلاقاتي

ولو ألغي شعوري ما بقى لي صاحب ولا خلاّن

يرافقني على مر الزمن جرحي و دمعاتي

أحب الصدق واعمل به كسبت أو كنت أنا الخسران

ولو صدقي يخسّرني تشرّفني خساراتي

رفيق العمر لو تجفا نبض الحرف والشريان

إذا ما غصت بأعماقي .. متى تفهم معاناتي

على كثر الخطأ غافر ولا اغفر غلطة الخوّان

جزاه الصدّ و الفرقا ولو عاندت رغباتي

ولولا العفو ما اخطينا ولا نحيا بلا غفران

خطايانا دليل إنّا بشر ومنّا الخطا ذاتي

على صدر الزمن بكتب شعوري موعد وعنوان

تعرف الشوق لو فتّشت عن سر إبتساماتي

إذا كان الهوى نعمة بحطّك نعمة الرحمن

وإذا كان الهوى غلطة بحطّك كل غلطاتي

×

××

..[ غريبة الليالي..]

غريبة الليالي خذت مني غالي ،.، تباعد وعيني رثت منه حالي


أنا ما نسيتك ولو بإيدي جيتكـ ،.، وطيفكـ ترى ما يفارق خيالي


زمانكـ توانى بطيب وغشانا ،.، ويوم افترقنا سرح فيكـ بالي

عسى الله يجيبكـ وترجع بطيبكـ ،.، ترى الطيب طبعكـ من أوَّل وتالي


[ ولو ما التقينا فحقكـ علينا ،.، لكـ أدعي إلهي بعتم الليالي ]




نبدء:بالكلماتـ...

{ الرجل العظيم }

إنسان يحمل بيـن ضلوعـه قلب طفـل

×

{ الأنانــى }

إنسان يُحدثـك عن نفسه

×

إياك و مؤاخات الأحمق فإنه يريد أن ينفعك فيضرك

×

من كثر مزاحه زالت هيبته, ومن كثر خلافه طابت غيبته

×

لا أحد يستطيع إهانتك إلا بمساعدتك

×

الجمال جمال الروح لا جمال الجسد



تم وضع المجموعة الثالثة والحمدلله و المجموعة الرابعة


بعد الردود انشالله

ملاحظة: قد أتأخر في وضع المجموعة التالية وذلك بسبب الإنشغال بالدراسة
وبالتوفيق للجميع..