يوميات شاب ملتزم

[سُلوان]

ماشاء الله اللهم بارك انا عارفة ظروفك يا حبيبتى بس ربنا يكرمك طوليها شوية عشان لما تغيبى تبقى عوضت
بس ايه حكاية المشاريع دى اول مرة اسمعها انتو عندكو بتقولوا عليها مشاريع **معلش فضول

[عثمان بالقاسم]

بارك الله فيك، قصة رائعة شيقة تحمل الكثير من الفوائد والحكم.

جزاك الله خيرا على هذا الجهد المبارك، ووفقك الله في دراستك.

واصلي بارك الله فيك، إن تيسر لك الوقت لذلك.

[الضوء الخافت]

السلامـ عليكمـ ...

صراااااااااااااااحة ...

أنا حزيــــــــــــــــــــــ ــــــــــنة حزن لا يعلمه الا الله ... لأنني لم أكن من المتابعين لهذه القصه ...

ثانياً ...::.. جزاك الله خير الجزااء ...

لقد بكيت على كل حرف كتبتيه ... أحسست بأنني هو عبدالرحمن ... وأصبحت أتخيل كل ما يحدث ...

والله .. أني أكتب ردي البسيط هذا والدموع تنسااب من عيناي ...

لم أكن أتوقع أن تكون هذه القصه في غااية الجمااال ...

لا اله الا الله ...

موضوعك كان كالصفعة القوية على وجهي .. لاني لم أتوقع أن يكون هناك موضوع مثله ....

ويحمل من المغزى الكثير ...

لقد أحسست بأني مقصرة كثيـــــــــــراً .. بل متأكدة من ذلك...

وعندما أتذكر بأن الله يحبني بالرغم عصياني له ... أبكي على حالي ...

لا أتوقع أن هناك انسان يعصي أحدا في أمور لا تحصى ولا تعد وبالرغم من ذلك يقابله هذا الشخص بحبه وحنانه. ..

جعلتني هذه القصة ... أفكر ما فعلته طيلة حياتي من خيـــر ..

وكيف أنه أنا أكون في كامل سعااادتي عندما أتلو حرفا من حروف القرآن الكريمـ العظيمـ ...

أو ان أصلي صلاة شكرا لله ..

أدركت بانني مقصرة ناحيته ...

كلنا نعلمـ بأن من يهديك هدية يجب عليك أن تشكره على الأقل ...

فما بالك بالذي يهديك هداايا لا تحصى ولا تعد ... وبالرغم من ذلك لمـ ترد له الجميل الذي يستحقه!!!؟؟..!!!!

بصرااااحة مهما كتبت وما سأكتب لن يكفي حتى لشكرك ....

ولكنني سأكتفي ..بقول هذا :::ــ,

بارك الله فيك ... وجزاك الله خير الجزاء ... وجعل من كل دمعة ذرفتها أنا... ملااايين الحسنات لكِ ...

[secret girl]

أختي rahma tarek
بارك الله فينا وإياك
وإن شاء الله ألبي طلبك
أما بخصوص كلمة المشاريع
فصاحبة القصة هي من كتبتها كذلك
وهي تعني وسيلة المواصلات عندنا
شكرااا لمرورك

عثمان بالقاسم
بارك الله فينا وإياك
وجزانا الله خيرا وإياك
ووفقك الله في دراستك
أمين
وسأواصل إن شاء الله
وشكرااا لمرورك

[secret girl]

السلامـ عليكمـ ...

وعليكم السلام ورحمة الله وبركاته

صراااااااااااااااحة ...

أنا حزيــــــــــــــــــــــ ــــــــــنة حزن لا يعلمه الا الله ... لأنني لم أكن من المتابعين لهذه القصه ...
لا تحزني أبدا ..
ويمكنك أن تتابعيها هذة الأيام ..
فأنا أضع حلقة أسبوعيا

ثانياً ...::.. جزاك الله خير الجزااء ...

جزانا الله خيرا وإياك

لقد بكيت على كل حرف كتبتيه ... أحسست بأنني هو عبدالرحمن ... وأصبحت أتخيل كل ما يحدث ...

والله .. أني أكتب ردي البسيط هذا والدموع تنسااب من عيناي ...

لم أكن أتوقع أن تكون هذه القصه في غااية الجمااال ...

لا اله الا الله ...

موضوعك كان كالصفعة القوية على وجهي .. لاني لم أتوقع أن يكون هناك موضوع مثله ....

ويحمل من المغزى الكثير ...

لقد أحسست بأني مقصرة كثيـــــــــــراً .. بل متأكدة من ذلك...

وعندما أتذكر بأن الله يحبني بالرغم عصياني له ... أبكي على حالي ...

لا أتوقع أن هناك انسان يعصي أحدا في أمور لا تحصى ولا تعد وبالرغم من ذلك يقابله هذا الشخص بحبه وحنانه. ..

جعلتني هذه القصة ... أفكر ما فعلته طيلة حياتي من خيـــر ..

وكيف أنه أنا أكون في كامل سعااادتي عندما أتلو حرفا من حروف القرآن الكريمـ العظيمـ ...

أو ان أصلي صلاة شكرا لله ..

أدركت بانني مقصرة ناحيته ...

كلنا نعلمـ بأن من يهديك هدية يجب عليك أن تشكره على الأقل ...

فما بالك بالذي يهديك هداايا لا تحصى ولا تعد ... وبالرغم من ذلك لمـ ترد له الجميل الذي يستحقه!!!؟؟..!!!!

بصرااااحة مهما كتبت وما سأكتب لن يكفي حتى لشكرك ....

بل أنا من يجب أن أشكرك
والله لقد أسعدني ردك كثيرا

وأن يستفيد أحدا من القصة
ويأخذ العبرة منها
ويفيق من غفلته
ويتذكر أنه سيموت لا محالة
ويهتدي بها
هذا هو هدفي من القصة

ولكنني سأكتفي ..بقول هذا :::ــ,

بارك الله فيك ... وجزاك الله خير الجزاء ... وجعل من كل دمعة ذرفتها أنا... ملااايين الحسنات لكِ ...

أمـــيـــــن
بارك الله فينا وإياك
وجزانا الله خيرا وإياك

وشكرا لدعاءك الجميل
وأدعو الله أن يهدينا جميعا إلي الطريق المستقيم
ويرزقنا جميعا حسن الخاتمة
ويعينك علي العبادة ويرزقك السعادة
كما أسعدتيني
وشكـــــرااااا

[الضوء الخافت]

السلااااااامـ عليكمـ ..

وأخيـــــــــــــــرا عاادت نواااارة المنتدى ..

اشتقت لكِ ولما ستكتبيــــــــــــنه ...

بارك الله فيك على كل شيء ..

أنا أنتظرك بفاااااااارغ الصبر ..

[secret girl]

بسم الله الرحمن الرحيم

الحلقة الثالثة عشر

وفى مسجد

الكلية

دخل عبد الرحمن المسجد بعد أن أنهى محاضراته ليصلى الظهر

و بعد الصلاة بدأ يبحث بعين زائغة عن معاذ
وأول ما رأى وجهه
المبتسم دائما

قال

:
بص بأى النهاردة تالت يوم
وكل ما أجيبلك سيرة العتق من النار تنفضلى
لو سمحت أول حاجة تقولها العتق من النار

معاذ
: طب قول السلام عليكم الأول

عبد الرحمن

: لا سلام ولا كلام قول
وبعد كدا نتفاهم

معاذ

: حاضر بس بشرط ..
عايزك تعرف إن أى موضوع هكلمك فيه
هنجيب آية من القرآن أو حديث ونتكلم عليه من خلالها
ماااااشى
فاسمع كدااا وركز عشان تفهم

عبد الرحمن

: من عينية بس هو في فى القرآن آية عن العتق من النار
!!!!!!!!

معاذ

: طبعا فيه !!!!
عايز أى حاجة لازم هتلاقيها أكيد فى القرآن
عايزك تتأكد تماما أن علاجك الوحيد هو القرآن

عبد الرحمن

:طب قول الآية خلينى معاك ....

معاذ

: قبل ما أقولها ...
بما أنك عايز تتعتق
لازم تعرف يعنى إيه عتق أصلا

عبد الرحمن

: طب ما تقول يابنى هوَ أنا هجر الكلام من بؤك
ولا هو لازم تستأذن

معاذ

: ماشى ...
يعنى مثلا لما آجى وقول أعتق حد
دا معناه إنه كان عبد صح ولا لأ ؟؟

- صح

- طيب لو تصورنا العبد دا قبل ما يتعتق

كان لازم يكون له سيد أو مولى
يأمره وينهاه وهو مِلك ليه لازم ينفذ أوامره ... صح؟؟؟

-

صح

- جمييييل أوى

لما نرجع بأى لموضوعنا
أنك عايز تتعتق من النار ... دا يعنى أنك عبد عندها
وملك لها وهى مولاك وسيدك
توديك وتجيبك زى ما هىَ عايزة

فاااااااهم يعنى إيه عبد عند النار
الموضوع كبير

-
عبد عند النار !!!!!! ....
مش للدرجة يعنى
بس شكله كدا باين عليه من أوله
كمّل

- تعالى ناخد الآية

قال تعالى : بسم الله الرحمن الرحيم
:
" يَوْمَ تَرَى الْمُؤْمِنِينَ وَالْمُؤْمِنَاتِ يَسْعَى
نُورُهُم بَيْنَ أَيْدِيهِمْ وَبِأَيْمَانِهِم
بُشْرَاكُمُ الْيَوْمَ جَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا
ذَلِكَ هُوَالْفَوْزُ الْعَظِيمُ(12)يَوْمَ يَقُولُ الْمُنَافِقُونَ وَالْمُنَافِقَاتُ لِلَّذِينَ
آمَنُوا انظُرُونَا نَقْتَبِسْ مِن نُّورِكُمْ قِيلَ ا رْجِعُوا وَرَاءكُمْ فَالْتَمِسُوا نُوراً

فَضُرِبَ بَيْنَهُم بِسُورٍلَّهُ بَابٌ

بَاطِنُهُ فِيهِ الرَّحْمَةُ وَظَاهِرُهُ مِن قِبَلِهِ
الْعَذَابُ {13} يُنَادُونَهُمْ أَلَمْ نَكُن مَّعَكُمْ قَالُوا بَلَى وَلَكِنَّكُمْ

فَتَنتُمْ أَنفُسَكُمْ

وَتَرَبَّصْتُمْ وَارْتَبْتُمْ
وَغَرَّتْكُمُ الأَمَانِيُّ
حَتَّى جَاء أَمْرُ اللَّهِ
وَغَرَّكُم بِاللَّهِ الْغَرُورُ{14}

فَالْيَوْمَ لا يُؤْخَذُ مِنكُمْ فِدْيَةٌ وَلا مِنَ الَّذِينَ كَفَرُوا مَأْوَاكُمُ النَّارُهِيَ

مَوْلاكُمْ
وَبِئْسَ الْمَصِيرُ{15} أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ
وَمَا نَزَلَ مِنَ الْحَقِّ وَلا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الأَمَدُ
فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ{16}
الحديد

عايزك تستشعر بأى الفرق بين ناس ربنا قال لهم

" مَأْوَاكُمُ النَّارُ هِيَ مَوْلاكُمْ "

وناس تانية قال لهم

"
بَلِ اللّهُ مَوْلاَكُمْ وَهُوَ خَيْرُ النَّاصِرِينَ" آلعمران150
" اللّهَ مَوْلاَكُمْ نِعْمَ الْمَوْلَى وَنِعْمَ النَّصِيرُ" الأنفال40

الفرق بين واحد النارمولاه يعنى هو مِلْك لها
وواحد الله مولاه ...
فاهمنى

عبد الرحمن

:أه .... كدا أنا فهمت يعنى إيه أتعتق من النار
يعنى أبقى واحد بتاع ربنا مش بتاع النار
قولى بأى
إزاى أتعتق ؟؟

معاذ

: حلو أوى ..
تعالى نرجع للأية تانى
ربنا عز وجل جاب صفات الناس إللى النار مولاهم

يعنى إللى هم عبيد عندها

يعنى إللى لسة متعتقوش

تعالى نشوف الصفات لوفيك يبأى لسة متعتقتش
ولازم تتوب منهم ...
ولو مش فيك يبأى أنتَ كدا فى السليم
حلو .......

عبد الرحمن
: جمييييييييييييل ... يلاااااااا قوووول

معاذ

: تعالى ناخد الأيات بالترتيب
أول الأيات
" يَوْمَ تَرَى الْمُؤْمِنِينَ وَالْمُؤْمِنَاتِ يَسْعَى
نُورُهُم بَيْنَ أَيْدِيهِمْ وَبِأَيْمَانِهِم "
الله عز وجل
هيعطى المؤمنين نور يوم القيامة يمشوا بيه

وخلى بالك النور فى الآخرة على قد العمل فى الدنيا

لأن الرسول صلى الله عليه وسلم
قال :
"
فمنهم من نوره كالشمس
ومنهم من نوره كالجبل،
ومنهم من نوره كالكوكب الدري،
ومنهم من نوره على قدر ابهامه يضيئ مرة ويطفئ مرة"

فالمؤمنين هنا واقفين فى النور والمنافقين واقفين فى الظلام

فى اللحظة دى المنافقين ينادوا عليهم ويقولوا

" انْظُرُونَا نَقْتَبِسْ مِنْ نُورِكُمْ"

يعنى استنوا ناخد شوية نور منكم

عبد الرحمن

: طب دا إيه علاقته بالعتق؟؟؟

معاذ

: يابنى أصبر متبآش ملهوف كدا
أفهم القرآن لما أقول لك آية تركز وحاول تتطلع
الحاجات المستخبية فيها

عبد الرحمن

:طب إيه الحاجة المستخبية هنا؟؟؟

معاذ

: أنتَ مش ملاحظ إن دول منافقين وواقفين فى الظلام
يعنى عارفين أنهم داخلين النار إيه إللى يخليهم
يطلبوامن المؤمنين نور .... ؟؟؟

عبد الرحمن

:صحيح هما طلبوا النور ليه طيب؟؟

معاذ

: هفهمك ... فى ناس يا عبد الرحمن فاكرة أنها ممكن
تخدع ربنا زى ما بيخدعوا غيرهم
وبينسوا أن ربنا زى ما هو سامع صوتهم بيسمع ضميرهم

وخواطرهم ،
شايف تفاصيل قلبهم

-

إزاى

معاذ

: هقولك إزاى ... يعنى مثلا موضة الدين
إللى طالعة اليوميندول
تلاقى الشاب بعد ما مشى مع بنات لما أتهلك
وسمع أغانى لغاية ما صدع
وجرب كل حاجة
وفجأة لقى موضة دين ...
قالك يلااا ندخل ونلتزم
وأهو نجرب بردوا ............

يعنى هو هيخدع ربنا .. ما ربنا عارف إللى جواه

-

يعنى يسمع أغانى مش عاجبك ويلتزم مش عاجبك
أنت هتقرفنى ليه

معاذ

: أهدى بس ...
أصل هو مدخلش الدين عشان يرضى ربنا
لأ دا هو داخل عشان متعته
هيشوف هيرتاح ولا لأ
عشان كدا تلاقيه يصلى ويبطل ،
يتوب ويرجع
شوية ألتزام وشوية أغانى وأفلام

المهم أنه فاكر أنه كدا كويس

فاكر أنه بيضحك على ربنا
ومش عارف إنه ممكن يبأى من المنافقين
دنيا وآخرة

- طب منافق فى الدنيا وفهمناها

منافق فى الأخرى إزاى بأة

معاذ

: هقولك إزاى ...
الناس دى بأى هتيجى فى الآخرة
على نفس النظام وزى مامشت مع المؤمنين فى الدنيا عايزة
تمشى معاهم فى الآخرة وفاكرة إنها كويسة
فاكرة أنها ممكن تخدع ربنا
ربنا قال كدا
" يَوْمَ يَبْعَثهُمُ اللَّهُ جَمِيعاً فَيَحْلِفُونَ لَهُ كَمَا يَحْلِفُونَ لَكُمْ وَيَحْسَبُونَ
أَنَّهُمْ عَلَى شَيْءٍ أَلا إِنَّهُمْ هُمُ الْكَاذِبُونَ * اسْتَحْوَذَعَلَيْهِمْ الشَّيْطَانُ فَأَنسَاهُمْ
ذِكْرَ اللَّهِ أُوْلَئِكَ حِزْبُ الشَّيْطَانِ أَلا أن حِزْبَ الشَّيْطَانِ هُمْ الْخَاسِرُونَ"

المجادلة 18-19

أهو بيحسبوا أنهم صح ... لأ .... وبيحلفوا لربنا كمان

-

طب يعنى الواحد ممكن يكون فى بداية ألتزامه
يعنى ولسة مظبطش نفسه ممكن يغلط يعنى

معاذ

: بص يا عبد الرحمن ينفع أنا أبأى ماشى فى شارع
مصطفى كامل وماشى على البحر فى وقت واحد

- لأ مستحيل طبعا !!!!

معاذ

: أهو طريق الدين كدا يا تمشى فيه يا فى غيره
مينفعش تمشى فى الأثنين فى وقت واحد

- بس يعنى ما كل إنسان بيغلط

معاذ

: آه أمشى فى طريق واحد واغلط وتوب تانى
لكن متقنعنيش أنك هتمشى شوية فى دا وشوية فى دا

حدد نفسك أنت مع مين مع إللى الله مولاه

ولا إللى النارمولاه ؟؟؟

لأن النوعيات دى لازم هتنافق فى الآخرة

لكن زى ما هما خدعوا المؤمنين فى الدنيا

المؤمنين هيخدعوهم فى الآخرة
ربنا قال كدا :
"
إِنَّ الَّذِينَ أَجْرَمُوا كَانُواْ مِنَ الَّذِينَ آمَنُوا يَضْحَكُونَ" المطففين29
" فَالْيَوْمَ الَّذِينَ آمَنُواْ مِنَ الْكُفَّارِ يَضْحَكُونَ" المطففين34

-إزاى بأى

معاذ

: أهو زى ما قلنا ... لما المنافقين يقولوا
" انْظُرُونَا نَقْتَبِسْ مِنْ نُورِكُمْ"
المؤمنين هيردوا عليهم
" قِيلَ ارْجِعُوا وَرَاءَكُمْ فَالْتَمِسُوا نُوراً"

يعنى عايز نور أرجع للدنيا وهات منها نور

فيلتفت المنافقين خلفهم زى ما المؤمنين شاوروا لهم
ساعتها
"
فَضُرِبَ بَيْنَهُمْ بِسُورٍ لَهُ بَابٌ بَاطِنُهُ فِيهِ الرَّحْمَةُ"ناحية المؤمنين

"

وَظَاهِرُهُ مِنْ قِبَلِهِ الْعَذَابُ"ناحيةالمنافقين

فيصرخ المنافقين هنا بأى من خلف السوربعد

ما بدأوا يحسوا أن فى حاجةغلط
ويقولوا
"
يُنَادُونَهُمْ أَلَمْ نَكُنْ مَعَكُمْ"

دا أحنا كنا بنصلى ونصوم وحافظين قرآن معاكم

"
قَالُوا بَلَى وَلَكِنَّكُمْ ............... "

ركززززززززززز بأى

خمس صفات لهم

وَلَكِنَّكُمْ

" فَتَنْتُمْ أَنْفُسَكُمْ

وَتَرَبَّصْتُمْ

وَارْتَبْتُمْ

وَغَرَّتْكُمْ الأَمَانِيُّ

حَتَّى جَاءَ أَمْرُ اللَّهِ

وَغَرَّكُمْ بِاللَّهِ الْغَرُورُ"

يلااااااااا فيك إيه منهم عشان تعرف إنك اتعتقت ولالأ

- طب عيدهم تانى كدا عشان أفهم وبراحة الله يكرمك

تخيل عبدالرحمن صورة المؤمنين والمنافقين

وفاصل بينهم بسور
وتخيل كيف سيكون صراخ هؤلاء المنافقين من وراء ذلك السور

بدأ يندمج مع معاذ فى الحديث وبدأ يفكر

هل يا ترى أنا منهم ؟؟؟؟

إيه الصفات دى ؟؟؟؟

يا ترى معناها إيه ؟؟؟؟

لأ أكيييييييد أنا مش منهم

أنا بعصى أه لكن يعنى مش للدرجة

ويبدو أن عبد الرحمن لديه ثقة زائدة فى نفسه

فكيف سيواجه كلام معاذ حين يشرح له

تابعونا

فى الحلقةالقادمة

مع

يوميااااااااااااااااات

ملتزم

[الضوء الخافت]

السلامـ عليكمـ ..

ياااااااااااااا سلااااااااااامـ ..

وأخيرا ..

أنتظرته طويلاً هذا الجزء ..ومميز كعادته ...

ننتظر الأجزااء البااقية ..ويا رب يمر الأسبوع بسررعة ..

بارك الله فيك وجزاك الله خير الجزااء ..

[سُلوان]

طيب ياسكرت اولا جزاك الله خيرا على الحلقة بجد فظيعة وربنا يعتقنا من النار جميعا يارب
لولا بس انى عارفة اللى انت فيه ماكنتش سمحتلك خالص يا بنت
ربنا يعينك فى دراستك يارب وتبقى ......قد الدنيا طبعا النقط عشان الخصوصية

[-zakaria.-]

السلام عليكم ..

فكره مميزه وجميلة ..بنتضار الحلقات القادمه ..تقبل تحياتي ..}

[لحن العذاب]

السلام عليكم ورحمه الله وبركاته

اذهلتني يوميات شاب ملتزم لم اترك حرف بدون تمعن

يعطييييييييييييييييييييك العافيه اختى وبارك الله فيكي

انتظر بفاااااارغ الصبر التكمله

واصلي اختى بارك الله فيك

وجعل كل حرف بميزان حسناتك

اميييين

[عثمان بالقاسم]

السلام عليكم ورحمة الله وبركاته.

جزاك ربي الجنة.

ووفقك الله لكل خير، أكملي بارك الله فيك.

[لحن العذاب]

ننتظر باقي الحلقات

لاتطولي علينا اختي

الله يبارك فيك

[secret girl]

أختي الضوء الخافت
جزانا الله خيرا وإياك
وشكرا علي اللقب الجميل
سعدت بمرورك

أختي rahma tarek
جزانا الله خيرا وإياك
و يا رب نكون جميعا من العتقاء من النار
و يوفقنا جميعا في الدراسة
سعدت بمرورك

-zakaria.-
وعليكم السلام ورحمة الله وبركاته
شكرا لمرورك

أختي لحن العذاب
وعليكم السلام ورحمة الله وبركاته
وبارك الله فينا وإياك
والحمد لله إنك استفدت من القصة
وشكرااا للدعاء
سعدت بمرورك

عثمان بالقاسم
وعليكم السلام ورحمة الله وبركاته
اللهم اجزنا الجنة جميعا
و وفقنا الله وإياك للخير
شكراا للدعاء
وشكرااا لمرورك

[secret girl]

عبد الله..


وبينما كان معاذ وعبد الرحمن مندمجين فى حديثهما عن العتق من النار..

قطع ذلك الحديث هاتف معاذ..

شعر معاذ بهزاز الهاتف فى جيبه ينبهه بوجود اتصال..

فاخرج المحمول من جيبه ونظر فيه ..

ثم قال:
بعد اذنك يا عبد الرحمن هخرج بره المسجد ارد على التليفون ..


عبد الرحمن: اتفضل

خرج معاذ وهو متلهف للرد على ذلك الاتصال ..

معاذ: السلام عليكم ورحمة الله وبركاته

المتصل: وعليكم السلام ورحمة الله وبركاته

معاذ: كيف حالك يا عبد الله؟؟
واحشنى بصدق..



عبد الله: يا بكاش..
احنا مش كنا لسه من يومين مع بعض عند الشيخ ابراهيم..

معاذ: انت عارف يا عبد الله انى بحبك فى الله ..وبجد بشتاق انى اشوفك واقعد معاك دايما..

عبد الله: احبك الله الذى اجببتنى من اجله يا حبيب قلب..
وانت عارف ان الناس كلها ليها معزه واحده فى قلبى..!!
وانت ليك معزه وبقره وخروف..ههههههه

معاذ: اضحك الله سنك يا عبد الله..ربنا يديم الاخوه والموده..
انت فين دلوقتى؟؟


عبد الله : انا لسه خارج من مكتبة الايمان..وجيبتلك الكتب اللى طلبتها منى..
لو تعرف تقابلنى دلوقتى علشان تاخدهم ..
الصراحه الكتب تقييييله جداااااا ..مش عارف انت عايز الكتب دى كلها دلوقتى ليه..؟؟
ما كنت تجيبهم واحد واحد وخلاص

معاذ: هبقى اقولك بعدين
المهم..مش انت راجع الكليه تانى؟؟؟

عبد الله: باذن الله..

معاذ: خلاص..انا جايلك انا واخ معايا ..ان شاء الله مسافة السكه وهتلاقينا عندك..

عبد الله: فى انتظارك بمشيئة الله..

معاذ: السلام عليكم ورحمة الله وبركاته..

عبد الله: وعليكم السلام ورحمة الله وبركاته
فى حفظ الرحمن..

عاد معاذ الى باب المسجد ونادى عبد الرحمن..

معاذ: عبد الرحمن..عبد الرحمن..

عبد الرحمن: نعم ..

معاذ: تعالى علشان عاوزك هنروح مشوار..

عبد الرحمن: مشوار ايه بس دلوقتى..؟؟
تعالى بس كمل كلامك معايا ونروح بعدين..
هو انا معرفش اقعد معاك شوية على بعض..

معاذ: معلش ..استحملنى ..بس اصل فيه اخ جايبلى حاجه ولازم اروح اخدها منه..

عبد الرحمن: طيب..امرى لله..
والاخ ده بعيد..انا مش قادر اتحرك..متقوليش نمشى..!!

معاذ: متخافش..هناخد ميكروباص..
بس يلا علشان منتاخرش..

خرج الاثنان معاذ وعبد الرحمن وذهبا للقاء عبد الله..

ترى ماذا سيحدث..؟؟

>
>
>
>


نصائح غاليه..


خرج معاذ وعبد الرحمن من الكليه متوجهين للقاء عبد الله ..
وكان ذلك اليوم شديد الزحام..

مضى قرابة نصف الساعه ولم يستطع معاذ وعبد الرحمن الركوب..

ثم اتى الفرج..اشار عبد الرحمن لاحد السائقين فتوقف له..

دخل عبد الرحمن على الفور ..

لم يكن هناك الا مكانا واحد بالكرسى الاخير من السياره بجانب فتاتين..

جلس عبد الرحمن وتنحى قليلا لمعاذ لكى يجلس..

السائق لمعاذ: خش يا شيخ يلا..الكرسى واسع ..المفروض انه بياخد اربعه مش تلاته ..

نظر معاذ الى داخل السياره ثم قال:

انزل يا عبد الرحمن..معلش يا اسطى مش هنعرف نركب..


استاء عبد الرحمن كثيرا من تصرف معاذ ..

ولم يجد مع نداءات السائق المتكرره (انجزوا ..هتركبوا ولا مش هتركبوا خلونا نمشى) بُُدا ً من النزول بناءا على طلب معاذ..

عبد الرحمن: ينفع كده؟؟

بقالنا نص ساعه واقفين لما رجلينا ورمت ..وبعد ده كله لما الراجل يوقف لنا تقولى انزل مش هنركب..!!

عايز بقى اعرف سعادتك مرضيتش تركب ليه ؟؟

ومتقوليش المكان كان ضيق ومكنش هينفع نركب!!


معاذ:الحكاية مش حكاية مكان ولا حاجه يا عبد الرحمن..

زى ما انت شايف..انا وانت اصلا رفيعين ..لو لزقونا فى بعض مش هناخد مكان واحد..

الحكاية ان كان فيه بنتين فى الكرسى ومكنش ينفع نقعد جنبهم..


عبد الرحمن: ليه بقى يا معاذ؟؟

هما كانوا هيعضونا ولا ايه؟؟؟

وبعدين دول زى اخوانا بالظبط!!!


معاذ:ما انا عارف ان هما اخواتنا ..بس مكنش ينفع نركب جنيهم برده..


عبد الرحمن: طيب يلا يا ناصح ورينا بقى هنركب ازاى..؟؟


معاذ: متخفش ..ان شاء الله هنلاقى عربيه دلوقتى..

النبى صل الله عليه وسلم بيقول ( من ترك شيئا لله عوضه الله خيرا منه)


عبد الرحمن : ( مستهزءا ) طيب..اما نشوف..

ولم يتم عبد الرحمن كلامه الا واذا بسيارة تقف امامهما هو ومعاذ..وكانت شبه خاليه من الركاب...

ركب الاثنان السياره ..


وكان عبد الرحمن فى غاية الاندهاش والتعجب مما حدث..


كان متعجبا من يقين معاذ الشديد فى كلام النبى صلى الله عليه وسلم ..جعله ذلك يسرح قليلا ..


واذا بمعاذ ينبهه ويقول:
قولت اذكار الركوب ولا لسه ؟؟


عبد الرحمن: اه..ان شاء الله هقولهم..وهبتسم كمان زى ما النبى كان بيعمل..

بس قولى الاول..هى ايه المشكله لو كنا ركبنا جنب البنات؟

وبعدين لما انت خايف تركب جنب البنات ..امال انا اعمل ايه بقى؟؟


معاذ:بص يا عبد الرحمن..

فتنة النساء مفيهاش كبير وصغير..مفيهاش واحد ايمانه قوى وايمانه ضعيف..

واكيد عارف قصه برصيصه العابد اللى قعد يعبد ربنا سنييييييييييييييييين وبعد ده كله برده وقع في فتنة النساء..

انت بتصدق النبى صلى الله عليه وسلم؟


عبد الرحمن : اه طبعا..


معاذ: اهو النبى صلى الله عليه وسلم قالنا فى اكتر من حديث عن خطورة فتنة النساء..

قال النبى صلى الله عليه وسلم (ما تركت بعدي فتنة أضر على الرجال من النساء)

وفى حديث تانى(إن الدنيا خضرة حلوة وإن الله عز وجل مستخلفكم فيها لينظر كيف تعملون فاتقوا الدنيا واتقوا النساء فإن أول فتنة بني اسرائيل كانت في النساء)


يعنى اخطر فتنه على الرجال هى فتنة النساء زى ما النبى اخبرنا..

واسمع ربنا بيقول ايه فى سورة آل عمران (زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ وَالْبَنِينَ وَالْقَنَاطِيرِ الْمُقَنْطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالْأَنْعَامِ وَالْحَرْثِ ذَلِكَ مَتَاعُ الْحَيَاةِ الدُّنْيَا وَاللَّهُ عِنْدَهُ حُسْنُ الْمَآبِ)


ربنا سبحانه وتعالى ذكر اول شهوه فى الشهوات اللى ماليه الدنيا والناس كلها بتحبها وبتفتن بيها ..شهوة النساء..


عبد الرحمن: ربنا يكفينا شرهم..


بس احنا كنا هنعمل ايه بس..؟؟

احنا كنا مجرد هنركب جنبهم..!!


معاذ:انت بتستهين بحاجه زى دى؟؟


انك تقعد جنب واحده وجسمك يبقى لازق لجسمها طول الطريق ده شئ بسيط...!

بص يا عبد الرحمن..

ربنا سبحانه وتعالى اللى خلقنا وادرى بينا من انفسنا ..

امرنا مش اننا منعملش المعصيه وبس..

لا ..امرنا اننا اصلا منقربلهاش..زى قوله تعالى (ولا تقربوا الزنا)

علشان الشيطان ليه خطوات فى ايقاع العبد فى المعصيه..

خليك فاكر الكلام ده كويس..

الشيطان عمره ما هيقول لحد اكفر او ازنى من اول مره...

لا ..مثلا ..يمشيه مع صحبة سوء الاول ..وبعدين مثلا يشرب خمره .وبعدين عياذا بالله يوقعه فى الزنا..!

وفى موضوع فتنة النساء بالذات ..زى ما بنقول (ممنوع الاقتراب او التصوير)


مجرد نظره انت بتستقل بيها ممكن تضيعك ..


ده غير ان النبى صلى الله عليه وسلم بيقول(العين تزني وزناها النظر واللسان يزني وزناه الكلام واليد تزني وزناها البطش والرجل تزني وزناها المشي والسمع يزني وزناه الاستماع ويصدق ذلك الفرج أو يكذبه)


وفى حديث اخر(لأن يطعن في رأس أحدكم بمخيط من حديد خير له من أن يمس امرأة لا تحل له)


عبد الرحمن: ايه ؟؟!!

ايه الحديث الاخير ده..؟؟

عيده تانى كده بالراحه وفهمنى..انا اول مره اسمع الكلام ده..


معاذ: (لأن يطعن في رأس أحدكم بمخيط من حديد خير له من أن يمس امرأة لا تحل له)

يعنى احسنلك انك تنضرب بحديده فى دماغك ولا انك تلمس واحده ميحلش ليك انك تلمس جسمها..


عبد الرحمن: يادى المصيبه ..!!

ده الواحد لازم لما يقابل اى واحده يسلم عليها..!!

ربنا يغفر لنا..باذن الله من هنا وجاى مش هسلم تانى ابداااااااااا..


معاذ: ان شاء الله ربنا هيغفرلك..بس انت فعلا خد بالك ومتسلمش على حد تانى..

يلا بقى ..عايزك متبطلش استغفار وذكر لحد ما نوصل..

ثم اخرج معاذ مصحفا من جيبه وبدأ يرتل بعض الايات بصوته العذب..

حتى وصل الجميع بسلامة الله..

وكان عبد الله فى انتظارهم..
>
>
>


إنها الاخُوّه..




وصل الجميع بسلامة الله ..وكان عبد الله واقفا فى انتظارهم..

عبد الله..انه صديق معاذ الوفى ..
ورفيق دربه فى طاعة الله..
التقى به فى احدى الدروس الدينيه ..وتعرف عليه ..
ومن يومها ويجمعهما رباط الاخوة والمحبه فى الله..

كان عبد الله لا يختلف فى مظهره كثيرا عن معاذ..
لحيته تزين وجهه الى تشعر بالنور يشع منه..
يبدو عليه الوقار والسكينه..غير ان ما يميزه هو روحه المرحه الجميله..وابتسامته التى لا تفارق وجهه..

لم يتعجب عبد الرحمن كثيرا من مظهر عبد الله ..فهو صديق معاذ..
ولكنه آثر ان يقف بعيدا حتى ينتهى معاذ من حديثه..

معاذ: السلام عليكم ورحمة الله وبركاته..


عبد الله: وعليكم السلام ورحمة الله وبركاته..

ينفع كده...؟؟

هى دى مسافة السكه؟؟

انتو كنتوا راكبين ايه ؟؟ سلحفه؟؟


معاذ: معلش يا عبد الله..المواصلات كانت زحمه جداااا انهارده ..

صحيح..عبد الرحمن..اخ معايا فى الكليه..


عبد الله: تشرفنا يا اخ عبد الرحمن..عامل ايه؟؟



عبد الرحمن: الحمد لله..كويس..


عبد الله: شكلك اخ محترم وطيب ...فرصه سعيده انى شوفتك..

عبد الرحمن: ده بس من ذوقك..


معاذ: جبت الكتب يا عبد الله..؟؟


عبد الله: اه..اتفضل ..


معاذ: جزاكم الله خيرااااا.. ربنا يكرمك يا عبد الله ويجعله فى ميزان حسناتك..



لاحظ عبد الرحمن احد الكتب الظاهره من الحقيبه مكتوبا عليه (مدارج السالكين)




عبد الرحمن: هو كتاب مدارج السالكين ده بتاع الشيخ يعقوب؟؟

معاذ: لا..ده بتاع الامام ابن القيم..



عبد الرحمن: اصل انا كنت سمعت الشيخ يعقوب بيشرحه فى مره..


معاذ: اه هو بيشرحه ..بس الكتاب مش بتاعه..الكتاب ده راااااااائع جداااااااااا..

عبد الله: ما شاء الله.. انت بتسمع الشيخ يعقوب؟؟



عبد الرحمن: يعنى..ساعات بشوفه فى التليفزيون..



عبد الله: وبتسمع مين تانى من الشيوخ؟؟



عبد الرحمن: مش بسمع حد..بس ساعات بيصادف انى بكون قاعد قدام التليفزيون..


بس انا عارف شيوخ كتيييير..زى الشيخ مصطفى الحوينى ..والشيخ محمود حسان ..وغيرهم..




لم يتمالك عبد الله ومعاذ نفسيهما من الضحك..



عبد الرحمن: بتضحكوا على ايه؟؟

هو انا قولت حاجه بتضحك اوى كده؟؟




عبد الله: قصدك الشيخ ابو اسحاق الحوينى..والشيخ محمد حسان..




عبد الرحمن: اه..معلش..اصلى بنسى بسرعه اليومين دول..

امال مش فيه شيخ اسمى مصطفى ..؟؟




عبد الله: ايوه..اسمه الشيخ مصطفى العدوى..


عبد الرحمن : تمام..انا كده افتكرت..


عبد الله: والله يا عبد الرحمن انا حبيتك فى الله..

وشكلنا هنبقى اصحاب باذن الله..




عبد الرحمن: انا ليا الشرف..


معاذ: خلاص..امشى انا بقى..ما انا مبقاش ليا لازمه ..!



عبد الله: مين قال كده بس؟؟

ده انت حبيب الكل يا معاذ..



معاذ: هو صحيح الشيخ ابراهيم هيدى درس انهارده؟؟



عبد الله: ان شاء الله..والدرس هيبقى بعد صلاة المغرب فى مسجد عمر ابن الخطاب..



معاذ: خلاص..باذن الله اشوفك عند الشيخ انهارده ..

هنمشى بقى علشان انا اتاخرت جامد..الساعة بقت 3 !!!

يلا يا عبد الرحمن..



عبد الله: ماشى ..بس متحرمناش من اننا نشوف الاخ عبد الرحمن..


معاذ: باذن الله..

السلام عليكم ورحمة الله وبركاته..



عبد الله: وعليكم السلام ورحمة الله وبركاته..
فى حفظ الرحمن..




وانطلق معاذ وعبد الرحمن مسرعين فى طريق العوده..

ترى ماذا سيحدث لمعاذ حين عودته؟؟

تابعونا.

[غرييب]

قصة جميلة وفيها الكثير من المواعظ والعبر ، جزا الله خير صاحب القصة وجزاك الله خير اختي على نقل القصة لنا ...

في امان الله

[زهرة البستان]

جزاك الله خيرا
ووفقك الله
وننتظر التكمله

[لحن العذاب]

وعليكم السلام ورحمه الله وبركاته

ان شاء الله ونحن بالانتظار

موفقه اختي

[لحن العذاب]

.................

[secret girl]

ما أن علم معاذ أن الساعة 3 والعصر أوشك على الأذان

وهو مازال لم يَعُد إلى بيته حتى أصابه الهلع

وترك عبد الرحمن وجرى مسرعاً يريد الرحيل

وما أن خرج من المستشفى حتى أذن العصر

بحث عن أقرب مسجد وصلى الفريضة

ثم هرول عائداً إلى البيت وهو يتمتم بدعاء

"
اللهم إنى أجعلك فى نحره وأعوذ بك من شره "

" اللهم اكفنيه بما شئت "



وكأنه مُقبل على الأهوال

وقبل وصوله أشترى طعاماً للغداء واتجه عن فوره للبيت

بعد أن أصبحت الساعة 30 : 4

وفتح الباب


لم يدر معاذ ماذا حدث

ماذا جرى

لم ينتبه

لم يدرك حقيقة الموقف

إلا وقد تبعثر الطعام من يده على الأرض

بعد أن ترنح جسده وكاد يقع هو أيضاً

نتيجة ً لِما تلقاه من صفعةٍ على وجهه

كادت تفقده صوابه

مازال معاذ فى غمرة المفاجأة


حتى أنتبه على صوت أباه
يقول:

هتفضل تتصرمح على الجوامع لحد امتى

هاااااااا

هتفضل تتسكع من الشيخ دا للشيخ دا

لحد أمتى .... ما ترد ؟؟؟

عاملى فيها شيخ .....

ولا هىَ الجنة أتخلقت لكم أنتو وبس


فأجاب معاذ

: بابا أنا .........



الوالد

: أنتَ إيه وزفت إيه يا أخى

طول النهار قرآن قرآن ولف ودوران على الجوامع

لما أرفتنى

بكرة نشوف هينفعك بإيه القرآن



ثارَ الدم بعروق الشاب بعد أن فاق من صدمة
تلك اللطمة على خده الأيسر بكف والده
وما عقبها من استهزاء

لم يدر ِ ماذا يفعل

وإذا به فجأة

يرفع يده

ثم أمسك يد أباه

بعد أن ضغط عليها بقوة

ثم دنا منها وإذا به يُقبِلها ....

لكنه لم يكتفى بذلك

فإذا به يرفعها

ثم يلطم نفسه بها على خده الأيمن


وقال :

أنا آسف إنى أتأخرت والله مكان قصدى معلش
أنا آسف



وما كان منه بعد ذلك إلا أن
طأطأ رأسه
ثم أنحرف عن أبيه يُخفى دمعه
وراح يلملم الطعام المبعثر على الأرض


وقال

: مش هتاكل



الوالد

: هو إللى يشوفك يجيله نفس ياكل
مش متنيل



معاذ :

طب مش عايز أى حاجة ...... أنا هدخل جوة



الوالد - بصوتٍ عال ٍ -

: فى ستين داهية



دخل معاذ وأغلق على نفسه فى صمت وخرج والده

من الشقة بعد أغلق الباب خلفه بشدة

وفى نفس اللحظة كانت أخت معاذ - سارة - تراقب حديثهما من

خلف باب حجرتها لكنها لم تخرج خوفا من والدها

وما أن سمعت صوت غلق الباب

حتى خرجت وطرقت الباب على معاذ


سارة

: معاذ ... معاذ ......



معاذ

: فى إيييييه ؟؟؟؟ عايزة حاجة ؟؟؟



سارة

: ممكن أدخل ؟؟؟؟



معاذ

: لأ مش ممكن ...... ممكن أنتى بأى تسبينى فى حالى



سارة

: طب .........



معاذ

: لا طب ولا مطبش سبينى دلوقتى



وفعلا تركته سارة وحده كما أراد

وجلس يُحدث نفسه

لماذا يضربنى ؟؟؟

لأنى لا أستطيع الرد عليه !!!!

لستُ ضعيفا ؟؟؟؟

لا أستحق هذا !!! أهذا جزاء بِرِى به !!!!

أستغفرُ الله ..... استغفر الله

وظل يبكى

وما وجد ما يخفف عنه سوى القرآن أنيس عمره

فظل يقرأ ويبكى

حتى مر اليوم ...... وحلّ اليوم التالى


يتبع

.
.
.