.:! كرسـي الـتحـقيق .. مع .. تــروكــي .. وهل يخفى القمر ؟ !:.

[تروكي]

يب دامك أون لاين نرجع لأسئلتنا ..

1- وش أحلى مكان بالنسبة لك تتصفح فيه المنتدى القميل .. حبذا لو تعطينا صورة له .. ؟؟

قسم ون بيس وكم قسم ولكن ون بيس هو الافضل

2- هل أهلك بالبيت يعرفون إنك مراقب بمسومس ؟

لا ما يعرفون ... مش لسبب معين بس ما لهم بالانترنت وبس

3- تحكيهم وش صار لك اليوم بالمنتدى و و و يعني زي حالتنا نشرة الأخبار قبل النوم ولا من النوع اللي تحب الكتمان ؟

هم ما يدرون اني مراقب ولكن أحب أسولف معهم عن المواقف اللي تصير معي بالدوام وكذلك بالمعهد وعن المشاهد اللي تعجبني بالمسلسلات أو الكارتونات وكذلك قلت لهم عن برنامج خواطر 5 باليابان

4- في الجامعه .. وش أكثر شيء تحب تسويه بين المحاضرات .. مثلا بين المحاضرة الأولى والثانية ساعة أكيد ما بتروح فيها البيت .. وش تسوي فيها طيب ..؟؟

كنا نروح للمول اللي جمب الكليه ... وكذلك يوم كنت بالثانوي .. كنت انحاش من المدرسه وأروح لنفس المول ... مش لشي معين ... ولكنه كان مول جديد وأحب أروح له وأشوف مستجدات البلستيشن والكمبيوترات

5- شلون تعامل أخواتك بالبيت .. مثلا إن كنت بطلعة مع خوياك ودقت عليك وحده تبي شيء تقول لها طيب أبشري ولا طيررررررررري يا بقعااا ..؟؟ << أمحححق يا سؤااال ^

والله أحاول أقول لهم يأجلون المشوار ولو كان ضروري فلازم أرجع ... طبعا بالوقت الحالي ... دايم قاعد بالبيت معهم ... يعني متواجد 24 ساعه

6- عمرك طبخت لك أكل .. أحيانا تصير عزوبي لاسافرو الأهل وخلوك لحالك مع الحيطان .. وش السواة لا جاء وقت الغداء أو العشاء وانت جيعااان ومالك خلق تروح لمطعم ,,, ؟؟

عادي آكل أي شي ... خبزه وشوية جبن شرايح ... كورنفليكس ... ساعات أخلط قرصان مع حليب ويطلع شي رووووعه من جد ... أدبر نفسي ...

7- وش أكثر يوم تحبه بالأسبوع ..؟؟بالنسبة لي الربوووووع وما أحلاه ..انت ؟؟

أحسن يوم هو الاثنين علشان أشوف حلقه جديد من ون بيس XD

8- ناوي تحج هالسنة أو لا ... وهل قد حجيت قبل ؟

للأسف ما حجيت ... لا والله ما أقدر أحج هالسنه للظروف العائلية ... ان شاء الله السنة الجاية

9- تخيل لو أنت يوم دخلت للمنتدى ولقيت إن عضويتك قد تم سرقتها .. واااع .. وش تسوي ؟؟

عادي أدق على جوال أبو الوليد وهو عاد يدبر عمره الله لا يهينه >> شكلي بنطرد اليوم XD

10- وش نوع جوالك ..؟؟

nokia express music 5800
11- وش تستخدم أكثر الرسايل ولا المكالمات ..؟؟
انا ما أحب استخدم الجوالي كثير ... مدري ليش ... ولكن أكلم وقت الحاجه بس .. ولكن الرسايل أكثر شوي
12- وش أكثر فاتورة قد طلعت لك ؟؟
بصراحه أكثر فاتورة طلعت لي كانت 800 ريال

اممممممم في بالي أكثثثثثثثثثر بس النوم ذابحن .. تصبح على خير ..

استحملن شوي تراني ثرثارة ..



جانا

شكرا جزيلا على الاسئلة الكوووووول