والله يا اخي ظاهرة البزرنجية بدت تنتشر كثير مرة وللاسف هذولا ناس مخهم مصفي ما يشوفون واحد فيه ذرة جمال الا راحوا فيهم الله لا يبلانا

وصراحة اخوي انا استغرب ردك بقوة ليش ما انهيت الوضع بقوة ليش سكت لامثاله وخليته يتمادى وراح اذكر لك قصة صارت لواحد من اصحابي وكنت طرف فيها

واحد من اخوياي تعرض له واحد مثل هذا الشئ وكان خويي كل ما نزل للصلاة لقى الشئ هذاك مصفط الكامري وقاعد يستناه يقول صاحبي امشي للصلاه وهو يمشي جنبي بالسيارة ومنزل الشباك ويكلمني وأنا أصفه

هذا الكلام حكاني اياه بعدين وقلي ابغاك تتصرف وانا ما الوم الولد لانه وحيد امه وابوه متوفى فامه مربيته تربية دلع شوي وجاء عندي وحكاني القصة وقال لي تدخل قلت له ابشر بعزك اليوم اللي بعده بس جيته قبل الصلاة بمدة وجلسنا في بيته ويوم أذن ونزلنا والاقيه موجود ورحت ابغى اكلمه وخويي يقول لي صفك منه اليوم ما راح يقرب يوم شوفك << بدي قارد ( جون سينا ) ^^

نعود للستوري وانا قلت له لازم تحسم الوضع وتنهيه وانا ما راح اجيك كل يوم خلني بس اكلمه

اول شئ تأكدت انه لحاله فرحت لمه نزل الشباك سلمت عليه رد قلت له : وش عندك هنا ؟ قال لي : ليه فيه مشكلة اذا وقفت هنا ؟ قلت له : طبعا عندي مشكلة ولا عاد اشوفك هنا بعد اليوم . قال لي بكل استهبال : الشارع باسمك ولا حقكم . قلت له : ما يخصك ولا نقعد نزودها انت جاي هنا عشان خويي فلان وهو كلمني واعطيك كلمة من الآخر اللي هي : ( لو شفت بعد اليوم هنا لا تلوم الا نفسك ) طبعا هو عصب قال لي : تهديد يعني ؟ قلت له : افهمها زي ما تفهمها بس حرك وانقلع ولا عاد اشوف سيارتك هنا بعد اليوم .. رد علي رد والله قوي : قال لي الواد ********* مشفر ^^ قلت له لا تحسبني مثلك يلا تقلع ولا اشوفك هنا ولا اقسم بالله ما يصير خير والله ورب العزة اني لاخليك تندم ندم

طبعا هو حرك وانقلع وبعدها ما عاد رجع

اخوي هذي الاشكال والله ما تجي الا بالعين الحمرا خاصة اذا كان لوحده ليش تخاف منه ؟؟؟ انت معاك الحق المفروض انت تكون القوي وهو يكون الضعيف وقصتي فوق اكبر مثال يعني هو طول الهرجة شوي وبعدين حرك غصبا عنه ولا والله اني نويت اضربه فرش << على قولة صديقي ^^

آسف على الاطالة اخي