عسى السحاب الى غدا له تماديد ** وربرب طهاه وفضل ربي يمده
عساه من طعس الاراخم إلى فيد ** يسقي ديار لي بهلها موده
ومن غير نجد المزن يعطي تخاديد ** حتى يجينا اللي كما البدر خده
تجي ضعون البدو يمه عراجيد ** وكل يشوف احباب حيه وبده
الطيب حيد دون دربه تسانيد ** من هامها بالهون لازم تضده
والقصروان شيد على غير تجويد ** تجيه صلفات الرياح وتهده
من لا يخاطر ما يحصّل مقاصيد ** ومن لا فعل ما اغناه فعل لجده

-هـ-