وعليكم السلام ..

موضوعكِ رائع ومهم أختي الكريمة
> وربما سيتهرب بعض المترجمين من قراءته والحوار فيه ..

حقا كم يقشعر بدني لتلك المناظر المخله ..
وحتى الالفاظ الشركيه ..

وسبحان الله اصبح بعض المشاهدين مستوى عصبيتهم يرتفع لما يعرف ان في لقطات سيئه حذفت
-_=
كانك انت ماشي في طريق وامامك حفره صديقك جاك وقلك ابعد من هذا الطريق شوي فيه حفره
> رحت عصبت عليه > وش فيها ؟ انا ابغى اطيح في الحفره !!

>> تفكير غريب بصراحه -_-
وبالنسبة للكلمات الشركيه .. البعض يقول انا واعي وفاهم
> مع ان ما تدخل براسي انا اقول كلمة فيها شرك او اهانه لله سبحانه وتعالى حتى لو ما اقصدها
كانك تجي عند واحد وتسبه يا ... , وبعدها تقله اصلي ما اقصد ونيتي صافيه -_-

+
ليس مستوى الوعي واحد عند الكل ..
مو الصغار بل حتى الكبار البعض منهم يملك عقول صغيره
ولا يدري عن شيء
يعني انت يا مترجم ما تقدر تضمن ان كل الي بيشاهدون ترجمتك بيفهمون
يعني الآن مشاهد العري صار عادي مشاهدتها عند بعض المشاهدين
يقول لك اصلها رسم ياخي فعادي اشوفها مافش مانع -___________________-
خلاص ياعمي ليش ما تكملها وتشوف لك انمي جنسي مره وحده ؟؟
لا اصله هذا اساسه مخل
لكن هذا الانمي اساسه مغامرات
طيب وش الفايده لما هذه القطات المخله تؤدي نفس الغرض من الانميات الجنسيه > اثارة الغرائز ؟ والسخافات ؟

لو سالت الناس اهل زمان بمختلف افكارهم عن هذه المشاهد بيقولون لك انها من اسوء ما يكون ..

اما الي يقول .. الكل براحته ..
الي يبغى يشوف الانمي الفلاني براحته
والي يبغى يترجم الانمي الفلاني براحته
محد يجبره

لكن نحن دورنا النصيحه لا بد نتدخل .. نقعد نشاهد اي شيء ونحن ساكتين الى متى ؟؟
نشوف الخراب امامنا ونقول عادي

كل شخص مسؤول .. وانت مأمور انك تنصح الاخرين .. وممكن يصل الامر لحد الاجبار اذا كان فعلهم سيء جدا جدا جدا
> كأن صديقك امامك يقول لك رح انتحر واقتل نفسي الآن > تقول له عادي براحتك ؟؟ بالعكس نمنعه اجباري

للاسف كلنا نخدع انفسنا اننا فاهمين وش قاعد نترجم وش قاعد نشاهد ونحن ولا ندري عن شيء من الاساس ..
غزو فكري .. عقولنا كانها لعبه لديهم

هممم .. في نفس الوقت .. الخير موجود .. والمترجمين الرائعين موجودين .. وحتى المشاهدين الرائعين الي يحرصون على بقاء نظرهم صافي من اي شوائب مخله موجودين

في أمان الله