السلام عليكم ورحمة الله وبركاته
ههههههه مشكله الشبه
استوالي موقف والسبه هالشبه..بداية هالكورس..دشيت الكلاس وانا اعرف انه ولا وحده من ربيعاتي مسجله وياي في هالسكشن
يعني كله بنات يداد إلا إذا لعبة الصدفه لعبتها والقى وحده أعرفها
المهم
اول مادشيت مسكتني المس الله لايبلاكم بمثلها بريطانيه عيوز ثرثاره وقالت شوفي البنات إلي في الكلاس..اتعرفين وحده منهن..ارتبكت وطالعت ولقيت وحده من زمااان ماشايفتنها وهي بنت ييرانا أيام ماكنا في البيت الجديم
قلت لها هيه أعرف فلانه إلي يالسه هناك
بالصدفه البنت طلع اسمها صح..لكن طلعت مب بنت ييرانا وانا انحرق ويهي من الفشله..إلا تقشر
صدق انحرجت جدام البنات..لكن المس رقعتها وتمت تنكت وتغير الموضوع
صدق من قال يخلق من الشبه أربعين