السلام عليكم جميعا
جزاك الله خيرا اخى عثمان على الموضوع القيم وعلى صبرك وتحملك
وانا بصراحه مستغرب من كام حاجه كده
اولا اسم اخونا كلهن ضدى
انا عاوز اساله هما مين دول اللى ضدك يا باشا ؟
ثانيا الاخ كلهن ضدى بينصح الناس والمسلمين انهم يجهروا بالمعصيه علشان يكونوا اصدق مع نفسهم ومع الناس
اسمحلى اقولك انت يا بنى لازم تتبخر ضرورى حد يبخرك لان واحد بالعقليه دى لازم يتبخر من الحسد
ممكن تتحسد وتاخد عين يجيلك عته مغولى على طول وانت عزيز علينا اوى
ده كان تعليق بسيط على ما رد اخونا كلهن ضدى
اما الباقى اللى جادلوا واستماتوا فى الدفاع عن الباطل
واخونا اسامه اللى قال على القرضاوى ومش عارف مين عالم
شوف يا اخ اسامه انا هضربلك مثال حلو اوى يبسط الامور
كام واحد بيتخرج من كليات الطب فى العالم العربى ملايين
كلهم اسما ووظيفة دكاتره
طب كام واحد فيهم زى مجدى يعقوب مثلا
مافيش او يندر
طاب كام واحد من اللى بقوا زى مجدى يعقوب بيخلصوا النيه لله وبيساعدوا وبيعالجوا الناس لله
هتقولى الله اعلم بالنيات
بس هقولك بتبقى فيه دلالات من هذا الشخص على اخلاصه منها ان ربنا يوقع فى قلبو الناس حبه وانه يلقى القبول بين الناس وسيرته تكون طيبه وكذلك لو كان منافق او مرائى هيتعرف بيتفضح فى الدنيا قبل الاخره
بالتالى ممكن نقول لفظ دكتور على اى طالب متخرج من كلية الطب ولكن ينفع نقول لقب سير او بروفسير فى الطب على اى طالب او متخرج من الطب
اهو نفس القصه على موضوع العلماء
مش كل واحد اتخرج من كلية اصول الدين بقى عالم ربانى
مش كل عالم هيبقى عالم ربانى
طب اعرف منين ؟
طبعا النيات لله ولكن هناك فتاوى بتدل على كده
هل العالم ده ليه شواذ كتير فى فتاويه
هل هل هل ؟
انت وانا وكل واحد مطالب انه يسعى على معرفه العالم الربانى اللى ياخذ منه الفتاوى
مش اول واحد انا اسف اقابله على الناصيه اقوله ما حكم مش عارف ايه واول اما يقولى انفذ اتباعا لهوى او لجهل منى بتوثيق معرفتى واطلاعى بهذا العالم
فقد قال بن سيرين ان هذا العلم دين فلينظر احدكم ممن ياخذ دينه فمن اخذ دينه عن مبتدع فتدين ببدعته فقد اخطا طريق الجنه
لازم الواحد ينتبه اوى فى اختيار العالم الربانى (وحط تحت الربانى الفين خط )اللى ياخذ منه فتاويه
اما باقى الاخوه المجادلين فانا منتظر لما سيجد باذن الله وحوله
بس عاوز اقول نقطه
علشان نبقى متفقين مع بعض فى الحوار
انا بحب النقاش بغية الوصول للحق فليس كل الجدال مذموم هناك الجدال المحمود وده بقى اللى انا بحبه
بالتالى هنتناقش بكل ادب واحترام عند اول بادره للتعصب للراى وللهوى اسلوبى هيختلف 180 درجه
واذكر نفسى واياكم بحديث ابا ثعلبه الخشنى عن النبى حين سئل ابا ثعلبه عن تفسير الايه "عليكم انفسكم لا يضركم من ضل اذا اهتديتم " فقال والله لقد سالت عنها خبيرا لقد سالت عنها رسول الله فقال"ائتمروا بالمعروف وانتهوا عن المنكر حتى اذا شحا مطاعا وهوى متبعا ودنيا مؤثره واعجاب كل ذى راى برايه فعليك بخاصة نفسك ودع عن امر العامه فان من ورائكم ايام صبر الصبر فيهن كالقابض على الجمر اجر الواحد كخمسين رجلا فقالوا له منا ام منهم يارسول الله فقال بل منكم "
يبقى من الاخر هنتناقش بغية الوصول للحق لو لقينا الاسطوانه الفارغه اياها اصلى وفصلى ماهو المجد بتذيعها ماهو روتانا بتذيعها ومش عارف ايه يبقى اسمحولى لا الاخ اللى داخل يتناقش عاوز حق ولال انا بصراحه عندى خلق او صبر استحمل عبط وعته وكتر كلام مافيهوش فايده لان الوقت اللى هضيعه معاه وفى الاخر اللى فى دماغه فى دماغه اضيعه مع حد يستاهل ويستحق انى اضيع وقتى معاه فعلا
وتقبلوا مرورى
المفضلات